Luke 12:9 - Hawa Naga Bible 2001

⁹ Yuq muinz miq htumc nuex ngvy tvdux gay jix waz kuex Miq Saz vruex raq muinz Tishox raungkamx bix htumc nuex piq kuex tvdux gay shuex.

ASII LAKDAP Bible (BSI)

⁹ Shatmaq, jurwa apaiq ka Maiq Se kra sengi riimak nguta, nokwe man na ngi ka tiishaü tlaq, kriiti ka Maiq Se riimin, rasetiim man na apaiq ka asengi riimak nguta atiishaü mirwan.

Muklom

⁹ Etharin utang miq aa miqtang jakho o nga sha chik ajo, Miqna Sa etho Shkewa rangkamwa tang jakho o piq sha chik eq na.

Luke 12:9 Referencias Cruzadas

Matthew 10:33

Yuq muinz miq htumc nuex ngvy lvlc gay jix kuex raungmungx nuex httax yaq i-Waz htumc nuex ngaz rueq lvlc gay shaungx.

Matthew 25:12

Waz nyalx waz rueq tvralc tueq, ‘Nuimhez muex ngaz rueq vsuing jungx ix, ngaz rueq nuimhez kuex tuiuz mauk,’” ngoz kuq tueq.

Matthew 25:31

“Miq Saz vruex kuex raungkamx bix lotlaz rulc vdvmz nuex Hokhvmx raz tueq httuiuc kaz tuex nuex, hoc daungraungc htauk nuex ngaungc vtueq,

Matthew 25:41

“Kvruex yimaq vpiq yauk phvrx kox nuex httaz jix htenc muex, ‘Mvnhttonc rvhumc jix htenc lex, ngvy kox wawc rv-phvlc wvnc kuinz! Htaungc nuiyc piq kamx waz hez tvkoc vtvyoalc taq pattup wvr mungx kvyuq kaz wvnc kuinz!

Matthew 7:23

Kvkaq, ‘Ngaz rueq nuimshiq mkaq muinz tuiuz mauk, layx bac jix miqsaz htenc lex, ngvy kox wawc kaz wvnc wuez kuinz!’ ngoz tueq ngaz rueq tsuingshiq muex ngoz shaungx.

Mark 8:38

Yvmx khoc lac ngoz ruiux lec vyaq vrax jix nuiyc mvrax vhttax jix nuk lex, ngaz nuiyc ngaz rueq tvluing vshaungx bomjungc muex yvlc svy jix waz kuex, Miq Saz vruex vpiq Waz ngauz vngax nuiyc vsawc raungkamx waz hez rulc httuiuc kaz tuex nuex kvruex waz muex tvyvlc sac gay shuex,” ngoz tueq jungx tueq.

Luke 15:10

Kvrulc rv-ngvlc ngaz rueq nuimshiq muex jungx kuq ix, Tishox raungkamx bix kuex mvrax vhttax miq washiz thuinz kvlayc wvnc ningkhvnc nuex kokez wuez yaq,” ngoz tueq.

Luke 22:57

Yuq muinz Peter rueq, “Yalxjuik nyuiuz lex, vpiq kuex ngaz rueq tuiuz mauk!” ngoz tueq.

Luke 9:26

Miq washiz shiz kuex ngaz muex nuiyc ngaz rueq tvluing shaungx kvjaz kvmac yvlc sac ruiux yuq, Miq Saz vruex kuex vpiq ngauz vngax maq muinz, Vwaz ngauz vngax maq muinz, vsawc raungkamx bix ngauz vngax maq muinz httuiuc kaz tuex nuex, kvruex waz ningkhvnc nuex yvlc sac tuex.

2 Timothy 2:12

Naungshiq rueq tvhttoarc vtueq nanx ruiux yuq naungshiq vpiq rulc vdvmz nuex guimz wvnc lvp shix. Naungshiq rueq vpiq kuex tvdux gay ruiux yuq vpiq rueq muinz naungshiq kuex tvdux gay phuex.

1 John 2:23

Vsaz muex tvdux gay jix waz kuex Vwaz muinz tvdux gay jix waz rvtueq; Vsaz lvp wvnc jix waz kuex Vwaz muinz lvp wvnc jix waz rvtueq.

1 John 2:28

Rvtueq, isaz tamx lex, vpiq httuiuc kaz tuex nuex nuimshiq kuex yvlc svy muex kvhtuiyq rax muq maq vpiq khaungkac nuex khvmc thuinz lvp wvnc rawc nuex vpiq rulc vshiz dvyx yaungx wuez kuinz.

Revelation 3:8

Mnoz rueq shuimx vshuiux yauk shuimc kuex ngaz rueq tuiuz yaq; mnoz nuex luimc vkawc raungluingx saz dvyx httax yaq, yuq muinz ngvy rueq tvluing kuq phaungx kuex phvnx vtueq ngvy htauk nuex tvmtuing httax vtuiux kuex ngaz rueq tuiuz yaq. Mkhaungkac nuex uraq muinz shauk lot muq kaluix vshiz ngaz rueq daz shec tauk.