Luke 12:4 - Hawa Naga Bible 2001

⁴ “Ngvy kungjix htenc lex, nuimshiq muex ngaz rueq jungx kuq ix, gvnngvmx dvyx thvt gay lot ruiux vganc yvmx muinz rvlot muq jix kvmac nauk hiz kaz.

ASII LAKDAP Bible (BSI)

⁴ “Kongtitiim le, ngi chongpha, tai ronglaq. Hanngam khum tsea baiq jai maq, wenyi rilung tsatbaiq wanlot makti miika, naqhai rongkiq.

Muklom

⁴ Inokwa tang, nga nim ma batphang, utang eq nim hanphung sha tashitna etharin iri jio chamtho jin som moq ang inn jo ning shima nak cho inn.

Luke 12:4 Referencias Cruzadas

TAKSU LAK 29:25

Miqmac kuex miq vganc jix rueq yvmx khoc wuez khiz tvmaung yaq nguinx kuex rvwvlc tvmaung jix tvkoc kvhiz juing httax yaq, yuq muinz Yehowa nuex rvwak jix waz kuex kvwungx rvwvnc tuex.

ASHICHONG 5:1

Ngaz rueq lungwawx vphaungx nyuiuz, ijuik nyuiuz nyalx nyuiuz lex, ngaz kuex ngvy sunc nuex shex nyuip waung tauk. Ngaz kuex murra nuiyc vhomc pulx tix kuex tvjomx vshaungx; ngaz rueq nyaq ngurx nuiyc nyaq wawx kuex saq vshaungx; svpiq tix nuiyc puix muinz nuingx vshaungx. Lungwawc kungjix bix lex, saq shuinz, nuingx shuinz, lungwawc thuinz maq pawx laz juing nuingx shuinz!

ASHICHONG 5:16

Piq nuix kuex vshup muex hvlx yaq; piq honc vyaungc phvnx ruip kuex vroc svy juing. Yerusalem shvlx rulx lex, vruex kuex ngaz rueq lungwawx vshaungx waz shvmx vrvmx rvtueq.

ISAIA 41:8

“Yuq muinz mnoz, ngvy nvrc waz Israel lex, nuimshiq kuex ngaz rueq vthvl miq htenc rvtuit, nuimshiq kuex ngvy kungjix Abraham suiuz vsaz hez rvtuit.

JEREMIA 1:17

Yeremia lex, kvtenc kuiuz; ngaz rueq jungx nvr phaungx phvnx ruip saz kuex tsuingshiq muex jungx kaz kuiuz. Tsuingshiq muex nauk hiz kaz, mnoz kuex tsuingshiq muex hiz tuiux ngoz ruiux ngaz rueq mnoz kuex tsuingshiq khaungkac nuex jvnc vtueq tvhiz sungx phaungx.

JEREMIA 1:8

Tsuingshiq muex nauk hiz kaz, ngaz rueq mnoz muex tvkhup wungx kuy tvkoc mnoz rulc vdvmz httax taungx. Ngaz, Yehowa kvjaz rvtueq!” ngoz tueq jungx tueq.

EJEKIEL 2:6

“Yuq muinz, miq waz lex, mnoz kuex tsuingshiq muex muinz tsuingshiq rueq yvmx jungx ruiux muinz nauk hiz kaz. Tsuingshiq rueq mnoz kuex tuingshaung vtueq yomnamc kv-phux; kvruex kuex phvmx htenc hvlwvl nuex httax yaq ikhoc yaungx tuex. Tsuingshiq rueq tvgap gawx yaq nuiyc tsuingshiq rueq jungx yaq phvnx ruip saz kvmac nauk hiz kaz.

Matthew 10:28

Gvnngvmx thvt gay lot ruiux siyac kuex thvt gay lot muq jix kvmac nauk hiz kaz; siyac rulc nongx gvnngvmx kuex ngarvyx mungx nuex tvdvy gay lot jix waz Tishox muex dvyx kvhiz wuez kuinz.

John 15:13

Kungjix bix tvkoc miqmac rullungx lekuy gay nuex httuiuc laz lungwawc thuinz httax yaq htauk nuex lvy vtueq lungwawc thuinz kuex vguez shex.

Acts 20:24

Yuq muinz ngvy tvkoc ruiyrawz kuq shec phuex yauk shuimc nuiyc Taungjix Yesu rueq vkuq yauk shuimc kuex tvlot laz shuimc tvkoc dvyx ngvy htauk nuex httax yaq ningkhvnc nuex ngvy thuiuzthuic momaq kay muex ikhunc nyerc sac muq. Taungjix rueq vkuq yauk shuimc kuex Tishox kejux lvmx Thuix Thaungx Vhvlx tvtay kuy tvkoc dvyx rvtueq.

Acts 4:13

Peter nuiyc Yohan kuex luik vlvyx muinz thenc muq miq rvhvt maq khvmc thuinz yunghvlc httax yaq kuex Suingdaungx Muingdaungx nuex lomx yaq walaungx bix rueq khiz vtueq vwangc rvwuez tueq. Tsuingnueyc kuex Yesu kung vkamz jix muex yaungx tueq kuex tsuingshiq rueq rvwvl lvp wuez tueq.

Philippians 1:28

Nuimshiq kuex ralx muex nauk hiz kaz; mkaq muinz khvmc thuinz httax wuez kuinz, kvkhoc ngoz ruiux yuq ralx kuex sumx wvnc vtueq, nuimshiq rueq taungx wvnc shuinx lvmx ralx muex hakhix tvkhic shuinx, yvmx khoc lac ngoz ruiux lec nuimshiq muex tvtaungx kuy jix waz kuex Tishox rvtueq.

James 2:23

Kvkhoc rvtueq, “Abraham kuex Tishox muex kvmluimx wvnc tueq, piq kvmluimx ningkhvnc nuex Tishox rueq piq kuex tsuingrux waz ngoz tueq lvp wvnc tueq,” ngoz tueq Rumvrc luik nuex jungx tueq kuex hungx waung vtuex. Kvkhoc rvtueq Abraham kuex Tishox kungjix waz ngoz tueq ngoc kuy rvhumc tueq.

1 Peter 3:14

Yuq muinz mkhoc shoc maq nuimshiq rueq vlvmx shuimx yaq rvhvt maq nuimshiq kuilc daz rvhumc ruiux kuex, nuimshiq thuinhvlx httax yaq! Ukhaq muex muinz nauk hiz kaz, nauk rvwvl kaz.

Revelation 2:10

Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.