Luke 12:1 - Hawa Naga Bible 2001

¹ Kvruex baunglaung miq paunghvlc vhingc maq rvtuimx kaz vtueq vdvmz dvmz rvnuiuz wvnc nuex httuiuc laz rv-phungc kaz koq tueq. Yesu rueq vpiq sangac hez muex kungkhux jungx phaungc wvnc tueq kuex, “Pharise nuk kvyonc yuk ngoz yaq wisiz kuex koayc wuez shuinz.

ASII LAKDAP Bible (BSI)

¹ Mungmaiqse ka ahing amun adam na maiq thaq niili maiq riiphongrai wanto. Kra akhing na Jesuq raq ajaqshisetiim ma tsii chongke akha chongkuqto, “Phorisinok mongnam tsantsii rüm tlaq kra raq, maiqse tsantsii ka ahea rümti kiimin pi maq asho ikha, abi lam na tiinyam sho wan tlo. Kra tsangshiq pi thop raq namshiq hon atsii ka nyam mak chang miitu, namshiq ka maiqmii honkamshat maq si rong laq.

Muklom

¹ Hayat miqtang Jesu raaq tha tatma thajoq thuta etho ning ni ning tathum jangta, Jesu aa ujiphantey tang ma phang batta, “Phorisi tang uwun phan ban wang rangtun eq tong inn.

Luke 12:1 Referencias Cruzadas

2 HOKHVMX 7:17

Israel hokhvmx waz bvmc lawc yauk shuimc jix vyungx vlaungx waz kuex kvruex baunglaung ghaqyungx palx kaluix bvmc jix hez kuex shunshvlx lawc yaq. Piq kuex miq htenc rueq nuiuz gay koq tueq thueyc kaz tueq. Elisha rulc rvhumc kay hokhvmx waz kaz tueq nuex jungx kuq tueq bomc rulc rv-ngvlc yaungx wvnc tueq.

YOBA 20:5

layx bac jix miqsaz kuex loayc hvlc kokez lvp muq lvmx mnoz rueq tuiuz yaq,

YOBA 27:8

Tishox rueq tishox vguez miqsaz htenc rullungx kuex thoz shuex vkhing nuex tsuingshiq tvkoc yvmx tvluimc juing lac httax tvnx?

YOBA 36:13

Tishox vguez miq kuex vkhaq vraq dvyx raz tueq, tsuingshiq muex murx tvgurc tvhumc ruiux doc muinz, romc kuy tvkoc vjux thoz wuez muq.

ISAIA 33:14

Mvrax kop yaq tueq Zion miqsaz htenc kuex hiyaz kvkhuirc wuez yaq. Tsuingshiq rueq, “Tishox rueq phox yaq kuex pattup tsauz yaq wvr ikhoc rvtueq. Tsuingshiq kvwawc mruex jix waz lac kvkhoc wvr kvyuq rullungx tvraungx httax lot yaq nguinx?” ngoz tueq jungx wuez tueq.

Luke 11:44

Nuimshiq kuex kvhiz juing lvp tuit! Nuimshiq kuex vtvtsuingc juing vguez, miq rueq tuiuz muq rvtueq vkhuemc juing lvmx muex tvyaungc gay yaq luip ruiuz khux rulc rv-ngvlc rvtuinx.”

Luke 12:56

Kvyonc yuk thuinz httaz jix nuk lex, raungx nuiyc ghaq shvmx kuex tuiuz vshuinx rvyruiux, majuiuc pat nuex seng yaq vlvmz kuex yvmx ngoz tueq lac tuiuz muit rvlaq shuinx?

Luke 5:1

Raungnuiyq shiz Yesu kuex Genesaret jumx kawx nuex jvp yaq nuex, miq htenc kuex Tishox bomjungc tay kay ngoz tueq miq htenc kuex vpiq kox nuex rv-phungc mvrc kaz tueq.

Luke 5:15

Yuq muinz Yesu thaungc kuex baung ruip saz nuex thaungbaungx wvnc ningkhvnc nuex nuk miqsaz htenc kuex bomjungc tay kay nuiyc tsuingshiq vthuiuz vsac htenc kuex hvlc kay tvkoc rvtuimx kaz tueq.

Luke 6:17

Yesu kuex kamx waz hez rulc roc nuex kanx maq svt kaz vtueq ghaq htungx nuex httuiuc kaz tueq, kvruex yuq vpiq sangac bix phungc shiz kvdvyx muinz rvmuq, Yuda mungx nuiyc Yerusalem ghaq wawc muinz, svmuktvrax yuix kawx wawc Tire nuiyc Sidon wawc vkaz miq muinz paunghvlc vhttax rvtueq.

Acts 21:20

Kvkhoc jungphvnx tueq kvjaz kuex tsuingshiq rueq tay vtueq, tsuingshiq rueq Tishox ngauz vngax kuex tvtsvmc kvmc wuez tueq. Kvruex yimaq Polu muex, “Phunox waz lex, Yuda miqsaz wawc kvmluimx jix miqsaz vhingc vmunc httax yaq lvmz nuiyc tsuingshiq lotlaz kuex Tvrac muex thuinz tvluimc jix hez rvtueq lvmz mnoz rueq tuiuz vshuiux.

1 Corinthians 15:3

Ngaz rueq vlvp nuimshiq muex kuq vphaungx vkhek pinhtumc phvnx htenc kuex: Rumvrc luik nuex httax yaq rulc rv-ngvlc Christu kuex naungshiq mvrax tvkoc nuex vthueyc khvmc tueq lvmx;

Hebrews 12:22

Nuimshiq kuex Sinai Kanx tvraung Zion Kanx nuex raungkamx bix vhingc paunghvlc maq httax yaq vtvraungx Tishox ghaqyungx ngoz yaq raungmungx wawc Yerusalem nuex httuiuc wvnc wuez vtuinx.

James 3:17

Yuq muinz raungwawc vhttuiuc kaz taksux tharc kuex vphaungc shauk vsawc rvtueq, kvruex yimaq nomic yaq, kenrix thuinz nyenz nuiyc kungjix kamjix tvyaungc yaq kvdvyx muinz rvmuq, lungwawc menjenc thuinz mvrc vtueq vhvlx phvnx shuimc vkay ngoz yaq vpuic vthuey htenc kuex tvyaungc kuq yaq; kvruex kuex htvlx phawc thvlc httauk nuiyc kvyonc yuk lvmz lomx muq.

1 Peter 2:1

Kvkhoc rvtueq nuimshiq rueq honc vbac phvnx lotlaz nuiyc laulawc lvmz, kvyonc yuk lvmz, khelric bac nuiyc yomnamc kvjaz htenc kuex gay wuez shuinz.