Luke 10:15 - Hawa Naga Bible 2001

¹⁵ Kapernaum ghaq lex! Mnoz muinz raungx nuex httuiuc laz tenc haz roc vshuiux? Wulumx mungx nuex httuiuc laz tvdvy gay rvhumc tuiux!”

ASII LAKDAP Bible (BSI)

¹⁵ Kiimahali, namshiq Kaparniam chelati le! Riita, namshiq sha ramungtan na dü wanti ngukai! Ngi chongpha. Namshiq ka wamungtan niishe mitiidea baiq!”

Muklom

¹⁵ Etho Capernaum samhaq, nim aa nim ni nim rangma mungtan náng thula aluk tathin shing tin i? Nim raa walmungtan náng sey bichak phanin!”

Luke 10:15 Referencias Cruzadas

RAPHA HIQWA LAK 11:4

Tsuingshiq rueq, “Raungx nuex kvhtuy laz lunghtuimz rulc vdvmz ghaqyungx kuex tec wuez ix, vkhoc raz tueq naungshiq muingjungc dungc muex nuiyc mungkawx baung ruip saz nuex rv-phvlc nyanc kaz miq laung nuex guirx ix,” ngoz tueq rvjungc wuez tueq.

ISAIA 5:14

Wulumx mungx kuex tsuingshiq tvkoc khvmz svy thuiuz muex vnuix kuex tvkac taq yaq. Kvruex kuex Yerusalem wawc vyungx vlaungx bix rulc vdvmz nuex rvmulc tsvlc thuirx tvruingx yaq miq talaz daungx htenc kuex yuk gay tueq.

JEREMIA 51:53

Babelon kuex raungx nuex duiz lvp vtueq kvruex yuq hunglaungc httaz hvlc nolaungx ghaqshungc guirx ruiux muinz, kvruex tvbac gay tvkoc miq htenc ngaz rueq tvkaz shaungx. Ngaz, Yehowa rueq jungx tauk.”

EJEKIEL 26:20

Mvnnuex pat maq phuex httax yaq hez rulc vdvmz httaz tvkoc ngaz rueq mnoz kuex wulumx mungx nuex tvkaz gay phaungx. Ngaz rueq mnoz kuex vthueyc vmvy rulc mkaq muinz rvtuimx yaq pattup pat-sac bac wvnc juing baung ngoz yaq, kuiyqshuik ghaq mungx nuex tvhttax phaungx. Kvruex vmauk kuex mnoz rueq mkaq muinz htanc waung yek tuiux rvmuq, mnoz rueq tvraungx jix hez mungtan baung kuex guimz waung lvp tuiux rvmuq.

EJEKIEL 31:18

“Kvruex pulx kuex Ejip hokhvmx nuiyc piq miqsaz lotlaz rvtueq. Eden sunc nuex kemz yaq pulx htauk nuex muinz vluz maq kvpalx nalx yaq. Yuq muinz majuiuc kuex Eden sunc nuex kemz yaq pulx htenc ikhoc mnoz kuex wulumx mungx nuex kaz wvnc vtueq, kvmluimx muq jix nuiyc ralx nuex vthvt gay rvhumc jix htenc rulc vdvmz httaz ngaungc wuez tuex. Johvlc Yehowa ngaz rueq jungx vshaungx.”

EJEKIEL 32:18

Vpiq rueq, “Vthueyc rvyaq miq lex, Ejip mungx wawc miq lotlaz tvkoc khoar nyerx kuiux. Tsuinghez kuex vganc luimc vkawc yunghvlc miqphvnx htenc rulc vdvmz wulumx mungx nuex tvkaz gay shuiuz.

EJEKIEL 32:20

“Ejip miqsaz kuex ralx khvt nuex thvy gay rvhumc jix rulc vdvmz rul wvnc wuez tuex. Tsuingshiq lotlaz kuex yaung maq thvy gay tvkoc tvyoalc yoalx shex.

EJEKIEL 32:27

Tsuingshiq kuex wulumx mungx nuex wvkoz wvlaq maq kaz wvnc vtueq, tsuingshiq yaung kuex khux daung khung nuex taq ruiux, tsuingshiq maungx htenc htauk nuex lak maq puingc yaq kungkhux wawc shvrvyx bix ikhoc tvtsanc nganc rvhumc ruiux luip gay rvhumc tueq. Vruex shvrvyx bix rueq vtvraungx mungkawx kuex tvhiz sungx tvkoc laukshiz luimc vkawc vmvrx httax wvnc tueq.

Obadia 1:4

Mnoz rueq m-yuimx kuex lawx jez ikhoc johvlc baung nuex tvhungx taq vtueq, kvruex kuex ruiysuiyq htenc hvl nuex httax yaq ikhoc ngoz ruiux muinz, ngaz rueq mnoz kuex lak tvdvy gay phaungx.

Matthew 10:28

Gvnngvmx thvt gay lot ruiux siyac kuex thvt gay lot muq jix kvmac nauk hiz kaz; siyac rulc nongx gvnngvmx kuex ngarvyx mungx nuex tvdvy gay lot jix waz Tishox muex dvyx kvhiz wuez kuinz.

Matthew 11:23

Kapernaum lex! Mnoz kuex raungmungx nuex httuiuc laz tenpic kuy rvhumc taungx ngoz tueq haz tvmaung vshuiux? Wulumx mungx nuex httuiuc laz tvdvy gay juex rvhumc tuiux! Yvmx khoc lac ngoz ruiux lec mhtauk nuex vwangc juing vshuimx wvnc kuex Sodom nuex shuimx wvnc ruiux yuq, kvruex ghaq kuex majuiuc raungnuiyq nuex httuiuc laz phaungx ngaungx khvmz tueq!

Matthew 4:13

Vpiq kuex Nazaret nuex httax muq maq, Zebulun nuiyc Naphtali mungx Galile jumx kawx hep wawc Kapernaum ghaq nuex httax kaz tueq.

Luke 13:28

Nuimshiq rueq Tishox Mungtan nuex Abraham, Esak, Yaku nuiyc shvmmax bix lotlaz httax yaq kuex nuimshiq rueq khiz shec ruiux, nuimshiq shauk gvnz kuex yuz phic nuex tvdungc gay rvhumc tuinx nuex, nuimshiq kuex pinhtumc khoarsez vtueq rung vwac tvtsuir tvjet yaungx tuinx nyix!

Luke 16:23

Piq kuex wulumx mungx nuex kuilc daz rvhumc vtueq, raungx kox nuex kac lawc koq tueq Abraham yaz pemc nuex woalc yaz Lazaru kuex khiz tueq.

TRI CHONGKE 1:28

Nuiyshiq kuex kvruex mungx kvyuq yvmx ngoz tueq tvkay lac? Nuiyshiq kuex kvhiz vtix. Nuiyshiq rueq tvkaz tiq jix rueq jungc kuex kvruex mungx wawc miq kuex naungshiq htauk nuex muinz hungc vlaungc httaz hvlc, vyungc vloayc muinz yungc loayc hvlc, tsuingshiq kuex raungx nuex kvhtuy laz vruk ghaqshungc mungx nuex httax yaq. Pinhtumc yungc loayc hvlc miq kuex khiz shec tueq,’ ngoz tueq nuimshiq rvjungc phvnc wuez vtuinx.

2 Peter 2:4

Tishox rueq mvrax yaq jix raungkamx bix doc muinz raungluingx muinz tvjungx muq maq ngarvyx nuex tvdvy gay ruiux, kvruex yuq raungnyauk mungx nuex khvrc gay ruiux Khac phoc Raungnuiyq kuex bvmc httax yaq.