Biblia Todo Logo
La Biblia Online
- Anuncios -




Luke 1:75 - Hawa Naga Bible 2001

75 Kvkhoc rvtueq naungshiq kuex naungshiq rullungx wvlex vpiq htumc nuex vsawc maq tsuingrux jix htenc yaungx wuez vtix.

Ver Capítulo Copiar

ASII LAKDAP Bible (BSI)

75 Krai mren, nashiq ka rilung pattup Asii maiqse she mija wan rong i. Kiimaq kechu maiqse miishe mija wan rong i.

Ver Capítulo Copiar

Muklom

75 Irimal ang ajo hiqtang ujakhona salwet asang etho jaqhal lam o tong ni.

Ver Capítulo Copiar




Luke 1:75
19 Referencias Cruzadas  

Tsuingshiq kuex ngvy tvkoc ngaz rueq vhttauk taq miqsaz htenc rvtueq, tsuingshiq rueq ngaz muex tvtsvmc kvmc kvjaz htenc maq shix wuez tuex!” ngoz tueq jungx tueq.


“Lex bvlic yac, lex bv-ngac yac, lex mvshix yac nuiyc lex rokshiz yac nuex phuiuz svy mamc kuex kokez juing phuiuz svy moalx muex yaungx vtueq, Yuda miqsaz tvkoc vkokez juing moalx yaungx wvnc tueq. Kvkhoc rvtueq nuimshiq rueq nomic lvmx kuex raungc raq wvnc wuez shuinx.”


Piq rueq miqwaz saz jawx shuex, mnoz rueq vpiq muingc kuex Yesu ngoz tueq muingc shuiux. Yvmx khoc lac ngoz ruiux lec vpiq miqsaz htenc kuex mvrax mungx wawc palc tvdungc wvnc jix waz rvtueq,” ngoz tueq.


Naungshiq kuex Christu Yesu rulc vshiz dvyx yaungx vtueq vpiq htumc nuex mvrax vguez maq, vsawc miqsaz muex yaungc wvnc tvkoc mungkawx max tvdung sung nuex phuex naungshiq kuex Tishox rueq thvl taq shec phuex. Tishox rueq vpiq lungwawc thuinz maq,


Naungshiq kuex Christu Yesu rulc vshiz yaungx vtueq, vpiq rueq vtvhungx htaungx shec yauk shuimc vhvlx kuex shuimc kay tvkoc, Tishox rueq naungshiq kuex tvdung sung shec phuex.


Nuimshiq kuex Tishox shvmx yac kuex phvnx vtueq vtvdung taq shvmx vnyalx kuex svmx vtueq kvruex yuq tsuingrux nuex seng yaq vsawc rullungx tvraungx lvmx kuex tvkhic wvnc shuinx rvtueq.


Nuimshiq nuiyc nuimshiq suiuz vsaz phvnx htenc tvraungx httax ngaungc tuinx wawwawx Yehowa nuimshiq Tishox muex hiyaz tvtsanc nganc wuez shuinz. Nuimshiq kuex kvruex mungtan kvyuq loayc hvlc httaz lvp tvkoc ngaz rueq kuq phaungx tvrac htenc kuex phvnx wuez shuinz.


Tvsuip nuex, phunox bix lex, Tishox rueq raungc raq laz juing nuimshiq yvmx khoc rullungx tvraungx juing lac kuex nuiyshiq kox wawc nuimshiq rueq tvluing wvnc tuit shex. Nuimshiq kvruex khoc rullungx tvraungx httax wuez vtuinx. Kvruex htauk nuex jvnc vtueq shuimc lvp tvkoc Taungjix Yesu muingc maq nuimshiq muex nuiyshiq rueq htuiuz shuiuz jungx vphix.


Tishox rueq naungshiq kuex sahtok sapawx tvyaungc tvkoc gvl taq shec phuex rvmuq, vsawc rullungx tvraungx lvmx nuex httaz tvkoc gvl shec wvnc phuex.


Taungjix rueq lungwawx yaq phunox bix lex, nuimshiq ningkhvnc nuex nuiyshiq rueq Tishox kejux kuex mkaq muinz tvtsvmc lvp roc vshix. Yvmx khoc lac ngoz ruiux lec Tishox rueq nuimshiq kuex vsawc miqsaz tvyaungc jix Siyac luimc vkawc maq muinz, tsuingrux muex kvmx jix nuimshiq kvmluimx lvmx maq muinz, vphaungc palc daungc wvnc rvhumc jix htenc ikhoc muex nuimshiq kuex thvl wvnc tueq.


Tishox rueq naungshiq kuex palc daungc wvnc vtueq, vpiq miqsaz muex thvl wvnc phuex kuex naungshiq rueq shuimx wvnc tiq vhvlx phvnx shishiz ningkhvnc nuex rvmuq maq, vpiq kvmungx thuinz nuiyc kejux htauk maq rvtueq. Vpiq rueq mungkawx vphaungc vyaungc nuex phuex Christu Yesu maq naungshiq muex kvruex kejux kuex kuq phuex,


Síguenos en:

Anuncios


Anuncios


¡Síguenos en WhatsApp! Síguenos