Luke 1:6 - Hawa Naga Bible 2001

⁶ Tsuingnueyc kuex Tishox htumc nuex vtsuing vrux miq ningkhvnc nuex Taungjix tvrac htenc nuiyc nvrc bomc htenc lotlaz kuex phvnx wuez tueq.

ASII LAKDAP Bible (BSI)

⁶ Tsangnai wiita ka Shiikeawe maklii na kechu maiqse sii riito. Tsangnai ka Tatiwe tri raütu nai aming thun kra, kunkun lang raüta siti maiqta ashi.

Muklom

⁶ Shkewa jakhona ningni rollung tha aqhal angta etho ningni aa Teyhungwa raaq nia thong tha jaqhal eq tatna ta.

Luke 1:6 Referencias Cruzadas

RAPHA HIQWA LAK 17:1

Abram kuex rullungx wawc 99 nuex Yehowa kuex piq muex kvkhic vtueq, “Ngaz kuex Tvphaungc Tvsuip Tishox rvtauk. Ngvy kvjaz kuex phvnx vtueq vlvmx yauk shuimc kuex mkaq muinz shuimx shuiuz.

RAPHA HIQWA LAK 6:9

Vruex kuex Noa mvnphvnc rvtueq. Piq sahez kuex Shem, Ham, Japhet ngoz tueq wathuimx httax yaq. Noa piq pat nuex mvrax vguez miq hvlx kuex piq dvyx rvtueq. Piq kuex Tishox rulc rvnvp hvt httaz jix waz rvtueq,

RAPHA HIQWA LAK 7:1

Yehowa rueq Noa muex ngoc, “Nuimshiq yuimx wuinz lotlaz kuex svngpholix nuex nyuip wuez kuinz; mungkawx vyuq vlvmx yauk shuimc jix mnoz washiz dvyx rvtoq kuex ngaz rueq khiz vphaungx.

1 HOKHVMX 15:5

Dawid kuex vpiq rueq raungc raq yaq yauk shuimc htenc shuimx ruiux, Hitti phvnx Uria khuec vlvmz maq lvy vtueq, vpiq rueq nvr tueq htenc kuex mkaq muinz tvlvlc muq maq phvnc ningkhvnc nuex Yehowa rueq vkhoc shuimx yaq rvtueq.

1 HOKHVMX 9:4

M-waz Dawid rueq shuimx tueq ikhoc thuinz vlanx nuiyc tsuingruik ruik thuinz maq ngaz muex mnoz rueq shuimx kuq ruiux, ngvy tvrac htenc kuex tay phvnx vtueq ngaz rueq mnoz muex nvr phaungx phvnx ruip saz shuimx kaz ruiux yuq,

2 HOKHVMX 20:3

“Yehowa lex, ngaz kuex mnoz muex tvmtuing httax vtueq tsuingrux maq shuimx kuq ruiux, mnoz rueq ngaz muex tvshuimc roc vshuiux yauk shuimc mkaq muinz shuimx vshaungx yauk shuimc htenc kuex rvwvl shuiuz.” Ngoz tueq piq kuex khuip khaq laz juing gushuex guz khoar tueq.

2 KAÜWA WERAÜ 17:4

Piq kuex Israel hokhvmx bix rueq shuimx tueq ikhoc phvnx muq maq vwaz Tishox muex nawk palx vtueq, Tishox rueq nvrc bomc htenc kuex phvnx tueq.

YOBA 1:1

Uza mungx nuex vmuingc Yoba ngoz yaq waz httax yaq, piq kuex Tishox muex nawk palx jix nuiyc vpiq muex tvmtuing httax yaq waz rvtueq. Piq kuex miq hvlx washiz ningkhvnc nuex honc lvmz hvt maq layx bac yauk shuimc yvmx muinz shuimx muq waz rvtueq.

YOBA 1:8

Yehowa rueq, “Ngvy nvrc waz Yoba kuex mnoz rueq tvtsuingc vshuiux haz? Piq kuex kvmluimx jix miq hvlx waz rvtueq, piq kvkhoc ghaq htauk nuex washiz muinz vguez. Piq rueq ngaz muex nawk palx kuq vtueq honc lvmz hvt maq layx bac yauk shuimc kuex yvmx muinz shuimx muq,” ngoz tueq jungx tueq.

Tvtsvmc 119:6

Mnoz nvrc bomc htenc lotlaz kuex ngaz rueq tay phvnx ruiux yuq, ngaz yvlc svy rvhumc taungx rvmuq.

Luke 1:7

Yuq muinz Elisbet kuex saz guez nyuiuz rvtueq, tsuingnueyc kuex rullungx muinz nyuiuz waz shex rvtueq.

Luke 16:15

Yesu rueq tsuingshiq muex, “Nuimshiq rueq miqmac shauk vgvnz kuex tsuingrux jix ikhoc miqmuik lawc nuex kvyaungx shaungx vtuinx, yuq muinz Tishox rueq nuimshiq thuinz vmungx kuex tuiuz yaq. Yvmx khoc lac ngoz ruiux lec miq rueq vhtawz vtsanz raungc raq yaq hup svmx htenc kuex Tishox khaungkac nuex htawz guez yaungx yaq.

Luke 2:25

Kvruex baunglaung vmuingc Simeon ngoz yaq miq washiz kuex Yerusalem nuex httax yaq. Piq kuex miq hvlx washiz, Tishox muex hiyaz tvtsanc nganc vtueq Israel miqsaz palc daungc wvnc lvmx thuinz tvluimc bvmc jix waz rvtueq. Vsawc Siyac muinz piq htauk nuex httax yaq,

Acts 2:25

Vpiq nuex tvhungx vtueq Dawid rueq vkhoc jungx shec tueq: ‘Ngaz rueq Taungjix kuex mkaq muinz khiz hvt dvyx khiz vshaungx; ngvy thuinz phec rvhumc mauk tvkoc vpiq kuex ngvy hep nuex httax yaq.

Acts 23:1

Polu rueq phoc waz bix htenc kuex lawc tvtsuingc vtueq, “Ngvy phunox Israel miqsaz lex! Ngaz kuex majuiuc raungnuiyq nuex httuiuc laz pattup Tishox khaungkac nuex thuinz vsawc hunghtaungx yaq maq rullungx tvraungx httax tauk,” ngoz tueq.

Acts 24:16

Kvkhoc rvtueq ngaz kuex Tishox htumc nuex nuiyc miqsaz htumc nuex miqmac kvguirc guenc thuinz vsawc httaz tvkoc mkaq muinz hunglaungx vtaungx.

Acts 8:21

Tishox khaungkac nuex mthuinz vmungx tsuingmuq ruxmuq ningkhvnc nuex nuiyshiq yauk shuimc vyuq mnoz tvkoc lomx lot muq.

Romans 8:4

Tishox rueq vkhoc shuimx wvnc tueq lvmz kuex naungshiq rueq gvnngvmx thuinz rueq roc yaq ikhoc rvmuq maq, Siyac thuinroc lvmx nuex rullungx tvraungx vtix naungshiq rueq Tvrac nuex httax yaq tsuingrux lvmx kuex phvnc tvhungx tvkoc rvtueq.

1 Corinthians 11:2

Nuimshiq rueq ngaz kuex mkaq muinz rvwvl vtueq, ngaz rueq kuq shec phaungx tvluingc jungphvnc lvmz kuex nuimshiq rueq phvnx vshuinx ningkhvnc nuex nuimshiq muex tvtsvmc kvmc vphaungx.

2 Corinthians 1:12

Nuiyshiq thuinz vmungx nuex sawc ric maq kvsomc parc juing lvmx vshiz kuex, vruex mungkawx nuex naungshiq thuiuzthuic tvraungx vtix lvmx, jvnc vtueq nuimshiq rulc rvbomc nyamc vtix lvmx kuex miqsaz taksux tharc nuex rvwak miq maq, Tishox kejux luimc vkawc maq naungshiq kuex Tishox rueq vkuq vtsuing vrux thuinz maq yauk shuimc lvmx rvtueq.

TRI CHONGKE 5:33

Nuimshiq rueq khvt lvp wvnc shuinx mungtan nuex rungwanx vtueq tvhttoarc httaz wvnc tvkoc tvrac httax yaq lotlaz kuex phvnc wuez rax.

Philippians 2:15

Kvkhoc ngoz ruiux jix nuimshiq kuex mvrax lvp jix htenc httaz juing vruex mungkawx vyuq mvrax kop muq thuinz vsawc Tishox sahez shauk htenc ikhoc yaungx wvnc tuit. Kvkhoc nuimshiq rueq rullungx tvraungx kuq yaq bomjungc kuex jungphvnx kuq vtueq, raungx lotlaz nuex tvwuic kuq yaq ruiysuiyq htenc ikhoc nuimshiq hvlwvl nuex phelez wvnc tuex,

Colossians 1:22

Yuq muinz majuiuc kuex Tishox rueq miqsaz gvnngvmx muex yaungx kaz tueq Vsaz kuex tvthueyc gay ningkhvnc nuex, nuimshiq kuex vpiq kungjix muex tvyaungc wvnc tueq, kvkhoc shuimx wvnc tueq lvmx kuex nuimshiq htauk nuex mvrax vguez vsawc maq vpiq khaungkac nuex nyuip wvnc tvkoc rvtueq.

1 Thessalonians 3:13

Kvkhoc lvmx maq raz tueq vpiq rueq nuimshiq kuex tv-phaungx ngaungx shuex. Naungshiq Taungjix Yesu kuex vpiq vsawc jix lotlaz rulc vroc nuex httuiuc kaz tuex nuex, nuimshiq kuex naungshiq Waz Tishox khaungkac nuex hunghtaungx vtueq vsawc miqsaz htenc muex yaungx wvnc wuez tuinx.

2 Peter 3:14

Kvkhoc rvtueq lungwawc kungjix bix lex, nuimshiq rueq kvruex Raungnuiyq kuex bvmc vtueq httax tuinx baunglaung, Tishox khaungkac nuex mthuinz vsawc maq mvrax kop muq juing vpiq rulc nomic httaz lvp tvkoc hungc tvlot laz maq hunglaungx kuinz.

1 John 2:29

Christu tsuingrux lvmx kuex nuimshiq rueq tuiuz vshuinx; kvkhoc rvtueq tsuingrux lvmx phvnc jix waz kuex Tishox sahez rvtueq kuex nuimshiq rueq tuiuz aungx yaq.

1 John 2:3

Tishox rueq nvrc bomc kuex naungshiq rueq phvnx ruiux yuq, naungshiq kuex vpiq tuiuz jix htenc rvtiq lvmz rvkhauk laz tuiuz lvp shix.

1 John 3:7

Isuiuz isaz tamx lex, uraq muinz nuimshiq muex lvmx tvmawc muq mrvshueq! Christu kuex tsuingrux rvtueq rulc rv-ngvlc vlvmx yauk shuimc jix ukhaq yuq muinz tsuingrux waz rvtueq.