Luke 1:15 - Hawa Naga Bible 2001

¹⁵ Yvmx khoc lac ngoz ruiux lec piq kuex Taungjix htumc nuex yungx luz wvnc tuex. Piq rueq svpiq tix nuiyc vjuk vbawx juing phvnx muinz nuingx muq. Piq kuex jawx tueq rulc rv-ngvlc Vsawc Siyac mvrc yaq miq rvtueq.

ASII LAKDAP Bible (BSI)

¹⁵ Apaiq ka Tatiwe man na ajong pinthum miraq. Apaiq riika che nyang min maimak. Apaiq ka rawü chhi wanli miili, akhum na Asii Wenyi ka ama maq misi wan.

Muklom

¹⁵ Teyhungwa jakho na piq ashey ajong miq angna. Piq aa kham ling moq angna etho umok pang ang ching chamtho ling phaksa moq angna. Piq uqhong wangduk Asang Tsija piq hanphung mongna angna.

Luke 1:15 Referencias Cruzadas

RAPHA HIQWA LAK 12:2

Ngaz rueq mnoz muex msuiuz msaz paunghvlc kuq phaungx, tsuingshiq kuex miqphvnx yunghvlc muex yaungx wvnc tuex. Ngaz rueq mnoz muex ruimruimx kuq ruiux, mmuingc jungc tvyungc kuq phaungx, kvkhoc mnoz kuex kejux jungx waz yaungx tuiux.

RAPHA HIQWA LAK 48:19

Yuq muinz vwaz rueq tvlvlc vtueq, “Isaz lex, ngaz rueq tuiuz yaq. Manase suiuz vsaz phvnx muinz miqphvnx vyungx muex yaungx tuex. Yuq muinz vnox kuex piq htauk nuex vyungx vluz yaungx tuex ningkhvnc nuex piq suiuz vsaz phvnx kuex miqphvnx yunghvlc muex yaungx wvnc tuex,” ngoz tueq jungx tueq.

1 KAÜWA WERAÜ 17:8

Mnoz kaz woz tuiux htenc nuex ngaz muinz mnoz rulc vdvmz httax vtueq, mnoz kvtenc wvnc toq nuex mralx htenc lotlaz kuex ngaz rueq khvt taungx kuq gay phaungx. Mungkawx wawc vyungx pinhtumc walaungx bix ikhoc ngaz rueq mmuingc jungc kuex tvyungc kuq phaungx.

1 KAÜWA WERAÜ 29:12

Tsak vnyvmx nuiyc rungx vwanx lvmz lotlaz muinz mnoz kox wawc vkaz rvtueq; phvnx ruip saz kuex mnoz hungc vlaungc nuiyc luimc vkawc maq guimz lawc vtueq; mnoz rueq ukhaq muex muinz vyungc vloayc nuiyc hungc kuex tvlvp kuq toq.

Tvtsvmc 22:9

Mnoz kuex ngvy jawc raungnuiyq maq phuex tvkhup wungx vtueq lawc mawc wvnc jix waz rvtoq, Ngaz noshawx saz nuex mnoz rueq ngaz kuex tvkhup wungx dungx ghaqphux.

JEREMIA 1:5

“Ngaz rueq mnoz kuex thuiuzthuic pauk vguez shauk nuex thvl wvnc vtueq, mnoz max jawx nuex phuex pungx nuex raz tueq miqphvnx ruip rawx shvmmax muex thvl taq phaungx,” ngoz tueq jungx tueq.

JEREMIA 35:6

Yuq muinz tsuinghez rueq, “Nuiyshiq rueq svpiq nuingx miq. Rekhab saz nuiyshiq jix vwaz Jonadab rueq nuiyshiq rvmuq ngoz ruiux nuiyshiq suiuz vsaz pat nuex svpiq tix nuingx miq tvkoc jungx shec tueq.

LEWI 10:9

“Mnoz nuiyc msahez kuex vthueyc rvhumc muit tvkoc svpiq tix, rvmuq ngoz ruiux joal vtsvmz nuingx vtueq Ngaz httax yaq Tap mungx nuex nyuip mvy muq. Vruex tvrac kuex nuimshiq suiuz vsaz hez lotlaz rueq phvnc rax tuex.

JEKERIA 9:15

Tvphaungc Tvsuip Yehowa rueq vpiq miqsaz kuex tvkhup wungx shuex, tsuingshiq rueq tsuingshiq ralx htenc kuex tvbac gay shuex. Tsuingshiq kuex ralx khvt nuex joal pawc jix hez ikhoc guyc ramc vtueq tsuingshiq ralx htenc tvguiy kuex ruiuc gay shuex; kvruex kuex shomrawx htauk nuex httax yaq pantuimz wawc vruiuc gay shomc nawk juing tvguiy ikhoc svrc tuex.

Luke 1:14

Mnoz tvkoc vkoz kez juing nuiyc vshuenc ruenc juing yaungx tuex, piq jawx kay ningkhvnc nuex vganc jix paunghvlc kokez wuez tuex!

Luke 7:28

Yesu rueq, “Nuimshiq muex ngaz rueq jungx kuq ix, yalxjuik rulx rueq vjawx htenc wawc Yohan htauk nuex lvy vtueq vyungx kuex washiz muinz vguez. Yuq muinz Tishox Mungtan nuex vruinx pinhtumc waz kuex Yohan htauk nuex vyungx rvtueq,” ngoz tueq jungx tueq.

Luke 7:33

Yvmx khoc lac ngoz ruiux lec Yuix Luip Yohan httuiuc kaz vtueq phuiuz vsvy muinz phauk saq muq, svpiq tix muinz nuingx muq ruez kv-phuinx tueq, ‘Piq kuex htaungc kvpumz jix waz!’ ngoz tueq ngoz wuez tuit.

John 5:35

Yohan kuex wvrluic tuz lez yaq wvrkok ikhoc yaungx kv-phuinx tueq nuimshiq kuex piq phelez yaq kvyuq rvmak laz kokez roc vshuinx.

Acts 2:4

Tsuingshiq muinz Vsawc Siyac mvrc wvnc vtueq, Siyac rueq nvr tueq rulc rv-ngvlc miqphvnx ruip saz kvjaz maq kvjak wuez tueq.

Galatians 1:15

Yuq muinz ngaz max jawx nuex phuex Tishox rueq vpiq kejux maq ngaz kuex thvl vtueq vpiq muex shuimc kuy tvkoc gvl taq phuex. Kvruex yimaq Pungnuk miqsaz htenc muex

Ephesians 5:18

Joal nauk juk pawx kaz, kvruex raq mnoz kuex tvbac gay shuex; Siyac nuex mvrc vtueq httax wuez kuinz.

JOSHUA 3:7

Yehowa rueq Yoshua muex ngoc, “Ngaz kuex Moshe rulc vdvmz httax tauk ikhoc mnoz rulc muinz vdvmz nuex httax vtaungx kuex tsuingshiq rueq tuiuz wvnc lvp laz juing, majuiuc raungnuiyq ngaz rueq mnoz kuex Israel miqsaz lotlaz htumc nuex miq yunghvlc washiz ikhoc tvtsanc nganc vphaungx.

JOSHUA 4:14

Kvruex raungnuiyq Yehowa rueq shuimx tueq kuex Israel miqsaz htumc nuex Yoshua kuex wv-ngauz wv-ngax miq vshiz ikhoc tvmaung dvyx tvrvhumc ningkhvnc nuex, Moshe muex tsuingshiq rueq tvtsanc nganc kuq tueq ikhoc Yoshua muex muinz piq rullungx wvlex tvtsanc nganc wuez tueq.