Luke 1:13 - Hawa Naga Bible 2001

¹³ Yuq muinz raungkamx waz rueq jungx tueq kuex, “Zecharia lex, nauk hiz kaz! Mnoz rueq thoz vshuiux kuex Tishox rueq tay kuq kv-phux ningkhvnc nuex, mtaungx nyuiuz Elisbet rueq miqwaz saz jawx shuex vmuingc kuex Yohan ngoz tueq muingc shuiux rvtueq.

ASII LAKDAP Bible (BSI)

¹³ Shamtaq, rase raq apaiq ma chongto, “Naq haikiq Jekeria le! Shiikeawe raq ümnaq achu jaü ka treto she. Kiimaq ümjamti nyung Elijabeth raq ase ashi she mihum. Ümniiraq no ka Johan nguta mang laq.

Muklom

¹³ Etharin, eshi rangkamwa they piq thima batta, “Zechariah, nak cho u! Shkewa ba romtam tha utat eq ta, etho ba himteynu Elizabeth aa ashey miqwasa chang na. Nang aa piq sha John ta miing ching!

Luke 1:13 Referencias Cruzadas

RAPHA HIQWA LAK 17:10

Mnoz wawc miqwaz vngoz kuex vhttoar gvnc tvkoc mnoz nuiyc msuiuz msaz lotlaz rungx raz juing rvtueq.

RAPHA HIQWA LAK 17:19

Yuq muinz Tishox rueq, “Kvkhoc rvmuq. Mtaungx nyuiuz Sara rueq vsaz miqwaz jawx shuex, Esak ngoz tueq muingc shuiuz. Ngaz rueq piq rulc muinz, vsuiuz vsaz hez rulc muinz taq shaungx bomkhvrc kuex pattup phaungx ngaungx tuex. Kvruex kuex rullungx pattup bomkhvrc rvtueq.

RAPHA HIQWA LAK 18:14

Yehowa rueq lot muq phvnx vhttax haz? ngoz tueq wiz tueq. Ngaz rueq jungx tauk rulc rv-ngvlc yix maq yapix lex tvkuiuz htvmx ruiux ngaz yek kaz raungx, kvkaq Sara rueq vsaz miqwaz saz lvp shuex,” ngoz tueq jungx tueq.

RAPHA HIQWA LAK 25:21

Rebeka rueq vsuiuz vsaz lvp muq ningkhvnc nuex Esak rueq Yehowa kox wawc piq tvkoc suiuz vsaz thoz tueq. Yehowa rueq piq vjux thoz bomc kuex tay kuq vtueq, Rebeka kuex wvgvnz yaungx wvnc tueq.

Tvtsvmc 113:9

Vpiq rueq saguez adum nyuiuz yuimx nuex piq muex tvtsanc nganc vtueq; vsuiuz vsaz tvlvp ruiux tvkoz kez tueq. Yehowa muex tvtsvmc wuez shuinz!

Tvtsvmc 118:21

Yehowa lex, mnoz rueq ngaz muex tvralc kuq vtueq, ngaz muex tvtaungx kuy ning-khvnc nuex ngaz rueq mnoz muex tvtsvmc vphaungx.

ISAIA 8:3

Mtanc rvmuq nuex ngvy taungnyuiuz kuex wvgvnz shex rvtueq. Kvkaq miqwaz saz jawx tueq, Yehowa rueq ngaz muex, “Piq muingc kuex, ‘Yauk lox khvt, yauk lox maq nyvlc,’ ngoz tueq muingc shuiuz.

DANIEL 10:12

Kvkaq piq rueq, “Daniel lex, nauk hiz kaz. Mnoz rueq tuiuz tay wvnc juing lvp wvnc shuiux lvmx m-gvnz tvyomz vtueq htvp htaz wvnc toq vphaungc raungnuiyq maq raz tueq, Tishox rueq mnoz vjux thoz bomc kuex tay tueq. Mnoz rueq thoz toq kuex tvralc kay ngaz tvkaz phuex.

Hosea 1:4

Yehowa rueq Hosea muex ngoc, “Piq kuex ‘Jezreel,’ ngoz tueq muingc shuiuz, yvmx ruemc lac ngoz ruiux lec mtanc httax muq nuex piq jix vwaz Jehu rueq Jezreel nuex yaq tueq, miq thvy gay khac laung nuex Israel hokhvmx kuex ngaz rueq murx tvgurc shaungx. Ngaz rueq Jehu hokhvmx phvnx vmaq kuex taungsuimc nuex tvkaz shaungx.

Hosea 1:6

Gomer rueq vsaz vnueyc ngoc yaungc lvp tueq. Vruex lauk kuex yalxjuik saz rvtueq. Yehowa rueq Hosea muex, “Piq muingc kuex, ‘Lungwawx muq,’ ngoz tueq muingc shuiuz, yvmx khoc lac ngoz ruiux lec ngaz rueq Israel miqsaz muex lungwawc thuinz kuex taq mauk shex, tsuingshiq muex mvrax dawc kuq shaungx rvmuq.

Matthew 1:21

Piq rueq miqwaz saz jawx shuex, mnoz rueq vpiq muingc kuex Yesu ngoz tueq muingc shuiux. Yvmx khoc lac ngoz ruiux lec vpiq miqsaz htenc kuex mvrax mungx wawc palc tvdungc wvnc jix waz rvtueq,” ngoz tueq.

Matthew 14:27

Kvruex kaq Yesu rueq, “Thuinz nauk tvruinc kaz! Ngaz rvtauk, nauk hiz kaz!” ngoz tueq tsuinghez muex ngoz tueq.

Matthew 28:5

Raungkamx waz rueq yalxjuik nyuiuz nueyc muex jungx tueq kuex, “Nauk hiz kaz, yaukjuinc bulx nuex but gay tueq waz Yesu kuex nuimshiq rueq thuiyx vshuinx lvmx ngaz rueq tuiuz yaq.

Mark 16:6

Piq rueq, “Nauk kawc yawc kaz, yauk juinc bulx nuex but gay tueq Nazaret waz Yesu kuex nuimhez rueq thuiyx vshuinx, ngaz rueq tuiuz yaq. Vpiq kuex vyuq vguez shex, vpiq kuex vthueyc wawc yuing kvtenc wvnc vtuex shex! Lawc shuinz, vruex kuex tsuinghez rueq vpiq vhtawc taq.

Luke 1:14

Mnoz tvkoc vkoz kez juing nuiyc vshuenc ruenc juing yaungx tuex, piq jawx kay ningkhvnc nuex vganc jix paunghvlc kokez wuez tuex!

Luke 1:30

Kvkaq raungkamx waz rueq, “Mary lex, nauk hiz kaz; mnoz kuex Tishox htumc nuex htvlx phawc lvp vshuiux rvtueq.

Luke 2:21

Jepat shiz yix maq, raungx tvjvt vngoz raungnuiyq nox kuex vhttoar gvnc kuy vkhing httuiuc tueq nuex, wuk mungx nuex max kvguirc shauk nuex raungkamx bix rueq muingc taq tueq rulc rv-ngvlc vpiq kuex Yesu ngoz tueq muingc tueq.

Acts 10:31

‘Korneliu lex, mnoz rueq vjux thoz vshuiux kvjaz kuex Tishox rueq tay tueq, mnoz rueq kuq toq menjenc yauk noalc htenc muinz Tishox rueq tvtsuingc taq tueq.

PHOWEBI 6:23

Yuq muinz Yehowa rueq, “Nomic maq httax kuiuz. Nauk hiz kaz. Mnoz kuex thueyc kaz muq,” ngoz tueq jungx tueq.

1 SAMUEL 2:21

Yehowa rueq Hanna muex ruimrix kuy ningkhvnc nuex piq rueq vsaz miqwaz vthuimx, yalxjuik vnueyc lvp tueq. Nox Samuel rueq muinz Yehowa muex shuimc kuy lvmx maq peluz wvnc tueq.