LEWI 26:36 - Hawa Naga Bible 2001

³⁶ “Nuimshiq kuex mungganc nuex httuiuc kaz tuinx kvkaq raungguil koq yuq tvruingx yaq pulx yauk tvruingc kuex tay ruiux doc muinz kawc yawc vtueq yuz wvnc tuinx. Nuimshiq kuex ralx rulc rvlungc vtueq ralx rueq yurc ruiux yuz tuinx ikhoc yuz wuez tuinx, nuimshiq hep nuex ralx waz vguez ngoz ruiux muinz rul wvnc tuinx.

ASII LAKDAP Bible (BSI)

³⁶ “Ngi raq namshiq ümchuwa pongmung na munglu shumwi ma atsuq wanti thun ka pinthum tsaihü jihü mitiiphiipha. Rahai raq chhijaq nyiipji tiime raümin namshiq ka haisitsi ma aju mirhan. Namshiq ka re raq rekhat na joraü jaq jutlan ikha miju han. Kiimaq namshiq tho na re ka ahü li jiimin namshiq ka akü alii miju han.

LEWI 26:36 Referencias Cruzadas

RAPHA HIQWA LAK 35:5

Yaku nuiyc vsaz hez kvmaq luiuz wvnc tueq nuex, kvruex tvroz nuex httax yaq ghaq wuinz htenc kuex pinhtumc hiyaz wuez vtueq, tsuinghez kuex yurc vtueq khvt khvmc muq.

RAPHA HIQWA LAK 4:12

Mnoz rueq ghaq nuex shuimx kaz khic yuingc ruiux muinz, vthuey vngoz thuey ngoz tuex rvmuq; mnoz kuex yuimx vwuik vguez maq ghaq htauk nuex kvroz httax tuiux.”

2 KAÜWA WERAÜ 14:14

Kvruex yimaq kvruex wawc miq htenc kuex Yehowa muex kawc yawc kaz wuez koq tueq, Gerar tvroz wawc ghaqyungx htenc tsuinghez rueq tvbac gay lot tueq. Nolaungx bix rueq kvruex ghaqyungx htenc lotlaz kuex httak tvbac gay ruiux, taungx vwawx paunghvlc lvp wvnc wuez tueq.

YOBA 13:25

Ngaz kuex tvhiz sungx tvkoc haz mnoz hunglaungx vtuiux? Ngaz kuex yvmx muinz rvmuq pulx yauk ikhoc dvyx rvtauk; mnoz rueq vshanc kay wuez tsvmkuiz kuex khvt vshuiux.

Tvtsvmc 53:5

Yuq muinz Tishox rueq vpiq miqsaz htenc muex ralx yaungc jix hez ruk vrawz htenc kuex nyanc shanc nyanc shix tvyaungc gay shuex ningkhvnc nuex, tsuingshiq kuex laukshiz muinz rvhumc muq phvnx hisungx juing kuex tvrvhumc shuex. Tishox rueq tsuingshiq kuex tvdux gay ruiux, Israel miqsaz rueq tsuingshiq kuex vsuingc suing taungx gay shuex.

Tvtsvmc 53:6

Israel miqsaz rueq taungx wvnc juing kuex Zion wawc httuiuc kay tvkoc ngaz rueq mtanc lac vjux thoz vshaungx. Tishox rueq Israel miqsaz htenc muex laukshiz hulawx tv-rungx wanx yek ruiux yuq, tsuingshiq kuex mtanc lac kokez wuez tuex!

Tvtsvmc 89:43

Mnoz rueq piq nolaungx daungx kuex tvbac gay ruiux piq kuex ralx khvt nuex tvsumx gay toq.

TAKSU LAK 28:1

Layx bac jix kuex tsuingshiq yurc jix vguez rvhvt maq yuz wuez yaq, yuq muinz vtsuing vrux jix miq kuex hangsic ikhoc khvmc yaq.

ISAIA 30:17

Nuimshiq rueq ralx washiz khiz vtueq nuimshiq kuex miq hingshiz yuz wvnc tuinx, nolaungx waz bv-ngac maq nuimshiq miq lotlaz yurc gay muex hungx tuex. Ghaqluimx htauk nuex vshungc nganc dvmx maq lvy vtueq nuimshiq nolaungx daungx kox wawc yvmx muinz kvjungx muq rvtuex.

ISAIA 7:2

Siria nolaungx bix kuex Israel ghaq vraungx nuex shex httax yaq thaungc Yuda hokhvmx waz kox nuex httuiuc koq tueq, piq nuiyc piq miqsaz htenc kuex pinhtumc hiyaz kawc yawc wuez tueq, tsuinghez kuex raungguil rueq tvmoay yaq pulx jungx ikhoc kvkhuirc wuez tueq.

ISAIA 7:4

Honc lvmc tvkoc muinz, kuiyqshuik httaz tvkoc muinz, vkawc yawc raz tueq thuinz nuex ruingraung muq juing jungx shuiuz. Hokhvmx Rezin nuiyc Siria miqsaz thuinkhvy nuiyc Hokhvmx Peka khaq yaq kuex janx htaq nueyc maq wvr khuiuq dung yaq htauk nuex jvnc vtueq hiz juing httax yaq rvmuq.

JEREMIA 37:10

Mnoz rueq Babelon nolaungx bix kuex khvt taungx gay ruiux vphiz vshuz rvhumc jix htenc dvyx shex kvjungx vtueq tsuingshiq tap htenc nuex httax ruiux muinz, kvruex hez kuex kvtenc vtueq vruex ghaqyungx kuex labuinx muex tvyaungc jauk gay shuex,” ngoz tueq jungx tueq.

JEREMIA 46:16

Nuimshiq nolaungx bix htenc kvhtuip rul wvnc wuez tueq; vshiz maq vshiz rvjungc yaq kuex, ‘Mak mak! Naungshiq miq htenc httax yaq yuimx nuex waung ix kvkaq ralx hez yaung wawc luenx wvnc tix!’ ngoz tueq.

AJONJÜ 1:3

Yuda miqsaz kuex vthuq wvnc rvhumc ruiux ruinglez raunglez raz tueq dax muex yaungx yaq, yuimx wawc laungc maq yurc gay rvhumc tueq. Tsuingshiq kuex vganc mungx nuex httax vtueq, tsuingshiq ghaq baung ngoz tueq jungc juing vguez, ralx rueq tuimc lvy rvhumc vtueq dungc wvnc juing lvmz vguez pungx mungx nuex httax wuez yaq.

AJONJÜ 1:6

Yerusalem ghaq muingc jungc kuex lvy wvnc tueq wawc lvmz vshiz muex dvyx shex yaungx yaq. Piq vyungx vlaungx bix muinz khiyix ikhoc wvsvy guez rvtueq rvyuiuq wak yaq, Kvruex kuex shvrvyx bix yauk wawc yuz wvnc tueq ikhoc tsuingshiq hungc vlaungc htumc wvnc khvmkhvmz rvtueq.

AJONJÜ 4:19

Tsuingshiq kuex raungx maq phamx yaq lawx htauk nuex muinz, vphaq maq nuiyshiq kuex phamx yurc yaq. Tsuingshiq rueq nuiyshiq kuex kuz vkanx htenc nuex thuiyx vtueq humc phuex, nuiyshiq kuex kumtsvy tvnx wawc dung phawk maq lvp gay phuex.

EJEKIEL 21:12

Vthueyc rvyaq miq lex, yonzyex vtueq guyc khoar kuiuz; vruex yaung kuex ngvy miq htenc nuiyc Israel walaungx bix lotlaz tvkoc rvtueq kuex vlvmz tvkhic yaq. Tsuingshiq kuex kvjungx yaq ngvy miq htenc rulc vdvmz nuex thvy gay rvhumc tuex. Thuinz htumx vtueq mkhuiuq kvyuq kvwungc kuiuz!

EJEKIEL 21:15

Kvruex kuex ngvy miqsaz htenc khvmc thuinz kuex tvsumx gay ruiux tvhtuip tvrul gay shaungx. Ngaz rueq tsuingshiq ghaqyungx kuex raunglep ikhoc lep yaq yaung maq tvhiz sungx vtueq thvy gay tvkoc tvyoalc yoalx shex.

EJEKIEL 21:7

Tsuingshiq rueq mnoz yvmx ngoz tueq lac kvbot nyvnx kaz tuiux, ngoz tueq mnoz muex wiz ruiux yuq, kvruex kuex httuiuc wvnc yaq wawc thuix thaungx ningkhvnc nuex rvtueq ngoz tueq tsuingshiq muex jungx shuiuz. Kvruex thaungc kuex httuiuc wvnc ruiux yuq, tsuingshiq thuinz vmungx nuex vhiz yaz thuinz mvrc wvnc vtueq, tsuingshiq yauk htenc nulx wvnc ruiux tsuingshiq nuex httax yaq khvmc thuinz kuex yomx wvnc vtueq tsuingshiq laungkuix htenc kuex kv-khuirc wvnc tuex. Kvruex yaungx wvnc tuex vkhing kuex vyuq httuiuc waung shex.” Johvlc Yehowa rueq jungx tueq.

Hosea 8:3

tsuingshiq rueq vhvlx lvmx kuex tvdux gay tueq. Kvkhoc ningkhvnc nuex tsuingshiq ralx htenc rueq tsuingshiq kuex yurc wuez shuex.

LEWI 26:17

Ngaz kuex nuimshiq kox wawc kvwek wvnc taungx, nuimshiq kuex ralx sumx vtueq ralx rueq guimz lawc wvnc rvhumc tuinx; nuimshiq kuex pinhtumc kawc yawc wuez vtueq vyurc jix vguez rvyruiux yuz wvnc wuez tuinx.

TRI CHONGKE 1:44

Kvkaq kuz hong nuex httax yaq Amori miqsaz phvnx rueq nyaq daungx rueq ikhoc dung vtueq nuimshiq kuex khvt wuez tueq. Tsuingshiq rueq nuimshiq kuex yurc khvt vtueq Edom mungx Horma ghaq maq nuimshiq kuex ralx sumx wuez tuit.

JOSHUA 5:1

Israel miqsaz rueq Yodan ruilx yanc wvnc lot nuex httuiuc laz Yehowa rueq Yodan ruilx tvruic gay tueq lvmz, Yodan ruilx maq shalx nyuip kox nuex httax yaq Amori hokhvmx bix lotlaz nuiyc Svmuktvrax Mediteranean kawx nuex httax yaq Kanaan hokhvmx bix lotlaz rueq tay lvp wuez tueq. Israel miqsaz ningkhvnc nuex tsuingshiq kuex hiyaz kawc yawc wvnc wuez vtueq thuinbac thuinz htumx wuez tueq.

JOSHUA 7:5

Ai ghaq jix rueq tsuinghez kuex yurc vtueq ghaqyungx palx kaluix maq svt wvnc tueq kanx yaz lvmx wvlex miq waz 36 thvt gay tueq. Kvruex yimaq Israel miqsaz htenc thuinz htumx vtueq hiyaz wuez tueq.

1 SAMUEL 17:24

Israel miqsaz kuex Goliat khiz ruiux lec vhiz svy thuiuz muex vyuz rvwvnc wuez yaq.