LEWI 17:10 - Hawa Naga Bible 2001

¹⁰ Israel miqsaz ukhaq yuq muinz, tsuingshiq rulc httaz naungc jix pungnuk miqsaz ukhaq yuq muinz, tvguiy nuiyc vngvmx tvshot phauk ruiux yuq, Yehowa kuex kvruex waz kox kvwawc kvroz wvnc vtueq vpiq miq wawc tvdung gay shuex.

ASII LAKDAP Bible (BSI)

¹⁰ Kiimaq Israilnok wa maiq weshi ra raq, lo riimakla wanshawe pongmungti tsangshiq rai asiwa raq ngam ka wiitiijai tam maq lum phaq raüla, Tatiwe ka apaiq ma wesang she miraq. Kiimaq apaiq ka asenginok wa weshi nguta weamak she miraq.

LEWI 17:10 Referencias Cruzadas

RAPHA HIQWA LAK 9:4

Nuimshiq rueq phuiuz svy mvy muq phvnx phvnshiz httax yaq, kvruex kuex tvguiy rvshot yaq ngvmx rvtueq; yvmx khoc lac ngoz ruiux lec tvguiy nuex thuiuzthuic httax yaq ningkhvnc nuex rvtueq.

2 SAMUEL 23:17

“Yehowa lex, vruex yuix kuex ngaz rueq mkaq muinz nuingx mauk shex! Thuiuz thuic maq khvmc jix waz hez tvguiy kuex nuingx gay shix ikhoc yaungx kaz tuex!” ngoz tueq. Kvkhoc rvtueq piq rueq yuix kvruex nuingx khvmc muq. Vruex kuex muingc dung yaq shvrvyx waz thuimx rueq khvmc wvnc tueq lvmz rvtueq.

Tvtsvmc 34:16

yuq muinz honc bac shuimc jix htenc kuex vpiq rueq tuingshaung gay yaq, kvkhoc rvtueq tsuingshiq thueyc kaz tuex nuex, tsuingshiq kuex rvmak laz dvyx lauk gay rvhumc yaq.

DUNGWVNC 30:33

Ukhaq rueq muinz kvruex vpuiz tix kvrulc rv-ngvlc laz tvhungx shot tvy, rvmuq ngoz ruiux shomc waz rvmuq miq washiz shiz htauk nuex vpuiz tix kvruex maq shvy kuq ruiux yuq, kvruex waz kuex ngvy phvnx miq wawc tvdux gay rvhumc tuex,’” ngoz tueq jungx tueq.

JEREMIA 21:10

Ngaz rueq vruex ghaqyungx kuex kvjungx muq tvkoc htvp htaz gay tauk, kvruex tvbac gay shuex. Kvruex ghaqyungx kuex Babelon hokhvmx muex lekuq gay vtueq, piq rueq ghaq rawx nuex httuiuc laz jauk gay shuex. Ngaz Yehowa rueq jungx vshaungx.”

JEREMIA 44:11

“Kvkhoc rvtueq, ngaz, Tvphaungc Tvsuip Yehowa Israel Tishox rueq nuimshiq kuex tvyez khawx yek vtueq Yuda phvnx lotlaz kuex tvbac gay shaungx.

EJEKIEL 14:8

Ngaz rueq piq muex tuingshaung shaungx. Ngaz rueq piq kuex talc lawc juing tvyaungc shaungx. Ngaz rueq piq kuex ngvy miqsaz rvtuimx yaq kvwawc tvyenc gay shaungx, kvkhoc ngoz ruiux jix ngaz Yehowa rvtauk kuex nuimshiq rueq tuiuz shuinz.

EJEKIEL 15:7

tsuingshiq muex murx tvgurc shaungx. Tsuingshiq kuex wvr vshiz wawc dung wvnc lvp tueq, yuq muinz wvr vshiz rueq tsuingshiq kuex khamc gay shuex. Ngaz rueq tsuingshiq muex murx tvgurc tauk nuex, ngaz Yehowa rvtauk kuex nuimshiq rueq tuiuz shuinx.

EJEKIEL 33:25

“Ngaz, Johvlc Yehowa rueq jungx vshaungx kvjaz kuex tsuingshiq muex jungx shuiuz: nuimshiq rueq tvguiy rulc vdvmz vngvmx kuex phauk vshuinx. Nuimshiq rueq yac yuimx htenc nawk palx vshuinx. Nuimshiq rueq miq thvt vshuinx. Nuimshiq rueq kvruex mungtan kuex guimz shuinx ngoz tueq haz tvmaung vshuinx?

EJEKIEL 44:7

Ngaz muex vpuiz nuiyc tvguiy maq shomc nawk kuy shomc kuq shuinx nuex, ngvy kvjaz phvnx muq pungnuk miqsaz htenc ngoz yaq vhttoar gvnc guez hez kuex tv-nyuip vtueq, ngvy Shomc Yuimx kuex tvshuy shac vshuinx. Kvkhoc rvtueq ngvy miqsaz htenc tsuingshiq rueq shuimx wvnc tueq miqsuirc vsac phvnx htenc lotlaz maq ngvy bomkhvrc kuex tvbac gay tueq.

LEWI 17:11

Tvraungx httax yaq phvnx ruip saz thuiuzthuic kuex tvguiy nuex httax yaq, Yehowa rueq nvr tueq rulc rv-ngvlc miqsaz mvrax htenc tvsawc tvkoc shomrawx htauk nuex tvguiy lotlaz ruiuc gay tueq. Thuiuzthuic vhttax tvguiy rueq dvyx mvrax lvmz gay lot yaq.

LEWI 19:26

“Tvguiy lomx yaq jac kuex nauk phauk kaz. Luingx vwaq lawc yauk shuimc nauk shuimx kaz.

LEWI 26:17

Ngaz kuex nuimshiq kox wawc kvwek wvnc taungx, nuimshiq kuex ralx sumx vtueq ralx rueq guimz lawc wvnc rvhumc tuinx; nuimshiq kuex pinhtumc kawc yawc wuez vtueq vyurc jix vguez rvyruiux yuz wvnc wuez tuinx.

LEWI 3:17

Israel miqsaz rueq vpuiz, rvmuq ngoz ruiux tvguiy kuex phuiuz svy mvy muq; tvrac vruex kuex Israel miqsaz tsuingshiq m-yuq dvyx httax httax lotlaz rueq mkaq muinz phvnc juing rvtueq.

AMO LUIK DVP (AMOS) 9:4

Tsuingshiq kuex tsuingshiq ralx rueq lvp gay rvhumc ruiux yuq, vthvy gay tvkoc ngaz rueq nvr shaungx. Ngaz rueq tsuingshiq muex romc kuq shaungx rvmuq, tsuingshiq kuex tvbac gay muex htvp htaz gay tauk.”

Acts 15:20

Yac yuimx muex vnawk kuq vshuy vshac phuiuz vsvy kuex phuiuz svy lvmx, sahtok sapawx yaungc lvmx, buq maq vnyet ngvmx nuiyc tvguiy phuiuz svy lvmx kuex koayc tvkoc luik wuiyq vtueq tvtay aungx yaq ngoz tueq ngaz rueq tvmaung vshaungx.

Acts 15:29

kvruex tvrac htenc kuex yac yuimx muex vnawk phuiuz vsvy nauk phauk saq kaz, tvguiy nauk saq kaz, buq maq vshuit ngvmx muinz nauk phauk kaz, sahtok sapawx nauk yaungx kaz. Vhtenc vruex nuimshiq rueq koayc ruiux kuex nuimshiq tvkoc hungx yaq, gvnhttuingc httax wuez kuinz,” ngoz tueq.

TRI CHONGKE 12:16

Yuq muinz nuimshiq rueq tvguiy kuex svy mvy muq; yuix ruiuc gay shuinx ikhoc ghaq nuex ruiuc gay rax.

TRI CHONGKE 12:23

Yuq muinz tvguiy kuex thuiuzthuic rvtueq kvkhoc rvtueq tvguiy lomx yaq jac kuex phuiuz mvy muq.

TRI CHONGKE 15:23

Yuq muinz vtvguiy kuex svy mvy muq; yuix ruiuc gay shuinx ikhoc ghaq nuex ruiuc gay rax.

Hebrews 10:29

Kvkhoc ngoz ruiux kuex, Tishox Saz muex yomnamc gay jix waz, miqmac shauk gvnz kuex mvrax wawc tvsawc gay yaq Tishox bomkhvrc nuex seng yaq tvguiy kuex wvlc guez htawz guez tvyaungc jix waz, kejux kuy jix Siyac muex shummarc jix waz kuex yvmx khoc wuez yaungx tvnx? Piq rvhumc juing murx kuex mtanc khvnc wuez songx tuex raz tvnx? Tvmaung lawc wuez shuinz!

1 SAMUEL 14:32

ralx kox wawc tsuingshiq rueq vlvp taq khelbuenx nuiyc manx sahez htenc kuex kvruex baung kvyuq thvt gay shec ruiux, vngvmx nuiyc tvguiy kuex vhttuingx maq phauk saq gay tueq.

1 SAMUEL 14:33

Kvkaq Sholu rueq, “Lawc shuinz, vruex miq htenc rueq tvguiy lomx yaq ngvmx vhttuingx phauk vtueq, Yehowa muex yaq gay wuez tueq,” ngoz tueq jungx tueq. Sholu rueq, “Nuimhez kuex kv-phelc kaz wuez vtuinx ix! Vyuq lungkuiux yunghvlc vshiz tvkuic wvnc luit,” ngoz tueq ramc tueq.