John 8:34 - Hawa Naga Bible 2001

³⁴ Yesu rueq tsuingshiq muex, “Ngaz rueq nuimshiq muex vsuing jungx kuq ix, mvrax yauk shuimc jix waz kuex mvrax dax waz rvtueq.

ASII LAKDAP Bible (BSI)

³⁴ Kiijiishe, Jesuq raq tsangshiq ma akha chongkuqto, “Ngi raq chongtiikang arka tengteng: Jurwa ngarai tang tlaq, kriiti ka ngarai dise.

Muklom

³⁴ Jesu aa ning ma thawel batta, “Nga nim ma asing sing batphang, utang eq ngarey somlo aa, piq ngarey qha.

John 8:34 Referencias Cruzadas

1 HOKHVMX 21:25

(Vtaungx nyuiuz Jezebel rueq nvr yaq yauk shuimc lotlaz shuimc jix Ahab ikhoc Yehowa htumc nuex vbac yauk shuimc kuex piq shauk pumz maq raungc raq vtueq tvhtumx laz shuimc gay jix ukhaq yuq muinz httax luc tuex rvmuq.

TAKSU LAK 5:22

Layx bac jix waz mvrax kuex bix vtsvnc rvtueq, piq kuex piq mvrax jak nuex kvlvp rvhumc tueq.

Matthew 5:18

Nuimshiq muex ngaz rueq vsuing jungx kuq ix, raungx nuiyc ghaq httax ruq wawwawx kuex Tvrac wawc luik kuiux thuey poshiz nuiyc vruinx saz kvjaz tvpat vshiz doc muinz moz maq kaz muq, kvruex luik nuex jungx shec tueq lotlaz kuex hungx wvnc tuex.

John 3:3

Yesu rueq, “Ngaz rueq mnoz muex vsuing jungx kuq ix, vjawc rvhumc yek muq waz ukhaq yuq muinz Tishox Mungtan kuex khiz lvp shuex rvmuq,” ngoz tueq tvralc tueq.

Acts 8:23

Yvmx khoc lac ngoz ruiux lec mthuinz nuex khelric bac thuinz httaz yaq nuiyc mvrax rueq khvrc buinc rvhumc vtuiux miq washiz rvtoq lvmz ngaz rueq khiz vshaungx,” ngoz tueq tvralc tueq.

Romans 6:12

Kvkhoc rvtueq nuimshiq gvnngvmx thuinroc lvmx kuex phvnx muit tvkoc vthueyc vmvy rvyaq nuimshiq gvnngvmx kuex mvrax muex nauk tvguimz tvremc kaz.

Romans 6:16

Miq vshiz shiz rueq nvr yaq kuex tay kuy jix waz kuex vnvrc jix waz kvruex mac dax rvtueq lvmx nuimshiq rueq tuiuz vshuinx, mkhoc shoc maq nuimshiq kuex mvrax rueq nvr yaq kuex tay kuy jix ngoz ruiux yuq, nuimshiq rueq lvp wvnc juing vjux kuex vthueyc juing lvmx dvyx rvtueq, vsuing nuimshiq kuex Tishox kvjaz tay kuy jix ngoz ruiux kuex, vpiq rueq tvtsuing tvrux kuy lvp wvnc shuinx.

Romans 6:6

Kvmaq naungshiq kuex mvrax dax muex yaungx ruq yaungx miq mruez kueq, naungshiq mvrax gvnngvmx vkez kuex Christu rulc roc nuex yauk juinc bulx nuex but thvt gay tiq, naungshiq rueq tuiuz vshix.

Romans 7:14

Tvrac kuex siyac rulc seng yaq lvmx naungshiq rueq tuiuz vshix; yuq muinz ngaz kuex mvrax kvruex dax muex yaungc jix miqsaz rvtauk.

Romans 7:25

Naungshiq Taungjix Yesu Christu ningkhvnc nuex tvguing wvnc phuex Tishox kejux kuex ngaz rueq tvtsvmc vshaungx! Kvkhoc rvtueq ngaz nuex yaungx wvnc tueq lvmz kuex vkhoc rvtueq: ngaz kuex thuinz maq Tishox tvrac muex nawk ruiux muinz, gvnngvmx rueq kuex mvrax tvrac muex nawk yaq.

Romans 8:21

kvruex thuinz tvluimc vshix kuex raungnuiyq shiz nuex tvdungc sungc rvhumc tueq mungkawx kuex tvbac tac gay juing wawc dung wvnc vtueq, Tishox saz hez rulc vdvmz nuex tvdungc wvnc nuiyc ngauz vngax kuex lvp wvnc shuex rvtueq.

Ephesians 2:2

Kvtanc jauz nuimshiq rueq mungkawx honc vbac lvmx nuex phvnx vtueq raungwuilx wanc wawc siyac luimc vkawc htenc guimz jix waz khung nuex httax wuez tuit; Tishox rueq nvr yaq kuex phvnx muq jix htenc kuex majuiuc muinz siyac yac rueq guimz lawc khung nuex dvyx httax yaq.

Titus 3:3

Yvmx khoc lac ngoz ruiux lec mvnnuex naungshiq muinz vngauk vngaz muex yaungx vtueq kvjaz tay miq maq lvmx mawc wvnc tiq. Naungshiq vroc lvmz nuiyc thuinz hvlc lvmx phvnx ruip saz shuimc wvnc tiq, kvruex dax muex muinz yaungx wvnc tiq. Naungshiq nuex mkaq muinz vshuiuc vpac nuiyc vkhvnx vnyvnx thuinz httaz wvnc tiq, miq rueq naungshiq shuiuc pac phuex rulc rv-ngvlc naungshiq rueq muinz tsuingshiq kuex shuiuc pac wvnc tiq.

2 Peter 2:19

Tsuingshiq rueq kvruex hez muex dungc wvnc bomkhvmc kuq ruiux muinz, miqmac shauk pumz doc muinz vbac wvnc juing honc vlayx htenc dax yaungx wuez yaq. Yvmx khoc lac ngoz ruiux lec miqsaz kuex miqmac luimz nyvmc wvnc yaq phvnx vngoz muex dax yaungx yaq.