John 15:18 - Hawa Naga Bible 2001

¹⁸ “Mungkawx miqsaz rueq nuimshiq muex max shuiuc pac nuex dvyx ngaz muex kungkhux shuiuc pac phuex lvmz kuex rvwvl taq shuinz.

ASII LAKDAP Bible (BSI)

¹⁸ “Mangjong maiqse raq namshiq ka ngeng seng wan kiiphan la, namshiq mingeng wan shaq na, tsangshiq raq ngi kongkhu ngengphato nguta bomtsi kra sap rong laq.

Muklom

¹⁸ “Mingkang eq nim miiksuk phin jo nim aa ira tasik inn, piq aa nim náng eq jakho ngama miiksuk shing ta.

John 15:18 Referencias Cruzadas

1 HOKHVMX 22:8

Ahab rueq, “Emla saz Mikaia washiz doc httax yek yaq. Yuq muinz piq rueq ngvy tvkoc mkaq muinz vhvlx jungx kuq muq ningkhvnc nuex ngaz rueq shuiuc vshaungx; vbac lvmz dvyx jungphvnx yaq,” ngoz tueq tvralc tueq. Jehoshaphat rueq, “Kvruex lvmz kuex mnoz rueq nauk jungx kaz shex!” ngoz tueq.

TAKSU LAK 29:27

Tsuingrux jix rueq layx bac jix kuex shuiuc yaq, layx bac jix rueq muinz tsuingrux jix kuex shuiuc yaq.

ISAIA 49:7

Israel muex vsawc Tishox nuiyc palc daungc jix waz rueq lotlaz rueq wvlc guez tvyaungc yaq waz, Miq phvnx htenc rueq shuiuc pac yaq waz nuiyc guimz lawc jix hez nvrc waz muex yaungx yaq waz kox nuex vkhoc jungx yaq: “Hokhvmx bix rueq mnoz kuex tvdung gay rvhumc tuiux, tsuingshiq rueq tvtsanc nganc yaq kuex tvkhic tvkoc kvtenc wvnc tuiux; hokhvmx sahez rueq muinz kvruex khiz wuez shuex, tsuingshiq rueq mnoz kuex tvtsanc nganc tvkoc bumx vtueq nawk wuez shuex.” Yehowa vpiq nvrc waz kuex thvlc tvy ningkhvnc nuex vruex lvmz yaungx wvnc tuex; Israel muex vsawc Tishox rueq vpiq bomkhvmc htenc kuex tvmvrc shuex.

ISAIA 53:3

Naungshiq rueq piq muex suirsac vtueq tvdux gay tiq; piq kuex kuilc daz vtueq thuiuz sac tueq. Piq kuex kvroz vtueq lawc jix vshiz muinz vguez, naungshiq rueq piq kuex htawz guez miq ikhoc wvlc guez muex tvyaungc tiq.

ISAIA 66:5

Vpiq muex hiyaz vtueq vpiq kvjaz tay jix hez lex, Yehowa rueq jungx yaq kuex tay shuinz: “Nuimshiq kuex ngaz muex tvmtuing httaz ningkhvnc nuex nuimshiq miq wvyvmc rueq nuimshiq kuex shuiuc vtueq tvdux gay wuez shuex. Tsuingshiq rueq nuimshiq muex shummarc ngoz ngax vtueq, ‘Nuiyshiq rueq nuimshiq kokez tuinx kuex khiz roc vshix, kvkhoc rvtueq Yehowa vpiq ngauz vngax yunghvlc maq nuimshiq kuex mpalc wvnc shueq,’ ngoz tueq ngoz yaq. Yuq muinz tsuingshiq kuex yvlc svy rvhumc wuez tuex!

JEKERIA 11:8

Ngaz rueq ngvy shuiuc pac jix khelbuenx remc jix miq vganc waz thuimx kuex nanx lot mauk rvtueq tsuinghez lotlaz kuex yapix lex shiz nuex dvyx tvdung tvbac gay tauk.

Matthew 10:22

Ngvy ningkhvnc nuex miq ruip rawx rueq nuimhez kuex shuiuc pac kv-phuinx. Yuq muinz vtvsuip nuex httuiuc laz nanx lot jix waz kuex palc daungc rvhumc wvnc tuex.

Matthew 24:9

“Kvruex yimaq miq htenc rueq nuimshiq kuex lvp vtueq murx tvgurc tvkoc nuiyc vthvy gay tvkoc vkhangx vhttax jix yauk nuex lekuq gay kv-phuinx. Ngvy muingc ningkhvnc nuex miqphvnx lotlaz rueq nuimshiq kuex shuiuc kv-phuinx.

Matthew 5:11

“Ngvy tvkoc nuex miq rueq nuimshiq kuex shummarc guirguenz vtueq, vrot vkaq kvjaz maq mvrax phvnx ruip saz tvgurc ruiux yuq nuimshiq thuinhvlx lvp shuinx.

Mark 13:13

Ngvy ningkhvnc nuex miq ruip rawx rueq nuimshiq kuex shuiuc pac rvhumc tuinx. Yuq muinz vtvsuip nuex httuiuc laz phaungx ngaungx jix waz kuex palc daungc wvnc rvhumc tuex.

Luke 6:22

“Miq Saz vruex ningkhvnc nuex miq rueq nuimshiq kuex shuiuc pac vtueq tvdux gay ruiux, yomnamc vtueq nuimshiq kuex ngoc ngac rvhumc ruiux yuq nuimshiq kuex thuinhvlx yaq!

John 16:1

“Nuimshiq kvmluimx thuinbac kaz muq tvkoc vruex phvnx htenc ngaz rueq nuimshiq muex jungx kuq vphaungx.

John 16:33

Nuimhez kuex ngaz rulc vshiz dvyx yaungc ningkhvnc nuex nomic lvp wvnc shuinx, yuq muinz nuimhez kuex mungkawx nuex htemrvmz kuilc daz rvhumc tuinx. Yuq muinz thuinz nauk tvruinc kaz! Ngaz rueq mungkawx kuex taungx gay tauk shex!” ngoz tueq.

John 3:20

Yvmx khoc lac ngoz ruiux honc vbac yauk shuimc jix ukhaq yuq muinz, raungwuic kuex shuiuc pac vtueq miqmac honc vbac kuex kvkhic kay muex hiz ningkhvnc nuex, raungwuic nuex kvnvp wuez muq.

John 7:7

Mungkawx rueq nuimshiq kuex shuiuc pac lot muq; ngaz muex dvyx shuiuc pac yaq. Kvkhoc shuiuc pac yaq lvmx kuex tsuingshiq mvrax ngaz rueq tvkhic kuy ningkhvnc nuex rvtueq.

Acts 14:22

“Naungshiq kuex Tishox Mungtan nuex httuiuc tvkoc kuilc daz htemc rvmc paunghvlc rvhumc wvnc tix,” ngoz tueq jungphvnx kuq ruiux kvmluimx miqsaz kuex tv-phaungx ngaungx kuq tueq. Tsuingshiq kvmluimx thuinz phaungx ngaungx tvkoc muinz honc tvsvmz jungx kuq tueq.

Hebrews 12:2

Naungshiq kvmluimx lvmx kuex vphaungc maq vtvsuip nuex httuiuc laz tv-phaungx kuy jix Yesu kuex lawc tvtsuingc taq wuez shuinz. Vpiq kuex vpiq rueq lvp wvnc juing rvtueq vpiq bvmc yaq kokez juing lvmx ningkhvnc nuex, yauk juinc bulx nuex thueyc tueq miqyvlc vsac kuex wvlc guez tvyaungc ruiux, yauk juinc bulx lvmx kuex thvl wvnc vtueq majuiuc Tishox hoc daungraungc vkeq kox nuex ngaungc yaq.

James 4:4

Tvmtuing vguez miqsaz lex! Mungkawx vrulc phunox rvyaungc kuex Tishox rulc ralx muex yaungx yaq lvmx nuimshiq rueq tuiuz muit haz? Mungkawx rulc phunox rvyaungc roc jix waz ukhaq yuq muinz miqmac shauk gvnz kuex Tishox muex ralx tvyaungc vshuinx.

1 John 3:1

Lawc shuinz mtanc lac Vwaz rueq naungshiq lungwawx yaq! Vpiq lungwawc thuinz yunghvlc ningkhvnc nuex naungshiq kuex Tishox sahez ngoz tueq muingc phuex rulc rv-ngvlc vsuing naungshiq kuex Tishox sahez rvtiq. Yuq muinz mungkawx rueq Tishox kuex tuiuz muq khuec nuex, naungshiq muinz tuiuz muq.

1 John 3:13

Kvkhoc rvtueq phunox tamx lex, mungkawx miqsaz rueq nuimshiq muex shuiuc pac ruiux yuq nauk kawc yawc kaz.

1 John 3:3

Christu nuex thuinz tvluimc juing lvp jix miqpumz tek kuex, Christu vsawc rvtueq ikhoc miqmac shauk vgvnz kuex tvsawc nawc wuez shuinz.