John 13:17 - Hawa Naga Bible 2001

¹⁷ Majuiuc nuimshiq rueq vruex tsuingrux lvmx kuex tuiuz vshuinx ningkhvnc nuex, kvruex phvnx ruiux yuq nuimshiq thuinhvlc httax yaq.

ASII LAKDAP Bible (BSI)

¹⁷ Riita, ümchaü sanha, namshiq raq ara chongkuq tiikang tengteng bomtsi arka sap lan she. Jurwa ara bomtsi ara lang lanta mishong nga han, kriiti ka pinthum khoqriiq shishiiq miishe misi han!

Muklom

¹⁷ Nim aa iri raaq tang raa usam eq inn, etho eshimal somlo inn jo Shkewa nim ma sunmaan kot pha nin.”

John 13:17 Referencias Cruzadas

RAPHA HIQWA LAK 6:22

Noa rueq muinz Tishox rueq nvr tueq rulc rv-ngvlc lotlaz tvhungx htaungx tueq.

Tvtsvmc 19:11

Kvruex htenc kuex mnvrc waz rvtauk ngaz phaqjic kuq koq; ngaz rueq kvruex htenc kuex phvnx vshaungx ningkhvnc nuex yauk noalc kejux lvp wvnc vshaungx.

DUNGWVNC 40:16

Moshe rueq muinz Yehowa rueq nvr tueq phvnx ruip saz kuex shuimx tueq.

TAKSU LAK 29:18

Tishox rueq shvlx yaq lvmx kuex phvnx muq ngoz ruiux yuq, mungtan kuex rvthuip rvkhvt yaungx yaq. Tishox tvrac phvnc jix waz kuex thuinhvlx httax yaq!

JEREMIA 11:6

Kvruex yimaq Yehowa rueq ngaz muex jungx phuex, “Yuda ghaqyungx htenc nuex nuiyc Yerusalem lvmx laungx htenc nuex kaz kuiuz. Kvruex htenc kvyuq ngvy bomjungc jungphvnc kuy nuiyc miq htenc rueq bomkhvrc kuex tay vtueq phvnc tvkoc jungx shuiuz.

EJEKIEL 36:27

Ngaz rueq nuimshiq nuex ngvy siyac htawc kuq phaungx, kvkaq nuimshiq kuex ngaz rueq nvr phaungx kvjaz htenc phvnx tvhungx vtueq ngvy tvrac lotlaz kuex phvnx wuez shuinz.

Matthew 12:50

Raungmungx nuex httax yaq Iwaz thuinroc shuimc jix htenc kuex inox, ishvlx nyuiuz nuiyc inyuiuz rvtueq,” ngoz tueq jungx tueq.

Luke 11:28

Yuq muinz Yesu rueq, “Tishox bomjungc tay vtueq phvnc jix kuex mtanc thuinhvlc wuez!” ngoz tueq tvralc tueq.

John 15:14

Nuimshiq kuex ngaz rueq nvr phaungx kvjaz tay phvnx ruiux kuex nuimshiq kuex ngvy kungjix hez rvtuit.

Romans 2:13

Yvmx khoc lac ngoz ruiux lec miqsaz rueq Tvrac kuex vtay lvmlvmc raz tueq dvyx Tishox rulc tsuingrux lvp shuex rvmuq, Tvrac nuex nvr shec tueq rulc rv-ngvlc shuimx ruiux yuq jix tsuingrux ngoz tueq ngoz shuex.

Galatians 5:6

Yvmx khoc lac ngoz ruiux lec naungshiq kuex Christu Yesu rulc vdvmz ngoz ruiux yuq, vhttoar gvnc vhtungx lvmz shix, lvmz miq kuex vkhek rvmuq; vkhek rax yaq kuex lungwawc thuinz tvkhic laz shuimx kaz yaq kvmluimx lvmx kvdvyx rvtueq.

James 1:25

Yuq muinz miqsaz kuex mvrax mungx wawc tvdung wvnc ruiux hungx htaungx yaq tvrac kuex rvkhauk laz phvnc lawc jix waz rueq, tvrac kuex vtay lvmlvmc dvyx tay ruiux lauk gay jix waz rvmuq maq, tvhttoarc vtueq shuimc lvmc jix waz rvtueq khuec nuex piq rueq shuimx yaq kuex Tishox rueq ruimruimc kuy rvhumc tuex.

James 4:17

Kvkhoc rvtueq vhvlx yauk shuimc shuimc tvkoc tuiuz yaq rvhvt maq phvnx muq waz kuex mvrax vhttax waz rvtueq.

Revelation 22:14

Rullungx tvraungx juing pulx thuey svy lvp muex nuiyc ghaqyungx kaluix maq nyuip lvp vkhangx lvp tvkoc miqmac khoz vkhvy tvsawc huy jix htenc kuex thuinhvlx yaq.