John 12:34 - Hawa Naga Bible 2001

³⁴ Kvkaq nuk miqsaz htenc rueq, “Mesia kuex pattup rullungx tvraungx httax tuex, ngoz tueq naungshiq Tvrac luik nuex jungx shec tueq. Kvkhoc rvyruiux mnoz rueq, Mesia kuex vtsomz gay rvhumc tuex, ngoz tueq yvmx khoc lac ngoz vshuiux? Miq Saz ngoz shuiux waz kuex ukhaq lac rvtvnx?” ngoz tueq tvralc wuez tueq.

ASII LAKDAP Bible (BSI)

³⁴ Kra tai raütiishe, “Nashiq Thungtri na Khristo ka pattup misi nguta chongtlo ihata. Shatmaq, ümniiriika Maiq Se ka ra na tsom chang dongdii miraq ngutiika jamkho ngutlaü? Riita, ara Maiq Se ngutlaü arka juwa?” nguta mungmaiqse phong thung tlaq kriiraq Jesuq ma bom ka waito.

Muklom

³⁴ Miq wan tang they batta, “Í asang thong na batta, Khristo sha salwet tong na. Etho Miqna Sa tunsol hun eq na ta nang aa chamal eq bat u? Iri Miqna Sa ri utang aa?”

John 12:34 Referencias Cruzadas

2 SAMUEL 7:13

Piq rueq jix ngvy tvkoc shomc yuimx kuex guirx shuex, ngaz rueq mnoz hokhvmx daungraungc kuex tvhttoarc vtueq tv-phaungx ngaungx shaungx.

Tvtsvmc 110:4

“Mnoz kuex Malkhizidek ikhoc pattup pat-sac nuex seng yaq shomc waz muex yaungx tuiux,” ngoz tueq Yehowa rueq vtuimc bomkhvmc rvtueq, kvruex kuex tvyez lvmz wvnc yek shuex rvmuq.

Tvtsvmc 72:7

Tsuingrux lvmx kuex ngvy rullungx wvlex m-yungx luz wvnc kueq, yapix rueq piq lez kuex kuq yaq wawwawx rungwanx lvmx mhttax wvnc kueq.

ISAIA 53:8

Vpiq kuex lvp vtueq vthvy gay tvkoc phox gay tueq, vpiq rvhumc wvnc juing kuex vshiz rueq muinz bvlvmx lawx muq. Vpiq kuex naungshiq miq mvrax htenc laung nuex vthueyc rvhumc tueq.

ISAIA 9:7

Vpiq honoc luimc vkawc kuex tvhttoarc vtueq yungx luz wvnc tuex; Vpiq mungtan kuex mkaq muinz nomic rvtuex. Vpiq kuex Hokhvmx Dawid hoc nuex duiz vtueq guimz lawc shuex, vpiq luimc vkawc kuex tsuingrux nuiyc tvrac vlvmz nuex vruingx waungc vtueq majuiuc vmaq raz tueq tvsuip nuex httuiuc laz phaungx ngaungx wvnc tuex. Tvphaungc Tvsuip Yehowa rueq vruex lotlaz yaungc wvnc tvkoc vhtvp htaz wuez shex rvtueq.

DANIEL 2:44

Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.

DANIEL 7:14

Vpiq kuex vrangx vpangx, tvtsanc nganc, hokhvmx luimc vkawc kuy rvhumc jix waz rvtueq, miqphvnx htenc wawc miq lotlaz muinz, vphvnx htenc, nuiyc phvnx ruip kvjaz htenc rueq muinz piq muex shuimx kuq wuez shuex. Vpiq vrangx vpangx kuex pattup phaungx ngaungx yaq, vpiq mungtan mkaq muinz maq kaz muq.

DANIEL 7:27

Ghaq htauk wawc mungtan lotlaz luimc vkawc nuiyc yungx luz yaq htenc kuex Johvlc Tishox miqsaz htenc muex kuq gay shuex. Tsuingshiq hokhvmx luimc vkawc kuex mkaq muinz htumx wvnc tuex rvmuq, ghaq htauk wawc guimz lawc jix vyungx vlaungx bix lotlaz rueq muinz vpiq muex shuimx kuq ruiux vpiq kvjaz kuex phvnx wuez shuex,” ngoz tueq jungx tueq.

Mikha 4:7

Tsuingshiq kuex yaz kuix kaz vtueq yuimx maq vluz nuex httuiuc kaz wuez tueq, yuq muinz ngaz rueq kvjungx yaq jix htenc kuex vnyalx tvjvp guirx yek vtueq, tsuingshiq kuex miqphvnx yunghvlc yaungx wvnc tuex. Ngaz rueq tsuingshiq kuex Zion Kanx htauk nuex kvruex vkhing maq phaungc vtueq pattup guimz lawc shaungx,” ngoz tueq jungx tueq.

Matthew 16:13

Yesu kuex Kesarea Philipi hong nuex httuiuc kaz tueq nuex vpiq sangac hez muex, “Miq Saz vruex miq rueq ukhaq ngoz tueq lac ngoz yaq nguinx?” ngoz tueq wiz tueq.

Matthew 21:10

Yerusalem nuex Yesu nyuip wvnc koq tueq wvghaq tuimx puingpenx wuez vtueq, “Vruex waz kuex ukhaq lac rvtvnx?” ngoz tueq wisoz wuez tueq.

Matthew 8:20

Yesu rueq, “Shoalx htenc kuex vluix vhttax, wushawx htenc muinz vjez vhttax, yuq muinz Miq Saz vruex kuex khux tvwoalc juing baung doc muinz vguez,” ngoz tueq jungx kuq tueq.

John 10:34

Yesu rueq, “Nuimshiq Tvrac luik nuex Tishox rueq, ‘Nuimshiq kuex tishox htenc rvtuit,’ ngoz tueq jungx shec tueq rvmuq haz?.

John 12:32

Ngaz kuex ghaq vmaq tsomz gay rvhumc taungx nuex, miq lotlaz kuex ngvy kox nuex het wvnc shaungx,” ngoz tueq.

John 15:25

Vkhoc shuiuc yaq lvmz kuex tsuingshiq Tvrac luik nuex, ‘Mvrax vguez yuq muinz tsuingshiq rueq ngaz kuex shuiuc pac wuez yaq,’ ngoz tueq wuiyq shec tueq kuex hungx wvnc tvkoc rvtueq.

John 8:28

Kvkhoc rvtueq Yesu rueq, “Nuimshiq rueq Miq Saz vruex raungx nuex tsomz gay ruiux jix, ‘Ngaz kuex ngaz ngoz vshaungx waz rvtauk,’ kvmuinz, ngaz kuex ngvy vrangx vpangx maq yvmx muinz shuimx mauk, Iwaz rueq ngaz muex tvluing kuq yaq kvrulc rv-ngvlc dvyx jungx vshaungx lvmz kuex nuimshiq rueq tuiuz wvnc shuinx.

Romans 3:19

Tvrac nuex httax yaq vnvrc lvmx phvnx ruip saz kuex Tvrac rueq khung nuex httaz jix htenc tvkoc rvtueq kuex, majuiuc naungshiq rueq tuiuz vshix, kvkhoc yaungx wvnc tueq lvmz kuex miq nuix lotlaz tvthauk tvkoc nuiyc miq lotlaz kuex Tishox rueq phox shuex kvyuq tvrvhumc tvkoc rvtueq.

Romans 5:18

Kvkhoc rvtueq miq washiz yaq gay tueq mvrax ningkhvnc nuex miq lotlaz kuex vphoc rvhumc wvnc tueq rulc rv-ngvlc, vganc washiz rueq tsuingrux yauk shuimc vshiz ningkhvnc nuex miq lotlaz kuex vphoc juing wawc dung wvnc vtueq rullungx tvraungx wuez tueq.

Hebrews 7:24

Yuq muinz Yesu kuex pattup rullungx tvraungx httax yaq ningkhvnc nuex, vpiq shomc waz yauk shuimc kuex vganc jix yauk nuex layc kuy gay ngoz tueq vguez shex.