JEREMIA 8:3 - Hawa Naga Bible 2001

³ Ngaz rueq tv-phvlc nyvnc gay tauk hong htenc wawc thueyc muq kvjungx yaq jix, vruex layx bac miqsaz htenc kuex tsuingshiq vtvraungx httaz ngoc mvnx vthueyc kay kuex jvnc vtueq roc wuez shuex. Ngaz, Tvphaungc Tvsuip Yehowa rueq jungx vshaungx,” ngoz tueq jungx tueq.

ASII LAKDAP Bible (BSI)

³ Kiimaq ara abi mungti phongwa, juwa luntaqti thun ka, Ngi raq pongmung na shumwikong ma nyinbaiqkang hiq thun na siti raq ka, atra si nam ma atsai riiki haijaq ahea riichang nguta mitiima. Arka Ngi, Ajong Pinthum Tatiwe raq ngutiikang.”

JEREMIA 8:3 Referencias Cruzadas

1 HOKHVMX 19:4

Eliya kuex yaruix rumz nuex raungnuiyq nuiyq tuimc khuemx kaz wvnc tueq. Piq kuex pulx jungx vshiz buingc khung nuex ngaungc vtueq, piq vthueyc kay roc lvmz kuex thoz tueq. Piq rueq, “Yehowa lex, kvruex kuex vjvnc shex; ngvy thuiuzthuic kuex lvmz gay koq; ngaz kuex vthueyc raung dodoc rvtueq!” ngoz tueq vjux thoz tueq.

JEREMIA 23:3

Ngaz rueq tsuingshiq tvpanc gay tauk mungtan htenc nuex kvjungx yaq ngvy miqsaz htenc kuex tvjomx vtueq, ngaz rueq tsuingshiq kuex tsuingshiq ghaq vraungx nuex shvlx wvnc shaungx. Tsuingshiq suiuz vsaz paunghvlc pux paung wvnc tuex.

JEREMIA 23:8

Kvkhoc kvtuemc tvraung, Israel miqsaz kuex ghaqkhux kox mungx wawc ngaz rueq tvpanc yurc gay tauk vganc mungtan htenc lotlaz wawc shvlc wvnc jix vtvraungx Tishox nuex tsuingshiq ngaz muex kvtuemc wuez tuex. Kvruex yimaq jix tsuingshiq kuex tsuingshiq ghaq vraungx nuex httax wuez tuex,” ngoz tueq jungx tueq.

JEREMIA 29:14

Rvtueq, nuimshiq rueq ngaz kuex humc phuinx, ngaz rueq nuimshiq kuex nuimshiq mungtan nuex tvyek yek phaungx. Ngaz rueq nuimshiq kuex mungtan ruip rawx wawc nuiyc ngaz rueq yurc gay phaungx baung ruip saz wawc tvtuimx vtueq nuimshiq yurc gay phaungx mungtan kvwawc shvlx wvnc yek phaungx ngoz tueq. Ngaz, Yehowa rueq jungx vshaungx,’ ngoz tueq.

JEREMIA 29:28

Babelon mungx nuex thuq wvnc tueq miq htenc kuex kvruex mungx nuex loayc hvlc httax vtueq yuimx guirx wuez ruiux httax kuinz, sunc nuex khic yuingc vtueq kokemz wvnc yaq kuex phauk saq shuinz, ngoz tueq jungx yaq ningkhvnc nuex piq kuex tvthauk gay rax,” ngoz tueq jungx tueq.

JEREMIA 40:12

Kvkhoc rvtueq tsuingshiq kuex tvpanc gay rvhumc tueq mungtan htenc wawc dung wvnc wuez vtueq Yuda mungx nuex yek wuez tueq. Tsuingshiq kuex Mizpa ghaq Gedalia kox nuex kaz vtueq, kvruex ghaq kvyuq svpiq tix nuiyc pulx thuey waqthuimx paunghvlc lvp luz wuez tueq.

JEREMIA 44:2

Tvphaungc Tvsuip Yehowa Israel Tishox rueq, “Yerusalem nuiyc Yuda mungx wawc vganc ghaqyungx htenc lotlaz htauk nuex ngaz rueq tvhttuiuc kuq tauk tvbac gay kuex nuimshiq rueq khiz tuit shex. Majuiuc doc muinz kvruex htenc kuex bac ruq dvyx, ukhaq muinz kvyuq httax yaq rvmuq,

JEREMIA 44:6

Kvkhoc rvtueq ngaz rueq Yuda ghaq htenc nuex nuiyc Yerusalem ghaq lvmx htenc htauk nuex ngvy thuinkhvy kuex ruiuc gay vtueq, kvruex htenc kuex wvr maq jauk gay tauk. Kvruex baung htenc kuex kvhttak bac wvnc vtueq majuiuc raungnuiyq khiz vshuinx rulc rv-ngvlc ghaqkuiyq ghaqkhvmx miqhiz vsac baung yaungx yaq.

JEREMIA 6:9

Tvphaungc Tvsuip Yehowa rueq ngaz muex jungx phuex, “Sunc wawc svpiq thuey kuex raungluingx muinz tvjungx muq puinz gay yaq ikhoc Israel miqsaz kuex tvsawc ric rvshuex. Kvkhoc rvtueq mnoz rueq vkhing vhttax baunglaung daungc lot shuiux tanc khvnc daungc wvnc shuiuz,” ngoz phuex.

DANIEL 9:7

Taungjix lex, mnoz rueq vlvmz yauk shuimc kuex mkaq muinz shuimx vshuiux, yuq muinz nuiyshiq rueq miqmac pumz kuex mkaq muinz tvyvlc sac vshix. Tsuingshiq kuex mnoz nuex tvmtuing vguez ningkhvnc nuex vnyek, vluz mungtan htenc nuex nyanc gay rvhumc yaq Yuda mungx nuiyc Yerusalem nuex httaz jix lotlaz nuiyc Israel miqsaz lotlaz htauk nuex vruex lvmz vsuing yaungx wvnc tueq.

LEWI 26:33

Ngaz rueq nuimshiq kuex thuimkux ralx murx tvgurc ruiux, mungx ganc nuex tv-phvlc nyanc tvhttax gay phaungx, nuimshiq mungtan kuex miq yomx wvnc vtueq nuimshiq ghaqyungx htenc kvmuinz batac wvnc tuex.

AMO LUIK DVP (AMOS) 3:1

Israel miqsaz lex, nuimshiq nuex seng vtueq Yehowa rueq jungx tueq vruex bomjungc vmuinz, vpiq rueq wvphvnx tuimx Ejip mungx wawc shvlx wvnc tueq kvmuinz tay wuez shuinz:

Jona 4:3

Majuiuc kuex Yehowa lex, ngaz tvraungx httax taungx ngoc mvnx vthueyc ruez kaz ruiux waz vhvlx rvtuex, ngvy rullungx kuex lvmz wvnc shuiuz,” ngoz tueq thoz tueq.

Mikha 2:3

Kvkhoc rvtueq Yehowa rueq, “Ngaz rueq nuimshiq htauk nuex jamjaux kuilc daz tvyaungc tvkoc kvmungx vshaungx rvtueq, kvruex wawc nuimshiq dung wvnc lot tuinx rvmuq. Nuimshiq kuex nuimshiq shauk pumz maq kuilc daz juing kuex thuiyx wuez vshuinx, kvkaq nuimshiq kuex ngamc ngax wuez lot tuinx rvmuq.

TRI CHONGKE 30:1

“Ngaz rueq majuiuc nuimshiq muex kejux nuiyc mvnhttonc kuex thvl wvnc tvkoc kuq vphaungx. Vruex lotlaz nuimshiq nuex yaungx wvnc tuex kvkaq, Yehowa nuimshiq Tishox rueq nuimshiq kuex mungx ruip saz nuex yurc gay ruiux, kvruex miqphvnx htenc kox nuex nuimshiq httax tuinx kvkaq, ngaz rueq nuimshiq muex tvthvl vphaungx kuex rvwvl yek shuinx.

TRI CHONGKE 30:4

Nuimshiq kuex ghaq ruiykhuix baung ruip nuex rv-phvlc nyanc wvnc ruiux yuq muinz, Yehowa nuimshiq Tishox rueq laukshiz hulawx tvtuimx yek vtueq,

Revelation 6:16

Tsuingshiq rueq kuz vkanx htenc nuiyc lungrauk htenc muex, “Nuiyshiq htauk nuex kuimc wvnc vtueq hoc daungraungc htauk nuex ngaungc yaq waz htvlx kuex kvkhic muq tvkoc nuiyc Khelbuenx Saz thuinkhvy kvdaungc muq tvkoc nuiyshiq kuex tvkhup wungx kuq wvnc loq!

Revelation 9:6

Kvruex yapix lex bv-ngac baunglaung tsuingshiq rueq vthueyc juing lvmx thuiyx shuex, yuq muinz humc muq; tsuingshiq vthueyc roc wuez shuex, yuq muinz vthueyc vmvy kuex tsuingshiq kox wawc yuz wvnc tuex.