JEREMIA 7:20 - Hawa Naga Bible 2001

²⁰ Kvkhoc rvtueq ngaz, Johvlc Yehowa rueq ngvy thuinkhvy phuk yaq kuex vruex Shomc Yuimx vyuq ruiuc gay shaungx. Miqsaz htenc nuiyc nyvmx saz htenc htauk nuex muinz, pulx jungx htenc nuiyc vthuey vngoz htenc htauk nuex muinz ngaz rueq ruiuc gay shaungx. Ngvy thuinkhvy kuex uraq muinz tvmut lot muq wvr rulc rv-ngvlc yaq.

ASII LAKDAP Bible (BSI)

²⁰ Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

JEREMIA 7:20 Referencias Cruzadas

2 HOKHVMX 22:17

Tsuingshiq rueq ngaz kuex tvdux gay ruiux vganc tishox htenc muex shomc nawk kuy shomc kuq vshuex, kvkhoc tsuingshiq rueq shuimx kaz vtueq ngvy thuinz tvkhaq yaq. Kvkhoc rvtueq Yerusalem kuex khawc lvlc tvkoc ngvy thuinkhvy kuex naq yaq ningkhvnc nuex kvruex kuex bunx tuex.

ISAIA 10:17

Tishox, Israel raungwuic kuex wvr muex yaungx tuex. Israel vsawc Tishox kuex wvrluic yaungx tuex, kvruex raq raungnuiyq shiz nuex dvyx hup vsvmx ruip rawx kuex khamc gay shuex, shuiuq jungx nuiyc shuiuq rumz htenc doc muinz khamc gay shuex.

ISAIA 42:25

Kvkhoc rvtueq vpiq rueq naung- shiq muex piq thuinkhvy tvrvhumc vtueq, yauk laungc yalawx ralx dungc ru eq tvkuilc daz kuex tvrvhumc yaq. Vpiq thuinkhvy kuex wvr ikhoc Israel wvmungx tuimx nuex khamc wvnc tueq, yuq muinz yvmx wuez yaungx yaq nguinx naungshiq rueq mkaq muinz tuiuz miq; naungshiq rueq kvkhoc yaungc dvnc yaq mungx kvwawc yvmx muinz tvluing wvnc miq doc rvtueq.

ISAIA 66:24

“Tsuingshiq dung kaz wvnc ruiux yuq, ngaz muex khawc lvlc jix hez maungx htenc kuex tsuingshiq rueq khiz shuex. Kvruex phuiuz jix vyung kuex mkaq muinz thueyc muq, vmaungx khamc yaq wvr muinz mkaq muinz mut muq. Miq htenc rueq kvkhoc yaungx yaq kuex khiz vtueq suirsac wuez shuex.”

JEREMIA 11:16

Mvnnuex lauk shiz ngaz rueq tsuingshiq kuex svp hvlc vthuey vngoz mvrc yaq wuiljuit wuiljaungx olip jungx vshiz ngoz tueq muingc tauk, yuq muinz majuiuc kuex raungx muk ikhoc tvruingc maq ngaz rueq pulx yauk htenc kuex tvkhamc gay ruiux vnoz vkanx htenc kuex tawk gay tauk.

JEREMIA 12:4

Nuiyshiq ghaq vraungx kuex mtanc khvnc nuex httuiuc laz shanx wvnc vtueq wuik vnax tek nuex kemz yaq httuingx htenc yuiuq wvnc vtvnx? Miq htenc rueq, ‘Naungshiq rueq shuimx vshix kuex Tishox rueq khiz muq, ngoz tueq jungc jix naungshiq layx bac miqsaz ningkhvnc nuex, ngvmx saz htenc nuiyc wushawx htenc thueyc wvnc vtuex,’ ” ngoz tueq jungx tueq.

JEREMIA 14:16

Tsuinghez rueq jungx yaq kvjaz kuex tay vtueq phvnc jix miqsaz kuex kvkhoc thvy gay rvhumc tuex. Tsuinghez maungx htenc kuex Yerusalem ghaq lvmx laungx htenc nuex tuip gay rvhumc vtueq, tsuinghez luip jix miq vshiz muinz httax tuex rvmuq. Vruex lvmz tsuingc taungnyuiuz tamx tsuingc sahez miqwaz yalxjuik sahez nuex yaungx wvnc tuex. Tsuingshiq honc vbac mauk kuex ngaz rueq tsuingshiq muex kuq shaungx,” ngoz tueq jungx tueq.

JEREMIA 17:27

Yuq muinz tsuingshiq rueq ngvy kvjaz phvnx vtueq vsawc raungnuiyq muex Vguilc Raungnuiyq kuex phvnx shuex. Tsuingshiq kuex kvruex raungnuiyq Yerusalem palx kaluix lvmx maq yvmx muinz gurx pic muq rvshuex, tsuingshiq rueq kvkhoc shuimx kaz ruiux yuq, Yerusalem palx kaluix htenc kuex ngaz rueq wvr maq jauk gay shaungx. Wvr kvraq Yerusalem hoc htenc kuex khamc gay shuex; wvr kuex washiz rueq muinz thvt lot muq rvshuex,” ngoz tueq jungx tueq.

JEREMIA 17:4

Mmvrax ningkhvnc nuex nuimshiq muex ngaz rueq kuq phaungx mungtan kuex tuip gay shec shuinx. Ngvy thuinkhvy kuex wvr ikhoc ningkhvnc nuex pattup luic hvt luic vtueq, ngaz rueq nuimshiq kuex miqmac httuiuc muit shauk doc mungx nuex ralx muex shuimx lvmz kuq wuez shuinx,” ngoz tueq jungx tueq.

JEREMIA 18:23

Yuq muinz, Yehowa lex, ngvy thvy tvkoc tsuingshiq rueq kvmungx yaq lvmz lotlaz kuex mnoz rueq tuiuz yaq. Tsuingshiq layx bac yauk shuimc, rvmuq ngoz ruiux tsuingshiq mvrax kuex nauk dawc kuq kaz. Tsuingshiq kuex tvsumx tvdvy gay shuiuz; mthuinz khaq yaq baunglaung tsuingshiq kuex tvhonc tvtharc shuiuz.”

JEREMIA 42:18

“Yehowa Israel Tishox rueq jungx tueq, ‘Ngaz khaq vtaungx nuiyc thuinkhvy phuk yaq kuex Yerusalem ghaq jix htauk nuex ruiuc gay tauk ikhoc nuimshiq Ejip mungx nuex kaz wvnc tuit ngoz ruiux yuq nuimshiq htauk nuex muinz ngvy thuinkhvy kuex ruiuc gay shaungx. Nuimshiq kuex kvhiz juing muex yaungx khvmz tuit, miq htenc rueq muinz nuimshiq muex shummarc vtueq mmuingc kuex kvtuemc kvtaungc kvjaz jungx shuex nuex shuimx wuez shuex. Nuimshiq rueq vruex baung kuex mkaq muinz khiz yek shuinx rvmuq shex rvshuinx,’ ” ngoz tueq jungx tueq.

JEREMIA 44:6

Kvkhoc rvtueq ngaz rueq Yuda ghaq htenc nuex nuiyc Yerusalem ghaq lvmx htenc htauk nuex ngvy thuinkhvy kuex ruiuc gay vtueq, kvruex htenc kuex wvr maq jauk gay tauk. Kvruex baung htenc kuex kvhttak bac wvnc vtueq majuiuc raungnuiyq khiz vshuinx rulc rv-ngvlc ghaqkuiyq ghaqkhvmx miqhiz vsac baung yaungx yaq.

JEREMIA 6:11

Yehowa lex, ngvy htauk nuex mthuinz khvy mvrc yaq ningkhvnc nuex, nanx lot shuiux rvmuq,” ngoz tauk. Kvruex yimaq Yehowa rueq ngaz muex jungx phuex, “Ngvy thuinkhvy kuex lvmx htenc wawc nosaz rulx htauk nuex muinz, yalxtux yalxrox bix htauk nuex muinz ruiuc kuq shuiuz. Vtaungx waz nuiyc vtaungx nyuiuz htenc nuiyc nyuiuz waz likawx htenc muinz kvguing lot tuex rvmuq.

JEREMIA 6:12

Tsuingshiq yuimx htenc wuik vnax htenc tsuingc taungnyuiuz htenc kuex vganc jix kox nuex httuiuc wvnc tuex. Ngaz rueq vruex mungtan wawc miq htenc muex murx tvgurc shaungx.

JEREMIA 8:13

“Wuik shuimc jix rueq tuiz vtsvmz tvjomx yaq ikhoc ngaz rueq muinz ngvy miqsaz htenc kuex tvjomx gay roc vshaungx; yuq muinz tsuingshiq kuex vyauk htenc yuiuq wvnc vtueq vthuey vguez svpiq ruiuz htenc nuiyc vthuey thuey muq phuiuq muiuq jungx htenc rulc rv-ngvlc yaq. Kvkhoc rvtueq ngaz rueq vkuq ghaq vraungx kuex vganc jix yauk nuex httuiuc wvnc tueq.”

AJONJÜ 4:11

Yehowa rueq vpiq thuinkhvy mvrc yaq hungc vlaungc kuex ruiuc gay tueq; vpiq rueq Zion kuex ghaq nuex httuiuc laz khamc juing wvr tvsauz tueq.

EJEKIEL 22:22

Kuimphox kuex wvr nuex tvyuimx shuz gay yaq ikhoc tsuingshiq kuex Yerusalem nuex tvyuimx gay rvhumc tuex, tsuingshiq rueq Yehowa thuinkhvy rvhumc vtuex lvmx tuiuz wvnc wuez shuex.”

EJEKIEL 7:12

Vkhing kuex httuiuc yaq shex. Rvrez rvshaungc yauk shuimc mvy muq vkhing kuex vnyek shex, yvmx khoc lac ngoz ruiux lec Tishox thuinkhvy kuex miq pumz tek htauk nuex httuiuc wvnc tuex.

EJEKIEL 7:14

Bolic tuimz shuiuz, miq pumz tek vtueq tvyoalc wuez shuinz. Yuq muinz washiz muinz ralx rvlungc nuex kaz wuez muq, yvmx khoc lac ngoz ruiux lec Tishox thuinkhvy kuex miq pumz tek htauk nuex httuiuc wvnc tuex rvtueq.

DANIEL 9:11

Israel miqsaz lotlaz rueq mtvrac htenc kuex tvbac gay ruiux, mnoz rueq jungx toq kuex tay muq maq tvdux gay tueq. Nuiyshiq rueq mnoz muex mvrax yaq tiq ningkhvnc nuex, mnvrc waz Moshe Tvrac nuex wuiyq shec tueq mvnhttonc kvjaz htenc nuiyshiq kox nuex lvmz laq ruiux rvtueq.

LEWI 26:28

ngaz kuex thuinz tvkhaq vtueq nuimshiq kox wawc kvwek wvnc ruiux kungkhux wawc htauk nuex muinz jvnc vtueq htvp mvshix murx tvgurc yek phaungx.

NAHUM 1:6

Vpiq thuinkhaq ruiux yuq, ukhaq lac tvraungx lot tvnx? Vkawc yawc juing vpiq thuin-khvy dung yaq kvyuq, ukhaq lac tvraungx lot tvnx? Vpiq rueq luic thuiyc yaq thuin-khvy kuex ruiuc gay koq tueq; Vpiq khaungkac nuex lung htenc kuex bokkhuyx ikhoc bunx wvnc tueq.

JEPHANIA 1:2

Yehowa rueq, “Ghaq htauk nuex httax yaq phvnx ruip saz rvtueq,

JEPHANIA 1:3

miqsaz nuiyc nyvmx saz ngvmx saz htenc lotlaz, wushawx htenc nuiyc ngaq htenc kuex ngaz rueq tvbac gay shaungx. Ngaz rueq layx bac jix htenc sumrumx wvnc lvmz kuex tvyaungx shaungx. Ngaz rueq miqsaz lotlaz kuex tvbac gay shaungx, thuiuzthuic tvraungx phvnx ukhaq muinz kvjungx lot tuex rvmuq. Ngaz, Yehowa rueq jungx vshaungx.

JEKERIA 7:12

tsuingshiq thuinz vmungx kuex lung rauk ikhoc tvtsanz wuez yaq. Mvnnuex wawc shvmmax bix rueq jungphvnx tvluing wvnc tueq kvjaz kuex tsuingshiq rueq tay muq ningkhvnc nuex ngaz pinhtumc khaq vtaungx.

MALAKI 4:1

Tvphaungc Tvsuip Yehowa rueq, “Ngamc vngax jix htenc nuiyc honc vbac jix htenc lotlaz kuex tsvmkuiz ikhoc khamc gay shuex raungnuiyq httuiuc wvnc tuex. Kvruex raungnuiyq tsuingshiq kuex khamc gay vtueq kvyuq tsuingshiq kuex yvmx muinz kvjungx muq shex.

Matthew 3:12

Vpiq tsvmz dvmx wawc tsvmz ruz nuiyc tsvmz phex kuex thvlc gay tvkoc vpiq yauk nuex wvnkhuix shuimx yaq, tsvmz vshauk kuex tsvmtumz nuex htawc ruiux vphex kuex vtvthuik mvy muq wvr nuex jauk gay shuex,” ngoz tueq.

Revelation 14:10

Tishox thuinkhvy kok wawc pinhtumc thuinkhvy ngoz yaq svpiq tix kuex nuingx wuez shuex! Kvdvyx muinz rvmuq piq rueq vsawc raungkamx bix nuiyc Khelbuenx Saz htumc nuex kanz wvr maq tvkuilc daz guirguenc rvhumc tuex.