JEREMIA 43:2 - Hawa Naga Bible 2001

² Kvruex yimaq Hoshaia saz Azaria, Karea saz Yohanan nuiyc vganc thuinz vyungx jix hez rueq ngaz muex ngoc, “Mnoz vrot ruez vtuiux. Yehowa naungshiq Tishox rueq Ejip mungx nuex httax kaz muq mruez kueq ngoz tueq nuiyshiq muex jungc kuy tvkoc mnoz kuex tvkaz kv-phux rvmuq.

ASII LAKDAP Bible (BSI)

² Kiijiishe Hoshaia se Ajaria kiimaq Karea se Johanan kiimaq mungmaiqse phong wa ashkongtamli siti kong rai adam maq ikiq ka akhiishe khiito, “Ümniika arot. Tatiwe nashiq Shiikeawe raq ümniika naishiq ma Ejip mung na naqsiki rongkiq nguta tiichongki mak.

JEREMIA 43:2 Referencias Cruzadas

RAPHA HIQWA LAK 19:14

Kvkaq Lot kuex vkix waz hez kox nuex kaz vtueq, “Vruex maq yauk lox yuz wvnc wuez kuinz; Yehowa rueq vruex ghaq kuex tvbac gay shex,” ngoz tueq jungx kaz tueq. Yuq muinz piq tvmaung maq dvyx jungx yaq ngoz tueq tsuinghez rueq tvmaung tueq.

2 KAÜWA WERAÜ 36:13

Zedekia kuex Tishox muingc maq piq muex tvtuemc vtueq tvkhvmc tueq Hokhvmx Nebukhadnezar kuex khawx lvlx tueq. Piq kuex thuinz kvlayc vtueq Yehowa Israel Tishox kox nuex kvyez tvkoc tvlvlc tueq.

Tvtsvmc 119:21

Mnoz rueq ngamc vngax jix muex tvhonc tvtharc vshuiux; mnoz rueq nvrc bomc htenc phvnx muq jix kuex vhttonc vngoc rvhumc yaq.

Tvtsvmc 12:3

O Yehowa lex, tvyoq yvmx jung-phvnx yaq tvlix kuex tvsuingx gay shuiuz! “Nuiyshiq nuix htenc maq nuiy-shiq rueq roc shix phvnx kuex lvp vshix; nuiyshiq rueq yvmx lac roc vshix lvmz kuex jungphvnx vshix nuiyc, uraq muinz nuiyshiq kuex tuing-shaung lot phuex rvmuq,” ngoz tueq kvsomc parc jix nuix htenc kvmuinz httuiuq gay shuiuz.

Tvtsvmc 123:4

Nuiyshiq kuex luiz waungx jix htenc rueq nueykuic nuiyc tuinghtuing jix htenc rueq wvlc guez waqguez tvyaungc rvhumc vtix kuex loayc hvlc shex.

DUNGWVNC 5:2

Hokhvmx waz rueq, “Yehowa ngoz yaq kuex ukhaq lac? Yvmx ngoz tueq lac ngaz rueq piq kvjaz kuex tay kuq vtueq Israel miqsaz kuex tvkaz shaungx? Ngaz rueq kvruex Yehowa kuex tuiuz mauk; Israel miqsaz kvmuinz tvkaz lot mauk,” ngoz tueq tvralc tueq.

DUNGWVNC 9:17

Yuq muinz mnoz kuex mngamc boq vtueq ngvy miqsaz kuex tvkaz muq maq raz tueq tvlvlc hvt dvyx doc nyix.

TAKSU LAK 16:5

Tuluimc thuinz httax yaq miq ruip rawx kuex Yehowa rueq shuiuc yaq; tsuingshiq muex murx tvgurc yaq kvwawc mkaq muinz vpiq rueq tvdung wvnc shuex rvmuq.

TAKSU LAK 30:9

Kvruex htauk nuex jvnc vtueq ngaz rueq lvp luz ruiux yuq, ngaz rueq mnoz kuex roc mauk ngoz tueq jungx ikhiq. Yuq muinz ngaz htemrvmz ruiux kuex ngaz rueq vguiuq raz tueq, ngvy Tishox muex yvlc svy juing tvyaungc ishaungx.

TAKSU LAK 8:13

Yehowa muex tvtsanc nganc kuex honc vbac phvnx shuiuc gay rvtueq; ngaz rueq ngamc ngax lvmx nuiyc tuluimc thuinz, honc bac lvmx nuiyc vrot vkaq kvjaz htenc kuex shuiuc vshaungx.

ISAIA 7:9

Israel kuex Samaria mungx nuiyc kvruex ghaqyungx htauk nuex jvnc vtueq hungc vguez, Samaria mungx kuex hokhvmx Peka tanc khvnc hungc vguez. “Mkhoc shoc maq mnoz kvmluimx thuinz phaungx muq ngoz ruiux kuex, mnoz ngaungx lot tuiux rvmuq.”

ISAIA 9:8

Yehowa rueq Israel mungx htauk nuex nuiyc Yaku suiuz vsaz htenc htauk nuex phoc juing lvmx tvtay jungx tueq.

JEREMIA 13:15

Israel miqsaz lex, Yehowa rueq kvjaz jungx yaq! Thuinz tvyomx vtueq piq kvjaz kuex tay shuinz.

JEREMIA 18:18

Kvruex yimaq miq htenc rueq, “Yeremia muex phvnx shishiz ruez thalx ix! Naungshiq muex tvhonc tvtharc tvkoc shomc waz bix, naungshiq muex tharc jungc kuy jix wvtharc miqsaz htenc nuiyc Tishox bomjungc kuy jix shvmmax bix kuex mkaq muinz vhttax rvtuex. Piq rueq jungx yaq kvjaz kuex tay miq maq, piq mvrax dvyx thuiyx wuez ix,” ngoz tueq jungx wuez tueq.

JEREMIA 40:8

Kvkhoc rvtueq Eshmael saz Nethania, Yohanan saz Karea nuiyc Yonathan, Tanhumet saz Seraia, Netopha phvnx Ephai sahez nuiyc Maaka phvnx Jezania kuex tsuingshiq miq hez rulc vdvmz Mizpa ghaq nuex httax yaq Gedalia kox nuex httuiuc kaz wuez tueq.

JEREMIA 41:16

Kvruex yimaq Eshmael rueq Gedalia thvt gay ruiux Mizpa ghaq nuex kvjungx yaq vthuq vruez wvnc miq htenc ikhoc shvlx wvnc tueq nolaungx bix, yalxjuik rulx, nosaz rulx nuiyc miq yalxjuik htenc kuex Yohanan nuiyc piq nolaungx yungx bix rueq tvkhup wungx tueq.

JEREMIA 42:1

Kvruex yimaq nolaungx yungx bix lotlaz, Karea saz Yohanan, Heshaia saz Jezania nuiyc mungx miqsaz htvp maq htvp htenc kuex,

JEREMIA 42:20

nuimshiq kuex vthueyc juing vyaq shuimx kaz tuit kuex honc tvsvmz kuq vphaungx. Nuimshiq tvkoc Yehowa naungshiq Tishox kox wawc thoz tvkoc nuimshiq rueq ngaz muex tvjungx tvthoz phuinx, vpiq rueq nvr tueq phvnx ruip saz kuex nuimshiq rueq shuimx kaz shix ngoz tueq bomkhvmc taq tuit.

JEREMIA 42:5

Kvruex yimaq tsuingshiq rueq ngaz muex, “Nuiyshiq tvkoc nuex Yehowa naungshiq Tishox rueq mnoz muex kuq kv-phux nvr kv-phux lotlaz kuex nuiyshiq rueq phvnx miq ngoz ruiux, Yehowa kuex nuiyshiq nuex vlvmx nuiyc tvmtuing hakhix m-yaungx kueq.

JEREMIA 43:1

Yehowa nuimshiq Tishox rueq nuimshiq muex jungc kuy tvkoc ngaz tvkaz phuex rulc rv-ngvlc ngaz rueq miq htenc muex phvnx ruip saz jungx kuq lot tauk shex.

JEREMIA 44:16

“Yehowa muingc maq mnoz rueq nuiyshiq muex jungx phux kuex nuiyshiq rueq tay miq tvdux gay shix.

James 4:6

Yuq muinz naungshiq muex Tishox rueq vkuq kejux kuex pinhtumc hungc vlaungc yunghvlc. Rumvrc luik nuex, “Tishox rueq kvsomc parc ngamc ngax jix waz muex tuingshaung kuq gay ruiux, thuinz tv-nyenc jix muex kejux kuq yaq,” ngoz tueq jungx shec tueq.

1 Peter 5:5

Ekvrulc rv-ngvlc nuimshiq nosaz rulx rueq nyuiuz waz miqlaungx bix kvjaz kuex tay wuez shuinz. Nuimshiq vdvmz dvmz juiux kax tvkoc nuimshiq lotlaz thuinz vnyenz ngoz yaq marrarc kuex svmx wuez shuinz; yvmx khoc lac ngoz ruiux lec Rumvrc luik nuex, “Tishox rueq ngamc vngax jix muex tuingshaung kuq gay yaq, yuq muinz thuinz vnyenz jix htenc muex kejux kuq vtueq htvlx phawc tvlvp yaq,” ngoz tueq jungx tueq.