JEREMIA 34:22 - Hawa Naga Bible 2001

²² Ngaz rueq nvr ruiux yuq, tsuingshiq kuex vruex ghaqyungx vyuq yek waung tuex. Tsuingshiq kvruex khvt tueq, lvp tueq, nuiyc wvr maq jauk gay tueq. Ngaz rueq Yuda mungx wawc miqghaq ruinx htenc kuex ukhaq muinz httax muq ghaqkuiyq ghaqkhvmx kumtsvy tvnx ikhoc tvyaungc gay shaungx. Ngaz, Yehowa rueq jungx vshaungx.”

ASII LAKDAP Bible (BSI)

²² Ngi raq aming mikuqha. Tsangshiq ka ara chela khatkai nong mijangki. Tsangshiq raq ara chela ara mikhat. Raüta chela ka milap wan. Raüta arka wa maq michaqbaiq. Ngi raq Juda mung wa chela thun ka rumnyangkhi kumtsaiphii miishe mitiija baiqha. Kiijaq maiq asiti jumin ahü she miraq. Arka Ngi, Tatiwe raq toqtan tiikang.”

JEREMIA 34:22 Referencias Cruzadas

2 SAMUEL 16:11

Kvmaq Dawid rueq Abishai nuiyc piq miq vyungx vlaungx bix lotlaz muex ngoc, “Isaz shauk rueq doc muinz ngvy thvy tvnz yaq, kvkhoc rvtueq vruex Benjamin miqsaz htenc vmac nuimhez yvmx ngoz tueq wangc langc lac? Piq rueq ruec roc mruez shueq, mhttonx thvt shueq, Yehowa rueq tvjungx koq tueq piq rueq kvkhoc httonx yaq.

2 HOKHVMX 25:6

Zedekia kuex Hamat mungx Ribla nuex httax yaq Hokhvmx Nebukhadnezar kox nuex shvlc wvnc rvhumc vtueq, kvyuq Nebukhadnezar rueq phox gay tueq.

2 HOKHVMX 25:9

Piq kuex Yerusalem wawc Shomc Yuimx, hokhvmx hoc nuiyc Yerusalem ghaq wawc vkhek miq httax yaq yuimx htenc kuex jauk gay tueq,

2 KAÜWA WERAÜ 36:17

Kvkhoc rvtueq Yehowa rueq tsuingshiq kuex khvt kay tvkoc Babelon hokhvmx waz kuex tvkaz tueq. Hokhvmx waz rueq Shomc Yuimx mungx nuex httax yaq Yuda yalxrox bix nuex httuiuc laz thvt gay tueq. Piq rueq nyuiuz waz, nosaz, miqwaz yalxjuik, vthuiuz vsac jix, miq hvlx jix, ukhaq muex muinz menjenc muq. Tishox rueq tsuingshiq lotlaz kuex piq yauk nuex lekuq gay tueq.

ISAIA 13:3

Yehowa kuex vsawc ralx lungc tvkoc muinz, vpiq thuinkhaq yaq jix htenc muex murx tvgurc tvkoc muinz, vpiq kvsomc parc aungx yaq nolaungx bix nuiyc vpiq rueq tvluimc yaq nolaungx bix kuex tvdung gvl tueq.

ISAIA 24:12

Ghaqyungx kuex bunx kaz shex, kvruex palx kaluix htenc muinz rop httak gay tueq.

ISAIA 37:26

“Vruex lotlaz kuex mvnnuex phuex ngaz rueq tvhungx htaungx wvnc tauk lvmz mnoz rueq mkaq muinz tay muq doc haz? Majuiuc muinz kvruex yauk shuimc htenc kuex ngaz rueq tvhttoarc vtueq shuimx vshaungx. Ngaz rueq mnoz muex palx vruk ghaqyungx htenc kuex lung phungc tvyaungc gay lot yaq luimc vkawc kuq wvnc phaungx.

ISAIA 6:11

Ngaz rueq, “Taungjix lex, mtanc nuex httuiuc laz vkhoc yaungx wvnc tvnx?” ngoz tueq wiz tauk. Vpiq rueq, “Ghaqyungx htenc bac wvnc vtueq sawc ric yaungx wvnc tuex nuex httuiuc laz, yuimx htenc kuex kuiyqshuik kuiyq shix yaungx wvnc vtueq, ghaq kuex sawc riric phaq tvwawc gay shec shuex vkhing nuex httuiuc laz rvtuex, ngoz tueq tvralc phuex.

ISAIA 64:10

Mnoz muex vsawc ghaqyungx htenc kuex kumtsvy tvnx ikhoc dvyx shex; Yerusalem kuex kuiyqshuik kuiyq shix bac wvnc tueq,

JEREMIA 2:15

Tsuingshiq rueq piq kuex hangsic rueq ikhoc huk yaq; tsuingshiq rueq piq mungtan kuex kumtsvy tvnx muex tvyaungc vtueq, piq ghaq htenc kuex tvbac gay ruiux, miq httax muq laz juing tuip gay shec tueq.

JEREMIA 32:29

wvr nuex jauk gay shuex. Ngvy thuinz tvkhvy muex ngoz tueq, yuimx htenc htauk nuex Bala muex vhomc vtumc phvnx jauk ruiux, vganc tishox htenc muex svpiq tix shvy shomc kuq yaq yuimx htenc kvrulc vdvmz tsuingshiq rueq kvruex ghaqyungx kuex jauk gay shuex.

JEREMIA 33:10

Yehowa rueq, “Vruex baung kuex kumtsvy tvnx ikhoc yaungx wvnc vtueq, kvyuq httaz jix ghaq miqsaz htenc nuiyc nyvmx saz htenc yvmx muinz vguez shex, ghaqkuiyq ghaqkhvmx baung yaungx wvnc vtuex ngoz tueq miq htenc rueq ngoz shuex. Kvkhoc yaungx yaq kuex vsuing rvtueq; Yuda ghaq htenc nuiyc Yerusalem lvmx htenc kuex kuiyqshuik kuiyq shix raz tueq ghaq miqsaz muinz, nyvmx saz htenc muinz kvyuq httax tuex rvmuq. Yuq muinz kvruex baung htenc kvyuq

JEREMIA 34:2

Yehowa Israel Tishox rueq, Yuda Hokhvmx Zedekia muex jungx kay tvkoc jungx phuex kuex, “Ngaz, Yehowa rueq vruex ghaqyungx kuex Babelon hokhvmx yauk nuex lekuq gay ruiux, piq rueq kvruex ghaq kuex wvr maq jauk gay shuex.

JEREMIA 38:23

Kvruex yimaq ngaz rueq, “M-yalxjuik nyuiuz rulx nuiyc nosaz hez lotlaz kuex Babelon miqsaz yix nuex shvlc lvy rvhumc tuex, mshauk pumz muinz tsuingshiq kox wawc dung wvnc lvp muq. Mnoz kuex Babelon hokhvmx yauk nuex khoktep nuex shuiuz gay rvhumc tuiux, vruex ghaqyungx kuex labuinx tvyaungc gay shuex,” ngoz tueq jungx tauk.

JEREMIA 39:8

Kvruex baunglaung, Babelon miq htenc rueq hokhvmx hoc nuiyc mungx miqsaz yuimx htenc kuex jauk gay ruiux, Yerusalem ghaq palx ruk htenc kuex httak gay tueq.

JEREMIA 4:7

Piq kvhttuiyq juing baung wawc dung kaz yaq hangsic ikhoc, miqphvnx ruip rawx tvbac gay jix waz kuex dung kaz yaq. Piq kuex Yuda mungx tvbac gay muex kaz yaq. Yuda ghaqyungx htenc kuex bac wvnc vtueq, miq vshiz muinz httax tuex rvmuq shex.

JEREMIA 44:22

Nuimshiq layx vbac nuiyc miqsuirc vsac honc vyaungc htenc kuex Yehowa rueq raungluingx muinz nanx lot muq ningkhvnc nuex nuimshiq mungtan kuex majuiuc raungnuiyq yaungx yaq kvkhoc, ghaqkuiyq ghaqkhvmx yaungx wvnc vtueq washiz muinz httax tuex rvmuq. Kvhiz juing baung muex yaungx wvnc vtueq kvruex mungtan muingc kuex miq rueq kvtuemc kvtaungc kvjaz muex jungx shuex.

JEREMIA 50:13

Ngvy thuinkhvy ningkhvnc nuex vshiz muinz Babelon mungx nuex httax lvp tuex rvmuq; kvruex mungx kuex vbac kay dvyx shex kvjungx tuex, kvmaq lvy jix miq lotlaz kuex huing vtueq wangc wuez tuex.

JEREMIA 52:13

Piq rueq Yerusalem wawc Shomc Yuimx, hoc htenc nuiyc vkhek miqsaz yuimx htenc lotlaz kuex jauk gay tueq,

JEREMIA 52:7

ghaqyungx palx ruk htenc muinz rul wvnc tueq. Babelon miqsaz rueq ghaqyungx kvruex tuimx laq tueq, yuq muinz nolaungx bix lotlaz kuex hokhvmx waz sunc hep wawc palx ruk vnueyc hvlwvl wawc kaluix kvmaq raungwvrx nuex dung kaz wuez vtueq, Yodan Warc tvnx tvtac nuex yuz wvnc tueq.

JEREMIA 9:11

Yehowa rueq, “Ngaz rueq Yerusalem kuex tvthuip tvkhvt tvbac gay ruiux, yaruix guyhex httaz juing muex tvyaungc shaungx; Yuda ghaqyungx htenc kuex kuiyqshuik kuiyq shix yaungx wvnc vtueq ukhaq muinz httax muq baung muex yaungx wvnc tuex,” ngoz tueq jungx tueq.

AJONJÜ 1:1

Mvnnuex laukshiz miq paunghvlc vkvlc vkawc yaungx tueq Yerusalem kuex piq lauk lauk dvyx shex ix! Laukshiz mungkawx kox maq tvtsanc nganc rvhumc yoalx nyuiuz kuex mvntix nyuiuz ikhoc yaungx yaq; ghaqyungx htenc wawc muingc jungc vhttax pinhtumc ghaq yungx kuex dax rullungx nuex httuiuc wvnc tueq.

EJEKIEL 13:22

“Ngaz rueq tvshirix roc mauk miq hvlx hez htenc kuex nuimshiq vrot vkaq kvjaz maq thuinz tvbac tvyomx vshuinx. Layx vbac miq htenc rueq layx vbac yauk shuimc kuex tvwanc muit maq, nuimshiq rueq tsuingshiq rullungx kuex tvsumx rumx vshuinx.

AMO LUIK DVP (AMOS) 3:6

Ghaqyungx mungx nuex ralx lungc bolic thuiz ruiux yuq, ghaq miqsaz kuex hiz muq haz rvtvnx? Yehowa rueq jamjaux kuilc daz tvkaz muq ngoz ruiux ghaqyungx kvyuq yaungx tuex haz?

Mikha 7:13

Yuq muinz kvruex mungx miqsaz htenc tharc vbac ningkhvnc nuex tsuingshiq httaz juing baung htenc kuex kumtsvy tvnx muex yaungx wvnc tuex.

JEKERIA 1:12

Kvruex yimaq raungkamx waz rueq, “Tvphaungc Tvsuip Yehowa lex, mnoz rueq wawc rok mvshix tup Yerusalem nuiyc Yuda mungx wawc ghaqyungx htenc muex khaq vtuiux. Mnoz rueq mtanc nuex httuiuc laz lac tsuingshiq muex menjenc muq rvshuiux?” ngoz tueq wiz tueq.

JEKERIA 7:14

Tsuingshiq kuex raungguil rueq pvnc wvnc yaq ikhoc pungnuk mungtan htenc nuex tvpvnc gay tauk. Vruex vhvlx vrungx vwanx mungtan kuex kuiyqshuik kuiyq khvmx baung muex yaungx wvnc vtueq, ukhaq muinz kvyuq httax wuez tuex rvmuq,” ngoz tueq jungx tueq.

Matthew 22:7

Hokhvmx waz kuex pinhtumc khaq vtueq piq nolaungx bix kuex tvkaz ruiux raz tueq miq thvy jix htenc kuex tvthvt gay kaz tueq, tsuingshiq ghaq kvmuinz wvr maq jauk gay tueq.