JEREMIA 32:23 - Hawa Naga Bible 2001

²³ Yuq muinz tsuingshiq kuex vruex mungx vyuq httuiuc waung vtueq, vruex mungx kuex guimz lvp wvnc tueq nuex, tsuingshiq kuex mnoz rueq nvr toq htenc muinz, mnoz rueq tvluing kuq vshuiux kvkhoc httaz tvkoc muinz tay phvnx wuez muq; tsuingshiq rueq shuimc tvkoc mnoz rueq nvr toq kuex tsuingshiq rueq yvmx muinz shuimx muq. Kvkhoc rvtueq mnoz rueq tsuingshiq htauk nuex vruex tvbac tac gay lvmz lotlaz tvdung kuq toq.

ASII LAKDAP Bible (BSI)

²³ Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.

JEREMIA 32:23 Referencias Cruzadas

EJRA 9:7

Nuiyshiq jix vwaz tamx pat maq raz tueq majuiuc raungnuiyq nuex httuiuc laz, mmiqsaz hez rvtiq nuiyshiq rueq mvrax yunghvlc yaq gay tiq. Nuiyshiq yaq gay tiq mvrax htenc ningkhvnc nuex nuiyshiq muinz, nuiyshiq hokhvmx bix nuiyc shomc waz bix kuex pungnuk miqsaz yauk nuex dvy wvnc vtueq, vjumc gay muinz, yauk laungc yalawx nuiyc khoktep nuex shuiuz gay muinz rvhumc tiq. Majuiuc raungnuiyq nuex httuiuc laz nuiyshiq lotlaz htvlx phawc sumx wuez vtix.

NEHEMIA 9:15

“Tsuingshiq rvmc svy rvhumc wuez tueq nuex, mnoz rueq raungmungx wawc phuiuz vsvy kuq toq, tsuingshiq khvmx sac kv-phux lung rauk wawc yuix kuq toq. Mnoz rueq kuq phaungx ngoz tueq bomkhvmc taq toq mungx kuex lvp wvnc tvkoc tsuingshiq muex nvr toq.

Tvtsvmc 78:10

Tsuingshiq rueq Tishox rulc bom-khvrc taq tueq kuex tv-tsuingc taq wuez muq; vpiq tvrac htenc kuex phvnc tvkoc tvlvlc wuez tueq.

JEREMIA 2:7

Ngaz rueq nuimshiq kuex ghaq vbur mungx nuex tuiz vtsvmz nuiyc vganc vhvlx phvnx ruip saz kuex tv-phuiuz svy tvkoc shvlx wvnc phaungx. Yuq muinz tsuingshiq rueq ngvy mungtan kuex tvbac gay tueq; tsuingshiq muex ngaz rueq vkuq mungtan kuex tvshuy shac gay tueq.

JEREMIA 26:4

Yehowa rueq ngaz maq raz tueq miq htenc muex tvjungc phuex, “Ngaz Yehowa rueq mnoz muex tvluing kuq phaungx lvmx kuex phvnx vtueq ngvy kvjaz kuex phvnx shuiuz,

JEREMIA 44:10

Yuq muinz nuimshiq kuex majuiuc raungnuiyq nuex httuiuc laz nuimshiq shauk pumz kuex tvyomx vshuinx rvmuq. Nuimshiq rueq ngaz muex tvtsanc nganc vphuinx rvmuq, nuimshiq nuiyc nuimshiq jix vwaz tamx muex ngaz rueq kuq shex tauk tvrac lotlaz rulc rv-ngvlc phvnx wuez vshuinx rvmuq.

JEREMIA 7:26

Yuq muinz ngvy kvjaz kuex vshiz rueq muinz tay muq phvnx muq. Nuimshiq kuex nuimshiq jix vwaz tamx htauk nuex muinz vjvnc khux tsanz vtueq khawc lvlc jix rvtuit.

AJONJÜ 1:18

“Yuq muinz Yehowa kuex tsuingrux yaq, ngaz rueq vpiq kvjaz phvnx mauk rvtauk. Baung ruip saz nuex httax vtuinx miq htenc lex, ngvy kvjaz kuex tay shuinz; ngvy thuiuz vsac kuex lawc kuit. Ngvy yalxrox bix nuiyc yalxjuik rulx kuex vthuq wvnc rvhumc wuez tueq.

AJONJÜ 1:8

Piq tvtsanc nganc kuex vguez shex; piq kuex sawkumx nuiyc vyomc vnamc gay rvhumc tueq. Piq kuex huinc sez vtueq piq htvlx kuex yvlc svy thuiuz muex httuiyq gay tueq. Yerusalem rueq piq shauk pumz kuex vkawc yawc juing mvrax maq tvshuy shac yaq.

EJEKIEL 20:18

Kvkhoc ruec tvraung, tsuingshiq yalxrox bix muex, nuimshiq jix vwaz tamx rueq phvnx tueq tvrac htenc kuex nauk phvnx kaz; tsuingshiq rueq phvnx tueq htungx vlayx htenc kuex nauk phvnx kaz, tsuingshiq yac yuimx htenc nuex nuimshiq shauk pumz kuex nauk tvshuy shac kaz.

EJEKIEL 20:21

“Yuq muinz kvruex pat wawc hez rueq muinz ngaz kuex khawx phuex. Ngaz rueq nvr shaungx kuex phvnx ruiux yuq tsuingshiq thuiuzthuic tvraungx khvmz tueq, tsuingshiq rueq ngvy tvrac htenc kuex tvbac gay ruiux ngaz rueq nvr tauk htenc kuex tvdux gay tueq. Tsuingshiq rueq Vguilc Raungnuiyq kuex tvshuy shac gay tueq. Tsuingshiq lotlaz kuex kumtsvy tvnx maq thvy gay muex ngvy thuinkhvy hungc tvrvhumc tvkoc ngaz rueq tvyoalc taq tauk.

EJEKIEL 20:8

Yuq muinz tsuingshiq rueq ngaz kuex tvdux gay nuiyc ngvy kvjaz kuex tay muq khawx wuez tueq. Tsuingshiq kuex tsuingshiq rueq roc yaq miqsuirc vsac yac yuimx htenc tuip gay muq, Ejip tishox htenc muinz gay shec wuez muq. Ngvy thuinkhaq yaq hungc kuex Ejip mungx nuex mvrc laz tvrvhumc muex ngaz rueq tvyoalc vshaungx.

Luke 17:10

Kvrulc rv-ngvlc nuimshiq rueq muinz miqmac muex nvr kv-phuinx yauk shuimc lotlaz shuimx kuq lot vtueq, ‘Naungshiq kuex kvjaz tay kuy lvmlvmc nvrc waz dvyx rvtiq, naungshiq rueq shuimc juing yauk shuimc kvruex dvyx shuimc kuy juing rvtueq,’ ngoz shuinz,” ngoz tueq jungx kuq tueq.

John 15:14

Nuimshiq kuex ngaz rueq nvr phaungx kvjaz tay phvnx ruiux kuex nuimshiq kuex ngvy kungjix hez rvtuit.

Galatians 3:10

Tvrac phvnx vtueq kvmx jix htenc kuex mvnhttonc mvntvmc khung nuex httax yaq. Yvmx khoc lac ngoz ruiux lec Rumvrc luik nuex, “Tvrac nuex vwuiyq shec phvnx ruip saz kvruex rulc rv-ngvlc phvnx muq waz kuex Tishox rueq mvnhttonc kuy rvhumc tuex,” ngoz tueq wuiyq shec tueq.

James 2:10

Bomkhvrc tvrac vshiz yaq gay ruiux yuq, bomkhvrc tvrac lotlaz muex yaq gay rvtueq.

JOSHUA 21:43

Ekvkhoc rvtueq tsuingshiq muex vpiq rueq kuq phaungx ngoz tueq tsuingshiq jix vwaz tamx muex khvmc kuq tueq mungtan lotlaz Israel miqsaz muex Yehowa rueq kuq tueq, kvruex tsuingshiq rueq lvp wvnc vtueq kvyuq httax wuez yaq.

JOSHUA 23:16

Yehowa nuimshiq Tishox rueq, nuimshiq rueq phvnc tvkoc nvr tueq bomkhvrc kuex nuimshiq rueq phvnx muit maq vganc tishox htenc kuex nawk palx ruiux yuq, vpiq khaq vtueq nuimshiq muex murx tvgurc kv-phuinx; vpiq rueq nuimshiq muex kuq kv-phuinx vruex vhvlx mungtan vwawc mtanc httax muq nuex nuimshiq vshiz muinz kvjungx tuinx rvmuq shex,” ngoz tueq jungx tueq.