JEREMIA 26:9 - Hawa Naga Bible 2001

⁹ Vruex Shomc Yuimx kuex Shilo ikhoc yaungx wvnc vtueq, vruex ghaqyungx kuex miq vshiz muinz httax muq tvbac gay rvhumc tuex ngoz tueq Yehowa muingc maq yvmx ngoz tueq lac mnoz rueq jungx tonx?” ngoz tueq wiz phuex. Kvkaq miq htenc rueq ngaz kuex tuimx wvnc phuex.

ASII LAKDAP Bible (BSI)

⁹ Ümniiraq Tatiwe mang na ara Shomjam ka Shilo chela wa asii jam tiithenbaiqtaq kiikha mitiithen baiq kiimaq ara chela armin atiithen mirbaiq. Raüta ara chela na siti maiq ka jumin ahü she miraq nguta jaram wa son laü?” Raütiishe mungmaiqse ka ngi trotam niishe riitsap wanto.

JEREMIA 26:9 Referencias Cruzadas

2 KAÜWA WERAÜ 25:16

Kvkhoc ngoz koq tueq Amazia rueq, “Mnoz kuex hokhvmx waz rulc rvjungc rv-phvnc walaungx muex mkaq lac tvyaungc phix? Kuiyq shuik rvkuiuz, rvmuq ngoz ruiux ngaz thvt gay phaungx!” ngoz kuq tueq. Shvmmax waz rueq, “Piq rueq vkhoc shuimx lvmz ruiux ngaz rueq kuq tauk kvmungx kuex wvlc guez tvyaungc ningkhvnc nuex Tishox rueq piq kuex tvbac gay tvkoc kvmungx yaq lvmz kuex majuiuc ngaz rueq tuiuz tauk shex,” ngoz tueq kuiyqshuik tauk kaz tueq.

ISAIA 29:21

Vganc jix htenc tvnkhvnz kvjaz kvjak jix, miq thvy gay yauk shuimc murx kuex tvguing jix nuiyc kenrix jix miqsaz htenc kuex tvrac vlvmz wawc het tvdvy gay ruiux, vrot vkaq kvjaz kvjak jix kuex Tishox rueq tvbac gay shuex.

JEREMIA 32:3

Hokhvmx Zedekia rueq ngaz kuex kvruex yuq khoktep nuex shauk ruiux Yehowa rueq vtvjungx kvjaz ningkhvnc nuex ngaz muex mvrax tvgurc phuex kuex, “Vruex ghaqyungx kuex Babelon hokhvmx waz muex lekuq gay vshaungx,

JEREMIA 33:10

Yehowa rueq, “Vruex baung kuex kumtsvy tvnx ikhoc yaungx wvnc vtueq, kvyuq httaz jix ghaq miqsaz htenc nuiyc nyvmx saz htenc yvmx muinz vguez shex, ghaqkuiyq ghaqkhvmx baung yaungx wvnc vtuex ngoz tueq miq htenc rueq ngoz shuex. Kvkhoc yaungx yaq kuex vsuing rvtueq; Yuda ghaq htenc nuiyc Yerusalem lvmx htenc kuex kuiyqshuik kuiyq shix raz tueq ghaq miqsaz muinz, nyvmx saz htenc muinz kvyuq httax tuex rvmuq. Yuq muinz kvruex baung htenc kvyuq

JEREMIA 36:29

Yehowa rueq hokhvmx waz muex jungc tvkoc ngaz muex vkhoc jungx phuex, “Mnoz rueq luik tul jauk gay toq, Babelon hokhvmx waz kuex vruex mungx vyuq httuiuc kaz vtueq, vruex mungtan kuex tvbac gay ruiux, kvruex mungx wawc miq htenc nuiyc nyvmx saz htenc kuex thvt gay shuex ngoz tueq piq rueq yvmx khoc lac wuiyq tvnx ngoz tueq mnoz rueq Yeremia muex wiz toq.

JEREMIA 9:11

Yehowa rueq, “Ngaz rueq Yerusalem kuex tvthuip tvkhvt tvbac gay ruiux, yaruix guyhex httaz juing muex tvyaungc shaungx; Yuda ghaqyungx htenc kuex kuiyqshuik kuiyq shix yaungx wvnc vtueq ukhaq muinz httax muq baung muex yaungx wvnc tuex,” ngoz tueq jungx tueq.

AJONJÜ 4:13

Yuq muinz kvkhoc httuiuc wvnc tueq kuex yaungx wvnc tueq shex, yvmx rvtueq lac ngoz ruiux lec, kvruex ghaqyungx wawc shvmmax bix nuiyc shomc waz bix mvrax yaq vtueq mvrax vguez jix htenc thueyc tueq ningkhvnc nuex rvtueq.

AMO LUIK DVP (AMOS) 5:10

Nuimshiq rueq tvrac rungx maq tvrac vlvmz kuex khawx gay ruiux tvrac vlvmz kvjaz kvjak jix kuex nuimshiq rueq shuiuc pac vshuinx.

Mikha 2:6

Miq htenc rueq ngaz muex jungphvnx kuq vtueq, “Nuiyshiq muex nauk jungphvnx kuq vkueq. Kvruex yuq seng yaq lotlaz kuex nauk jungphvnx kaz. Tishox rueq nuiyshiq muex tvyvlc sac yaq rvmuq.

Matthew 21:23

Yesu kuex Shomc Yuimx nuex httuiuc waung yek vtueq tvluing kuq yaq nuex, shomc walaungx bix nuiyc nuk miqsaz vyungx vlaungx bix htenc vpiq kox nuex kaz vtueq, “Mnoz rueq vruex phvnx htenc kuex yvmx vkhangx maq lac shuimx vshuiux? Kvruex vkhangx kuex mnoz muex uraq lac kuq phvnx?” ngoz tueq wiz tueq.

Matthew 27:20

Shomc walaungx bix nuiyc walaungx rulx rueq Barnaba kuex tvdung shuiuz, Yesu kuex thvt gay shuiuz, ngoz tueq Pilat kox wawc thoz tvkoc nuk miqsaz htenc muex nvr tueq.

Mark 15:11

Yuq muinz shomc walaungx bix rueq tsuingshiq tvkoc Baraba kuex httvrc kuy tvkoc ngoz tueq nuk miqsaz htenc kuex tvrec rak tueq.

John 8:20

Vruex kvjaz htenc kuex Shomc Yuimx wawc shomc kuy juing jep tvy juing khok maq Yesu rueq tvluing kuq yaq nuex vjungx kvjaz htenc rvtueq. Yuq muinz vpiq vkhing max httuiuc shauk ningkhvnc nuex uraq muinz vpiq kuex lvp lot muq.

John 8:59

Kvkaq tsuingshiq rueq vpiq kuex lung maq tuip gay muex lung tsenz wuez tueq. Yuq muinz Yesu kuex vyumx maq Shomc Yuimx wawc dung kaz tueq.

Acts 13:50

Yuq muinz Yuda miqsaz htenc rueq Tishox muex nawk palx jix muingc jungc vhttax Pungnuk miqsaz yalxjuik rulx nuiyc kez walaungx bix htenc muex htuiuz shuiuz vtueq Polu nuiyc Barnaba kuex mulx tsvlx tvyurc gay tueq.

Acts 21:30

Ghaq pumz puingpenx ruiux miq htenc kuex vhtaq maq vyuz kaz vtueq, Polu kuex lvp ruiux Shomc Yuimx yuz phic nuex shvlx laq tueq. Kvkaq dvyx Shomc Yuimx kaluix htenc shauk gay tueq.

Acts 22:22

Miq htenc rueq vshauk puq Polu rueq jungx yaq kuex tay wuez tueq, yuq muinz kvkhoc jungx tueq kuex tay vtueq, “Vruex waz kuex lvmz gay shuinz! Piq kuex thvt gay shuinz! Piq rullungx tvraungx httaz tvkoc aungx muq!” ngoz tueq yunghvlc maq guyc wuez tueq.

Acts 3:11

Kvruex waz kuex Peter nuiyc Yohan rulc vdvmz nuex kvnvp yaq kuex khiz vtueq, nuk miqsaz htenc wangc wuez ruiux, Solomon chox tap nuex yuz rvtuimx nyuip wvnc tueq.

Acts 5:12

Kamx waz bix rueq nuk miqsaz htumc nuex vwangc juing phvnx htenc nuiyc romzyac htenc tvkhic tueq, kvmluimx jix miqsaz htenc Solomon chox tap kvyuq rvtuimx wuez tueq.

Acts 5:28

Piq rueq, “Kvruex waz muingc ruingc vtueq tvluing jungphvnx muit tvkoc nuimshiq muex nuiyshiq rueq jungc kuy yoalx shex; yuq muinz majuiuc nuimshiq rueq Yerusalem ghaq pumz nuex nyvmc laz tvluing jungphvnx wvnc vshuinx, kvruex waz thueyc tueq kuex nuiyshiq ningkhvnc nuex ngoz tueq nuimshiq rueq mvrax tvgurc roc haz!” ngoz tueq kamx waz hez muex ngoz tueq.

Acts 6:14

Nazaret ghaq jix Yesu rueq Shomc Yuimx kuex tvbac httak gay ruiux, naungshiq muex Moshe rueq vkuq htungx vlayx htenc kuex layc gay shuex ngoz tueq piq rueq jungx yaq kuex nuiyshiq rueq tay tiq,” ngoz tueq jungx wuez tueq.

JOSHUA 18:1

Tsuinghez rueq wvmungx tuimx khvt gay lot tueq yix maq Israel miqsaz kuex Shilo ghaq nuex rvtuimx kaz vtueq Yehowa httax yaq Tap kuex guirx tueq.