JEREMIA 26:5 - Hawa Naga Bible 2001

⁵ mnoz kox nuex tvkaz phaungx ngvy nvrc waz shvmmax bix kvjaz htenc kuex tay tvtsuingc tvkoc ngaz Yehowa rueq nvr vphaungx. Yuq muinz tsuingshiq rueq jungx yaq kuex mnoz rueq mkaq muinz phvnx muq.

ASII LAKDAP Bible (BSI)

⁵ Kiimaq ijaqshisetiim shammibi raq namshiq ma jamlai bomtsi wa chongkuqtlaq kra tsan na atsidada maq tiitsang tai ronglaq nguta aming kuq kang. Ngi raq i shammibi ka namshiq phana ibom tiichongkai miitut wantlii tiiki kang. Tsangshiq raq jamlai bomtsi wa chongkuqtaq kra namshiq raq lang man riilan.

JEREMIA 26:5 Referencias Cruzadas

2 HOKHVMX 17:13

Yehowa rueq Israel nuiyc Yuda kuex tvhonc tvsvmz tvkoc vpiq kamx bix nuiyc shvmmax bix kuex tvkaz vtueq: “Nuimshiq rueq shuimx vshuinx layx vbac kuex gay shec ruiux, nuimshiq jix vwaz tamx muex ngaz rueq kuq tauk Tvrac nuex lomx yaq ngaz rueq nvrc bomc htenc kvmuinz, ngvy nvrc waz hez rvtueq shvmmax bix maq raz tueq nuimshiq muex tvlvy kuq wvnc tueq kuex phvnx wuez shuinz,” ngoz tueq jungx tueq.

2 HOKHVMX 17:23

Yehowa rueq vpiq nvrc waz shvmmax bix maq raz tueq tsuingshiq muex honc tvsvmz jungx wvnc tueq rulc rv-ngvlc vpiq htumc wawc yurc gay tueq. Kvkhoc rvtueq Israel miqsaz htenc kuex Asiria mungx nuex thuq wvnc rvhumc vtueq, kvruex yuq majuiuc nuex httuiuc laz httax yaq.

2 HOKHVMX 24:2

Yehowa rueq vpiq nvrc waz shvmmax bix maq raz tueq jungx wvnc tueq rulc rv-ngvlc, Jehoiakim kuex khawx lvlx vtueq Yuda mungx kuex tvbac gay tvkoc Babelon miqsaz, Asiria miqsaz, Moba miqsaz nuiyc Ammon miqsaz nolaungx bix htenc kuex Yehowa rueq tvkaz tueq.

2 HOKHVMX 9:7

Ahab saz rvtueq mjiyungx hokhvmx waz kuex mnoz rueq thvt gay shuiux, kvkhoc ngaz rueq ngvy shvmmax bix nuiyc vganc nvrc waz hez kuex thvt gay tueq Jezebel muex murx tvgurc shaungx.

EJRA 9:11

Nuiyshiq rueq mnvrc waz hez shvmmax bix maq raz tueq kuq toq vnvrc bomc htenc kuex tvlvlc gay tiq. Nuiyshiq rueq nyuip lvp dvnc vshix mungtan kuex vshuy vshac nuiyc kvyuq httaz jix miqsaz htenc kuex tvsuip baungshiz maq samx kox nuex tvmvrc laz miqsuirc vsac yauk shuimc htenc ningkhvnc nuex vmvlc vtsawc lvmz tsuingshiq rueq nuiyshiq muex ngoz kuq yaq.

JEREMIA 11:7

Ngaz rueq tsuingshiq jix vwaz tamx kuex Ejip mungx wawc shvlx wvnc tauk nuex, ngvy kvjaz phvnc tvkoc ngaz rueq tsuingshiq muex tuemc kuq ruiux khvmc kuq tauk, ngaz rueq majuiuc raungnuiyq nuex httuiuc laz miq htenc muex tvhttoarc vtueq honc tvsvmz kuq vshaungx.

JEREMIA 29:19

Ngvy nvrc waz hez shvmmax bix maq tsuingshiq muex bomjungc kuex lauk wvruip tvlaq koq muinz tsuingshiq rueq phvnx muq ningkhvnc nuex, tsuingshiq htauk nuex vruex yaungx wvnc tuex. Tsuingshiq rueq tay muq tvdux gay tueq.

JEREMIA 32:33

Tsuingshiq rueq ngaz muex shungnungx shung gay phuex; ngaz rueq tsuingshiq muex tvluing kuq ruq ruez vshaungx rvhvt maq tsuingshiq rueq tay muq tvluing muq.

JEREMIA 35:15

Ngaz rueq nuimshiq kox nuex ngvy nvrc waz hez shvmmax bix lotlaz kuex tvhttoarc vtueq tvkaz vphaungx, tsuingshiq rueq nuimshiq miqmac layx vbac htenc kuex gay iruiux tsuingrux yauk shuimc wvnc tvkoc jungx kv-phuinx. Tsuingshiq rueq nuimshiq muex vganc tishox htenc kuex nawk palx muit tvkoc honc tvsvmz kuq tueq, kvkhoc rvtueq ngaz rueq nuimshiq nuiyc nuimshiq jix vwaz tamx muex vkuq mungtan nuex nuimshiq httax ruq httaz tvkoc tvmaung tauk. Yuq muinz nuimshiq rueq ngvy kvjaz tay muit nuiyc wvlc guez tvyaungc vshuinx.

JEREMIA 35:17

Majuiuc ngaz, Tvphaungc Tvsuip Yehowa, Israel Tishox rueq bomkhvmc taq tauk rulc rv-ngvlc thuimkux kuex Yuda miqsaz htenc nuiyc Yerusalem ghaq jix lotlaz htauk nuex tv-httuiuc kuq shaungx. Ngaz rueq nuimshiq muex jungx phaungx tueq, nuimshiq rueq ngvy kvjaz tay muit, ngaz rueq nuimshiq gvl phaungx tueq, nuimshiq rueq tvralc muit ningkhvnc nuex ngaz rueq vruex tvyaungc shaungx,” ngoz tueq.

JEREMIA 44:4

Ngaz rueq shuiuc vshaungx vruex kvhiz juing yauk shuimc htenc kuex shuimx muq tvkoc nuimshiq muex jungphvnc kuy tvkoc ngvy nvrc waz hez shvmmax bix kuex nuimshiq kox nuex ngaz rueq yauk lox yauk lox tvkaz vshaungx.

JEREMIA 7:13

Nuimshiq rueq mvrax htenc kuex yaq gay tuit, ngaz rueq tvyez kakaz jungx phaungx tueq nuimshiq rueq tay muit tvdux gay tuit. Nuimshiq kuex ngaz rueq gvl phaungx tueq tvralc muit.

JEREMIA 7:25

Ejip mungx maq nuimshiq jix vwaz tamx dung wvnc tueq raungnuiyq maq phaungc vtueq majuiuc nuex httuiuc laz ngvy nvrc waz hez shvmmax bix kuex wvraungx nuiyq tvkaz vshaungx.

EJEKIEL 38:17

Kvruex vkhing httuiuc wvnc ruiux yuq, Israel khvt tvkoc miq vshiz kuex ngaz rueq tvkaz shaungx ngoz tueq ngvy nvrc waz htenc rvtueq Israel shvmmax bix muex mvnnuex maq phuex ngaz rueq jungx tauk romzyac tvkhic lvmz kuex mnoz rvtoq,” Johvlc Yehowa rueq jungx tueq.

AMO LUIK DVP (AMOS) 3:7

Johvlc Yehowa vpiq kvmungx kuex vpiq nvrc waz shvmmax bix muex max tvkhic shauk nuex, yvmx dvyx yuq muinz vpiq rueq mkaq muinz shuimx muq.

JEKERIA 1:6

Ngvy nvrc waz shvmmax bix maq raz tueq nuimshiq jix vwaz tamx muex vnvr bomc htenc nuiyc honc tvsvmz bomc htenc jungx kuq tueq, yuq muinz tsuingshiq rueq kvruex bomc kuex wvlc guez tvyaungc ningkhvnc nuex yaungx wvnc yaq kuilc daz kuex rvhumc yaq. Shuimc tvkoc ngaz rueq htvp htaz wvnc tauk rulc rv-ngvlc tsuingshiq rvhumc aungx yaq kuex ngaz, Tvphaungc Tvsuip Yehowa rueq tsuingshiq muex murx tvgurc ningkhvnc nuex tsuingshiq thuinz kvlayc wuez vtueq ngaz muex kvjungc wuez yaq.’”

Revelation 10:7

Yuq muinz mvshix ngoc yaungc raungkamx waz rueq bolic tuimz koq tueq, Tishox rueq vpiq nvrc waz hez ngoz yaq shvmmax bix muex jungx kuq shec tueq rulc rv-ngvlc vpiq rueq thuiuz hvlc kvmungx yaq lvmx kuex hungx wvnc shuex,” ngoz tueq jungx tueq.

Revelation 11:18

Mthuinz khvy kvdaungc yaq vkhing muinz, vthueyc wvnc jix htenc muex phoc kuy vkhing muinz, majuiuc httuiuc wvnc vtuex shex ningkhvnc nuex miq phvnx lotlaz kuex thuinkhaq wuez yaq. Mnvrc waz shvmmax bix htenc, mmiqsaz htenc, mnoz muex hiyaz tvtsanc nganc jix vyungx vruinx htenc, muex yauk mauk kuy vkhing kuex httuiuc wvnc yaq shex. Ghaq vruex tvbac gay jix htenc kuex tvbac gay vkhing httuiuc wvnc yaq shex!” ngoz tueq jungx tueq.