Biblia Todo Logo
La Biblia Online
- Anuncios -




JEREMIA 25:9 - Hawa Naga Bible 2001

9 ‘Ngaz rueq ghaqkhux kox wawc miq lotlaz kuex ngvy nvrc waz Babelon Hokhvmx Nebukhadnezar tvkoc tvlaq gay shaungx. Ngaz rueq Yuda mungx nuiyc mungx miqsaz htenc, phic vphaungx wawc miqphvnx lotlaz kuex khvt tvkoc tsuingshiq kuex shvlx laq shaungx. Ngaz rueq vruex miqphvnx nuiyc phic vphaungc wawc htenc kuex khvt gay kaz ruiux, kvruex baung htenc kuex pattup ghaqkuiyq ghaqkhvmx baung, vkawc yawc juing nuiyc kv-khuirc hiyaz juing ikhoc muex tvyaungc gay shaungx. Ngaz, Yehowa rueq jungx vshaungx.

Ver Capítulo Copiar

ASII LAKDAP Bible (BSI)

9 ‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

Ver Capítulo Copiar




JEREMIA 25:9
48 Referencias Cruzadas  

Yehowa rueq vpiq nvrc waz shvmmax bix maq raz tueq jungx wvnc tueq rulc rv-ngvlc, Jehoiakim kuex khawx lvlx vtueq Yuda mungx kuex tvbac gay tvkoc Babelon miqsaz, Asiria miqsaz, Moba miqsaz nuiyc Ammon miqsaz nolaungx bix htenc kuex Yehowa rueq tvkaz tueq.


Kvkhoc ningkhvnc nuex Yehowa kuex Yuda nuiyc Yerusalem ghaq muex khaq vtueq, vpiq rueq tsuingshiq muex ruez kuq gay tueq kuex vhiz juing rvtueq miq ruip rawx kuex tvkawc yawc tueq. Vkhoc yaungx wvnc tueq lvmz kuex nuimshiq rueq vhvlx waq tuiuz vshuinx.


Kvkhoc rvtueq shvmmax Yeremia maq raz tueq Yehowa rueq tvluz nuex jungx wvnc tueq kvjaz kuex, “Ghaq phux muex Nyec Tvkuiyq kuy htungx tvrac phvnx muq ningkhvnc nuex, kvruex phvnc tvhungx yek tvkoc ghaqphux kuex wawc mvshix tup kuiyqshuik kuiyq khvmx yaungx wvnc tuex,” ngoz tueq jungx tueq.


Yehowa rueq yuix ruilx piq kay juing lvmx kuex yoalx rek dvyx wek wiz gay yaq ikhoc, hokhvmx waz thuinz kuex yoalx rekrek ruip rux lot yaq.


Yehowa rueq, “Asiria lex! Ngvy thuinkhaq yaq jix muex murx tvgurc tvkoc wungc rawc vshiz ikhoc Asiria kuex ngaz rueq shuimx shaungx.


Yehowa kuex vsawc ralx lungc tvkoc muinz, vpiq thuinkhaq yaq jix htenc muex murx tvgurc tvkoc muinz, vpiq kvsomc parc aungx yaq nolaungx bix nuiyc vpiq rueq tvluimc yaq nolaungx bix kuex tvdung gvl tueq.


Msuiuz msaz hez shauk wvyvmc kuex vlvp lvy rvhumc vtueq Babelon hokhvmx waz hoc nuex yauk shuimc muex vtonx gay rvhumc tuex,” ngoz tueq jungx tueq.


Ngaz rueq Kiru hokhvmx muex, ‘Mnoz kuex ngvy tvkoc guimz lawc jix waz muex yaungx tuiux; ngaz rueq mnoz muex tvshuimx roc phaungx yauk shuimc kuex mnoz rueq shuimx shuiux: Yerusalem tvhvlc guirc yek tvkoc nuiyc Shomc Yuimx fongteshin tvdvy tvkoc kvmuinz mnoz rueq nvr shuiux,’ ” ngoz tueq ngoz tueq.


Vpiq rueq ngaz muex, “Vruex mungtan vyuq httaz jix lotlaz htauk nuex ghaqkhux kox maq tvbac gay jix httuiuc wvnc tuex,


yvmx khoc lac ngoz ruiux lec ngaz rueq ghaqkhux kox wawc miqphvnx ruip rawx kuex kay tvkoc gvl vshaungx. Hokhvmx bix rueq tsuingshiq hoc daungraungc kuex Yerusalem ghaq tvroz nuiyc palx kaluix hep htenc nuex nuiyc Yuda ghaqyungx htenc tvroz nuex tvhungx wuez shuex.


Tay shuinz! Thuix thaungx httuiuc tueq! Ghaqkhux kox nuex httax yaq miqphvnx nuex rvmulc tsvlc tvruingc yunghvlc dung yaq; kvruex ralx daungx kvraq Yuda ghaqyungx htenc kuex kumtsvy tvnx tvyaungc gay ruiux kvruex yuq yaruix guyhex htenc tvhttax shuex,” ngoz tueq tvralc tueq.


Yehowa rueq, “Ngvy miqsaz Israel muex ngaz rueq vtaq kuq ghaq vraungx kuex tvbac kuy jix Israel muex yuimx phic wuinz nuex seng vtueq jungc kuy tvkoc phvnx shishiz ngaz rueq lvp tauk. Ngaz rueq vkemc saz kuex vruingx maq phiz gay shix ikhoc honc bac miqsaz kuex tsuingshiq mungtan wawc phiz gay shaungx; ngaz rueq Yuda mungx kuex tsuingshiq yauk wawc palc wvnc shaungx.


Tsuingshiq rueq vruex mungtan kuex kawc yawc kvkhuirc juing nuiyc pattup yomnamc juing baung tvyaungc gay tueq. Kvruex maq lvy jix lotlaz kuex tsuingshiq rueq khiz shuex kvmac vhuingc rvtuex; tsuingshiq kuex wangc wuez vtueq tsuingshiq khux htenc kuex buirc wuez shuex.


Tsuingshiq rueq piq kuex hangsic rueq ikhoc huk yaq; tsuingshiq rueq piq mungtan kuex kumtsvy tvnx muex tvyaungc vtueq, piq ghaq htenc kuex tvbac gay ruiux, miq httax muq laz juing tuip gay shec tueq.


Yehowa rueq vpiq pumz maq jungx tueq, ‘Ngaz rueq mshauk pumz muinz mkungjix htenc muex muinz mnoz kuex kvhiz juing tvyaungc phaungx, tsuingshiq lotlaz kuex ralx hez yaung htenc maq thvy gay rvhumc tuex kuex mnoz rueq khiz shuiux. Ngaz rueq Yuda miqsaz lotlaz kuex Babelon hokhvmx luimc kawc khung nuex lekuq gay phaungx. Piq rueq wvyvmc kuex piq mungtan nuex wuinz saz muex thuq wvnc ruiux wvyvmc kuex vthvy rvgay tueq.


Ngaz rueq mungkawx wawc miqphvnx lotlaz kv-khuirc hiyaz laz juing bac hvlc thuimkux kuex tsuingshiq htauk nuex tv-httuiuc shaungx. Ngaz rueq tsuingshiq tvpenc gay tauk baung ruip saz wawc miqphvnx lotlaz rueq tsuingshiq muex nueykuic shuex, shummarc shuex, ngoz ngax jungx saq vtueq tsuingshiq muingc maq kvtuemc taungc bomc rvhumc tuex.


“Kvkhoc mnoz rueq vpiq kvjaz tay muq ningkhvnc nuex, Tvphaungc Tvsuip Yehowa rueq jungx tueq,


Ngaz rueq tsuingshiq kuex ralx rvlungc, khvmx vrvmc nuiyc vmac vtsac thuimkux maq tvyurc gay shaungx, mungkawx wawc miqphvnx lotlaz rueq tsuingshiq kuex khiz vtueq kawc yawc wuez tuex. Tsuingshiq kuex ngaz rueq tvpanc yurc gay shaungx baung ruip saz wawc miq htenc kuex tsuingshiq nuex yaungx wvnc tueq lvmz htenc kvmac kawc yawc kv-khuirc wuez tuex. Miq rueq tsuingshiq muex shummarc vtueq tsuingshiq muingc kuex kvtuemc kvtaungc juing bomc tvyaungc shuex.


Yuq muinz Hokhvmx Nebukhadnezar rueq mungtan khvt wvnc tueq nuex Babelon nuiyc Suria nolaungx hez yauk wawc dungc wvnc muex Yerusalem nuex waungc tvkoc nuiyshiq rueq htvp htaz wvnc tiq. Kvkhoc ningkhvnc nuex nuiyshiq Yerusalem nuex httax vtix,” ngoz tueq tvralc tueq.


“Luik tul vshiz kuex lvmz vtueq Israel nuiyc Yuda kvmaq miqphvnx htenc lotlaz nuex tvkop vtueq ngaz rueq jungx phaungx yauk noalc phvnx ruip lvmz kuex wuiyq taq shuiuz. Josia hokhvmx yaungx tueq nuex ngaz rueq mnoz rulc vphaungc shauk shauk rvbomc phaungx maq, majuiuc nuex httuiuc laz ngaz rueq jungx vphaungx htenc kuex wuiyq taq shuiuz.


Yehowa rueq hokhvmx waz muex jungc tvkoc ngaz muex vkhoc jungx phuex, “Mnoz rueq luik tul jauk gay toq, Babelon hokhvmx waz kuex vruex mungx vyuq httuiuc kaz vtueq, vruex mungtan kuex tvbac gay ruiux, kvruex mungx wawc miq htenc nuiyc nyvmx saz htenc kuex thvt gay shuex ngoz tueq piq rueq yvmx khoc lac wuiyq tvnx ngoz tueq mnoz rueq Yeremia muex wiz toq.


Piq kvhttuiyq juing baung wawc dung kaz yaq hangsic ikhoc, miqphvnx ruip rawx tvbac gay jix waz kuex dung kaz yaq. Piq kuex Yuda mungx tvbac gay muex kaz yaq. Yuda ghaqyungx htenc kuex bac wvnc vtueq, miq vshiz muinz httax tuex rvmuq shex.


Nolaungx yungx waz rueq ngaz kuex pungx baung nuex gvl vtueq, “Yehowa m-Tishox rueq vruex mungx kuex tvbac gay muex tvhiz yaq,


Kvruex yimaq ngaz, Tvphaungc Tvsuip Yehowa Israel Tishox rueq ngvy nvrc waz Babelon Hokhvmx Nebukhadnezar kuex vruex yuq gvl taq tauk. Piq rueq piq hoc kuex mnoz rueq luip taq toq lung htenc htauk kvyuq guirx vtueq, piq hokhvmx tap kuex kvruex lung htenc htauk kvyuq taq shuex.


Ejip mungx kuex svp hvlc manx kuiux ikhoc raz tueq, ghaqkhux kox wawc nyoarbawx rueq kuiuz gay rvhumc tueq.


Hangsic kuex yaruix luingx wawc dung kaz yaq ikhoc Yodan ruilx hong wawc wuiljuit wuiljaungx renhttuingx ruix nuex httuiuc laz ngaz kaz vtueq, Edom miqsaz kuex tsuingshiq mungtan wawc vhuingc rvhek laz tvyuz gay shaungx. Kvkaq ngaz rueq vthvl taq walaungx waz rueq kvruex mungx kuex guimz shuex. Ngaz rulc tv-ngvlc lot jix ukhaq lac httax yaq nguinx? Uwaz lac ngaz rulc rvlongx palx phvnx? Mkhoc guimz lawc jix waz rueq lac ngaz kuex khawx lvlx lot phvnx?


Benjamin miqsaz lex, kvwungx tvkoc yuz wuez kuinz! Yerusalem maq kaz wvnc kuinz! Tekoa ghaq maq bolic kuex tvthuiz shuinz, Bet Hakerem ghaq maq httoarc tvlvp wvr htung kuex tvjvp shuinz. Thuimkux nuiyc tvbac jix kuex ghaqkhux kox maq httuiuc kaz yaq shex.


Naungshiq ralx htenc kuex Dan ghaqyungx nuex vhttuiuc wuez shex; tsuingshiq mvre htenc vkhuiz tvbex tvruingc rueq tay vshix. Tsuingshiq mvre htenc bex koq tueq wvmungx tuimx kvkhuirc tueq. Naungshiq ralx htenc rueq naungshiq ghaq vraungx nuiyc httax yaq phvnx ruip saz, naungshiq ghaqyungx nuiyc kvyuq httax yaq miq lotlaz kuex tvbac gay tvkoc nyuip wvnc wuez yaq.”


Majuiuc miq htenc mvrc yaq ghaqyungx htenc kuex bac wvnc vtueq, mungtan kuex kuiyqshuik kuiyqkhvmx yaungx wvnc tuex. Kvkaq tsuingshiq rueq ngaz Yehowa rvtauk kuex tuiuz wuez shuex,” ngoz tueq jungx tueq.


“Tsuinghez rueq mnoz kuex lung maq tuip vtueq, yaung htenc maq tvhtaq tvruk jumc gay tvkoc miq phungc shiz muex htuiuz shuiuz nvr shuex.


Yaung kuex phelep yaq, kvruex shuimc tvkoc vyoalx shex. Miq thvy jix waz yauk nuex lekuy tvkoc, kvruex yaung kuex phez laz juing manx taq tueq.


Johvlc Yehowa rueq, “Hokhvmx lotlaz wawc vyungx pinhtumc Babelon Hokhvmx Nebukhadnezar kuex Tire khvt muex ngaz rueq gvl laq shaungx. Piq kuex nolaungx bix htenc nuiyc mvre htenc, mvre renc htenc nuiyc mvre nuex ngaungc jix nolaungx bix htenc kuex ghaqkhux kox maq kaz wvnc yaq.


“Ngaz, Johvlc Yehowa rueq tvroz wawc miqphvnx htenc nuiyc Edom htauk nuex ngvy thuinkhvy phuk vtueq jungx vshaungx. Tsuingshiq rueq ngvy mungtan kuex vkoz vkez maq muinz, wvlc guez tvyaungc thuinz maq muinz, guimz wvnc vtueq kvruex mungx wawc ngac remc juing kuex lvp wvnc wuez tueq.


“Johvlc Tishox rueq m-waz Nebukhadnezar kuex hokhvmx yunghvlc muex tvyaungc vtueq ngauz vngax nuiyc muingjungc khushec kuex kuq tueq.


Yehowa lex, mnoz kuex raungphaungc ghaqwaungc maq phuex Tishox rvtoq. Mnoz kuex ngvy Tishox rvtoq, vsawc nuiyc pattup httax vtuiux. Yehowa ngvy Tishox nuiyc ngaz muex tvkhup wungx kuy jix waz lex, mnoz rueq Babelon miqsaz htenc kuex thvl wvnc vtueq tsuingshiq muex hungc vlaungc tvhungc kuq toq, kvkhoc rvtueq tsuingshiq rueq nuiyshiq muex murx tvgurc kuq lot yaq.


Tsuingshiq rueq tsuingshiq yaung htenc kuex pattup shuimx vtueq menjenc thuinz vguez maq miqphvnx htenc kuex mkaq muinz tvbac gay wuez shuex haz?


Nuimshiq kuex mungtan ruip rawx nuex tv-phvlc nyanc gay ruiux yuq, kvruex mungx wawc miq rueq nuimshiq rvhumc vtuinx lvmz kuex khiz vtueq vkawc yawc rvwuez tuex; nuimshiq muex shummarc nueykuic wuez kv-phuinx.


Síguenos en:

Anuncios


Anuncios


¡Síguenos en WhatsApp! Síguenos