JEREMIA 21:4 - Hawa Naga Bible 2001

⁴ Yehowa Israel Tishox rueq Zedekia muex vkhoc jungc tvkoc tvjungx phuex, “Ngaz rueq Babelon hokhvmx nuiyc piq nolaungx bix kuex khvt jix mnolaungx bix kuex tvsumx gay shaungx. Mnolaungx bix koz vlaq taungx vwawx htenc kuex ghaqyungx vmungx baung nuex phungc taq shuex.

ASII LAKDAP Bible (BSI)

⁴ Jedekia ma Tatiwe Israilnok Shiikeawe raq akha nguto nguta tiichong hokang, “Jedekia lei, Ngi raq ümphenlabi Bebilon hokhamwe nai apaiq phenlabi rai riikhattlaq kra wiita mikhat baiqha. Ngi raq ümphenlabi raq shamchang ja apiq liq thun kra chela mong na miphong baiqha.

JEREMIA 21:4 Referencias Cruzadas

ISAIA 10:4

Nuimshiq kuex ralx khvt nuex thvy rvhumc tuinx, rvmuq ngoz ruiux khoktep miqsaz htenc ikhoc het shvlc wvnc rvhumc tuinx. Kvkhoc rvyruiux doc muinz Yehowa thuinkhvy htumx muq; murx tvgurc tvkoc vyauk kuex tenz hvt dvyx rvshuex.

ISAIA 13:4

Kanx htenc htauk nuex thuirx tvruingx yaq miq vkung vdaungx tvruingc, miqphvnx htenc tvruingc nuiyc mungtan htenc rvtuimx yaq tvruingc htenc kuex tay shuiuz. Nolaungx bix htenc Yehowa rueq ralx khvt tvkoc vpiq nolaungx bix kuex tvyoalc taq tueq.

ISAIA 5:5

“Vruex kuex ngvy svpiq sunc nuex ngaz rueq shuimc wvnc juing yauk shuimc rvtueq: ngaz rueq sunc tvroz ruk htenc kuex lvmz gay ruiux, kvruex tvguing tvwungx juing ruk htenc kuex httak gay vtueq yaruix ngvmx saz htenc mphauk gay shuex kvruex sunc kuex tvnuiuz gay shaungx.

JEREMIA 20:4

Yehowa rueq vpiq pumz maq jungx tueq, ‘Ngaz rueq mshauk pumz muinz mkungjix htenc muex muinz mnoz kuex kvhiz juing tvyaungc phaungx, tsuingshiq lotlaz kuex ralx hez yaung htenc maq thvy gay rvhumc tuex kuex mnoz rueq khiz shuiux. Ngaz rueq Yuda miqsaz lotlaz kuex Babelon hokhvmx luimc kawc khung nuex lekuq gay phaungx. Piq rueq wvyvmc kuex piq mungtan nuex wuinz saz muex thuq wvnc ruiux wvyvmc kuex vthvy rvgay tueq.

JEREMIA 21:3

Kvruex yimaq Yehowa rueq ngaz muex vkhoc jungx phuex rulc rv-ngvlc ngaz kox nuex tvkaz phuex hez muex jungx tauk.

JEREMIA 32:24

“Babelon miqsaz rueq ghaqyungx kuex khvt tvkoc tvroz tuimz nuex kvtuk htenc htuz ruiux, tsuingshiq rueq khvt tueq. Ralx rvlungc, khvmx vrvmc nuiyc vmac vtsac htenc rueq ghaqyungx kuex ralx yauk nuex tvrul tvsumx gay tueq. Mnoz rueq jungx toq rulc rv-ngvlc lotlaz kuex yaungx wvnc vtuex lvmz mnoz rueq khiz vshuiux.

JEREMIA 32:3

Hokhvmx Zedekia rueq ngaz kuex kvruex yuq khoktep nuex shauk ruiux Yehowa rueq vtvjungx kvjaz ningkhvnc nuex ngaz muex mvrax tvgurc phuex kuex, “Vruex ghaqyungx kuex Babelon hokhvmx waz muex lekuq gay vshaungx,

JEREMIA 32:5

Zedekia kuex Babelon mungx nuex shvlx wvnc rvhumc tuex, piq rulc ngaz max rvbomc nyamc wawwawx kvruex mungx kvyuq dvyx httax tuex. Piq rueq Babelon miqsaz khvt ruiux muinz taungx muq. Vruex kuex ngaz, Yehowa rueq jungx vshaungx kvjaz rvtueq ngoz tueq jungx tueq lvmz yvmx ngoz tueq lac jungphvnx tvnx,” ngoz tueq mvrax tvgurc nyvnc yaq nguinx.

JEREMIA 33:5

Wvyvmc rueq Babelon miqsaz kuex khvt wuez ruiux muinz ngvy thuinkhvy nuiyc thuinkhvy phuk vtueq ngaz rueq vthvt gay miq maungx htenc maq yuimx htenc nuex tvmvrc shaungx. Vruex ghaqyungx miqsaz rueq layx bac yauk shuimc ningkhvnc nuex, ngaz rueq vruex ghaq kuex shungnungx shung gay shec shaungx.

JEREMIA 35:17

Majuiuc ngaz, Tvphaungc Tvsuip Yehowa, Israel Tishox rueq bomkhvmc taq tauk rulc rv-ngvlc thuimkux kuex Yuda miqsaz htenc nuiyc Yerusalem ghaq jix lotlaz htauk nuex tv-httuiuc kuq shaungx. Ngaz rueq nuimshiq muex jungx phaungx tueq, nuimshiq rueq ngvy kvjaz tay muit, ngaz rueq nuimshiq gvl phaungx tueq, nuimshiq rueq tvralc muit ningkhvnc nuex ngaz rueq vruex tvyaungc shaungx,” ngoz tueq.

JEREMIA 39:3

(Yerusalem kuex khvt gay tueq nuex, Babelon hokhvmx waz miq vjoz vyungx vlaungx bix lotlaz kuex Vmungx Palx Kaluix nuex miqmac baung lvmz wuez tueq; kvruex hez kuex Nergal Sarezer, Samgar Nebo, Sarsekhim nuiyc vganc Nergal Sarezer rvtueq.)

JEREMIA 52:18

Tsuinghez rueq shomrawx tvsawc nawc shuex nuex shuimc juing tvp tsawk juing panx, wvrkok tochuing htenc, shomc nawk kuq shuex nuex vbuit juing tvguiy htawc juing pantuimz, vhomc vtumc phvnx wvr maq jauk shomc kuy nuex shuimc juing pantuimz htenc nuiyc shomc yuimx mungx nuex nawk palx shuex yuq shuimc juing vganc nvyrvyx nuex seng yaq hup vsvmx htenc lotlaz muinz lvmz wvnc tueq.

AJONJÜ 2:3

Vpiq kuex pinhtumc khaq vtueq Israel hungc vlaungc kuex tvbunx gay tueq; Vpiq rueq ralx httuiuc kaz tueq nuex naungshiq muex romc kuy tvkoc tvlvlc gay tueq. Vpiq kuex wvrluic ikhoc naungshiq muex khaq vtueq phvnx ruip saz kuex tvbac gay tueq.

AJONJÜ 2:5

Taungjix rueq ralx ikhoc Israel kuex tvbac gay tueq; Vpiq rueq nolaungx ghaqshungc htenc nuiyc hoc htenc kuex tvbac gay tueq. Vpiq rueq Yuda miqsaz htenc htauk nuex vhtumx vguez yonzyex kuex tvhttuiuc kuq tueq.

AJONJÜ 2:7

Taungjix rueq vpiq shomrawx kuex tvdux gay ruiux vpiq vsawc Shomc Yuimx kuex kuiyqshuik kuiyq shix tvyaungc gay tueq; Vpiq rueq kvruex ruk htenc kuex httak gay tvkoc ralx muex lekuq tueq. Tsuinghez kuex kungkhux nuex naungshiq rueq vkoz vkez maq nawk palx ruiux shix baung nuex lotlaungc taungx vtueq guyc sez wuez yaq.

EJEKIEL 39:3

Kvruex yimaq ngaz rueq piq yauk phvrx kox wawc laq nuiyc yauk keq kox wawc laqsvnz kuex wung tvdvy gay shaungx.

Hosea 9:12

Yuq muinz tsuingshiq rueq nox htenc tvpeluz ruiux muinz, tsuingshiq kuex ngaz rueq lvmz laq vtueq, vshiz muinz tvraungx taq shec shaungx rvmuq. Kvruex miq htenc kuex ngaz rueq gay shec shaungx nuex, kvhiz juing phvnx tsuingshiq nuex yaungx wvnc tuex,” ngoz tueq jungx tueq.

JEKERIA 14:2

Yehowa rueq Yerusalem kuex khvt tvkoc miqphvnx htenc kuex vdvmz nuex tvtuimx shuex. Ghaqyungx kuex khvt nyvlc wvnc rvhumc vtueq, yuimx htenc kuex httak gay ruiux yalxjuik rulx htenc kuex yomnamc rvhumc tuex. Miq khoz lak kuex vthuq wvnc rvhumc tuex, yuq muinz kvjungx yaq miq htenc kuex ghaqyungx kvwawc thuq wvnc rvhumc muq.

Matthew 22:7

Hokhvmx waz kuex pinhtumc khaq vtueq piq nolaungx bix kuex tvkaz ruiux raz tueq miq thvy jix htenc kuex tvthvt gay kaz tueq, tsuingshiq ghaq kvmuinz wvr maq jauk gay tueq.