JEREMIA 21:10 - Hawa Naga Bible 2001

¹⁰ Ngaz rueq vruex ghaqyungx kuex kvjungx muq tvkoc htvp htaz gay tauk, kvruex tvbac gay shuex. Kvruex ghaqyungx kuex Babelon hokhvmx muex lekuq gay vtueq, piq rueq ghaq rawx nuex httuiuc laz jauk gay shuex. Ngaz Yehowa rueq jungx vshaungx.”

ASII LAKDAP Bible (BSI)

¹⁰ Ngi raq ara chela arka tiihang kuq mang she dongdii nguta khatan alot wishe. Shatmaq tiibunlak she mishthenbaiqha. Ara chela arka Bebilon mung hokhamwe jaqmong niishe mikuq baiq. Kiimaq apaiq raq arka wa miishe michaqbaiq. Raüta hiqrai mishotbaiq. Arka Ngi, Tatiwe raq chong tiikang.”

JEREMIA 21:10 Referencias Cruzadas

2 KAÜWA WERAÜ 36:19

Piq rueq Shomc Yuimx nuiyc ghaqyungx muinz hokhvmx hoc tsak vnyvmx lotlaz kuex wvr maq jauk gay tueq, ghaqyungx palx ruk muinz tvrul tvbunx gay tueq.

Tvtsvmc 34:16

yuq muinz honc bac shuimc jix htenc kuex vpiq rueq tuingshaung gay yaq, kvkhoc rvtueq tsuingshiq thueyc kaz tuex nuex, tsuingshiq kuex rvmak laz dvyx lauk gay rvhumc yaq.

JEREMIA 17:27

Yuq muinz tsuingshiq rueq ngvy kvjaz phvnx vtueq vsawc raungnuiyq muex Vguilc Raungnuiyq kuex phvnx shuex. Tsuingshiq kuex kvruex raungnuiyq Yerusalem palx kaluix lvmx maq yvmx muinz gurx pic muq rvshuex, tsuingshiq rueq kvkhoc shuimx kaz ruiux yuq, Yerusalem palx kaluix htenc kuex ngaz rueq wvr maq jauk gay shaungx. Wvr kvraq Yerusalem hoc htenc kuex khamc gay shuex; wvr kuex washiz rueq muinz thvt lot muq rvshuex,” ngoz tueq jungx tueq.

JEREMIA 26:6

Mnoz rueq tvhttoarc vtueq phvnx muq ngoz ruiux yuq, ngaz rueq Shilo kuex ruez gay tauk ikhoc vruex Shomc Yuimx vmuinz ngaz rueq ruez gay shaungx. Vruex mungkawx wawc miqphvnx htenc lotlaz rueq vruex ghaqyungx muingc kuex kvtuemc kvtaungc juing ikhoc tvyaungc shuex,” ngoz tueq jungx tueq.

JEREMIA 33:5

Wvyvmc rueq Babelon miqsaz kuex khvt wuez ruiux muinz ngvy thuinkhvy nuiyc thuinkhvy phuk vtueq ngaz rueq vthvt gay miq maungx htenc maq yuimx htenc nuex tvmvrc shaungx. Vruex ghaqyungx miqsaz rueq layx bac yauk shuimc ningkhvnc nuex, ngaz rueq vruex ghaq kuex shungnungx shung gay shec shaungx.

JEREMIA 34:2

Yehowa Israel Tishox rueq, Yuda Hokhvmx Zedekia muex jungx kay tvkoc jungx phuex kuex, “Ngaz, Yehowa rueq vruex ghaqyungx kuex Babelon hokhvmx yauk nuex lekuq gay ruiux, piq rueq kvruex ghaq kuex wvr maq jauk gay shuex.

JEREMIA 34:22

Ngaz rueq nvr ruiux yuq, tsuingshiq kuex vruex ghaqyungx vyuq yek waung tuex. Tsuingshiq kvruex khvt tueq, lvp tueq, nuiyc wvr maq jauk gay tueq. Ngaz rueq Yuda mungx wawc miqghaq ruinx htenc kuex ukhaq muinz httax muq ghaqkuiyq ghaqkhvmx kumtsvy tvnx ikhoc tvyaungc gay shaungx. Ngaz, Yehowa rueq jungx vshaungx.”

JEREMIA 38:17

Kvruex yimaq Zedekia muex ngaz rueq jungx tauk Tvphaungc Tvsuip Yehowa Israel Tishox rueq jungx tueq, “Mkhoc shoc maq Babelon hokhvmx waz piq vyungx vlaungx bix kox nuex mnoz nyuip ruiux yuq, mrullungx dung lvp tuiux, ghaqyungx muinz jauk gay muq. Mnoz nuiyc m-yuimx wuinz muinz tvraungx httax lvp tuinx.

JEREMIA 38:18

Yuq muinz mkhoc shoc maq mnoz rueq yauk tenz muq ngoz ruiux yuq, vruex ghaqyungx kuex Babelon miqsaz yauk nuex lekuq gay ruiux tsuingshiq rueq jauk gay shuex, mnoz kuex tsuingshiq kox wawc yuz wvnc tuiux rvmuq,” ngoz tueq jungx tueq.

JEREMIA 38:23

Kvruex yimaq ngaz rueq, “M-yalxjuik nyuiuz rulx nuiyc nosaz hez lotlaz kuex Babelon miqsaz yix nuex shvlc lvy rvhumc tuex, mshauk pumz muinz tsuingshiq kox wawc dung wvnc lvp muq. Mnoz kuex Babelon hokhvmx yauk nuex khoktep nuex shuiuz gay rvhumc tuiux, vruex ghaqyungx kuex labuinx tvyaungc gay shuex,” ngoz tueq jungx tauk.

JEREMIA 38:3

Ngaz rueq tsuingshiq muex jungx tauk Yehowa rueq jungx tueq, “Ngaz rueq ghaqyungx vruex Babelon nolaungx bix muex lekuq gay shaungx, tsuingshiq rueq kvruex ghaq lvp wvnc shuex,” ngoz tueq.

JEREMIA 39:16

“Mnoz rueq Ethiopi miqsaz Ebedmelek muex, Tvphaungc Tvsuip Yehowa Israel Tishox rueq ngoc, ngaz rueq kungkhux nuex jungx wvnc tauk rulc rv-ngvlc ghaqyungx vruex tvbac gay shaungx, kvruex kuex tvrungx wanx shaungx rvmuq. Kvkaq vruex yaungx wvnc tuex nuex mnoz rueq khic lvp tvkoc kvyuq httax kuiuz.

JEREMIA 39:8

Kvruex baunglaung, Babelon miq htenc rueq hokhvmx hoc nuiyc mungx miqsaz yuimx htenc kuex jauk gay ruiux, Yerusalem ghaq palx ruk htenc kuex httak gay tueq.

JEREMIA 44:11

“Kvkhoc rvtueq, ngaz, Tvphaungc Tvsuip Yehowa Israel Tishox rueq nuimshiq kuex tvyez khawx yek vtueq Yuda phvnx lotlaz kuex tvbac gay shaungx.

JEREMIA 44:27

Nuimshiq kuex vrungx vwanx muex rvwvl tuit, yuq muinz tvbac gay rvhumc tuinx. Nuimshiq wawc vshiz muinz kvjungx muq nuex httuiuc laz nuimshiq lotlaz kuex ralx nuex nuiyc vmac vtsac nuex thueyc maq wvnc tuinx.

JEREMIA 52:13

Piq rueq Yerusalem wawc Shomc Yuimx, hoc htenc nuiyc vkhek miqsaz yuimx htenc lotlaz kuex jauk gay tueq,

EJEKIEL 15:7

tsuingshiq muex murx tvgurc shaungx. Tsuingshiq kuex wvr vshiz wawc dung wvnc lvp tueq, yuq muinz wvr vshiz rueq tsuingshiq kuex khamc gay shuex. Ngaz rueq tsuingshiq muex murx tvgurc tauk nuex, ngaz Yehowa rvtauk kuex nuimshiq rueq tuiuz shuinx.

EJEKIEL 24:11

Majuiuc kotic tuik shauk httuiz kuex wvr kuinx htauk kvyuq tvdaungc vtueq tvkalc tvshawc shuiuz. Kvruex yimaq kop yaq phez kuex khamc gay yix, phez kop yaq lotlaz khamc gay muq ngoz ruiux muinz,

LEWI 17:10

Israel miqsaz ukhaq yuq muinz, tsuingshiq rulc httaz naungc jix pungnuk miqsaz ukhaq yuq muinz, tvguiy nuiyc vngvmx tvshot phauk ruiux yuq, Yehowa kuex kvruex waz kox kvwawc kvroz wvnc vtueq vpiq miq wawc tvdung gay shuex.

LEWI 26:17

Ngaz kuex nuimshiq kox wawc kvwek wvnc taungx, nuimshiq kuex ralx sumx vtueq ralx rueq guimz lawc wvnc rvhumc tuinx; nuimshiq kuex pinhtumc kawc yawc wuez vtueq vyurc jix vguez rvyruiux yuz wvnc wuez tuinx.

AMO LUIK DVP (AMOS) 2:5

Kvkhoc rvtueq ngaz rueq Yuda htauk nuex wvr tvdvy vtueq Yerusalem nolaungx ghaqshungc htenc kuex tvkhamc gay shaungx,” ngoz tueq jungx tueq.

AMO LUIK DVP (AMOS) 9:4

Tsuingshiq kuex tsuingshiq ralx rueq lvp gay rvhumc ruiux yuq, vthvy gay tvkoc ngaz rueq nvr shaungx. Ngaz rueq tsuingshiq muex romc kuq shaungx rvmuq, tsuingshiq kuex tvbac gay muex htvp htaz gay tauk.”

JEKERIA 1:6

Ngvy nvrc waz shvmmax bix maq raz tueq nuimshiq jix vwaz tamx muex vnvr bomc htenc nuiyc honc tvsvmz bomc htenc jungx kuq tueq, yuq muinz tsuingshiq rueq kvruex bomc kuex wvlc guez tvyaungc ningkhvnc nuex yaungx wvnc yaq kuilc daz kuex rvhumc yaq. Shuimc tvkoc ngaz rueq htvp htaz wvnc tauk rulc rv-ngvlc tsuingshiq rvhumc aungx yaq kuex ngaz, Tvphaungc Tvsuip Yehowa rueq tsuingshiq muex murx tvgurc ningkhvnc nuex tsuingshiq thuinz kvlayc wuez vtueq ngaz muex kvjungc wuez yaq.’”