JEREMIA 17:27 - Hawa Naga Bible 2001

²⁷ Yuq muinz tsuingshiq rueq ngvy kvjaz phvnx vtueq vsawc raungnuiyq muex Vguilc Raungnuiyq kuex phvnx shuex. Tsuingshiq kuex kvruex raungnuiyq Yerusalem palx kaluix lvmx maq yvmx muinz gurx pic muq rvshuex, tsuingshiq rueq kvkhoc shuimx kaz ruiux yuq, Yerusalem palx kaluix htenc kuex ngaz rueq wvr maq jauk gay shaungx. Wvr kvraq Yerusalem hoc htenc kuex khamc gay shuex; wvr kuex washiz rueq muinz thvt lot muq rvshuex,” ngoz tueq jungx tueq.

ASII LAKDAP Bible (BSI)

²⁷ Shatmaq tsangshiq raq Ngi aming ka lang raa dongdii. Raüta Asii Niitiitsak Ranaiq ka asii ranaiq tri maq lang raa dongdii. Tsangshiq raq kra ranaiq na Jerusalem chela kilamchong thun lam maq hupsam ho raüta khum raamak. Tsangshiq raq kra bom ka tlea raüla, Ngi raq Jerusalem chela kilamchong thun ka wa maq michaq baiqha. Wa raq Jerusalem chela mong wa hokham jam thun ka mikhiimbaiq. Kra wa nyai wantlaq kriika juwe riimin tiimatbaiq lot mak she miraq.”

JEREMIA 17:27 Referencias Cruzadas

2 HOKHVMX 22:17

Tsuingshiq rueq ngaz kuex tvdux gay ruiux vganc tishox htenc muex shomc nawk kuy shomc kuq vshuex, kvkhoc tsuingshiq rueq shuimx kaz vtueq ngvy thuinz tvkhaq yaq. Kvkhoc rvtueq Yerusalem kuex khawc lvlc tvkoc ngvy thuinkhvy kuex naq yaq ningkhvnc nuex kvruex kuex bunx tuex.

2 HOKHVMX 25:9

Piq kuex Yerusalem wawc Shomc Yuimx, hokhvmx hoc nuiyc Yerusalem ghaq wawc vkhek miq httax yaq yuimx htenc kuex jauk gay tueq,

2 KAÜWA WERAÜ 36:19

Piq rueq Shomc Yuimx nuiyc ghaqyungx muinz hokhvmx hoc tsak vnyvmx lotlaz kuex wvr maq jauk gay tueq, ghaqyungx palx ruk muinz tvrul tvbunx gay tueq.

Tvtsvmc 122:7

mnoz hoc htenc nuex nomic mhttax kueq,” ngoz tueq Yerusalem ghaqyungx nomic tvkoc vjux thoz wuez shuinz ngoz tueq.

ISAIA 1:20

Yuq muinz nuimshiq rueq ngaz muex tvlvlc ruiux yuq, nuimshiq vthueyc rvhumc tuinx. Ngaz, Yehowa rueq jungx vshaungx,” ngoz tueq jungx tueq.

ISAIA 1:31

Tsvmkuiz kuex wvr dung vtueq khvmc gay yaq ikhoc, luimc vkawc yunghvlc jix miq muinz tsuingshiq layx bac honc vyaungc nuex bac wvnc wuez tuex, kvkhoc bac wvnc yaq kuex uraq muinz tvthauk lot shuex rvmuq.

JEREMIA 17:24

“Tsuingshiq muex ngaz rueq nvr tauk lotlaz kuex phvnc tvkoc vruex miq htenc muex jungx shuiuz. Tsuingshiq rueq Vguilc Raungnuiyq vruex ghaqyungx kaluix lvmx vmaq yvmx muinz gurc pic lvy mvy muq. Tsuingshiq rueq vsawc raungnuiyq ikhoc Vguilc Raungnuiyq kuex phvnx vtueq yvmx yauk muinz shuimc mvy muq.

JEREMIA 17:4

Mmvrax ningkhvnc nuex nuimshiq muex ngaz rueq kuq phaungx mungtan kuex tuip gay shec shuinx. Ngvy thuinkhvy kuex wvr ikhoc ningkhvnc nuex pattup luic hvt luic vtueq, ngaz rueq nuimshiq kuex miqmac httuiuc muit shauk doc mungx nuex ralx muex shuimx lvmz kuq wuez shuinx,” ngoz tueq jungx tueq.

JEREMIA 18:1

Yehowa rueq ngaz muex jungx phuex,

JEREMIA 21:14

Yuq muinz mnoz rueq shuimx wvnc toq rulc rv-ngvlc ngaz rueq mnoz muex murx tvgurc phaungx. Mhoc kuex wvr maq jauk gay shaungx, kvmaq wvr kvraq tvroz tuimz kuex khamc gay shuex. Ngaz, Yehowa rueq jungx vshaungx.”

JEREMIA 22:5

Yuq muinz mnoz kuex ngaz rueq nvr phaungx tay muq ngoz ruiux yuq, vruex hoc kuex bac wvnc tuex ngoz tueq ngaz rueq mnoz muex tuemc kuq vphaungx. Ngaz, Yehowa rueq jungx vshaungx.

JEREMIA 32:29

wvr nuex jauk gay shuex. Ngvy thuinz tvkhvy muex ngoz tueq, yuimx htenc htauk nuex Bala muex vhomc vtumc phvnx jauk ruiux, vganc tishox htenc muex svpiq tix shvy shomc kuq yaq yuimx htenc kvrulc vdvmz tsuingshiq rueq kvruex ghaqyungx kuex jauk gay shuex.

JEREMIA 39:8

Kvruex baunglaung, Babelon miq htenc rueq hokhvmx hoc nuiyc mungx miqsaz yuimx htenc kuex jauk gay ruiux, Yerusalem ghaq palx ruk htenc kuex httak gay tueq.

JEREMIA 44:16

“Yehowa muingc maq mnoz rueq nuiyshiq muex jungx phux kuex nuiyshiq rueq tay miq tvdux gay shix.

JEREMIA 49:27

Ngaz rueq Damasku ghaq palx ruk htenc kuex wvr maq jauk gay ruiux, kvraq Hokhvmx Benhadad hoc nuex httuiuc laz khamc gay shuex. Ngaz, Tvphaungc Tvsuip Yehowa rueq jungx tauk.”

JEREMIA 52:13

Piq rueq Yerusalem wawc Shomc Yuimx, hoc htenc nuiyc vkhek miqsaz yuimx htenc lotlaz kuex jauk gay tueq,

JEREMIA 6:17

Bolic tuimz vtueq honc tvsvmz kuy thuic kuex tay tvkoc Yehowa rueq vbvmc jix hez kuex taq tueq. Yuq muinz tsuingshiq rueq, “Nuiyshiq rueq tay roc miq,” ngoz wuez tueq.

JEREMIA 7:20

Kvkhoc rvtueq ngaz, Johvlc Yehowa rueq ngvy thuinkhvy phuk yaq kuex vruex Shomc Yuimx vyuq ruiuc gay shaungx. Miqsaz htenc nuiyc nyvmx saz htenc htauk nuex muinz, pulx jungx htenc nuiyc vthuey vngoz htenc htauk nuex muinz ngaz rueq ruiuc gay shaungx. Ngvy thuinkhvy kuex uraq muinz tvmut lot muq wvr rulc rv-ngvlc yaq.

AJONJÜ 2:6

Vpiq kuex naungshiq rueq nawk palx shix Shomc Yuimx kuex tvhuyx tvhut rop gay tueq; Vpiq rueq vsawc raungnuiyq htenc nuiyc Vguilc raungnuiyq htenc kuex tvhtumx gay tueq. Hokhvmx waz nuiyc shomc waz rueq muinz vpiq thuinkhvy kuex rv-ngvlc rvhumc wuez yaq.

AJONJÜ 4:11

Yehowa rueq vpiq thuinkhvy mvrc yaq hungc vlaungc kuex ruiuc gay tueq; vpiq rueq Zion kuex ghaq nuex httuiuc laz khamc juing wvr tvsauz tueq.

EJEKIEL 16:41

Yalxjuik rulx htenc rueq mnoz muex murx tvgurc yaq kuex mkhiz shueq, tsuingshiq rueq m-yuimx htenc kuex jauk gay shuex. Ngaz rueq mnoz kuex mehpex nyuiuz yaungx muq tvkoc muinz, lungwawc vshuiux hez muex yauk noalc kuq vshuiux kvmuinz, tvthauk gay shaungx.

EJEKIEL 21:15

Kvruex kuex ngvy miqsaz htenc khvmc thuinz kuex tvsumx gay ruiux tvhtuip tvrul gay shaungx. Ngaz rueq tsuingshiq ghaqyungx kuex raunglep ikhoc lep yaq yaung maq tvhiz sungx vtueq thvy gay tvkoc tvyoalc yoalx shex.

EJEKIEL 21:3

Ngaz, Yehowa rueq jungx vshaungx kuex Israel muex honc tvsvmz kuq shuiuz: ngaz kuex mralx rvtauk. Ngaz rueq ngvy yaung jvt vtueq miq hvlx miq bac nuimshiq lotlaz kuex thvt gay phaungx.

EJEKIEL 22:8

Mnoz rueq vsawc baung htenc kuex tvtsanc nganc muq, Vguilc Raungnuiyq kuex tvshuy shac vshuiux.

EJEKIEL 23:38

Tsuingshiq rueq shuimx wvnc tueq kuex kvruex lotlaz rvmuq shauk. Tsuingnueyc rueq ngvy Shomc Yuimx kuex tvshuy shac ruiux Vguilc Raungnuiyq kuex wvlc guez waqguez tvyaungc tueq.

Hosea 8:14

“Israel miqsaz rueq hoc htenc guirx tueq, yuq muinz tsuingshiq hoc Guirc kuy jix Waz kuex vlauk rvgay tueq. Yuda miqsaz rueq ghaqyungx palx ruk kuex ruk wuez tueq. Yuq muinz ngaz rueq wvr tvkaz vtueq tsuingshiq hoc htenc nuiyc ghaqyungx htenc kuex tvkhamc gay shaungx.”

AMO LUIK DVP (AMOS) 1:10

Kvkhoc rvtueq ngaz rueq Tire ghaqyungx palx ruk htenc htauk nuex wvr tvdvy vtueq kvruex wawc nolaungx ghaqshungc htenc kuex tvkhamc gay shaungx,” ngoz tueq jungx tueq.

AMO LUIK DVP (AMOS) 1:12

Kvkhoc rvtueq ngaz rueq Teman ghaqyungx htauk nuex wvr tvdvy ruiux Bozara nolaungx ghaqshungc htenc kuex tvkhamc gay shaungx,” ngoz tueq jungx tueq.

AMO LUIK DVP (AMOS) 1:14

Kvkhoc rvtueq ngaz rueq Rabba ghaqyungx palx ruk htenc htauk nuex wvr tvdvy vtueq kvruex wawc nolaungx ghaqshungc htenc kuex tvkhamc gay shaungx. Kvruex yimaq kvruex yuq ralx rv-khvt tuex raungnuiyq guyc sez tvruingc httax vtueq kvruex rv-khvt kuex raunghtiq raungguil ikhoc songhvlc rvtuex.

AMO LUIK DVP (AMOS) 1:4

Kvkhoc rvtueq ngaz rueq Hokhvmx Hazael rueq vguirx hoc nuex wvr tvdvy vtueq Hokhvmx Benhadad nolaungx ghaqshungc htenc kuex tvkhamc gay shaungx.

AMO LUIK DVP (AMOS) 1:7

Kvkhoc rvtueq ngaz rueq Gaza ghaq palx ruk htenc htauk nuex wvr tvdvy vtueq kvruex wawc nolaungx ghaqshungc htenc kuex tvkhamc gay shaungx.

AMO LUIK DVP (AMOS) 2:2

Ngaz rueq Moba mungx htauk nuex wvr tvdvy vtueq Keriot nolaungx ghaqshungc htenc kuex tvkhamc gay shaungx. Moba miqsaz htenc kuex nolaungx daungx guyc ramc vtueq bolic tuimc tvruingc htenc rueq dvyx thueyc wvnc wuez tuex.

TRI CHONGKE 32:22

Ngvy thuinkhvy kuex wvr ikhoc luic vtueq ghaq htauk nuex httax yaq htenc kuex tvkhamc gay shaungx. Kvruex kuex mungkawx khung nuex httuiuc laz htanc vtueq, kanx vjungx vbaung htenc kuex khamc gay shuex.

Hebrews 12:25

Nuimshiq kuex bomjungc kuy jix waz kvjaz kuex tay muit tvdux gay jix muex nauk yaungx wuez kaz, honc lvmz shuinz. Ghaq htauk nuex honc vtharc jix waz bomjungc kuex tay muq tvdux gay jix htenc kuex mvrax murx wawc luenx lot tuex rvmuq, kvkhoc rvtueq nuimshiq kuex, raungmungx maq jungx yaq waz muex yix tvnungx shung kuq ix ngoz ruiux yuq, mvrax murx wawc naungshiq luenx juing lvmx vguez rvtueq!