JEREMIA 15:8 - Hawa Naga Bible 2001

⁸ Mmungtan wawc mvntix nyuiuz tamx kuex svmuktvrax kox wawc kumtsvy phungc htauk nuex muinz vpaung. Ngaz rueq m-yalxrox bix kuex tsuingshiq yalxrox baunglaung thvt gay ruiux tsuingshiq nyuiuz hez kuex yonzyex tvrvhumc wuez shaungx. Tsuingshiq kuex huingc rvhek maq tvkawc yawc vtueq rvwvlc thamx yec tvrvhumc tauk.

ASII LAKDAP Bible (BSI)

⁸ Nam mung na manti-nyungre ka, khamjong chum kii na kumtsai riiphongtlaq thaq na apa. Ngi raq nam mung wa jerobi ka jerojong na jiipbaiqkang, lata anyungre thun tiichamchao tiikang. Ngi raq tsangshiq ka tiihanghiiq miili tsan among bunlaklak, phiiptsi ma tiitsaitiikang.

JEREMIA 15:8 Referencias Cruzadas

ISAIA 3:25

Ghaqyungx wawc miqwaz rulx lex, rvtueq, hungc vlaungc httaz hvlc jix doc muinz ralx khvt nuex thueyc wuez tuex.

ISAIA 3:26

Ghaqyungx kaluix htenc kuex khoarsez wuez vtueq, ghaqyungx kuex sawkumx put gay ruiux ghaq nuex ngaungc yaq yalxjuik nyuiuz shiz ikhoc yaungx wvnc tuex.

ISAIA 4:1

Kvruex raungnuiyq httuiuc wvnc tuex nuex, yalxjuik nyuiuz mvshix rueq miqwaz vshiz kuex shuimx wuez vtueq, “Nuiyshiq miqmac phuiuz vsvy phauk saq ruiux miqmac khosvmc khvysvmc vhttax, yuq muinz mnoz kuex nuiyshiq taungx waz rvtueq, ngoz tueq kejux maq nuiyshiq rueq jungx phix, ngoz ruiux nuiyshiq kuex miq muex waungc guez yvlc svy kuex rvhumc miq rvtix,” ngoz tueq jungx wuez yaq.

JEREMIA 16:3

Vruex baung vyuq jawx wvnc tueq nosaz rulx nuiyc tsuingshiq nyuiuz vwaz hez yvmx khoc lac yaungx wvnc tvnx kuex ngaz rueq mnoz muex jungx kuq ix.

JEREMIA 18:21

Yuq muinz majuiuc, Yehowa lex, tsuingshiq sahez kuex rvmc muex tvthueyc gay shuiuz; tsuingshiq kuex ralx rvlungc nuex mthvt gay shueq. Tsuingshiq muex nox tvlvp muq maq mvntix nyuiuz muex tvyaungc shuiuz; miqwaz rulx vthuiuz rueq thueyc vtueq yalxrox bix kuex ralx lungc nuex mthueyc kueq.

JEREMIA 22:7

Kvruex tvbac gay muex ngaz rueq miqwaz rulx tvkaz shaungx. Tsuingshiq lotlaz rueq muingkix shuimx vtueq vsvp waq ruippulx htung htenc kuex dauk gay ruiux wvr nuex tuip gay shuex.

JEREMIA 4:16

Tsuingshiq rueq miqphvnx ruip rawx muex honc tvsvmz kuy tvkoc muinz, lvmx luz mungx wawc httuiuc kaz yaq ralx lvmz kuex Yerusalem muex tvtay jungc kuy muex httuiuc kaz tuex. Kvruex ralx htenc Yuda ghaqyungx htenc yix kox maq ramc wuez shuex,

JEREMIA 5:6

Kvkhoc ningkhvnc nuex luingx vlak wawc hangsic htenc rueq tsuingshiq kuex kauk gay shuex; kumtsvy tvnx wawc yaruix guyhex htenc rueq tsuingshiq kuex tvhtaq tvruk kauk gay shuex, pulx jungx jaq rueq muinz ke-phic maq bvmc vtueq, mkhoc shoc maq miq dung kaz ruiux yuq, tvhtaq tvruk kauk gay shuex, yvmx khoc lac ngoz ruiux lex tsuingshiq kuex mvrax paunghvlc nuiyc Tishox muex lauk wvruip ruip yix tvnungx shungc kuy ningkhvnc nuex rvtueq.

JEREMIA 6:26

Yehowa rueq vpiq miqsaz muex jungx tueq, “Ruiyhec khvy kuex svmx ruiux tvp nuex rv-nyvt wuez kuinz. Mnoz kuex tvbac gay tvkoc huingc rvhek laz maq khvt kay ningkhvnc nuex, saz vshiz lauk lauk thueyc kaz tueq ikhoc pinhtumc yonzyex khoar wuez kuinz.

AJONJÜ 5:3

Nuiyshiq muex vwaz tamx kuex ralx rueq thvt gay wuez tueq, majuiuc nuiyshiq muex vnyuiuz tamx kuex mvntix nyuiuz muex yaungx wuez yaq.

EJEKIEL 22:25

Tsuingshiq walaungx bix kuex vhuk raz tueq ngvmx htenc puinz kauk gay yaq hangsic htenc ikhoc rvtueq. Tsuingshiq rueq miq htenc kuex thvt gay ruiux, kuimphox nuiyc tsak vnyvmx htenc kuex taungx shuex tanc khvnc lvmz wvnc yaq, tsuingshiq rueq miq thvy ningkhvnc nuex mvntix nyuiuz hez paung yaq.

Hosea 4:5

Nuimshiq kuex raungnuiyq raungwvrx yaq wuez vtuinx, shvmmax bix kuex nuimshiq htauk nuex jvnc vtueq hvlx yaq rvmuq. Ngaz rueq nuimshiq nyuiuz Israel kuex tvbac gay shaungx.

Luke 21:35

Yvmx khoc lac ngoz ruiux lec kvruex kuex baung ruip saz nuex httax yaq miqsaz lotlaz htauk nuex httuiuc wvnc tuex.