JEREMIA 14:9 - Hawa Naga Bible 2001

⁹ Mnoz kuex yvmx ngoz tueq lac kvtawx ngawx kaz vtueq, romc kuy tvkoc hungc vlaungc vnulx nolaungx waz ikhoc yaungx kaz tuiux? Vsuing, mnoz kuex nuiyshiq rulc vdvmz httax vtuiux! Nuiyshiq kuex mmiqsaz rvtiq; nuiyshiq kuex nauk tuip gay vkueq,’ ” ngoz tueq ramc jungx tueq.

ASII LAKDAP Bible (BSI)

⁹ Jam nguto ümniika maiqwe ashi tiihanghiiq maq atiihangrat ikha jam nguto jaki laü? phenla weshi ningkun ahü maiq khrum kuqlot mak ikha jam nguto jaki laü? Tengteng, Tatiwe lei, ümniika naishiq rai asi! Naishiq ka ümsenginok; naishiq ka naqbaiqthükiq.’”

JEREMIA 14:9 Referencias Cruzadas

2 KAÜWA WERAÜ 7:14

tsuingshiq rueq vshuimc tvyaq tueq layx bac yauk shuimc wawc thuinz kvlayc ruiux kvyez yek vtueq ngvy kox wawc vjux thoz ruiux yuq, raungmungx maq tay kuq shaungx, kvkhoc tsuingshiq mvrax htenc kuex dawc kuq ruiux, tsuingshiq mungtan kuex tvrungx wanx yek shaungx.

Tvtsvmc 10:1

O Yehowa lex, yvmx ngoz tueq lac mnoz kuex yalc hvlc nuex httax vtuiux? nuiyshiq kuilc daz rvhumc vtix nuex yvmx ngoz tueq lac kv-httuiyq wvnc vtuiux?

Tvtsvmc 27:9

“Mnoz kuex ngvy kox wawc nauk kvhttuiyq wvnc kaz!” Ngaz muex thuinz nauk khaq kaz; mnvrc waz kuex nauk tvdux kaz. Mnoz kuex ngaz muex romc kuy jix waz rvtoq. Ngvy palc jix waz O Tishox lex, ngaz kuex nauk gay shec vkueq, nauk tuip gay vkueq.

Tvtsvmc 46:5

Tishox kuex kvruex ghaqyungx kvyuq httax vtueq, kvruex kuex mkaq muinz tvbac gay rvhumc tuex rvmuq; raungnvp saz maq kvruex ghaq kuex romc kuy tvkoc dung kaz wvnc tuex.

ISAIA 12:6

Zion nuex httax jix miq htenc kuex guyc sez vtueq mshix ngoyx wuez kueq! Israel muex vsawc Tishox kuex yunghvlc, vpiq kuex vpiq miqsaz hvlwvl nuex httax naungx yaq,” ngoz tueq shic ngoyc vkhing httuiuc wvnc yaq.

ISAIA 43:7

Tsuingshiq kuex ngvy miqsaz shauk rvtueq, ngvy ngauz vngax tvkoc ngaz rueq tsuingshiq kuex tvdung sung tauk,” ngoz tueq jungx tueq.

ISAIA 51:9

Yehowa lex, kvsvmc vtueq nuiyshiq muex romc kuq koq! Mnoz luimc vkawc maq nuiyshiq kuex palc wvnc koq; kvsvmc vtueq mvnnuex pat nuex rvtoq ikhoc rvshuiuz. Svmuktvrax yungrex Rahab kuex tvhtaq tvruk jumc gay jix kuex mnoz rvtoq.

ISAIA 59:1

Yehowa kuex mnoz palc lot muq tanc khvnc nulx yaq rvmuq, mnoz muex romc kuy tvkoc gvl shuiux kuex tay muq laz juing bawx muq!

ISAIA 63:19

Nuiyshiq kuex mnoz rueq mkaq muinz guimz muq ikhoc muex muinz, nuiyshiq mmiq muex mkaq muinz yaungx miq ikhoc muex muinz yaungx wvnc vtix.

JEREMIA 15:16

Mnoz rueq ngaz muex jungx vphux bomc poz lotlaz ngaz rueq tay vshaungx. Tvphaungc Tvsuip Yehowa Tishox lex, mnoz rueq ngaz guimz vphux ningkhvnc nuex mbomc htenc kuex ngvy thuinz vmungx nuex vkoz vkez raungc raq vtueq tvmvrc kuq phux.

JEREMIA 51:5

Ngaz, Tvphaungc Tvsuip Yehowa Tishox kuex, Israel muex Vsawc Waz ngoz yaq ngaz muex mvrax yaq ruiux doc muinz ngaz rueq Israel nuiyc Yuda kuex gay shec mauk.

JEREMIA 8:19

Tay shuinz! Lvmx luz mungx maq ngvy miqsaz guyc sez yaq kuex ngaz rueq tay tauk. “Yehowa kuex Zion nuex httax muq shex haz? Zion hokhvmx waz kuex kvyuq vguez shex haz?” Tsuingshiq hokhvmx Yehowa rueq tvralc tueq, “Nuimshiq rueq yvmx ngoz tueq lac yac yuimx htenc nuiyc pungmungx wawc khuec guez tishox htenc kuex nawk vtueq ngvy thuinkhvy naq vphuinx?”

AJONJÜ 5:20

Mnoz rueq yvmx ngoz tueq lac nuiyshiq kuex kvtanc khvnc httvmx laz gay shec tonx? Mnoz rueq nuiyshiq kuex rvwvl yek phux haz?

EJEKIEL 48:35

Ghaqyungx palx ruk samx bvlic wvtaungx lotlaz romshauk htaz koq tueq, meter 9,000 rvtueq. Kvruex raungnuiyq maq kvruex ghaqyungx muingc kuex, “Yehowa kuex Vyuq Httax Yaq!” ngoz tueq muingc shuex.

HABAKUK 1:2

O Yehowa lex, mnoz rueq max tay kuq, nuiyshiq kuex yauk laungc yalawx yauk shuimc rvhumc wvnc tiq wawc mnoz rueq max palc wvnc nuex, romc lawc kuy tvkoc mtanc nuex httuiuc laz lac ngaz rueq gvl phaungx?

JEKERIA 2:5

Yehowa kuex kvruex tvwungx tvkoc ghaqyungx tvroz nuex vpiq pumz kuex wvr palx ruk yaungx vtueq vpiq ngauz vngax maq kvyuq httax taungx ngoz tueq bomkhvmc taq tueq,” ngoz tueq jungx tueq.

JEKERIA 8:3

Ngvy vsawc ghaqyungx Yerusalem nuex yek waung vtueq kvyuq httax taungx. Kvruex ghaqyungx kuex tvmtuing vhttax ghaq muex yaungx wvnc vtueq Tvphaungc Tvsuip Yehowa ghaqluimx kuex vsawc ghaqluimx ngoz tueq ngoz shuex.

WEAWEA 11:23

Yehowa rueq, “Ngvy luimc vkawc maq lot laungc mauk phvnx vhttax haz? Ngaz rueq nvr phaungx rulc rv-ngvlc yaungx tuex shuex yaungx muq lac kuex mnoz rueq mtanc httax muq nuex khiz shuiux!” ngoz tueq tvralc tueq.

Acts 15:17

Kvkaq jix kvjungx yaq miqsaz htenc lotlaz ngvy miqsaz htenc yaungc tvkoc ngaz rueq gvl tauk Pungnuk miqsaz lotlaz kuex ngvy kox nuex kaz wuez ruex rvtueq.

2 Corinthians 6:16

Tishox shomc yuimx kuex yac yuimx rulc yvmx khoc lac thuinz rungx raz naungx lot tvnx? Yvmx khoc lac ngoz ruiux lec naungshiq kuex vtvraungx httax yaq Tishox shomc yuimx rvtiq! Tishox rueq, “Ngaz kuex ngvy miqsaz htenc nuex ngvy yuimx tvyaungc vtueq, tsuingshiq nuex httax taungx; Ngaz kuex tsuingshiq Tishox rvtauk, tsuingshiq muinz ngvy miqsaz htenc yaungx tuex,” ngoz tueq jungx tueq.

TRI CHONGKE 23:14

Nuimshiq muex tvkhup wungx kuq vtueq nuimshiq rueq taungx wvnc tvkoc Yehowa nuimshiq Tishox kuex jerak kvyuq nuimshiq rulc vdvmz httax yaq ningkhvnc nuex jerak kuex nawk palx htungx vlayx maq vsawc yaungc rax tuex. Yehowa rueq nuimshiq kuex gay shec muq tvkoc sawc muq phvnx yauk shuimc kuex nauk shuimx kaz.

TRI CHONGKE 28:10

Kvruex yimaq nuimshiq kuex Yehowa rueq vthvl taq vpiq miq rvtuit lvmz kuex mungkawx miq htenc rueq khiz vtueq tsuingshiq kuex nuimshiq muex hiyaz wuez tuex.

Hebrews 13:5

Nuimshiq kuex kuimphox luekshawx muex nauk rvnphvnx kaz. Lvp luz shuinx tanc khvnc maq thuinhvlx wuez kuinz. Yvmx khoc lac ngoz ruiux lec Tishox rueq, “Ngaz rueq mnoz kuex mkaq muinz gay shec mauk, ngaz rueq mnoz kuex mkaq muinz httvr gay mauk,” ngoz tueq jungx tueq.

Revelation 21:3

Ngaz rueq hoc daungraungc maq jungx yaq kvjaz yunghvlc vshiz tay tauk kuex: “Majuiuc Tishox kuex miqsaz rulc vdvmz nuex httax yaq! Vpiq kuex tsuingshiq rulc vdvmz nuex httax tuex, tsuingshiq kuex vpiq miqsaz muex yaungx wuez tuex. Tishox vpiq shauk pumz kuex tsuingshiq rulc vdvmz nuex httax vtueq vpiq kuex tsuingshiq Tishox muex yaungx tuex.

1 SAMUEL 12:22

Yehowa rueq kenrix bomkhvmc taq tueq rulc rv-ngvlc nuimshiq kuex vpiq miqsaz shauk muex tvyaungc muex vpiq rueq htvp htaz wvnc tueq ningkhvnc nuex vpiq rueq nuimshiq kuex httvr muq.