JEREMIA 14:17 - Hawa Naga Bible 2001

¹⁷ Ngaz yonzyex vtaungx kuex mungx miqsaz muex jungc kuy tvkoc ngaz muex Yehowa rueq nvr phuex: “Ngvy muik htenc kuex raung-nuiyq raungwvrx muik phic m-svrc kueq, ngvy miqsaz kuex pinhtumc vphiz vshuz rvhumc vtueq, thuiuz sac hvlc ningkhvnc nuex ngaz kuex mkaq muinz vkhoarc thauk lot mauk mruez kueq.

ASII LAKDAP Bible (BSI)

¹⁷ Tatiwe raq ngi ma ngi chamchao hoqsii tiikang kriika tsangshiq ma chonglaq nguta aming kuqto: “Imakphai sawa ka ranaiq rawa misalaq, ngi ka atsaq min tsaq mang she dea mihoqsiqha, jamkhano ngukla inok ita ka bunlak buncha bukto, raüta tsihea mo tiihoto.

JEREMIA 14:17 Referencias Cruzadas

2 HOKHVMX 19:21

Yehowa rueq, “Sennacherib lex, Yerusalem ghaqyungx rueq mnoz kuex lawc vtueq nueyx wuez yaq.

Tvtsvmc 119:136

Miq htenc rueq mtvrac kuex phvnx muq ningkhvnc nuex ngvy muik phic kuex yuix ruilx ikhoc kaz yaq.

Tvtsvmc 39:10

Ngaz muex murx nauk tvgurc kuq vkueq shex! Mnoz rueq wungc ningkhvnc nuex ngaz thueyc khvmkhvmz shex.

ISAIA 37:22

Yehowa rueq, “Sennacherib lex, Yerusalem ghaqyungx rueq mnoz kuex lawc vtueq nueyx wuez yaq.

JEREMIA 10:19

Yerusalem miqsaz htenc rueq, “Nuiyshiq kuex songhvlc vthuiuz vsac rvhumc vtix! Nuiyshiq vmac vtsac htenc kuex hvlx tuex rvmuq. Vkhoc rvhumc vtix murx kuex phvnx shishiz maq nanx lot shix ngoz tueq nuiyshiq rueq tvmaung vshix!

JEREMIA 13:17

Mkhoc shoc maq mnoz rueq tay muq, mngamc boq ruiux yuq, ngaz kuex vyumx maq khoar taungx; Yehowa mmiqsaz kuex vlvp lvy rvhumc yaq jix ikhoc lvp lvy rvhumc ningkhvnc nuex, ngaz kuex vkhuip vkhaq httaz laz juing khoar vtueq ngvy muik phic svrc tuex, yvmx khoc lac ngoz ruiux lec Yehowa miqsaz htenc kuex thuq lvy ningkhvnc nuex rvtueq.

JEREMIA 18:13

Yehowa rueq, “Kungkhux nuex kvkhoc phvnx khac kuex mkaq muinz yaungx tueq shex ngoz ruiux, miqphvnx ruip rawx muex wiz shuiuz. Israel miqsaz rueq kvhiz juing phvnx shuimx kaz tueq!

JEREMIA 8:18

Ngvy thuinbac yaq kuex tvhvlc mvy muq; ngvy thuinz vmungx nuex thuiuz yaq.

JEREMIA 8:21

Ngvy miq htenc tvbunx gay ningkhvnc nuex ngvy thuinz vmungx bunx tueq; ngaz khoar nyerx vtueq; pinhtumc kawc yawc tauk.

JEREMIA 9:1

Ngvy khux poz kuex yuix tumz yuix, ngvy muik htenc kuex muik phic ruilx yaungc tvkoc ngaz rueq raungc raq vshaungx, kvkaq ngaz kuex vthvy gay rvhumc tueq ngvy miqsaz htenc tvkoc raungnuiyq raungwvrx khoar lot taungx rvtueq.

JEREMIA 9:18

Miq htenc rueq jungx tueq, “Naungshiq muik htenc nuex muik phic mvrc vtueq, naungshiq muik khuix htenc kuex vkhoarc htuiz, muik phic rueq hemc gay nuex httuiuc laz, maungx huiuz shic thenc yaq jix kuex yauk lox gvl shuinz,” ngoz tueq.

AJONJÜ 2:11

Ngvy muik htenc kuex vkhoarc htuiz rueq htvl yaq; ngvy siyac kuex pinhtumc thuiuz sac yaq. Ngaz kuex ngvy miqsaz htenc bac wvnc ningkhvnc nuex yonz yex vtueq nulx wvnc vtaungx. Nosaz rulx nuiyc noshawx sahez kuex ghaqyungx lvmx htenc nuex maungc kaz wuez tueq.

AJONJÜ 2:13

O Yerusalem lex, lungwawx vphaungx Yerusalem lex, ngaz rueq mkhoc jungc lot juing lac? Ngaz rueq mnoz muex mkhoc sitenc yatenc lot juing lac? Vkhoc kuilc daz kuex vshiz muinz rvhumc muq doc. Mnoz kuilc daz jamjaux kuex svmuktvrax ikhoc yunghvlc vhtaz lot miq; thuinz tvluimc juing httax lot muq.

AJONJÜ 2:18

O Yerusalem lex, mpalx ruk htenc rueq Taungjix muex m-guyc ramc shueq! Mmuik phic kuex yuix ruilx ikhoc raungnuiyq raungwvrx msvrc kueq; Mshauk pumz kuex vkhoarc vsez nuiyc vyonz vyex raz tueq nulx wvnc kueq!

AMO LUIK DVP (AMOS) 5:2

Israel yalxtux kuex rul kaz vtuex, Mkaq muinz kvtenc yek muq shex! Piq kuex ghaq nuex tuip gay rvhumc tueq, Uraq muinz piq kuex romc tenz shuex rvmuq.

Mikha 6:13

Kvkhoc rvtueq nuimshiq mvrax htenc ningkhvnc nuex nuimshiq kuex tvbac phaungc wvnc muex ngaz rueq tvyoalc lot tauk shex.