JEKERIA 12:3 - Hawa Naga Bible 2001

³ Yuq muinz kvkhoc raungnuiyq httuiuc tuex nuex, ngaz rueq Yerusalem kuex liz hvlc lung vshiz ikhoc tvyaungc shaungx, kvruex kawk gay tvkoc dvnc jix miqphvnx kuex vmac vtsac tvrvhumc shaungx. Mungkawx wawc miqphvnx htenc lotlaz rueq piq kuex tuimx khvt wuez shuex.

ASII LAKDAP Bible (BSI)

³ Shatmaq kra akhing she saü raüla, ngi raq Jerusalem ka longkaü ashi ikhiishe mitiijaha. Ümra mungti riiwa kra longkaü ka dobaiq lai nguta danjiiq, kra mungti ka maiqmiili khoti mitiipatrai. Mangjong hiq wa maiqmung pahea adam pong raüta Jerusalem ka mikhat.

JEKERIA 12:3 Referencias Cruzadas

ISAIA 60:12

Yuq muinz mnoz muex nawk muq miqsaz htenc kuex Tvsuimz laz tvbac gay rvhumc tuex.

Obadia 1:18

Yaku nuiyc Yosep miqsaz htenc kuex wvr ikhoc yaungx wuez vtueq; tsvmkuiz wvr rueq khamc gay yaq ikhoc tsuinghez rueq Esaw miqsaz htenc kuex tvbac gay shuex Esaw suiuz vsaz phvnx kuex kvjungx tuex rvmuq. Ngaz, Yehowa rueq jungx vshaungx.

Mikha 5:15

Ngvy thuinkhaq hvlc ningkhvnc nuex ngvy kvjaz tay muq phvnx muq miqphvnx htenc lotlaz htauk nuex ngaz rueq murx tvyez shaungx,” ngoz tueq jungx tueq.

Mikha 5:8

Kvjungx yaq hez kuex miqphvnx htenc hvlwvl luingx vlak nuex, rvmuq ngoz ruiux ngac remc juing nuex phuiuz vsvy thuiyc khuyx yaq hangsic ikhoc yaungx tuex. Piq kuex khelbuenx phungc nuex nyuip vtueq puinthuing puinthaung juir gay shuex; kvruex baung wawc palc wvnc tvkoc thuinz tvluimc juing httax tuex rvmuq.

HABAKUK 2:17

Nuimshiq rueq Lebanon wawc pulx roz htenc kuex dauk gay tuit; majuiuc nuimshiq kuex vduiuz gay rvhumc tuinx. Nuimshiq rueq kvruex yaruix wawc ngvmx saz htenc kuex thvt gay tuit; majuiuc ngvmx saz htenc rueq nuimshiq kuex tvhiz yaz kv-phuinx. Nuimshiq yaq wvnc tuit miq thvy khac htenc ningkhvnc nuex muinz, mungkawx nuiyc ghaqyungx htenc wawc miq htenc kuex yauk laungc yalawx maq rvwvnc tuit ningkhvnc nuex muinz vkhoc hulawx yaungx wvnc yek tuex.

JEPHANIA 3:19

Vkhing kuex httuiuc wvnc yaq! Ngaz rueq mnoz muex naqsaq guirguenc jix htenc muex murx tvgurc shaungx; vkuix vshawx jix miq htenc kuex ngaz rueq palc wvnc ruiux, vthuq vruez wvnc htenc lotlaz kuex yuimx nuex shvlx wvnc shaungx. Ngaz rueq tsuingshiq yvlc svy juing kuex tvtsanc nganc juing muex tvyaungc kuq shaungx, mungkawx lotlaz rueq tsuingshiq muex tvtsvmc kvmc wuez shuex.

HAGAI 2:22

mungkawx mungtan htenc kuex rop gay ruiux tsuingshiq luimc vkawc kuex tvbac gay shaungx. Ngaz rueq tsuingshiq nolaungx renc htenc nuiyc vruip jix htenc kuex tvbac gay shaungx, mvre htenc thueyc mvy wvnc tuex. Mvre nuex ngaungc jix hez kuex vdvmz dvmz rvyap wuez tuex.

JEKERIA 12:11

Kvkaq Yerusalem nuex yonzyec khoarc kuex Megiddo tvnx nuex Hadad Rimmon tvkoc yonzyex yaq ikhoc yunghvlc yaungx wvnc tuex.

JEKERIA 12:4

Kvkaq ngaz rueq tsuingshiq mvre htenc lotlaz kuex tvhiz tvkawc yawc vtueq mvre nuex ngaungc jix hez lotlaz kuex tv-ngaz gay shaungx. Yuda miqsaz htenc kuex ngaz rueq lawc mawc ruiux, tsuingshiq muex ralx hez mvre htenc kuex muik tvmawz gay shaungx.

JEKERIA 12:6

“Kvkaq Yuda phvnx waruiuz htenc kuex yaruix wvr ikhoc muinz, tsvmz muinc ruix nuex luic yaq wvr ikhoc muinz tvyaungc gay shaungx, tsuingshiq rueq tvroz wawc miqphvnx htenc kuex tvbac gay shuex. Yerusalem ghaq wuinz kuex ghaqyungx mungx nuex kvwungx httax wuez tuex.

JEKERIA 13:1

Tvphaungc Tvsuip Yehowa rueq, “Kvkhoc vkhing httuiuc tuex nuex, Dawid suiuz vsaz phvnx htenc nuiyc Yerusalem miqsaz htenc mvrax nuiyc yac yuimx nawk palx htungx kuex tvsawc gay muex yuix ruilx vshiz dung tuex.

JEKERIA 14:13

Kvkaq Yehowa rueq tsuingshiq kuex tvthuip khvt tvhiz sungx tvyaungc ruiux, miq tek vtueq miqmac phic vphaungx wawc waz kuex khvt thvt wuez shuex.

JEKERIA 14:6

Kvkhoc vkhing httuiuc wvnc tuex nuex, kvruex baung kvyuq mkaq muinz kuiyq hvlc raz tueq tsuik hek dvy tuex rvmuq,

Matthew 21:44

Kvruex lung htauk kvyuq dvy jix waz kuex vbunx rvwvnc tuex, kvruex waz htauk nuex lung dvy ruiux yuq kvruex waz kuex bunx luik kvluik bunx wvnc tuex, ngoz tueq.

Luke 20:18

Vruex lung htauk vyuq dvy jix waz muinz vbunx rvhumc tuex, lung kuex vhtauk nuex dvy rvhumc jix waz muinz huyhut hut bunx kaz tuex,” ngoz tueq.

Revelation 16:14

Tsuingshiq kuex romzyac htenc tvkhic lot htaungc htenc maungyac rvtueq. Kvruex htaungc vthuimx kuex Tvphaungc Tvsuip Tishox Raungnuiyq vyungx ngoz yaq ralx rvlungc tvkoc mungkawx lotlaz wawc hokhvmx bix kuex tvtuimx muex dung kaz wuez tueq.