Biblia Todo Logo
La Biblia Online
- Anuncios -




JEKERIA 1:12 - Hawa Naga Bible 2001

12 Kvruex yimaq raungkamx waz rueq, “Tvphaungc Tvsuip Yehowa lex, mnoz rueq wawc rok mvshix tup Yerusalem nuiyc Yuda mungx wawc ghaqyungx htenc muex khaq vtuiux. Mnoz rueq mtanc nuex httuiuc laz lac tsuingshiq muex menjenc muq rvshuiux?” ngoz tueq wiz tueq.

Ver Capítulo Copiar

ASII LAKDAP Bible (BSI)

12 Kiijiishe, “Ningkun Ajong Pinthum Tatiwe lei, ümniika Jerusalem ma, kiimaq Juda mung na chela thun ma, rawii wiiroq miishi ümtsankhiq jonghea thü wan laü. Ümniiraq tsangshiq ma tiihang wan mangchan tsii tiichhike ka ümtinchotiq wa miraq?” nguta rase raq waito.

Ver Capítulo Copiar




JEKERIA 1:12
24 Referencias Cruzadas  

Kvkhoc rvtueq shvmmax Yeremia maq raz tueq Yehowa rueq tvluz nuex jungx wvnc tueq kvjaz kuex, “Ghaq phux muex Nyec Tvkuiyq kuy htungx tvrac phvnx muq ningkhvnc nuex, kvruex phvnc tvhungx yek tvkoc ghaqphux kuex wawc mvshix tup kuiyqshuik kuiyq khvmx yaungx wvnc tuex,” ngoz tueq jungx tueq.


Mnoz kvtenc vtueq Zion muex menjenc kuq shuiux; piq muex menjenc kuy tvkoc vkhing httuiuc wvnc yaq shex; kvruex vkhing kuex majuiuc shex rvtueq.


O Tishox lex, ngvy mvrax kuex mnoz kox nuex httuiyq gay lot yaq rvmuq; ngaz mtanc lac ngauk ngaz wvnc tauk nguinx kuex mnoz rueq tuiuz yaq.


O Tishox lex, mralx htenc rueq mtanc nuex httuiuc laz lac mnoz muex nueykuic wuez shvnx? Mmuingc kuex tsuingshiq rueq pattup wvlc guez wuez haz tvyaungc yaq nguinx?


Yehowa lex, mnoz kuex nuiyshiq muex pattup thuinz tvkhaq vtueq haz httax tuiux? mthuinz khvy kuex wvr ikhoc luic ruq dvyx haz luic tuiux?


vthvy gay vkhing nuiyc tvhvlc kuy vkhing muinz, vhttak gay vkhing nuiyc vguirc vkhing muinz htvp htaz shec tueq.


Ngaz kuex ngvy miqsaz htenc muex khaq vtueq; ngvy miqsaz rvmuq shex ikhoc tvyaungc wvnc tauk: Ngaz rueq tsuingshiq kuex mnoz luimc vkawc khung nuex taq gay tauk, mnoz rueq tsuingshiq muex menjenc thuinz vguez; nyuiuz waz rulx muex doc muinz batac hvlc rvtoq.


tsuingshiq rvhumc yaq kuilc daz lotlaz wawc palc wvnc tueq. Kvruex kuex raungkamx waz rueq rvmuq, yuq muinz Yehowa vpiq pumz maq tsuingshiq kuex palc wvnc tueq. Vpiq lungwawc nuiyc menjenc thuinz ningkhvnc nuex vpiq rueq tsuingshiq kuex daungc wvnc tueq. Vpiq rueq lvy wvnc tueq nuex muinz tsuingshiq kuex mkaq muinz tvwungx wvnc tueq,


Nuiyshiq ghaq vraungx kuex mtanc khvnc nuex httuiuc laz shanx wvnc vtueq wuik vnax tek nuex kemz yaq httuingx htenc yuiuq wvnc vtvnx? Miq htenc rueq, ‘Naungshiq rueq shuimx vshix kuex Tishox rueq khiz muq, ngoz tueq jungc jix naungshiq layx bac miqsaz ningkhvnc nuex, ngvmx saz htenc nuiyc wushawx htenc thueyc wvnc vtuex,’ ” ngoz tueq jungx tueq.


Ngaz kuex vganc jix miq rulc nueyx luemz vtueq vkhing tvhttvmc vshaungx rvmuq. Mnoz rueq nvr shuiux kuex phvnx ruiux ngvy lauk lauk dvyx httax vtueq thuinkhvy mvrc yaq.


“Yehowa rueq, ‘Babelon mungx nuex wawc rok mvshix mvrc tuex nuex, nuimshiq tvkoc ngaz rueq rvwvl vphaungx lvmx kuex tvkhic shaungx, nuimshiq kuex yuimx nuex tvyez shvlx wvnc phaungx ngoz tueq ngvy bomkhvmc kuex phvnx tvhungx shaungx.


Yehowa rueq, “Ngaz rueq ngvy miqsaz htenc kuex tsuingshiq mungtan nuex tvyek vtueq miqtaungx tek muex menjenc thuinz tvkhic shaungx; Yerusalem kuex vguirc tvhvlc rvhumc vtueq, kvwawc hoc kuex htuiz tvhvlc yek shuex.


Tsuingnueyc wawc washiz rueq yuix khux kox nuex jvp yaq raungkamx waz muex ngoc, “Vruex vwangc juing phvnx htenc htumx nuex httuiuc laz mtanc khvnc lac htvmx tvnx?” ngoz tueq wiz tueq.


Piq rueq guimz lawc vphaungc raungwawc nuex ngaz Daniel rueq vsawc luik dvp htenc kuex wvllawc vtueq shvmmax Yeremia muex Yehowa rueq jungx tueq rulc rv-ngvlc Yerusalem bac wvnc tuex wawc 70 nuex seng vtueq rvwvl tvmaung vshaungx.


O Yehowa lex, mnoz rueq max tay kuq, nuiyshiq kuex yauk laungc yalawx yauk shuimc rvhumc wvnc tiq wawc mnoz rueq max palc wvnc nuex, romc lawc kuy tvkoc mtanc nuex httuiuc laz lac ngaz rueq gvl phaungx?


Ngaz rueq miq vshiz mvre vshawx nuex ngaungc iruiux khiz tauk. Piq kuex warc tvnx vshiz wawc murra pulx roz mungx nuex jvp yaq, piq yix nuex mvre vganc vshawx, wvwuiyq wv-ngonc nuiyc vluiz htenc jvp wuez yaq.


Vpiq rueq, “Mungx miqsaz htenc nuiyc shomc waz bix rueq wawc rok mvshix tup yapix lex bv-ngac yac nuiyc lex mvshix yac nuex phuiuz svy mamc vtueq vyonz vyec shvmx tvkhic wuez tueq kuex ngaz muex tvtsanc nganc lvmx rvmuq.


Kvkhoc rvtueq vpiq muingc maq Tishox kox nuex kvnvp wvnc jix htenc kuex mkaq muinz palc daungc wvnc shuex, yvmx khoc lac ngoz ruiux lec vpiq kuex tsuingshiq tvkoc Tishox kox wawc thoz kuy muex pattup tvraungx httax yaq.


Siyac htenc kvraq, “Tvphaungc Tvsuip Taungjix, vsawc nuiyc tsuingrux waz lex! Nuiyshiq thvt gay phuex mvrax rawc nuex ghaq htauk wawc miqsaz htenc kuex mtanc nuex httuiuc laz lac mnoz rueq phox kuq muq, murx tvgurc muq maq dvyx httax tuiux nguinx?” ngoz tueq yunghvlc maq ramc tueq.


Síguenos en:

Anuncios


Anuncios


¡Síguenos en WhatsApp! Síguenos