James 5:1 - Hawa Naga Bible 2001

¹ Luiz waungx bix lex, majuiuc ngaz rueq jungx vshaungx kuex tay wuez shuinz! Nuimshiq kuex httuiuc wvnc yaq wawc vkuilc vdaz juing htenc ningkhvnc nuex khoarsez wuez kuinz!

ASII LAKDAP Bible (BSI)

¹ Riita, ümchaü ka namshiq chiithe laopanbi miishe chongkuq pha, tai ronglaq. Samhea tiitsang tai rong laq! Namshiq ma waqkhü kham nyang akhing she saü wan tlo!

Muklom

¹ Tanglom tang tat inn; nim aa uthok ang pha tsamnang o ring eq qhap inn.

James 5:1 Referencias Cruzadas

Tvtsvmc 17:14

vruex rullungx vyuq tsuingshiq rueq vroc lotlaz lvp wvnc jix hez yauk wawc ngaz kuex palc wvnc koq; tsuingshiq tvkoc mnoz rueq tvyoalc taq shec toq kuilc daz htenc kvmaq tsuingshiq muex murx tvgurc shuiuz; kvruex tsuingshiq suiuz vsaz nuiyc suiuzpiz sapiz nuex httuiuc laz mrvhumc kueq!

TAKSU LAK 11:28

Miqmac tsak vnyvmx nuex rvwak jix waz kuex raungluimc yac nuex pulx yauk htenc ruk yaq ikhoc yaungx tuex, yuq muinz tsuingrux jix htenc kuex raunglawc yac wawc pulx yauk htenc ikhoc wuil wvnc tuex.

TAKSU LAK 11:4

Vthueyc nuex mhtvlx tvmuiz shuiux raungnuiyq tsak vnyvmx rueq mnoz muex yvmx muinz rvkuq lot muq, yuq muinz vtsuing vrux rueq mrullungx kuex palc wvnc lot shuex.

ISAIA 13:6

Vthuiuz vsac maq guyc sez khoar kuinz! Yehowa raungnuiyq kuex vnyek dvyx shex, Tvphaungc Tvsuip waz kox wawc tvbac gay raungnuiyq kuex httuiuc kaz yaq shex.

ISAIA 15:3

Lvmx wawc miq htenc rueq ruiyhec khvy kuex svmx wuez yaq; ghaqyungx kesawc htungx nuiyc yuimx wux khux htauk nuex miq htenc yonzyex vtueq guyc sez khoar wuez yaq.

JEREMIA 4:8

Kvkhoc rvtueq ruiyhec khvy svmx ruiux, khoar nyerx wuez kuinz, yvmx khoc lac ngoz ruiux lec Yehowa thuinkhvy bac hvlc kuex Yuda mungx wawc lvmz gay tueq rvmuq.

JEREMIA 9:23

Yehowa rueq, “Tharc httax yaq waz kuex miqmac taksux tharc nuex, hungc vlaungc httax yaq waz kuex miqmac hungc vlaungc nuex, luiz waungx jix kuex miqmac tsak vnyvmx nuex kvsomc parc aungx muq.

EJEKIEL 19:2

Mnyuiuz kuex yvmx khoc hangsic nyuiuz lac rvtvnx! Piq rueq sadawz hez kuex bac hvlc hangsic laz hez hvl nuex tvpeluz wvnc tueq.

EJEKIEL 30:2

Vpiq rueq, “Vthueyc rvyaq miq lex, ngaz, Johvlc Yehowa rueq jungx vshaungx kuex rawshvmx shvmx vtueq jungx shuiuz. Mnoz rueq vruex kvjaz htenc kuex ramc jungx shuiux: Vhiz juing raungnuiyq kuex httuiuc wvnc yaq shex!

Yoel 1:11

Wuik vnax shuimc jix lex, yonz wuez kuinz; nyensaz tsvmz, wanx tsvmz, rvtueq, pulx thuey waqthuimx lotlaz bac kaz ningkhvnc nuex, svpiq sunc shuimc jix hez guyc sez khoar wuez kuinz.

Yoel 1:13

Shomrawx nuex shuimc lvmc jix shomc waz bix lex, ruiyhec khvy svmx vtueq khoar wuez kuinz! Shomc Yuimx mungx nuex kaz vtueq wvrx taungx yonzyex kuinz! Nuimshiq Tishox muex shomc kuy juing tuiz vtsvmz nuiyc svpiq tix vguez shex.

Yoel 1:5

Joalyac jix hez lex, kvsvmc vtueq khoar wuez kuinz; svpiq pawc jix hez lex, guyc sez khoar wuez kuinz; svpiq tix vnyalx guirc tvkoc svpiq thuey htenc bac kaz shex.

Mikha 6:12

Nuimshiq luiz waungx tuinx kuex htemc saz jix mop jap dvyx rvtueq, nuimshiq lotlaz vrot vkaq jix jvnc rvtuit.

JEPHANIA 1:18

Yehowa rueq vpiq thuinkhvy tvkhic shuex raungnuiyq nuex, tsuingshiq kuimphox sawx nuiyc kuimshawx htenc lotlaz rueq doc muinz tsuingshiq kuex palc wvnc lot muq. Vpiq thuinkhvy wvr maq ghaq wvtaungx tvbac gay shuex. Ghaq htauk nuex httax yaq miq pumz tek tvkoc huingc rvhek maq vtvsuip raungnuiyq tvyaungc kuq gay shuex.

TRI CHONGKE 32:15

“Yehowa miqsaz kuex rungwanx wuez tueq, yuq muinz ralx muex yaungx kaz; vsumc vkvmc phuiuz svy maq tsuingshiq phoay rungx yaq. Tsuingshiq tvdungc sungc jix Tishox kuex tuip gay ruiux, Hungc vlaungc vhttax maq palc wvnc jix waz kuex tvdux wuez yaq.

James 1:11

Shalx kawc rueq vjungx tvyuiuq gay ruiux vpuic kuex tvruk gay yaq, kvkhoc svp rvp kuex tvbac gay tueq. Kvrulc rv-ngvlc luiz waungx waz kuex piq yauk shuimc shuimx kaz yaq tvbac gay rvhumc vtueq moz wvnc tuex.

James 2:6

Yuq muinz nuimshiq rueq htemc saz jix muex wvlc guez waqguez tvyaungc vshuinx ix! Nuimshiq kuex guirguenz vtueq phoc waz bix htumc nuex khvrc het wvnc jix hez kuex ukhaq lac rvtvnx? Kvruex hez luiz waungx jix htenc rvtueq!

James 4:13

“Majuiuc raungnuiyq rvmuq ngoz ruiux invp raungnuiyq lex, nuiyshiq ghaqyungx vshiz shiz nuex kaz vtueq kvyuq wawcshiz tanc httax ruiux pvkac pvylvyc vtueq kuimphox paunghvlc lvp laz juing ruez vshix,” ngoz tueq nuimshiq wvyvmc rueq jungx vshuinx, yuq muinz ngaz rueq jungx vshaungx kuex tay wuez shuinz.

James 4:9

Thuinbac yonzyex wuez kuinz, guyc sez khoar nyerx wuez kuinz; nuimshiq nuey kuex vkhoarc vsez muex, nuimshiq kokez vtuinx kuex vyonz yec juing muex layc gay shuinz.