Biblia Todo Logo
La Biblia Online
- Anuncios -




James 4:6 - Hawa Naga Bible 2001

6 Yuq muinz naungshiq muex Tishox rueq vkuq kejux kuex pinhtumc hungc vlaungc yunghvlc. Rumvrc luik nuex, “Tishox rueq kvsomc parc ngamc ngax jix waz muex tuingshaung kuq gay ruiux, thuinz tv-nyenc jix muex kejux kuq yaq,” ngoz tueq jungx shec tueq.

Ver Capítulo Copiar

ASII LAKDAP Bible (BSI)

6 Maiqse ngarai sükha tsii ka henghea. Li jiimin, Shiikeawe kaphap mangchan tsii riiwe ka wiitarü ngarai ningkun thaq na aheng. Arkha maq tiina, Asii Bomtsi na, “Shiikeawe raq ra weahü maiqse ka romak. Shatmaq sobsob bombom maq siti miika, apaiq kaphap mangchan apa kuq tlo” nguta chong tlo.

Ver Capítulo Copiar

Muklom

6 Etharin Shkewa ahan ráng manchan ko aa; eshi tungkang o ira thawit aa, “Shkewa tharangkatey sha miiksuk aa, etharin tinintey ma ráng manchan ko aa.”

Ver Capítulo Copiar




James 4:6
34 Referencias Cruzadas  

Tvsuip nuex, Hezekia nuiyc Yerusalem ghaq jix kuex tsuingshiq thuinz tvyomx wuez koq tueq, Yehowa rueq Hezekia thueyc kay yix nuex httuiuc laz mungx miqsaz htenc muex murx tvgurc muq.


Piq kuex kuilc daz rvhumc ningkhvnc nuex thuinz tvyomz vtueq Yehowa piq Tishox kox nuex kvroz yek ruiux romc kuy tvkoc thoz tueq.


Hokhvmx waz rueq vjux thoz tueq nuiyc kvyuq seng vtueq Tishox rueq tvralc tueq lvmz, piq thuinz max kvlayc nuex honc bac yauk shuimc yaq tueq mvrax htenc lvmz, yac yuimx nawk palx juing baung htenc piq rueq vtvhungx Ashera tishox nyuiuz yac htenc nuiyc piq rueq nawk palx wvnc tueq yac yuimx htenc lotlaz kuex Shvmmax bix Mvnphvnc luik nuex wuiyq tvtsuingc taq shec tueq.


Yuq muinz piq kuex vwaz ikhoc thuinz tvyomz vtueq Yehowa kox nuex yek muq; vwaz htauk nuex muinz vjvnc mvrax yaq gay tueq.


Yerusalem ghaq nuiyc kvyuq httaz jix miq htenc muex murx tvgurc tvkoc ngaz rueq tvhiz yaz vshaungx lvmz kuex mnoz rueq tay vtueq, mkhoz mkhvy htenc juir gay ruiux khoar vtueq, ngvy khaungkac nuex thuinz tvyomz vshuiux. Mnoz rueq vjux thoz toq kuex ngaz rueq tay tauk,


Tishox rueq ngamc yungx ngax yungx jix kuex tvyomx gay ruiux, thuinz tvyomx yaq jix kuex palc wvnc tueq.


Mnoz kuex johvlc baung nuex httax ruiux muinz, thuinz tvyomx jix htenc muex mnoz rueq lawc mawc wvnc toq, ngamc ngax jix htenc kuex mnoz kox wawc kvhttuiyq kvyenc lvp tuex rvmuq.


Tishox rueq kuilc daz rvhumc yaq jix muex rvwvl tvmaung vtueq; tsuingshiq rueq guyc thoz yaq kuex lauk gay muq, vpiq rueq tsuingshiq muex yaq jix htenc muex murx tvgurc yaq.


Ejip miqsaz htenc rueq Israel miqsaz htenc muex kvkhoc wvlc guez waqguez ruez tueq nuex, vpiq rueq vkhoc shuimx wvnc tueq ningkhvnc nuex Yehowa kuex tishox htenc lotlaz htauk nuex pinhtumc vyungx yaungx yaq kuex majuiuc ngaz rueq tuiuz tauk shex,” ngoz tueq jungx tueq.


Yehowa muex tvtsanc nganc kuex phaqjic rvtueq. Mnoz thuinz tvyomx thenc ruiux jix tvtsanc nganc kuex lvp shuiux rvtueq.


Ukhaq muinz thuinz tvyomz muq waz kuex tvtsanc nganc rvhumc tuex rvmuq; yaq, tuluimc thuinz httax yaq miq htenc kuex vbac kay juing lvmx nuex kaz wvnc wuez yaq.


Yehowa kvjaz tay shuiuz, thuinz tvyomx shuiuz, kvkaq luiz waungx, tvtsanc nganc nuiyc rullungx vluz kuex mnoz rueq lvp wvnc shuiux.


Tuluimc thuinz httax ruiux mnoz kuex vdvy rvwvnc tuiux, yuq muinz thuinz tvyomx tv-nyenc ruiux kuex tvtsanc nganc lvp shuiux.


Vpiq rueq thuinz tvyungc tvjoz yaq miqsaz htenc kuex roc muq, yuq muinz thuinz tvyomz jix miqsaz htenc muex htvlx phawc tvlvp yaq.


Miqsaz laungc tsvnc yaq kuex tvnulx gay ruiux, miqsaz ngamc boq yaq kuex tvbac gay rvhumc tuex. Yac yuimx htenc kuex tvhtumx puik moz wvnc ruiux, Yehowa dvyx shex kvruex raungnuiyq somraungc rvhumc tuex.


“Yvmx khoc lac ngoz ruiux lec ngaz kuex mnoz rulc yauk lox rv-phvlc dvyx; lungwawc thuinz thuiuz hvlc maq mnoz kuex shvlx wvnc yek phaungx.


“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.


“Majuiuc kuex, ngaz, Nebukhadnezar rueq, raungmungx Hokhvmx waz ngauz vngax kuex tvtsanc nganc, tvtsvmc kvmc vshaungx. Vpiq rueq shuimx wvnc tueq phvnx ruip saz kuex vlvmx nuiyc tsuingrux yaq ningkhvnc nuex vpiq rueq ngamc vngax maq shuimc vkay jix ukhaq muinz tvruinc rvgay yaq,” ngoz tueq.


Yvmx khoc lac ngoz ruiux lec vhttax waz muex vjvnc vnac nuex httuiuc laz tvrvp kuq ruiux, vguez waz yauk wawc kuex httax yaq htenc kvdoc muinz tvjomx lvmc rvwvnc yek shuex.


Ukhaq yuq muinz miqmac shauk gvnz tvtsvmc jix waz kuex yomnamc gay rvhumc tuex, miqmac shauk gvnz yomnamc jix waz kuex tvtsvmc kvmc kuy rvhumc tuex.


Vpiq rueq hungc vlaungc httax yaq hokhvmx bix kuex tsuingshiq hoc wawc tvdvy gay ruiux, thuinz tvyomx tv-nyenc yaq jix htenc kuex tenpix shuex.


Miqmac shauk pumz somraungc jix waz ukhaq yuq muinz tvyomx gay rvhumc tuex, miqmac shauk pumz tvyomx gay jix waz kuex tvtsvmc tenpic rvhumc tuex.”


Ngaz rueq nuimshiq muex jungx kuq ix, Pharise rvmuq maq muinghic jix kuex Tishox khaungkac nuex vlvmx shuimx kaz ruiux yuimx nuex yek waung tueq. Yvmx khoc lac ngoz ruiux lec miqmac pumz muex kvtsvmc kvmc jix waz kuex tvyomx gay rvhumc ruiux, miqmac pumz tvyomx jix kuex tvyungc loayc rvhumc tuex,” ngoz kuq tueq.


Nuimshiq shauk vgvnz kuex Taungjix khaungkac nuex tvyomz wuez shuinz; kvkhoc ngoz ruiux jix vpiq rueq nuimshiq muex tenpix kuq kv-phuinx.


Ekvrulc rv-ngvlc nuimshiq nosaz rulx rueq nyuiuz waz miqlaungx bix kvjaz kuex tay wuez shuinz. Nuimshiq vdvmz dvmz juiux kax tvkoc nuimshiq lotlaz thuinz vnyenz ngoz yaq marrarc kuex svmx wuez shuinz; yvmx khoc lac ngoz ruiux lec Rumvrc luik nuex, “Tishox rueq ngamc vngax jix muex tuingshaung kuq gay yaq, yuq muinz thuinz vnyenz jix htenc muex kejux kuq vtueq htvlx phawc tvlvp yaq,” ngoz tueq jungx tueq.


Nuimshiq kvsomc parc guyc vtuinx kuex thauk wuez kuinz; nuimshiq ngamc ngax kvjaz htenc kuex tvsuingx shuinz. Yehowa kuex vtuiuz waz Tishox rvtueq, miq htenc rueq shuimx kaz yaq lotlaz kuex vpiq rueq phox yaq.


Síguenos en:

Anuncios


Anuncios


¡Síguenos en WhatsApp! Síguenos