James 2:7 - Hawa Naga Bible 2001

⁷ Tsuingshiq kuex nuimshiq muex vkuy wuez muingjungc vhvlx kuex shummarc ngoc ngac jix rvtueq.

ASII LAKDAP Bible (BSI)

⁷ Namshiq raq shreng tlan, Jesuq Khristo mang chong kra tiibi wanti ka tsangshiq kata.

Muklom

⁷ Nim Teyhungwa miing sha ning aa hun tashit bat moq i?

James 2:7 Referencias Cruzadas

Tvtsvmc 111:9

Vpiq miqsaz htenc kuex vpiq rueq tvdung wvnc ruiux, pattup pat-sac nuex seng yaq bomkhvrc kuex tsuingshiq rulc vpiq rueq tvhungx tueq. Vpiq kuex vsawc nuiyc hungc vlaungc httax yaq waz rvtueq!

ASHICHONG 1:3

Mthuingc kuex homc hvlc vpuiz tix rvtueq; Mmuingc rueq vhomc tumc kuex tvdung yek yaq. Mnoz muex lungwawx muq jix yalxjuik kuex vguez.

ISAIA 43:7

Tsuingshiq kuex ngvy miqsaz shauk rvtueq, ngvy ngauz vngax tvkoc ngaz rueq tsuingshiq kuex tvdung sung tauk,” ngoz tueq jungx tueq.

ISAIA 65:15

Ngaz rueq thvlc rvhumc jix miqsaz rueq mmuingc kuex mvnhttonc mvntvmc bomc muex shuimx shuex. Ngaz, Johvlc Yehowa rueq mnoz kuex thvt gay phaungx. Yuq muinz ngvy kvjaz tay jix muex kuex muingc vnyalx kuq shaungx.

ISAIA 7:14

Kvkhoc rvtueq Taungjix vpiq rueq nuimshiq muex vyac mal vshiz kuq kv-phuinx; yalxtux nyuiuz shiz rueq nox miqwaz saz jawx shuex, vpiq muingc kuex, ‘Emanuel’ ngoz tueq muingc shuex.

JEREMIA 23:6

Piq hokhvmx yaungx yaq nuex Yuda miqsaz vhvlx kvguing httax wuez tuex, Israel miqsaz kuex nomic httax wuez tuex. Piq kuex ‘Naungshiq Palc daungc Yehowa’ ngoz tueq gvlc rvhumc tuex.

Matthew 1:23

Piq rueq, “Lawc shuiuz, kvruex yalxtux shauk nyuiuz kuex wvgvnz yaungx vtueq vsaz miqwaz saz jawx shuex, vpiq muingc kuex Immanuel ngoz tueq muingc shuex,” ngoz tueq. Kvruex vlvmz kuex, “Tishox kuex naungshiq rulc vdvmz httax yaq!” ngoc rvtueq.

Matthew 12:24

Pharise nuk rueq kvruex tay wuez vtueq, “Vruex waz kuex htaungc htenc guimz lawc jix waz Belzebul luimc vkawc maq rvmuq ngoz ruiux, htaungc htenc kuex yurc gay lot shuex rvmuq,” ngoz tueq.

Matthew 27:63

“Jiyungx waz lex, vrot vkaq waz vpiq vtvraungx httax tueq jauz, ‘Ngaz kuex raungnuiyq thuimx yix maq yuing kvtenc wvnc yek taungx,’ ngoz tueq max thueyc kaz nuex vjungx shec kvjaz kuex nuiyshiq rueq rvwvl lvp vshix.

Acts 11:26

Piq rulc rvhumc vtueq Antiok ghaq nuex shvlx wvnc tueq, tsuingnueyc kuex wawc shiz tup phungc miqsaz rulc vdvmz nuex rvtuimx vtueq, miq paunghvlc muex tvluing kuq tueq. Kvmaq kvmluimx miqsaz htenc kuex Christan miqsaz ngoz tueq muingc kuex Antiok ghaq maq phaungc tueq.

Acts 15:17

Kvkaq jix kvjungx yaq miqsaz htenc lotlaz ngvy miqsaz htenc yaungc tvkoc ngaz rueq gvl tauk Pungnuk miqsaz lotlaz kuex ngvy kox nuex kaz wuez ruex rvtueq.

Acts 26:11

Vjux thoz yuimx htenc maq muinz, ngaz rueq tsuingshiq kuex paunghvlc lauk guirguenc tvrvhumc vtueq, tsuingshiq rueq phvnx yaq lvmx kuex tuip gay tvkoc hunglaungx wvnc tauk. Tsuingshiq htauk nuex thuinz tvkhaq vtueq, pungmungx wawc miqghaq htenc nuex httuiuc laz kaz vtueq tsuingshiq kuex guirguenz wvnc tauk.

Acts 4:12

Piq rueq dvyx palc daungc lot shuex, mungkawx vyuq vpiq maq lvy vtueq naungshiq palc daungc lot jix miq vshiz muinz vguez,” ngoz tueq tvralc tueq.

Ephesians 3:15

Iwaz khaungkac nuex ngaz kuix tsvrung maq bumx vtueq vjux thoz vshaungx.

1 Timothy 1:13

ngaz rueq kuex lvy wvnc tueq vkhing nuex Taungjix muex shummarc ngoc ngac jix, yurc yawc guirguenc jix, yomnamc jix waz rvtauk. Yuq muinz Tishox rueq ngaz kuex menjenc yaq, yvmx khoc lac ngoz ruiux lec ngaz nuex kvmluimx max httaz shauk doc rvtueq ngaz rueq yvmx lac shuimx vshaungx ngaz rueq tuiuz mauk.

1 Peter 4:16

Yuq muinz Christan miqsaz yaungc ningkhvnc nuex kuilc daz rvhumc ruiux yuq kuex yvlc svy juing lvmx vguez, kvruex laung nuex Christu muingc jungc lvp wvnc toq ningkhvnc nuex Tishox muex kejux vyungx ngoz shuiuz.

Revelation 19:13

Piq rueq tvguiy nuex vthuimc svmhung kuex svmx tueq. Piq muingc kuex, “Tishox Bomjungc,” ngoz tueq.

Revelation 19:16

Vpiq svmhung nuex nuiyc yaz wuenc nuex, “Hokhvmx htauk nuex Hokhvmx, taungjix htauk nuex Taungjix,” ngoz tueq vmuingc kuex wuiyq shec tueq.