ISAIA 66:2 - Hawa Naga Bible 2001

² Ngvy shauk pumz maq httax mvhttax tvdung sung! Thuinz tvyomx vtueq tharc khic wvnc jix nuiyc ngaz muex hiyaz vtueq ngvy kvjaz phvnc jix kuex ngaz rueq lungwawx shaungx.

ASII LAKDAP Bible (BSI)

² Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

ISAIA 66:2 Referencias Cruzadas

1 HOKHVMX 21:29

“Ahab kuex ngvy htumc nuex mtanc khvnc lac vgvnz tvyomz yaq nguinx kuex mnoz rueq lawc tvtsuingc vshuiux haz? Vkhoc piq rueq shuimx wvnc tueq yuq muinz, piq pat nuex piq htauk vyuq kuilc daz jamjaux tvyaungc kuq shaungx rvmuq; kvruex kuex vsaz pat nuex jix Ahab yuimx wuinz khux htauk nuex kuilc daz jamjaux tvdaungc kuq shaungx,” ngoz tueq jungx tueq.

2 HOKHVMX 22:10

Kvruex yimaq piq rueq, “Hilkia rueq ngaz muex kuq phuex luik dvp vshiz mnoz muex kuq vphaungx,” ngoz tueq jungx tueq. Piq rueq hokhvmx waz khaungkac nuex hung vtueq phat kuq tueq.

2 HOKHVMX 22:11

Hokhvmx waz kuex luik phat yaq kvruex tay lot tueq nuex vkawc yawc raz tueq piq khoz vkhvy htenc kuex juir gay ruiux,

EJRA 10:3

Majuiuc naungshiq rueq yalxjuik rulx htenc nuiyc tsuingshiq sahez htenc kuex tuip gay shec shix ngoz tueq, naungshiq Tishox muex kvtuemc bomkhvmc taq wuez ix. Mnoz rueq muinz, Tishox rueq nvrc bomc htenc kuex tvtsanc nganc jix vganc miqsaz htenc rueq muinz, nuiyshiq rueq shuimc kay tvkoc tharc jungx kuq wvnc tiq rulc rv-ngvlc nuiyshiq rueq shuimx vshix. Tishox rueq nvr tueq Tvrac rulc rv-ngvlc nuiyshiq rueq shuimx shix.

EJRA 9:4

Raungyac kox shomc nawk kuy juing shomc kuy vkhing httuiuc koq tueq miq htenc kuex ngvy tvroz nuex rvtuimx kaz ruex nuex httuiuc laz, ngaz kuex thuinbac yonzyex vtueq kvyuq ngaungc hvt rvtauk. Tsuingshiq kuex vthuq lvy rvhumc tueq wawc vyek waung hez htenc mvrax lvmz nuex seng vtueq Israel Tishox rueq jungx tueq kvjaz ningkhvnc nuex kawc yawc jix hez rvtueq.

Tvtsvmc 119:120

Mnoz ningkhvnc nuex ngaz hiyaz vtaungx; mnoz rueq phox vshuiux lvmx htenc ningkhvnc nuex ngaz hiyaz thuinz mvrc yaq.

Tvtsvmc 119:161

Luimc vkawc httax yaq miqsaz htenc rueq ngaz kuex tvrac vlvmz rvmuq maq khvt yaq, yuq muinz ngaz rueq mtvrac kuex tvtsanc nganc vshaungx.

Tvtsvmc 138:6

Mnoz kuex johvlc baung nuex httax ruiux muinz, thuinz tvyomx jix htenc muex mnoz rueq lawc mawc wvnc toq, ngamc ngax jix htenc kuex mnoz kox wawc kvhttuiyq kvyenc lvp tuex rvmuq.

Tvtsvmc 34:18

Yehowa kuex thuinbac yaq jix htenc rulc rvhep shauk httax yaq; thuinz tvluimc juing vguez shex jix htenc kuex vpiq rueq palc wvnc yaq.

Tvtsvmc 51:17

O Tishox lex, ngvy shomc nawk kuy lvmx kuex thuinz tv-nyenc tvyomx lvmz rvtueq; thuinz tv-nyenc lvmz nuiyc thuinz kvlayc thuinz vmungx kuex mnoz rueq tvdux gay toq.

Tvtsvmc 51:19

Kvkaq mnoz rueq aungx yaq shomc nawk kuy juing htenc nuiyc nuiyshiq rueq wvr maq jauk shomc kuy htenc nuex raungc raq wvnc shuiux; mshomrawx htauk nuex muinz manx pung htenc shomc nawk kuq wuez shuex.

TAKSU LAK 28:14

Yehowa kuex mkaq muinz phvnx shuiuz ngoz ruiux mnoz thuinhvlx tuex. Mkhoc shoc maq mkhux tvtsanz ruiux kuex vbac wvnc rvhumc tuiux.

TAKSU LAK 29:23

Tuluimc thuinz httax ruiux mnoz kuex vdvy rvwvnc tuiux, yuq muinz thuinz tvyomx tv-nyenc ruiux kuex tvtsanc nganc lvp shuiux.

ISAIA 40:26

Raungx kox nuex kac lawc shuiuz! Mnoz rueq khiz vshuiux ruiysuiyq htenc kuex uraq vtvdung sung lac? Nolaungx daungx ikhoc lvmx shvlc lvy jix waz kuex, kvyuq mjuc lac httax yaq nguinx vpiq rueq tuiuz yaq nuiyc kvruex hez vshiz maq vshiz kuex vmuingc maq gvl lot yaq! Vpiq luimc vkawc kuex yunghvlc rvtueq, kvruex hez wawc vshiz raung muinz mkaq muinz moz kaz tuex rvmuq!

ISAIA 41:20

Miq htenc rueq vruex khiz ruiux yuq Ngaz, Yehowa rueq shuimx wvnc tauk kuex tuiuz wvnc wuez shuex. Tsuingshiq kuex Israel muex vsawc Tishox rueq kvruex tvhungx tvyaungx wvnc tueq lvmz tuiuz tay wvnc shuex.”

ISAIA 57:15

“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.

ISAIA 61:1

Johvlc Yehowa rueq ngaz kuex vpiq Siyac maq tvmvrc phuex. Htemc saz jix kox nuex thuix thaungx vhvlx gurc lvy tvkoc muinz, Thuinz vmungx bac jix muex thuinz tvhvlc kuy tvkoc muinz, Vthuq vruez laq jix htenc nuiyc khoktep nuex vshauk gay jix htenc kuex tvdungc tvkoc tvtay jungc muex Vpiq rueq ngaz kuex thvl vtueq nvr tvkaz phuex.

ISAIA 66:5

Vpiq muex hiyaz vtueq vpiq kvjaz tay jix hez lex, Yehowa rueq jungx yaq kuex tay shuinz: “Nuimshiq kuex ngaz muex tvmtuing httaz ningkhvnc nuex nuimshiq miq wvyvmc rueq nuimshiq kuex shuiuc vtueq tvdux gay wuez shuex. Tsuingshiq rueq nuimshiq muex shummarc ngoz ngax vtueq, ‘Nuiyshiq rueq nuimshiq kokez tuinx kuex khiz roc vshix, kvkhoc rvtueq Yehowa vpiq ngauz vngax yunghvlc maq nuimshiq kuex mpalc wvnc shueq,’ ngoz tueq ngoz yaq. Yuq muinz tsuingshiq kuex yvlc svy rvhumc wuez tuex!

Hosea 11:10

“Tsuingshiq ralx htenc kuex hangsic ikhoc ngaz rueq ramc ruiux yuq ngvy miqsaz htenc rueq ngvy yix nuex phvnx wuez phuex. Tsuingshiq kuex shalx nyuip kox maq ngvy kox nuex htat htat httuiuc waung ruex.

Mikha 6:8

Rvmuq, Yehowa rueq naungshiq kuex vhvlx yauk shuimc tvkoc jungx shec phuex. Naungshiq kox wawc vpiq rueq thoz yaq kuex vruex rvtueq: tvrac vlvmz shuimc lvmx, lungwawc thuinz tvkhic lvmx, thuinz tvyomz vtueq naungshiq Tishox rulc lux rvyaungc vtueq httaz juing rvtueq.

HABAKUK 3:16

Ngaz rueq kvruex lvmz lotlaz tay vtueq kawc yawc kaz tauk; ngvy nuix bar htenc hisvy thuiuz muex kvkhuirc kaz tueq. Ngvy shauk gvnz yulx kaz tueq, ngvy yaz kuex kvwelc shelc wvnc tueq. Tishox rueq naungshiq khvt jix muex murx tvgurc shuex nuex, ngaz rueq kvruex vkhing httuiuc wvnc yaq kuex kuiyqshuik maq bvmc shaungx.

Matthew 12:6

Ngaz rueq nuimshiq muex jungx kuq ix, Shomc Yuimx htauk nuex muinz vyungx pinhtumc waz kuex vruex yuq httax yaq.

Acts 7:50

Vhtenc vruex lotlaz kuex ngvy yauk maq vtvdung sung rvmuq haz?’ ngoz tueq shvmmax rueq jungx tueq.

Acts 9:6

Yuq muinz kvtenc vtueq ghaqyungx nuex kaz kuiuz, mnoz rueq shuimc juing yauk shuimc kuex mnoz muex tvtay jungc jix miq vhttax,” ngoz tueq jungx kuq tueq.

Philippians 2:12

Kvkhoc rvtueq lungwawc vphaungx jix lex, nuimshiq rulc vdvmz ngaz httax tauk jauz nuimshiq rueq mkaq muinz ngvy kvjaz tay phvnx wvnc tuit ikhoc, majuiuc nuimshiq rulc rv-phvlc vtueq vluz nuex httax nuex ngvy kvjaz tay phvnc kuex pinhtumc vkhek rax yaq. Kvkhoc rvtueq nuimshiq palc daungc wvnc lvmx kuex mvrc laz lvp wvnc shuinz kvhiz sungx thuinz maq shuimx kaz wuez shuinz,

Colossians 1:17

Christu kuex phvnx ruip saz max dung nuex phuex vhttax waz rvtueq, httax yaq lotlaz kuex vpiq ningkhvnc nuex khauk khauk miqmac baungbaung nuex httax yaq.