Biblia Todo Logo
La Biblia Online
- Anuncios -




ISAIA 64:5 - Hawa Naga Bible 2001

5 Mnoz rueq vlvmz yauk shuimx vtueq kokez yaq jix nuiyc, mthuinz roc tvraungx tvkoc lauk gay muq jix kuex malc wvnc vshuiux. Mnoz kuex nuiyshiq muex khaq vtuiux, yuq muinz nuiyshiq kuex mvrax yaq ruq yaq vtix; mnoz khaq hvlc khaq vtuiux rvhvt maq nuiyshiq rueq mvrax kuex mvnnuex maq phuex yaq ruq yaq vtix.

Ver Capítulo Copiar

ASII LAKDAP Bible (BSI)

5 Jurwa tingting jaqsham ka chochikhiq maq shamtlaq kriiti ka ümniiraq ümwokhong na si miitu tao wan tlaü. Kiimaq ümniiraq lungwii tlaü kra phan phan chap nga wanti kra tao wan tlaü. Ümniika naishiq ma akhiq ariq siwan laü. Shatmaq naishiq raq ngarai ka klo wan ruqli siwankai. Ümtsankhiq wa kra chhitai shat shat taü miimin, man na richüpat miiphü naishiq ka ashut aphit klo wan ruqli siwankai.

Ver Capítulo Copiar




ISAIA 64:5
27 Referencias Cruzadas  

Yuq muinz Yehowa muex tvtsanc nganc jix htenc htauk nuex, vpiq lungwawc thuinz kuex pattup httax yaq,


Yehowa muex tvtsvmc wuez shuinz! Yehowa muex tvtsanc nganc vtueq vpiq rueq nvrc bomc htenc kuex tay phvnc raungc raq jix waz kuex thuinhvlx yaq.


Vpiq bomkhvrc nuiyc vpiq rueq nvrc bomc lotlaz tay phvnc jix muex lungwawc thuinz nuiyc tvmtuing maq lvmx shvlx kuq tueq.


Yehowa kox wawc mnoz thuinz hvlc juing kuex thuiyx shuiuz, vpiq rueq mthuinz vmungx maq roc shuiux lvmz kuex kuq kv-phux.


Ngvy tvkoc shomrawx kuex ghaq wawc tvhungx shuinz, kvruex htauk kvyuq shomc kuy tvkoc mkhelbuenx nuiyc manx htenc kuex vpumz maq jauk vtueq shomc nawk kuy nuiyc lux rvyaungc shomc nawk kuy rax. Ngaz muex nawk palx kuy tvkoc tvhungx shuinx baung htenc kvyuq ngaz kaz vtueq, nuimshiq muex ruimrix kuq phaungx.


Ngaz nuimshiq rulc kvruex maq rvhumc tix, ngaz kuex kherubim raungx nueyc hvlwvl vguip htauk kvyuq httax vtueq, Israel miqsaz tvkoc ngvy tvrac htenc kuex mnoz muex jungx kuq phaungx.


Shomrawx kvruex Bomkhvrc Jep max nuex vjuinx khvymvnz phic kox kvyuq taq shuiuz. Kvruex baung kvyuq ngaz mnoz rulc rvhumc taungx.


Nuimshiq kuex vshanc rvwvnc yaq khauk rauk jungx nuiyc yuix shvy muq sunc ikhoc yuiuq shanx wvnc tuinx.


Miq htenc rueq, “Yehowa lex, ngaz rueq mnoz muex tvtsvmc phaungx! Mnoz kuex ngaz muex khaq vphux, yuq muinz majuiuc kuex mnoz rueq ngaz muex tvlenc lauk vtueq mkaq muinz khaq muq shex.


Yehowa nuiyshiq Tishox lex, nuiyshiq kuex vganc jix miqsaz rueq guimz lawc yaq khung nuex httax wvnc tiq, yuq muinz mnoz dvyx nuiyshiq Yehowa rvtoq.


Yehowa rueq vpiq miqsaz htenc kuex pungmungx nuex yurc gay murx tvgurc tueq. Vpiq rueq tsuingshiq kuex shaldungc raungguil maq tvpvnc gay tueq.


yuq muinz tsuingshiq rueq khawx lvlx vtueq vpiq vsawc siyac kuex tvyonz yex tueq. Kvkhoc rvtueq Yehowa rueq tsuingshiq kuex ralx muex tvyaungc vtueq khvt tueq.


Ngaz kuex Yehowa vpiq rueq menjenc lungwawx yaq kuex jungx shaungx; naungshiq tvkoc vpiq rueq shuimx wvnc tueq lotlaz kvmac ngaz rueq tvtsvmc vshaungx. Vpiq lungwawc nuiyc vpiq menjenc ningkhvnc nuex Israel miqsaz muex ruimrix rungwanx kuq tueq.


“Nuiyshiq mvrax yaq tix, nuiyshiq kuex layx bac hez muex yaungx vtix, nuiyshiq rueq vyaq shuimx kaz gay tiq. Nuiyshiq rueq shuimc tvkoc mnoz rueq nvr phux kvjaz htenc kuex tvlvlc gay ruiux, mnoz rueq nuiyshiq muex tvkhic kuq phux vlvmx wawc muinz yaq wvnc vtix.


“Israel lex, ngaz rueq mnoz kuex mkhoc lac gay shec lot phaungx? Ngaz rueq mnoz kuex mkhoc lac tuip gay lot phaungx? Ngaz rueq mnoz kuex Adma ghaq tvbac gay tueq ikhoc mkhoc lac tvbac gay lot phaungx? Zeboim ruez tauk ikhoc mnoz kuex mkhoc lac ruez lot phaungx? Ngvy thuinz vmungx rueq ngaz muex kvkhoc kuex tvshuimc muq! Ngvy lungwawc thuinz kuex nuimshiq tvkoc pinhtumc hungc vlaungc httaz hvlc.


Naungshiq rueq Yehowa kuex tuiuz laz juing hunglaungx ix. Vpiq kuex raungnvp raungwuic dung wvnc yaq ikhoc muinz, raungyunc yac ghaq htauk nuex raungyunx yaq ikhoc muinz naungshiq kox nuex vsuing httuiuc kaz ruex.”


Yoshua kuex rv-nyet rvshet khvy svmx vtueq kvyuq jvp yaq.


“Ngaz kuex Yehowa rvtauk, ngaz kuex kvlayc kaz taungx rvmuq. Kvkhoc rvtueq Yaku suiuz vsaz phvnx htenc lex, nuimshiq kuex dup suik momaq wvnc vtuinx rvmuq.


Taungjix kuex vpiq muex hiyaz tvtsanc nganc nawk palx vtueq vlvmx yauk shuimc jix waz ukhaq muex muinz vphvnx thvl httauk muq maq raungc raq lvp wvnc tueq.


Kvkhoc rvtueq naungshiq khvmc thuinz maq Tishox hoc daungraungc khaungkac nuex nyuip wuez ix. Kvkhoc ngoz ruiux naungshiq kuex menjenc kuy lvmx rvhumc tix nuiyc rax yaq nuex naungshiq muex romc kuy kejux lvp wvnc wuez shix.


Síguenos en:

Anuncios


Anuncios


¡Síguenos en WhatsApp! Síguenos