Biblia Todo Logo
La Biblia Online
- Anuncios -




ISAIA 61:3 - Hawa Naga Bible 2001

3 Zion nuex yonzyex yaq jix hez muex Vyonz vyex tvraung kokez shuenruenc juing, Thuinz bac tvraung vshic vngoyc tvtsvmc juing kuy tvkoc tvkaz phuex. Tsuingshiq kuex Yehowa vpiq rueq Vkhic pulx htenc ikhoc yaungx tuex. Tsuingshiq rueq vlvmz yauk shuimc lotlaz kuex shuimx wuez shuex, Tishox kuex vpiq rueq shuimx wvnc tueq yauk shuimc htenc ningkhvnc nuex tvtsvmc kvmc rvhumc tuex.

Ver Capítulo Copiar

ASII LAKDAP Bible (BSI)

3 Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

Ver Capítulo Copiar




ISAIA 61:3
39 Referencias Cruzadas  

Mordekai kuex khuingc wuil nuiyc vluiz shvmx hokhvmx khvy hungluz kuex svmx ruiux pasic nvm-yaz ruiynyel khvy kuex svmx vtueq, svp rvp hvlc kuimshawx khushec kuex buz ruiux hoc maq kaz wvnc tueq. Susa ghaq lvmx laungx htenc nuex vkoz vkez maq guyc sez rerak wuez tueq.


Kvruex kuex Yuda miqsaz tsuingshiq rueq tsuingshiq ralx htenc khvt gay tueq raungnuiyq rvtueq. Rvwvlc htumx vyonz vyec juing wawc vkoz vkez thuinz hvlc juing kvlayc wvnc yapix rvtueq. Tsuingshiq rueq kvruex raungnuiyq nueyc nuex phuiuz vsvy moalx muinz, vdvmz rvhumc rvtuiuz phuiuz vsvy lvmz muinz tvhungx ruiux vshiz maq vshiz phuiuz vsvy yauk noalc rv-phvlc vtueq htemc saz jix muex yauk noalc kuy juing lvmz jungphvnx kuq tueq.


miqmac thuinz tvhvlc muex svpiq tix muinz, gvnz tv-phenz muex olip puiz muinz, hungc vlaungc lvp tvkoc wanx kvmuinz tvlvp luz kuq tueq.


Yehowa rueq vpiq miqsaz htenc kuex raungc raq yaq; thuinz tvyomx jix htenc muex taungx wvnc maq tvtsanc nganc yaq.


Ngvy ralx htenc lotlaz rueq ngaz khiz yaq baung nuex, ngvy tvkoc humpanx kuex mnoz rueq tvhungx kuq phux; mnoz rueq ngaz kuex tvtsanc nganc rvhumc yaq wuinz waz vshiz ikhoc malc wvnc phux; ngvy kok kuex lemz laz tvmvrc kuq phux.


Mnoz rueq ngaz yonzyex vtaungx kuex vkoz vkez dawk dat vtueq layc gay toq; ngvy yonzyec kuex mnoz rueq lvmz gay ruiux, vkoz vkez maq ngaz kuex tvroz komc taq shec phux.


Kvkhoc rvtueq ngaz kuex kuiyq-shuik maq dvyx httax taungx rvmuq; ngaz rueq mnoz tvtsvmc shic shix taungx. Yehowa lex, mnoz kuex ngvy Tishox rvtoq, ngaz rueq mnoz muex pattup kejux vyungx ngoz phaungx.


vlvmx kuex mnoz rueq lungwawx vshuiux nuiyc honc vbac yauk shuimc kuex shuiuc pac vshuiux. Kvkhoc rvtueq Tishox, m-Tishox rueq mnoz kuex thvl wvnc kv-phux, vganc hokhvmx ukhaq nuex muinz vjvnc kokez juing lvmz kuex mnoz muex dvyx kuq kv-phux.


Mkaq muinz vkoz vkez maq piauc httax kuiuz.


Miq htenc rueq, “Yehowa lex, ngaz rueq mnoz muex tvtsvmc phaungx! Mnoz kuex ngaz muex khaq vphux, yuq muinz majuiuc kuex mnoz rueq ngaz muex tvlenc lauk vtueq mkaq muinz khaq muq shex.


Ghaqyungx palx kaluix htenc kuex daz shuinz tvmtuing miqphvnx nuiyc vlvmx yauk shuimc jix miqsaz htenc mnyuip wuez kueq.


Raungmungx htenc lex, kokez vtueq guyc kuiuz! ghaq thuiuz hvlc baung lex, guyc kuiuz! Pulx htenc nuiyc luingx vlak wawc pulx htenc lex, kokez vtueq guyc wuez kuinz! Yehowa rueq piq miqsaz Israel kuex palc wvnc ruiux piq yungx luz yaq kuex tvkhic tueq.


Ngaz rueq nuimshiq dungc wvnc raungnuiyq kuex tv-nyek kuq phaungx, kvruex kuex luz muq shex. Ngaz rueq palc daungc wvnc lvmx kuex tvyix taq gay shaungx rvmuq. Ngaz rueq Yerusalem kuex palc wvnc ruiux Israel muex tvtsanc nganc kuex tvhttuiuc kuq shaungx.”


Yerusalem lex, lauk shiz hungc vtueq yungx luz wvnc yek kuiuz! Tishox Vsawc ghaqyungx lex, mshauk pumz kuex ngauz vngax maq kvyop kuiuz! Kvmluimx muq jix kuex mkaq muinz mpalx kaluix maq lauk shiz nyuip yek tuex rvmuq.


Yehowa rueq shuimx wvnc ningkhvnc nuex Yerusalem kuex kokez yaq. Piq kuex miqlvmc moalx tvkoc tvmarc tvsvp yaq nyuiuz nyalx nyuiuz rulc rv-ngvlc yaq. Tishox rueq palc daungc wvnc nuiyc lotlaungc wvnc lvmz khvy kuex svmx yaq.


Kvmaq yalxtux nyuiuz rulx kuex wvnuemz vtueq kokez wuez tuex, miqwaz rulx nyuiuz waz nosaz shuenruenz wuez tuex. Ngaz rueq tsuingshiq muex tvlenc lauk vtueq tsuingshiq yonzyex kuex kokez juing tvyaungc shaungx, tsuingshiq thuinbac yaq kuex thuinz hvlc kuq shaungx.


Ngaz rueq ghaq bur hvlc wuik vnax htenc kuex tsuingshiq muex kuq vtueq kvruex mungtan kvyuq khvmx vrvmc kuex tvhtumx gay shaungx. Vganc miqphvnx htenc rueq tsuingshiq kuex nueykuic wuez shuex rvmuq.


kvyuq ngaz httuiuc waung tauk nuex yuix ruilx samx wvguip nuex pulx paunghvlc kemz yaq kuex ngaz rueq khiz tauk.


Piq rueq Yoshua khux nuex vsawc khux phuk kuex tvbuz kuy tvkoc vkvjaz tay jix hez muex nvr tueq. Tsuinghez rueq muinz nvr tueq rulc rv-ngvlc shuimx tueq, kvruex yimaq tsuinghez rueq piq muex khoz vkhvy vnyalx kuex tvsvmc tueq, Yehowa raungkamx waz muinz kvruex yuq jvp yaq.


Yesu rueq, “Raungmungx nuex httax yaq Iwaz rueq vkhic taq rvmuq jungx lotlaz kuex vruingx maq baungc rut phic gay rvhumc tuex.


Kvrulc rv-ngvlc nuimshiq rueq vhvlx lvmx phvnx vshuinx kuex miq rueq khiz lvp vtueq, raungmungx nuex httax yaq nuimshiq Waz muex mtvtsvmc kvmc kuq shueq, tsuingshiq htumc nuex nuimshiq raungwuic kuex tvwuic kuq shuinz.


Yuq muinz vwaz rueq piq nvrc waz hez kuex gvl vtueq, ‘Vhvlx pinhtumc khoz vkhvy kuex htat htat lvmz waung vtueq piq muex tvsvmc shuinz! Vyauk nuex yauktop muinz, yaz nuex yapaungc muinz tvpaungc kuq shuinz.


Nuimshiq kuex vthuey vngoz paunghvlc thuey ningkhvnc nuex Iwaz ngauz vngax kuex tvdung kuq tuit, kvkhoc maq nuimshiq kuex ngvy sangac hez muex yaungx wvnc tuit.


Ngaz rueq nuimshiq muex vsuing jungx kuq ix, nuimshiq kuex vkhoarc vnyerc vyonz vyec rvhumc tuinx, yuq muinz mungkawx miqsaz htenc kuex vkokez rvwuez tuex; nuimshiq yonzyec rvhumc tuinx, yuq muinz nuimshiq yonzyec tuinx kuex vkoz vkez juing muex yaungx wvnc tuex.


Yvmx khoc lac ngoz ruiux lec naungshiq kuex Tishox tvkoc yauk shuimc jix dvyx rvtiq, nuimshiq kuex Tishox wuik vnax rvtuit. Nuimshiq kuex Tishox yuimx yungx rvtuit.


Vpiq rueq nuimshiq kuex vhtawz vrawz kuq vtueq vruiyx shec ningkhvnc nuex, nuimshiq shauk pumz kuex Tishox ngauz vngax tvdungc tvkoc shuimx wuez shuinz.


Kvruex dvyx muinz rvmuq, Tishox ngauz vngax tvdungc wvnc tvkoc nuiyc muingjungc kuex tvtsvmc kvmc muex Yesu Christu maq jix lvp lot yaq vhvlx pinhtumc vtsuing vrux vthuey htenc kuex nuimshiq rullungx tvraungx lvmx htenc nuex mvrc tuex rvtueq.


Taungjix httuiuc kaz yek tuex Raungnuiyq vpiq miqsaz htenc lotlaz htumc nuex ngauz vngax muinz, kvmluimx jix lotlaz muex tvtsanc nganc lvmz muinz lvp wvnc wuez shuex. Nuiyshiq rueq jungphvnx vshix bomjungc kuex nuimshiq kvmluimx wvnc tuit ningkhvnc nuex Taungjix muex tvtsanc nganc jix nuex nuimshiq muinz lomx vtuinx.


Mnoz rueq vlvmz kuex lungwawx ruiux, vyaq kuex shuiuc gay vshuiux. Kvkhoc rvtueq m-Tishox ngoz yaq Tishox rueq mnoz kuex thvl wvnc vtueq, mkungjix muex kuq tueq htauk nuex muinz vyungx pinhtumc vkoz vkez tvtsanc nganc tueq,” ngoz tueq.


Yuq muinz nuimshiq kuex vthvlc vruez shec Hokhvmx shomc waz bix, vsawc miqsaz htenc nuiyc Tishox vpiq rueq guimz yaq miqsaz htenc rvtuit, kvkhoc thvl wvnc lvmz kuex, nuimshiq raungnyauk mungx kvwawc vpiq vwangc juing raungwuic nuex gvlc wvnc jix waz ngauz vngax httax yaq shuimc vkay htenc kuex jungphvnc tv-nyvmc wvnc tvkoc rvtueq.


Nuimshiq kuex Christu yix phvnc jix hez rvtuit ningkhvnc nuex yomnamc rvhumc ruiux yuq thuinhvlc httax yaq; kvruex kuex ngauz vngax httax yaq Tishox Siyac kuex nuimshiq htauk nuex httax naungx yaq vlvmz rvtueq.


Síguenos en:

Anuncios


Anuncios


¡Síguenos en WhatsApp! Síguenos