ISAIA 49:14 - Hawa Naga Bible 2001

¹⁴ Yuq muinz Yerusalem miqsaz rueq, “Yehowa rueq naungshiq kuex tuip gay phuex! Vpiq rueq naungshiq kuex lauk gay phuex,” ngoz tueq.

ASII LAKDAP Bible (BSI)

¹⁴ Shatmaq Jerusalemti raq nguto, “Tatiwe raq nashiq thaqbaiqto! Apaiq raq nashiq laqbaiqto.”

ISAIA 49:14 Referencias Cruzadas

Tvtsvmc 13:1

O Yehowa lex, mnoz rueq ngaz vruex mtanc nuex httuiuc laz lauk gay lac? Pattup jauz lup haz? Mnoz kuex mtanc nuex httuiuc laz lac ngvy kox wawc kvhttuiyq kaz tuiux?

Tvtsvmc 22:1

Ngvy Tishox lex, ngvy Tishox lex, yvmx ngoz tueq lac mnoz rueq ngaz kuex tuip gay vphux? Romc kuy tvkoc thuinz tvthuiuz vtueq ngaz guyc vtaungx, yuq muinz majuiuc nuex httuiuc laz kvruex httuiuc kaz muq.

Tvtsvmc 31:22

Ngaz kuex vpiq khaungkac wawc yurc gay phuex shex ngoz tueq ngaz rvwvl vtueq hiyaz gay tauk. Yuq muinz romc kuy tvkoc vpiq kuex ngaz gvl koq tueq, ngaz rueq guyc sez thoz tauk kuex vpiq rueq tay tueq.

ISAIA 40:27

Israel lex, Yehowa rueq mnoz kuilc daz kuex tuiuz muq ngoz tueq, mnoz kuex tvrac vlvmz rvmuq rueq kuilc daz rvhumc vtuiux nuex vpiq rueq lawc muq ngoz tueq yvmx khoc lac jungx vshuiux?

ISAIA 49:13

Raungx mungtan lex, shix kuiuz! Ghaq lex, kokez vtueq guyc kuiuz! Kanx laungx htenc tvruingx vtueq shix wuez kuinz! Yehowa rueq vpiq miqsaz htenc muex thuinz tvsuing kuq shuex; vpiq rueq kuilc daz rvhumc yaq vpiq miqsaz htenc muex menjenc kuq shuex.

ISAIA 49:15

Rvkoq tueq Yehowa rueq tvralc tueq kuex, “Yalxjuik nyuiuz rueq vsaz noshawx kuex lauk gay ruiux piq rueq vjawx nox kuex lungwawx muq haz rvshvnx? Vnyuiuz rueq vsaz kuex lauk gay ruiux doc muinz, ngaz rueq mnoz kuex mkaq muinz lauk gay phaungx rvmuq.

ISAIA 54:6

Israel lex, mnoz kuex vtaungx waz rueq shurc gay koq tueq, thuinbac kuilc daz rvhumc yaq yalxrox pat wawc juik nyuiuz ikhoc rvtoq. Yuq muinz Yehowa rueq mnoz kuex tvyez gvl yek vtueq vpiq kox nuex yek waungc rac vkhoc jungx yaq:

JEREMIA 23:39

ngaz rueq tsuingshiq kuex tvjomx tsenz vtueq tsuingshiq nuiyc tsuingshiq jix vwaz tamx kuex ngaz rueq vkuq ghaqyungx rulc nongx ngvy kox wawc vluz nuex tuip gay rvhumc tuex, ngoz tueq tsuingshiq muex jungx shuiuz.

JEREMIA 31:3

ngaz kuex loayc hvlc maq tsuingshiq kox nuex dung kaz tauk. Israel miqsaz lex, ngaz rueq nuimshiq kuex mkaq muinz lungwawx vphaungx ningkhvnc nuex, nuimshiq muex ngvy lungwawc thuinz kuex tvhttoarc vtueq tvkhic phaungx.

AJONJÜ 5:20

Mnoz rueq yvmx ngoz tueq lac nuiyshiq kuex kvtanc khvnc httvmx laz gay shec tonx? Mnoz rueq nuiyshiq kuex rvwvl yek phux haz?

EJEKIEL 33:10

Yehowa kuex ngaz rulc rvbomc phuex. Vpiq rueq, “Vthueyc rvyaq miq lex, Israel miqsaz htenc rueq yvmx lac jungx yaq nguinx kvjaz kuex tsuingshiq muex jungx yek shuiuz: ‘Naungshiq kuex naungshiq mvrax htenc nuiyc vshuimc tvyaq wvnc tiq htenc rueq pvt vtueq hunnyex vtix. Naungshiq kuex hungc vlaungc nulx wvnc vtix. Naungshiq mkhoc lac tvraungx lot tix?’