ISAIA 47:6 - Hawa Naga Bible 2001

⁶ Ngaz kuex ngvy miqsaz htenc muex khaq vtueq; ngvy miqsaz rvmuq shex ikhoc tvyaungc wvnc tauk: Ngaz rueq tsuingshiq kuex mnoz luimc vkawc khung nuex taq gay tauk, mnoz rueq tsuingshiq muex menjenc thuinz vguez; nyuiuz waz rulx muex doc muinz batac hvlc rvtoq.

ASII LAKDAP Bible (BSI)

⁶ Ngi ka isenginok ma itsankhiq riikang; Ngi raq tsangshiq ka isenginok riimak she ikha haihii wan kang; Ngi raq tsangshiq ka ümjaq khon na thükang, kiimaq ümniiraq tsangshiq ka tiihang wan maü dea riilaü; ümniiraq tikii kiikaiq kong kriimin jimaq nishishi haihü wan laü.

ISAIA 47:6 Referencias Cruzadas

2 SAMUEL 24:14

Dawid rueq, “Ngaz kuex thuinz nuex rvwvlc paung kaz vtaungx! Yuq muinz miq rueq murx tvgurc kuex ngaz rueq roc mauk. Yehowa vpiq pumz maq nuiyshiq muex murx mtvgurc phueq, yvmx khoc lac ngoz ruiux lec vpiq kuex menjenc thuinz vhttax waz rvtueq,” ngoz tueq tvralc tueq.

2 KAÜWA WERAÜ 10:11

Iwaz rueq nuimshiq htauk nuex gurc liq tvdaungc wvnc tueq; ngaz rueq kuex kvruex htauk nuex vliq tvdaungc kuq phaungx. Piq rueq nuimshiq kuex ruiyx saz pumz maq thvt kv-phuinx; ngaz rueq kuex ruiypvnc pumz maq thvt phaungx!’ ngoz tueq jungx kuq shuiuz,” ngoz tueq tvralc tueq.

2 KAÜWA WERAÜ 28:9

Vmuingc Oded ngoz yaq Yehowa shvmmax waz kuex Samaria ghaqyungx nuex httax tueq. Piq kuex ghaqyungx nuex nyuip waungc juing baung nuex Yuda khoktep miqsaz htenc rulc vdvmz nuex yek waung tueq Israel nolaungx bix rulc piq rvhumc tueq, piq rueq, “Yehowa nuimshiq jix vwaz tamx Tishox kuex Yuda muex khaq vtueq tsuingshiq kuex tvtaungx gay kv-phuinx, yuq muinz majuiuc kuex nuimshiq rueq tsuingshiq kuex bac hvlc thvt gay tuit lvmz vpiq rueq tay tueq.

2 KAÜWA WERAÜ 36:17

Kvkhoc rvtueq Yehowa rueq tsuingshiq kuex khvt kay tvkoc Babelon hokhvmx waz kuex tvkaz tueq. Hokhvmx waz rueq Shomc Yuimx mungx nuex httax yaq Yuda yalxrox bix nuex httuiuc laz thvt gay tueq. Piq rueq nyuiuz waz, nosaz, miqwaz yalxjuik, vthuiuz vsac jix, miq hvlx jix, ukhaq muex muinz menjenc muq. Tishox rueq tsuingshiq lotlaz kuex piq yauk nuex lekuq gay tueq.

2 KAÜWA WERAÜ 36:20

Piq rueq tvraungx kvjungx yaq jix htenc lotlaz kuex Babelon mungx nuex shvlx wvnc vtueq, tsuingshiq kuex piq nuiyc piq suiuz vsaz htenc Persia Honoc mungtan yaungx wvnc tueq nuex httuiuc laz dax muex yaungx vtueq shuimx kuq tueq.

EJRA 5:12

Yuq muinz nuiyshiq jix vwaz rueq Raungmungx Tishox thuinz tvkhvy ningkhvnc nuex, vpiq rueq tsuingshiq kuex Khaldean hokhvmx phvnx vmaq wawc Babelon mungx hokhvmx Nebukhadnezar yauk nuex lekuy gay rvhumc tiq. Shomc Yuimx kuex tvbac gay tueq, mungx miqsaz htenc kuex Babelon nuex thuq wvnc rvhumc tueq.

Tvtsvmc 69:26

Mnoz rueq murx tvgurc tvrvhumc toq htenc kuex tsuingshiq rueq guirguenz wuez yaq; mnoz rueq tvmac tsac tvrvhumc toq jix htenc kuilc daz yaq kuex tsuingshiq rueq jungx saq yaq.

ISAIA 10:6

Ngvy thuinkhvy naq jix, tishox vguez phvnx miqsaz htenc kuex khvt tvkoc Asiria kuex tvkaz tauk. Ngaz rueq tsuingshiq muex tv-nyvlc tvguiuq vtueq lvmx laungx wawc bokkhuyx ikhoc miq htenc kuex tvnuiuz tv-nyet gay tvkoc tvkaz tauk,” ngoz tueq jungx tueq.

ISAIA 13:16

Tsuingshiq kuex kvshix kvrix maq lawc thvt yaq nuex, tsuingshiq sahez kuex nyet vtueq thvt gay shuex, tsuingshiq yuimx htenc kuex httak gay rvhumc tuex, tsuingc taungnyuiuz hez kuex yomnamc gay shuex,” ngoz tueq jungx tueq.

ISAIA 14:17

Ghaqyungx htenc kuex tvbac httak gay ruiux mungkawx kuex kumtsvy tvnx muex tvyaungc gay jix waz kuex vruex waz vruex haz? Khoktep miqsaz htenc kuex mkaq muinz httvr lot muq nuiyc tsuingshiq kuex yuimx nuex tvyek muq waz kuex vruex waz vruex haz rvtvnx?” ngoz tueq wiz shuex.

ISAIA 43:28

mnoz vyungx vlaungx bix rueq ngvy vsawc baung kuex tvshuy shac tueq. Kvkhoc rvtueq ngaz rueq Israel htauk nuex tvbac gay lvmz tvhttuiuc tauk; ngaz rueq ngvy miqsaz htenc kuex wvlc guez waqguez tvrvhumc tauk,” ngoz tueq jungx tueq.

JEREMIA 50:42

Tsuingshiq rueq tsuingshiq laq htenc nuiyc yaung htenc lvmz wuez tueq; tsuingshiq rueq vguirc vguenc raz tueq vmenjenc kuex vguez. Tsuingshiq kuex tsuingshiq mvre htenc nuex ngaungc koq tueq, kvruex tvruingc kuex svmuktvrax yuix tvruingc ikhoc rvtueq. Tsuingshiq rueq Babelon kuex khvt tvkoc tvyoalc yoalx shex.

AJONJÜ 1:14

“Vpiq rueq ngvy mvrax htenc lotlaz kuex tvtsuingc taq ruiux kvruex lotlaz kuex vdvmz nuex khvrc taq gay tueq; Vpiq rueq kvruex htenc kuex ngvy duingx tvroz nuex pauk kuy ningkhvnc nuex, ngaz kuex mvrax gurc liq rueq hungc vlaungc nulx wvnc vtaungx. Taungjix rueq ngaz kuex ralx yauk nuex lekuq gay phuex ningkhvnc nuex, ngaz rueq tsuinghez kuex tvgawx lot juing vguez shex.

AJONJÜ 1:21

“Ngaz kvbot nyvnx vtaungx kuex tay shuiuz; ngaz muex sitenc yatenc jix vshiz muinz vguez. Mnoz rueq ngvy htauk nuex kuilc daz jamjaux tvdungc kuy ningkhvnc nuex ngaz muex ralx hez kokez wuez yaq. Mnoz rueq bomkhvmc taq toq raungnuiyq kuex tvhttuiuc vtueq, ngaz rvhumc vtaungx ikhoc ngvy ralx hez muex kuilc daz tvgurc shuiuz.

AJONJÜ 2:2

Taungjix rueq Yuda mungx nuex httax yaq ghaqtek vtueq menjenc muq maq tvbac gay tueq, Mungtan kuex tvkhup wungx jix nolaungx ghaqshungc htenc kuex tvrul tvbunx gay tueq. Vpiq rueq mungtan nuiyc kvruex wawc vyungx vlaungx bix muex yvlc svy juing tvhttuiuc tueq.

AJONJÜ 4:16

Yehowa rueq tsuingshiq tvkoc raungluingx muinz rvwvl muq; vpiq pumz maq tsuing-shiq kuex tv-phvlc gay tueq. Vpiq rueq naungshiq shomc waz bix nuiyc vyungx vlaungx bix kuex wvlc guez tvyaungc tueq.

AJONJÜ 5:12

Nuiyshiq vyungx vlaungx bix kuex shvlx laq vtueq tvshuirc pauk gay tueq; nuiyshiq walaungx bix kuex tvtsanc nganc rvhumc yaq rvmuq.

EJEKIEL 24:21

Israel miqsaz muex vruex bomjungc kuex jungx kuq shuiuz: Mnoz kuex Shomc Yuimx hungc vlaungc muex ngamc ngax vtuiux. Mnoz rueq kvruex lawc roc vtueq kvyuq guilc kaz vtuiux, yuq muinz Yehowa rueq kvruex baung kuex tvshuy shac gay shuex. Yerusalem nuex tvjungx taq shec tueq m-yuimx wuinz wawc yalxtux yalxrox bix kuex ralx rvlungc nuex thvy gay rvhumc tuex.

EJEKIEL 28:16

Mnoz kuex taungshaungc taungrez pvkac yauk shuimc htenc paung yaq, kvruex yauk shuimc kvraq mnoz kuex yauk laungc yalawx lvmx nuiyc mvrax lvmx nuex shvlx laq kv-phux. Kvkhoc rvtueq ngaz rueq mnoz kuex vsawc kanx wawc laungc maq yurc gay phaungx, mnoz bvmc jix raungkamx waz rueq muinz phelep yaq lungsex htenc hvlwvl wawc tvyenc gay kv-phux.

Obadia 1:10

“Mphuz mnox hez rvtueq Yaku suiuz vsaz phvnx htenc kuex mnoz rueq yauk laungc yalawx ruez vtueq thvt gay toq ningkhvnc nuex, mnoz kuex tvbac gay rvhumc ruiux pattup muingc bac rvhumc tuiux.

Obadia 1:16

Ngvy miqsaz htenc rueq ngvy vsawc ghaqluimx htauk maq vkhuip murx kok kuex nuingx gay wuez tueq. Yuq muinz tvroz wawc miqphvnx htenc lotlaz rueq khuip hvlc murx kok kuex nuingx wuez shuex; tsuingshiq rueq kvruex lotlaz nuingx gay ruiux moz wvnc tuex.

JEKERIA 1:12

Kvruex yimaq raungkamx waz rueq, “Tvphaungc Tvsuip Yehowa lex, mnoz rueq wawc rok mvshix tup Yerusalem nuiyc Yuda mungx wawc ghaqyungx htenc muex khaq vtuiux. Mnoz rueq mtanc nuex httuiuc laz lac tsuingshiq muex menjenc muq rvshuiux?” ngoz tueq wiz tueq.

JEKERIA 1:15

Ngaz kuex ngvy miqsaz htenc htauk nuex httuiuc yaq thuinkhvy kuex nanx vtueq httax yaq nuex, nomic maq kokez httax wuez yaq miqphvnx htenc rueq ngvy phvnx miqsaz htenc rvhumc yaq kuilc daz jamjaux kuex pinhtumc tvyaungc kuq yaq. Kvkhoc rvtueq ngaz kuex kvruex miqphvnx htenc muex pinhtumc thuinkhaq vtueq,

Matthew 7:2

yvmx khoc lac ngoz ruiux lec nuimshiq rueq vganc jix muex phox kuq shuinz rulc rv-ngvlc Tishox rueq nuimshiq muex phox kuq kv-phuinx. Nuimshiq rueq vganc muex phox kuq shuinz tvrac rulc rv-ngvlc nuimshiq muex phox kuq shuex.

TRI CHONGKE 28:50

Tsuingshiq rueq nuimshiq kuex nyuiuz waz nosaz ngoz tueq menjenc kv-phuinx rvmuq.

James 2:13

Yvmx khoc lac ngoz ruiux lec Tishox rueq menjenc thuinz vguez jix waz muex menjenc thuinz vguez maq phox kuq shuex: yuq muinz menjenc kuy lvmx rueq vphoc rvyaq kuex taungx gay lot yaq.