ISAIA 44:6 - Hawa Naga Bible 2001

⁶ Israel kuex guimz lawc vtueq tvkhup wungx yaq Yehowa, Tvphaungc Tvsuip Yehowa rueq, vkhoc jungx tueq: “Ngaz kuex vphaungc waz nuiyc vtvsuip waz ngoz yaq Tishox rvtauk; ngaz maq lvy vtueq tishox vganc vguez.

ASII LAKDAP Bible (BSI)

⁶ Tatiwe, Israilnok rümti kiimaq tiiwongti, Ajong Pinthum Tatiwe raq akha nguttlo: “Ngi ka atiiphati, kiimaq atiisupti, Shiikeawe ka Ngi arli dongdii; ahin tisho ka ahü, Ngi sitiikang arli dongdii.

ISAIA 44:6 Referencias Cruzadas

Tvtsvmc 86:10

Mnoz kuex vyungx vluz raz tueq vwangc juing htenc kuex shuimx vshuiux; mnoz dvyx Tishox rvtoq.

ISAIA 33:22

Svngpholix htenc juinc htung nuiyc ruiuz htenc kuex kvdawc kaz ruiux; vjuinc juing khvy phux htenc kuex tvparc mvy muq shex! Ralx daungx rueq hup vsvmx htenc kuex nyvlc wvnc shuex, hup svmx kuex paunghvlc ningkhvnc nuex huk kuix jix rueq muinz miqmac mvnjuz phvlc kuex lvp wuez shuex. Yehowa vpiq kuex naungshiq hokhvmx muex yaungx tuex; vpiq rueq naungshiq kuex guimz lawc vtueq tvkhup wungx phuex.

ISAIA 37:16

“Kherubin htauk nuex ngaungc yaq Tvphaungc Tvsuip Yehowa Israel Tishox lex, mnoz kuex mungkawx mungtan lotlaz guimz jix Tishox mnoz dvyx rvtoq. Mnoz rueq ghaq nuiyc raungx kuex tvdung sung toq.

ISAIA 37:20

Majuiuc kuex, Yehowa nuiyshiq Tishox lex, Asiria miqsaz yauk wawc nuiyshiq kuex palc wvnc koq, kvkaq mungkawx wawc miqphvnx lotlaz rueq mnoz vshiz dvyx Tishox rvtoq lvmz kuex tuiuz wvnc shuex.”

ISAIA 40:18

Tishox kuex ukhaq rulc tv-ngvlc lot juing lac? Vpiq kuex ukhaq rulc rv-ngvlc yaq lvmz mnoz rueq yvmx khoc lac jungx kuq lot shuiux?

ISAIA 41:14

Yehowa rueq ngoz tueq, “Israel lex, mnoz kuex vruinx nuiyc hungc vnulx rvtoq, nauk hiz kaz; ngaz rueq mnoz muex romc kuq phaungx. Israel muex vsawc Tishox, ngaz kuex mnoz palc wvnc jix rvtauk.

ISAIA 41:21

Yehowa Israel hokhvmx rueq vkhoc jungx tueq: “Miq phvnx ruip rawx tishox htenc lex, nuimshiq khac kuex jungx shuinz. Nuimshiq rueq lvp taq tuit vhvlx pinhtumc hakhix phvnx htenc kuex lvmz laq wuez luit!

ISAIA 41:4

Vkhoc tvyaungc jix kuex ukhaq lac rvtvnx? Pat shiz maq pat shiz mvnphvnc kuex uraq lac phvnx jvnx yaq nguinx? Ngaz, Yehowa kuex vphaungc vyaungc maq phuex vhttax rvtauk, Ngaz, Yehowa kuex vtvsuip nuex muinz vhttax rvtaungx.

ISAIA 42:8

“Ngaz vshiz dvyx Yehowa m-Tishox rvtauk. Ngvy ngauz vngax kuex vganc mruex tishox rueq muinz lvp shuex rvmuq; Ngaz rueq ngaz kuex yac yuimx htenc rulc vdvmz nuex tvtsvmc kvmc vkhangx kuex kuq shaungx rvmuq.

ISAIA 43:1

Israel lex, mnoz tvdungc sungc jix Yehowa rueq, “Nauk hiz kaz, ngaz rueq mnoz palc wvnc phaungx. Mmuingc maq ngaz rueq mnoz kuex gvl vphaungx, mnoz kuex ngaz rueq guimz yaq.

ISAIA 43:9

Miq phvnx htenc kuex khac phoc rvhumc tvkoc gvl shuinz. Tsuingshiq tishox htenc wawc mruex jix rueq lac httuiuc wvnc yaq wawc lvmz kuex tvluz nuex jungx lot shvnx? Tsuingshiq wawc mruex jix rueq lac majuiuc yaungx wvnc yaq lvmx kuex tvluz nuex jungx wvnc tueq haz? Kvruex tishox htenc rueq tsuingshiq vlvmx rvtueq lvmz hakhix tvkhic tvkoc nuiyc tsuingshiq rueq jungx tueq kvjaz htenc vsuing rvtueq lvmz kuex hakhix khvmc tvkoc tsuingshiq hakhix htenc kuex mtvdung shueq.

ISAIA 44:24

“Ngaz kuex mnoz palc daungc jix Yehowa rvtauk; Ngaz kuex mnoz tvdungc sungc jix waz rvtauk. Ngaz rueq phvnx ruip saz kuex tvdungc sungc jix waz Yehowa rvtauk. Ngaz rueq dvyx raungmungx htenc kuex tvparc shec tauk; ghaq tvdung tauk nuex, uraq muinz ngaz muex romc kuq muq.

ISAIA 44:8

Ngvy miqsaz htenc lex, nauk hiz kaz! Mvnnuex pat maq raz tueq majuiuc nuex httuiuc laz wawc lvmz kuex mnoz rueq tuiuz yaq, ngaz rueq yvmx lac yaungx wvnc tvnx lvmz kuex tvluz nuex jungx wvnc tauk, nuimshiq kuex ngvy hakhix hez rvtuit. Vganc tishox httax yaq haz? Ngaz rueq mkaq muinz tay mauk shauk luimc vkawc yunghvlc tishox vhttax haz?”

ISAIA 48:12

Yehowa rueq, “Ngaz rueq vgvl Israel miqsaz lex, ngvy kvjaz tay wuez shuinz! Ngaz kuex Tishox rvtauk, vphaungc waz muinz, vtvsuip waz muinz rvtauk, ngaz dvyx Tishox rvtauk!

ISAIA 48:17

Mnoz palc wvnc tueq Yehowa Israel muex vsawc Tishox rueq vkhoc jungx tueq: “Ngaz kuex mnoz muex vhvlx tvkoc tvluing kuy roc jix waz nuiyc mnoz kay juing lvmx kuex tvkhic shvlc jix waz Yehowa m-Tishox rvtauk,

ISAIA 54:5

Mnoz Tvdungc sungc jix kuex mtaungx waz ikhoc tvkhup wungx kv-phux, vpiq muingc kuex Tvphaungc Tvsuip Yehowa rvtueq. Israel muex vsawc Tishox rueq mnoz kuex palc wvnc kv-phux, vpiq rueq mungkawx lotlaz kuex guimz yaq.

ISAIA 59:20

Yehowa rueq vpiq miqsaz htenc muex ngoc, “Ngaz rueq nuimshiq mvrax htenc wawc kvyez wvnc jix lotlaz kuex palc tvguing wvnc tvkoc Yerusalem nuex kaz taungx.

ISAIA 63:16

Mnoz kuex nuiyshiq waz rvtoq. Nuiyshiq jix vwaz tamx Abraham nuiyc Yaku rueq doc muinz nuiyshiq kuex tuiuz muq, yuq muinz mnoz kuex Yehowa, nuiyshiq waz rvtoq, nuiyshiq kuex pattup tuimz guimz wvnc jix kuex mnoz dvyx rvtoq.

JEREMIA 10:1

Israel miqsaz lex, Yehowa rueq mnoz muex jungx yaq bomjungc kuex tay shuiuz.

JEREMIA 50:34

Yuq muinz tsuingshiq palc daungc jix waz kuex hunglaungc vhttax ningkhvnc nuex, vpiq muingc kuex Tvphaungc Tvsuip Yehowa rvtueq. Vpiq shauk pumz maq tsuingshiq laung shuimx kaz vtueq, ghaq htauk nuex nomic lvmx kuq shuex, yuq muinz Babelon miqsaz kox nuex kuex kuilc daz jamjaux yaungx tuex,” ngoz tueq jungx tueq.

MALAKI 1:14

Miqmac khelbuenx kung nuex vmac vtsac vguez khelbuenx kuex vhttax rvyruiux ngaz muex rot kaq vtueq khuec guez nyvmx saz shomc nawk kuy jix waz kuex mvnhttonc rvhumc tuex! Yvmx khoc lac ngoz ruiux lec ngaz kuex yunghvlc hokhvmx rvtauk, miqphvnx lotlaz wawc miq htenc kuex ngaz muex hiyaz wuez yaq,” ngoz tueq jungx tueq.

Matthew 25:34

Kvruex yimaq Hokhvmx waz rueq vpiq yauk keq kox nuex httax yaq jix htenc muex, ‘Iwaz kox wawc ruimrix lvp lvy jix htenc lex! Kaz wuez luit, mungkawx tvdung sung tueq maq phaungc vtueq nuimshiq tvkoc vtvyoalc taq mungtan ngoz yaq tsak vnyvmx kuex lvp wvnc wuez shuinz.

Matthew 27:37

Vpiq muex mvrax tvgurc luik kuex vpiq khux htauk nuex, “Vruex waz kuex Yuda hez Hokhvmx Yesu rvtueq,” ngoz tueq wuiyq taq tueq.

TRI CHONGKE 32:39

“‘Ngaz nuiyc ngaz washiz dvyx, Tishox rvtauk; Ngaz maq lvy vtueq vganc tishox vguez. Ngaz rueq thvt gay ruiux tvyuing wvnc tauk, ngaz rueq tvmac vtueq ngaz rueq tvhvlc tauk, Ngaz rueq shuimx shaungx kuex uraq muinz tuing lot muq.

TRI CHONGKE 4:35

Yehowa dvyx Tishox rvtueq, vpiq maq lvy vtueq vganc tishox httax muq kuex hakhix khvmc tvkoc Yehowa vruex tvkhic shec tueq.

TRI CHONGKE 4:39

Kvkhoc rvtueq Yehowa kuex raungx nuiyc ghaq Tishox rvtueq kuex rvwvl vtueq mkaq muinz nauk lauk gay kaz. Vganc tishox kuex vguez.

TRI CHONGKE 6:4

“Israel miqsaz lex, vruex nauk lauk wuez kaz! Yehowa vshiz dvyx naungshiq Tishox rvtueq.

1 Timothy 3:16

Naungshiq nawk palx tvrac thuiuz sungx hvlc lvmz kuex mtanc lac yungx yaq nguinx kuex uraq muinz khawx lvlx lot muq, kvruex vthuiuz vsungx lvmx kuex vkhoc rvtueq: Miqsaz gvnngvmx maq kvkhic kaz vtueq vlvmx waz rvtueq kuex Siyac maq tvkhic kuq tueq, raungkamx bix rueq muinz vpiq kuex khiz wvnc wuez tueq. Vpiq lvmz kuex miqphvnx ruip rawx muex tvtay jungx kuq tueq shex, mungkawx wawc miqsaz htenc vpiq muex kvmluimx wvnc tueq, raungmungx nuex shvlc wvnc rvhumc tueq.

Revelation 1:11

Kvruex thuic tvruingc kuex, “Mnoz rueq khiz vshuiux phvnx htenc kuex luik dvp nuex wuiyq vtueq, Ephesu, Samirna, Pergamum, Thiatira, Sardi, Filadelphia, nuiyc Laodikea nuex httax yaq phungc mvshix nuex tvwvnc shuiuz,” ngoz tueq.

Revelation 1:8

Majuiuc pat, mvnnuex pat, yix maq pat nuex muinz httax hvt dvyx httax yaq Tvphaungc Tvsuip Taungjix Tishox rueq, “Ngaz kuex vphaungc nuiyc vtvsuip rvtauk,” ngoz tueq jungx tueq.

Revelation 2:8

“Samurna phungc wawc kamx waz hez muex vkhoc wuiyq shuiuz: “Vruex kuex vphaungc nuiyc tvsuip waz, thueyc vtueq thuiuzthuic tvraungx wvnc yek jix waz kox wawc rvtueq.

Revelation 22:13

Ngaz kuex Alpha nuiyc Omega, vphaungc nuiyc tvsuip muinz rvtauk,” ngoz tueq.