ISAIA 41:4 - Hawa Naga Bible 2001

⁴ Vkhoc tvyaungc jix kuex ukhaq lac rvtvnx? Pat shiz maq pat shiz mvnphvnc kuex uraq lac phvnx jvnx yaq nguinx? Ngaz, Yehowa kuex vphaungc vyaungc maq phuex vhttax rvtauk, Ngaz, Yehowa kuex vtvsuip nuex muinz vhttax rvtaungx.

ASII LAKDAP Bible (BSI)

⁴ Atinkhan arka juwero tiihong thalottla? Manphan ka juwero thapthi kuqta? Ngi, Tatiwe ka rapha hiqwa niiphü asi dongdii riikang, kiimaq Ngi, Tatiwe ka atiithum na saüli kiijaq asi mirha.

ISAIA 41:4 Referencias Cruzadas

Tvtsvmc 102:27

Yuq muinz mnoz kuex mkaq muinz kvlayc wvnc tuiux rvmuq, rullungx muinz vhtumx wvnc ngoz tueq mkaq muinz vguez.

Tvtsvmc 102:28

Nuiyshiq suiuz vsaz htenc kuex vhvlx waq kvwungx httax wvnc wuez tuex, tsuingshiq suiuz vsaz htenc kuex mnoz rueq tvguing tvwungx khung nuex kuiyqshuik httax lvp wuez tuex.

ISAIA 40:12

Svmuktvrax kuex yauk phac maq htaz lot jix, rvmuq ngoz ruiux raungx kuex yauk maq htaz lot jix vhttax haz? Ghaq bur httax yaq kuex tvjomx vtueq kok nuex htawc jix, rvmuq ngoz ruiux kuz nuiyc kanx htenc kuex tawk nuex shenc lot jix vhttax haz?

ISAIA 40:26

Raungx kox nuex kac lawc shuiuz! Mnoz rueq khiz vshuiux ruiysuiyq htenc kuex uraq vtvdung sung lac? Nolaungx daungx ikhoc lvmx shvlc lvy jix waz kuex, kvyuq mjuc lac httax yaq nguinx vpiq rueq tuiuz yaq nuiyc kvruex hez vshiz maq vshiz kuex vmuingc maq gvl lot yaq! Vpiq luimc vkawc kuex yunghvlc rvtueq, kvruex hez wawc vshiz raung muinz mkaq muinz moz kaz tuex rvmuq!

ISAIA 41:20

Miq htenc rueq vruex khiz ruiux yuq Ngaz, Yehowa rueq shuimx wvnc tauk kuex tuiuz wvnc wuez shuex. Tsuingshiq kuex Israel muex vsawc Tishox rueq kvruex tvhungx tvyaungx wvnc tueq lvmz tuiuz tay wvnc shuex.”

ISAIA 41:26

Mkvjaz kuex vlvmx rvtueq ngoz tueq nuiyshiq rueq ngoc lot tvkoc, vruex lvmz yaungx wvnc tuex ngoz tueq nuimshiq mruex jix waz rueq lac tvluz nuex jungx wvnc phvnx? Kvyuq seng vtueq bomc poshiz muinz nuimshiq wawc uraq muinz jungx muit doc; mnoz rueq jungx toq phvnx shishiz kuex uraq muinz tay muq doc!

ISAIA 41:3

Piq rueq tsuinghez kuex yurc vtueq kvwungx hvt maq khuemx shamx lot yaq, piq kuex ghaq ruiyx khuix nuex vbaz vlaz maq khuemx lvy wvnc yaq!

ISAIA 42:24

Uraq lac Israel kuex yauk laungc yalawx jix muex lekuq gay yaq nguinx? kvruex waz kuex naungshiq rueq mvrax yaq wuez tiq Yehowa vpiq rvtueq! Vpiq rueq naungshiq kuex rullungx tvraungx tvhttaz roc tueq ikhoc naungshiq tvraungx wuez tiq rvmuq, vpiq rueq naungshiq muex kuq phuex tvluingc jungphvnc bomc htenc kuex phvnx wuez vshix rvmuq.

ISAIA 43:10

“Israel miqsaz lex, nuimshiq kuex ngvy hakhix hez rvtuit; ngvy nvrc waz muex yaungc tvkoc mnoz kuex ngaz rueq thvl wvnc phaungx, kvkaq ngaz dvyx Tishox rvtauk kuex mnoz rueq tuiuz wvnc vtueq ngaz muex kvmluimx ruiux tuiuz tay wvnc shuiux. Ngaz maq lvy vtueq vganc tishox vguez; kvruex kuex mvnnuex pat nuex muinz, httuiuc wvnc yaq pat nuex muinz mkaq muinz httax tuex rvmuq.

ISAIA 43:13

Ngaz kuex Tishox rvtauk mkaq muinz vkhoc dvyx rvtaungx. Ngvy luimc vkawc wawc luenx jix vshiz muinz vguez; ngaz rueq shuimx shaungx kuex layc gay lot jix vshiz muinz vguez,” ngoz tueq jungx tueq.

ISAIA 46:10

Ngaz rueq vphaungc maq raz tueq yaungx wvnc tuex kuex tvluz nuex jungx wvnc tauk; mvnnuex pat maq phuex yaungx wvnc tuex lvmz kuex ngaz rueq tvluz nuex jungx wvnc tauk. Ngvy kvmungx htenc kuex mkaq muinz phvyx kaz tuex rvmuq ngoz tueq jungx wvnc tauk rulc rv-ngvlc, ngaz rueq dvnc vshaungx phvnx ruip saz kuex ngaz rueq shuimx shaungx.

ISAIA 48:12

Yehowa rueq, “Ngaz rueq vgvl Israel miqsaz lex, ngvy kvjaz tay wuez shuinz! Ngaz kuex Tishox rvtauk, vphaungc waz muinz, vtvsuip waz muinz rvtauk, ngaz dvyx Tishox rvtauk!

Matthew 1:23

Piq rueq, “Lawc shuiuz, kvruex yalxtux shauk nyuiuz kuex wvgvnz yaungx vtueq vsaz miqwaz saz jawx shuex, vpiq muingc kuex Immanuel ngoz tueq muingc shuex,” ngoz tueq. Kvruex vlvmz kuex, “Tishox kuex naungshiq rulc vdvmz httax yaq!” ngoc rvtueq.

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

Acts 15:18

Vruex kuex mvnnuex phuex Taungjix rueq vjungx bomjungc rvtueq,’ ngoz tueq httax yaq.

Acts 17:26

Vpiq rueq vphaungc shauk shauk miq washiz tvdung sung vtueq kvruex waz maq miqphvnx ruip rawx tvpaung tvpux shec ruiux, mungkawx baung ruip saz nuex tvhttax tueq. Tsuingshiq rullungx tvraungx httaz ngaungc vkhing htenc nuiyc ghaqruiy raungruiy htenc kuex kungkhux phuex ruiy kuq shec tueq.

TRI CHONGKE 32:39

“‘Ngaz nuiyc ngaz washiz dvyx, Tishox rvtauk; Ngaz maq lvy vtueq vganc tishox vguez. Ngaz rueq thvt gay ruiux tvyuing wvnc tauk, ngaz rueq tvmac vtueq ngaz rueq tvhvlc tauk, Ngaz rueq shuimx shaungx kuex uraq muinz tuing lot muq.

Revelation 1:11

Kvruex thuic tvruingc kuex, “Mnoz rueq khiz vshuiux phvnx htenc kuex luik dvp nuex wuiyq vtueq, Ephesu, Samirna, Pergamum, Thiatira, Sardi, Filadelphia, nuiyc Laodikea nuex httax yaq phungc mvshix nuex tvwvnc shuiuz,” ngoz tueq.

Revelation 1:17

Kvruex waz kuex khiz vtueq ngaz kuex vmaungx ikhoc vpiq yaz phaungx nuex rul wvnc tauk. Vpiq rueq ngvy htauk nuex yaukkeq kox yauk kuex tvdaungc vtueq, “Nauk hiz kaz! Ngaz kuex Vphaungc nuiyc Tvsuip waz rvtauk.

Revelation 1:8

Majuiuc pat, mvnnuex pat, yix maq pat nuex muinz httax hvt dvyx httax yaq Tvphaungc Tvsuip Taungjix Tishox rueq, “Ngaz kuex vphaungc nuiyc vtvsuip rvtauk,” ngoz tueq jungx tueq.

Revelation 2:8

“Samurna phungc wawc kamx waz hez muex vkhoc wuiyq shuiuz: “Vruex kuex vphaungc nuiyc tvsuip waz, thueyc vtueq thuiuzthuic tvraungx wvnc yek jix waz kox wawc rvtueq.

Revelation 22:13

Ngaz kuex Alpha nuiyc Omega, vphaungc nuiyc tvsuip muinz rvtauk,” ngoz tueq.