ISAIA 4:3 - Hawa Naga Bible 2001

³ Tishox rueq thvlc tvy rvhumc vtueq Yerusalem nuex thuiuzthuic tvraungx kvjungx yaq miq ruip rawx kuex vsawc jvnc ngoz tueq ngoc rvhumc tuex.

ASII LAKDAP Bible (BSI)

³ Maiq loweatek aso ümchuwa Jerusalem na tiichong kitaq kriiti thun ka, Shiikeawe raq alai ma nguta tiichongbaiqtiiti thun asii maiqsetiim ngutiishe mingu.

ISAIA 4:3 Referencias Cruzadas

Tvtsvmc 69:28

Tsuingshiq muingc htenc kuex rullungx luik dvp wawc mtvmauk gay shueq; mmiqsaz htenc muingc wvlc nuex tsuingshiq kuex lomx muq mrvkueq.

Tvtsvmc 87:6

Yehowa rueq miq htenc muingc wvlc kuex wuiyq taq shuex, tsuingshiq htenc kuex Yerusalem ghaq miqsaz muex tvlomx taq shuex.

ISAIA 1:27

Yehowa kuex tsuingrux ningkhvnc nuex, vpiq rueq Yerusalem nuiyc kvruex wawc tharc humc wvnc jix miq ruip rawx kuex palc wvnc shuex.

ISAIA 28:5

Tvphaungc Tvsuip Yehowa kuex kvjungx yaq vpiq miqsaz tvkoc ngauz vngax mvrc yaq pulx puic khushec ikhoc yaungc raungnuiyq vshiz httuiuc wvnc tuex.

ISAIA 35:8

Kvyuq lvmx laungx vshiz httax tuex, kv-ngoc “Vsawc Lvmx Laungx,” ngoz tueq muingc shuex. Mvrax kop jix kuex kvruex lvmx maq mkaq muinz khuemx lvp tuex rvmuq; lvmx kvruex phvnc jix wawc vngaz jix rueq doc muinz lvmx kuex tvyaq shuex rvmuq.

ISAIA 46:3

“Yaku suiuz vsaz, ngvy miqsaz wawc kvjungx yaq hez lotlaz lex, ngvy kvjaz kuex tay shuinz. Ngaz rueq nuimshiq kuex nuimshiq jawx tueq jauz maq phuex tvpeluz wvnc phaungx.

ISAIA 52:1

Yerusalem lex, lauk shiz hungc vtueq yungx luz wvnc yek kuiuz! Tishox Vsawc ghaqyungx lex, mshauk pumz kuex ngauz vngax maq kvyop kuiuz! Kvmluimx muq jix kuex mkaq muinz mpalx kaluix maq lauk shiz nyuip yek tuex rvmuq.

ISAIA 6:13

Kvruex mungx kvyuq miq kuex pasen 10 tanc dvyx shex kvjungx ruiux muinz, piq muinz tvbac gay rvhumc tuex; tsuingshiq kuex vduiuz vruez gay khauk rauk jungx khuiuq ikhoc yaungx tuex,” ngoz tueq tvralc phuex. (Pulx jungx khuiuq kuex Tishox vpiq miqsaz vnyalx tvjvp phaungc wvnc ngoc rvtueq.)

ISAIA 60:21

Mmiqsaz rueq vlvmz yauk shuimx lotlaz kuex shuimx wuez shuex, Mungtan kuex pattup guimz wvnc wuez shuex. Ngaz yungx luz vtaungx lotlaz kuex tvkhic tvkoc, Ngaz rueq tsuingshiq kuex khic yuingc vtueq tsvp kvp tvpeluz shaungx.

ISAIA 62:12

Mnoz kuex “Tishox muex Vsawc miqsaz, Yehowa rueq vpalc wvnc miqsaz,” ngoz tueq ngoz shuex. Yerusalem kvmuinz “Tishox rueq Lungwawx yaq Ghaqyungx,” “Tishox rueq Tuip gay Muq Ghaqyungx,” ngoz tueq ngoz shuex.

EJEKIEL 13:9

Vyaq vphaq romzyac tvkhic khic jix bix nuiyc lvmx shvlc tvyaq rawshvmx bomc jungc jix shvmmax bix nuimshiq muex ngaz rueq murx tvgurc phaungx. Ngvy miq htenc rueq htvp htaz yaq lvmz shuimc kay tvkoc tvtuimx ruiux yuq, nuimshiq muingc kuex Israel muingc wvlc nuex lomx lvp tuinx rvmuq. Nuimshiq rueq Israel mungtan nuex mkaq muinz yek waung miq shex ngoz shuinx. Ngaz Johvlc Yehowa rvtauk kuex nuimshiq rueq tuiuz wuez shuinx.

EJEKIEL 43:12

Vruex kuex Shomc Yuimx tvrac rvtueq: kankhux nuiyc vtvroz lotlaz kuex sawc nawc hvlc rvtueq,” ngoz tueq jungx tueq.

Yoel 3:17

“Kvruex yimaq, Israel lex, ngaz kuex Yehowa nuimshiq Tishox rvtauk nuimshiq rueq tuiuz shuinx. Ngaz kuex Zion ngoz yaq ngvy vsawc ghaqluimx nuex httax vtaungx. Yerusalem kuex vsawc ghaqyungx yaungx wvnc vtueq; pungnuk miqsaz rueq mkaq muinz guimz shuex rvmuq.

Obadia 1:17

“Yuq muinz Zion Kankhux nuex wvyvmc yuz lvp vtueq, kvruex baung kuex vsawc baung muex yaungx tuex. Yaku miqsaz htenc kuex tsuingshiq rueq lvp aungx yaq rulc rv-ngvlc ghaq vraungx kuex lvp wvnc wuez shuex.

JEKERIA 14:2

Yehowa rueq Yerusalem kuex khvt tvkoc miqphvnx htenc kuex vdvmz nuex tvtuimx shuex. Ghaqyungx kuex khvt nyvlc wvnc rvhumc vtueq, yuimx htenc kuex httak gay ruiux yalxjuik rulx htenc kuex yomnamc rvhumc tuex. Miq khoz lak kuex vthuq wvnc rvhumc tuex, yuq muinz kvjungx yaq miq htenc kuex ghaqyungx kvwawc thuq wvnc rvhumc muq.

MALAKI 3:16

Kvruex yimaq Yehowa muex hiyaz jix htenc tsuingshiq vdvmz dvmz rvjungc phvnc wuez tueq kuex Yehowa rueq tay tvtsuingc vtueq tay tueq. Yehowa muex hiyaz vtueq tvtsanc nganc jix htenc muingc wvlc kuex vpiq khaungkac nuex luik dvp vshiz kvyuq wuiyq tvtsuingc taq tueq.

Luke 10:20

Yuq muinz htaungc htenc rueq nuimshiq kvjaz tay yaq kvmac nauk kokez kaz, nuimshiq muingc htenc kuex raungmungx nuex vwuiyq shec wuez kvmac kokez wuez kuinz,” ngoz tueq jungx kuq tueq.

Acts 13:48

Pungnuk miqsaz htenc rueq kvruex kvjaz kuex tay vtueq kokez thuinz maq Taungjix bomjungc kuex tvtsvmc kvmc jungx tueq, kvmaq pattup rullungx lvp tvkoc vthvl taq htenc kuex kvmluimx wvnc tueq.

Romans 11:4

Yuq muinz Tishox rueq piq muex yvmx khoc lac tvralc tvnx? “Ngaz rueq Bala yac yuimx muex tuk nguk vtueq nawk palx muq miq 7,000 kuex ngvy tvkoc tvjungx taq tauk,” ngoz tueq jungx tueq.

Romans 11:5

Majuiuc pat nuex muinz kvrulc rv-ngvlc Tishox kejux maq vthvlc wvnc rvhumc jix miq raungluingx kvjungx yaq.

Ephesians 1:4

Naungshiq kuex Christu Yesu rulc vshiz dvyx yaungx vtueq vpiq htumc nuex mvrax vguez maq, vsawc miqsaz muex yaungc wvnc tvkoc mungkawx max tvdung sung nuex phuex naungshiq kuex Tishox rueq thvl taq shec phuex. Tishox rueq vpiq lungwawc thuinz maq,

Philippians 4:3

Ngvy htuiz daungx kuy jix kungjix waz lex, kvruex nyuiuz nueyc muex romc kuy tvkoc jungx vphaungx; yvmx khoc lac ngoz ruiux lec tsuingshiq kuex shuenruenc bomjungc jungc tvtay kuy lvmx nuex ngaz rulc vdvmz hunglaungx shuimc kay naungc jix rvtueq, kvkhoc shuimc kay naungc jix wawc Klemen rulc vdvmz nuex Tishox vpiq rullungx muingc wvlc luik dvp nuex lomx naungc jix ngvy htuiz daungx jix vganc muinz lomx yaq.

Colossians 3:12

Nuimshiq kuex Tishox miqsaz rvtuit, vpiq rueq nuimshiq kuex lungwawx vtueq, vpiq miqsaz muex yaungc tvkoc vthvlc tvy wuez shex, kvkhoc rvtueq lungwawc thuinz tvkhic kuy lvmx, menjenc kuy lvmx, thuinz tvyomx lvmx, thuinz tv-nyenc lvmx, thuinz tvloayc lvmz htenc kuex svmx wuez shuinz.

Hebrews 12:14

Miq ruip rawx nuex nomic httax lvp laz muinz, vsawc rullungx tvraungx lvp laz juing muinz thuiyx wuez shuinz, yvmx khoc lac ngoz ruiux lec kvkhoc rullungx tvraungx lvmx rvmuq ngoz ruiux uraq muinz Taungjix kuex khiz lvp muq.

1 Peter 2:9

Yuq muinz nuimshiq kuex vthvlc vruez shec Hokhvmx shomc waz bix, vsawc miqsaz htenc nuiyc Tishox vpiq rueq guimz yaq miqsaz htenc rvtuit, kvkhoc thvl wvnc lvmz kuex, nuimshiq raungnyauk mungx kvwawc vpiq vwangc juing raungwuic nuex gvlc wvnc jix waz ngauz vngax httax yaq shuimc vkay htenc kuex jungphvnc tv-nyvmc wvnc tvkoc rvtueq.

Revelation 13:8

Vthvy gay rvhumc tueq Khelbuenx Saz rullungx luik dvp nuex, mungkawx max tvdung sung maq raz tueq muingc wuiyq lomx yoalx ghaq htauk wawc miqsaz lotlaz rueq svl vwvl kuex nawk palx wuez shuex.

Revelation 17:8

Mnoz rueq khiz vshuiux svl vwvl kuiux kuex mvnnuex vtvraungx rvtueq, yuq muinz majuiuc kuex vmaungx shex; piq kuex thuiuz hvlc ghaqkhurx mungx wawc dung wvnc ruiux yuq tvbac gay rvhumc tuex. Mungkawx tvdung sung wvnc tueq maq raz tueq miqmac muingc htenc kuex rullungx luik dvp nuex lomx muq ghaq htauk nuex httax yaq miqsaz htenc kuex svl vwvl kuiux kuex khiz vtueq lotlaz vkawc yawc rvwuez tuex. Piq kuex mvnnuex vtvraungx rvtueq, majuiuc kuex vthuiuz thuic tvraungx muq, yuq muinz yix maq laukshiz tvraungx wvnc yek tuex.

Revelation 20:15

Rullungx luik dvp nuex muingc wvlc wuiyq tvy rvhumc muq jix htenc kuex wvr jumx nuex tuip gay rvhumc wuez tueq.

Revelation 21:27

Yuq muinz vshuy vshac phvnx yvmx yuq muinz kvruex ghaqyungx kvyuq nyuip lvp tuex rvmuq, miqsuirc vsac phvnx shuimc jix, vrot vkaq kvjaz jungc jix htenc muinz nyuip lvp muq. Khelbuenx Saz rullungx luik dvp nuex muingc wvlc tvy yoalx jix dvyx kvruex ghaqyungx kvyuq nyuip lvp tuex.

Revelation 3:5

Taungx wvnc jix waz rueq hungluiz khvy svmx lvp shuex, ngaz rueq piq muingc kuex rullungx luik dvp wawc tvmauk gay shaungx rvmuq. Piq kuex ngvy kungjix rvtueq lvmz ngvy Tishox waz nuiyc vpiq raungkamx bix htumc nuex jalc jungx kuq wvnc shaungx.