ISAIA 23:12 - Hawa Naga Bible 2001

¹² Sidon ghaqyungx lex, mnoz kuex lauk shiz kokez yek tuiux rvmuq, mmiq htenc vguirc vguenc rvhumc yaq. Mkhoc shoc maq tsuingshiq kuex Kupru nuex yuz wvnc ruiux doc muinz tsuingshiq vhvlx kvwungx httax tuex rvmuq. (

ASII LAKDAP Bible (BSI)

¹² Sidon chela lei, üm chochi rilung ka thumto she. Kiimaq ümsenginok ka shumraü kharii mong niishe chamchaotlo. Tsangshiq ka Saipras mung na tiipaü laüho raü min, tsangshiq ka lunlot mak miraq.

ISAIA 23:12 Referencias Cruzadas

RAPHA HIQWA LAK 10:4

Jawan suiuz vsaz hez kuex Elisha, Spain, Khupru nuiyc Rode rvtueq;

RAPHA HIQWA LAK 49:13

Zebulun kuex svmuktvrax kawx nuex httax tuex. Piq tvrux htenc kuex lix jvp juing muex yaungx tuex. Piq rueq guimz yaq hong kuex Sidon ghaq nuex httuiuc laz yungx tuex.

ISAIA 23:7

Mvnnuex phuex vtec taq vruex Tire ghaqyungx kuex kokez lvp tuex haz? Svmuktvrax yanz vtueq lvmx luz mungx htenc nuex httaz kay tvkoc miq tvkaz yaq kuex vruex ghaqyungx haz rvtvnx?

ISAIA 37:22

Yehowa rueq, “Sennacherib lex, Yerusalem ghaqyungx rueq mnoz kuex lawc vtueq nueyx wuez yaq.

ISAIA 47:1

Yehowa rueq, “Babelon lex, mhoc daungraungc maq svt vtueq, ghaq htauk bokkhuyx nuex ngaungc kuiux. Mnoz kuex yalxtux muik shauk nyuiuz ikhoc, laukshiz muinz vpuingc gay rvhumc muq shauk ghaqyungx vshiz rvtoq, yuq muinz mnoz kuex mkaq muinz nyenz taungtaung rvmuq shex! Majuiuc mnoz kuex dax muex yaungx vtuiux!

ISAIA 47:5

Yehowa rueq Babelon muex, “Kuiyq shuik maq raungnyauk mungx nuex ngaungc kuiuz; tsuingshiq rueq mnoz ngoc miqphvnx ruip rawx hokhvmx nyuiuz ngoz tueq mkaq muinz gvl muq shex!

JEREMIA 14:17

Ngaz yonzyex vtaungx kuex mungx miqsaz muex jungc kuy tvkoc ngaz muex Yehowa rueq nvr phuex: “Ngvy muik htenc kuex raung-nuiyq raungwvrx muik phic m-svrc kueq, ngvy miqsaz kuex pinhtumc vphiz vshuz rvhumc vtueq, thuiuz sac hvlc ningkhvnc nuex ngaz kuex mkaq muinz vkhoarc thauk lot mauk mruez kueq.

JEREMIA 2:10

Kupru lomz httax yaq shalx nyuip kox kvyuq kaz kuiuz, Kedar mungx nuex miq tvkaz vtueq tvlawc kaz kuiuz. Vkhoc kuex kungkhux nuex mkaq muinz yaungx wvnc muq doc kuex nuimshiq rueq khiz shuinx.

JEREMIA 46:11

Ejip miqsaz htenc lex, Gilead nuex kaz vtueq phumz vwaq thuiyx shuinz! Mnoz phumz vwaq lotlaz kuex khuec guez lvmz hakhix tvkhic yaq; yvmx maq muinz mnoz kuex tvhvlc lot muq.

AJONJÜ 1:15

“Taungjix rueq ngvy kox wawc hungc vlaungc httax hvlc nolaungx bix lotlaz muex nueykuic rvyaq; Vpiq rueq ngvy yalxrox bix kuex tvbac gay tvkoc nolaungx bix kuex tvkaz tueq. Vpiq rueq ngvy miqsaz htenc kuex svpiq nuiuz juing wawc svpiq thuey htenc ikhoc nyet nuiuz gay phuex.

AJONJÜ 1:3

Yuda miqsaz kuex vthuq wvnc rvhumc ruiux ruinglez raunglez raz tueq dax muex yaungx yaq, yuimx wawc laungc maq yurc gay rvhumc tueq. Tsuingshiq kuex vganc mungx nuex httax vtueq, tsuingshiq ghaq baung ngoz tueq jungc juing vguez, ralx rueq tuimc lvy rvhumc vtueq dungc wvnc juing lvmz vguez pungx mungx nuex httax wuez yaq.

AJONJÜ 4:15

Miq htenc rueq, “Kvbanc kuiuz! Mnoz kuex rv-nyet rvshet! Ngaz nuex nauk kvtungc vkueq!” ngoz tueq guyc wuez tueq. Kvkhoc rvtueq tsuingshiq kuex miqphvnx phvnx shiz kox maq phvnx shiz kox nuex kvroz khuemx ruiux muinz, vshiz raung rueq muinz malc wvnc muq.

EJEKIEL 27:6

Tsuingshiq rueq sanc yvp kawz tvhungx muex Bashan mungx wawc khauk rauk pulx htenc lvmz yaq; Kupru lomz wawc dung yaq namenc pulx kuex tsuingshiq rueq lvmz vtueq saqranc muex jawz wac htenc tvhungx tvsvp ruiux lix nuex tvmarc khak tueq.

DANIEL 11:30

Roma miqsaz htenc svngpholix maq waung vtueq piq kuex taung gay shuex, kvkaq piq hiyaz kawc yawc tuex. “Kvkaq piq kuex thuinkhaq hvlc maq yix kox nuex yek wvnc vtueq Tishox miqsaz nawk palx htungx kuex tvbac gay shuex. Piq kuex nawk palx htungx gay shec jix hez rueq tharc jungx yaq kuex phvnx wvnc shuex.

WEAWEA 24:24

Khupru jullom wawc ralx svngpholix htenc kaz vtueq Asiria mungx nuiyc Eber mungx kuex khvt taungx gay shuex, Yuq muinz tsuingshiq kvmuinz tvsawc tvric tvbac gay rvhumc tuex.”

JOSHUA 11:8

Yehowa rueq ralx htenc kuex Israel miqsaz muex tvtaungx gay tueq; Israel miqsaz rueq ghaqkhux kox Sidon ghaq nuiyc Misrephot ghaq nuex httuiuc laz, shaldungc kox Mizpa warc nuex httuiuc laz ralx htenc kuex yurc khvt vtueq washiz muinz tvjungx muq thvt gay tueq.

Revelation 18:22

Sengrengc thuic, wvnuemc nuiyc shic jix, poayman thuic nuiyc bolic thuic htenc kuex majuiuc vmaq mnoz rueq tay lvp shuiux rvmuq! Kvmaq tharc vhttax yauk shuimc jix miq mhtauk wawc dung tuex rvmuq shex; htuimz lv-nyet tvruingc muinz majuiuc vmaq mnoz rueq tay lvp shuiux rvmuq!