Biblia Todo Logo
La Biblia Online
- Anuncios -




Hosea 4:12 - Hawa Naga Bible 2001

12 Tsuingshiq rueq pulx htaq vshiz wawc romzyac htenc thoz yaq nyix! Tsuingshiq rueq vtuiuz roc phvnx kuex janx htaq vshiz rueq jungx kuq yaq nyix! Tsuingshiq kuex ngvy kox wawc kaz wvnc wuez vtuex. Mephex nyuiuz yaungx yaq yalxjuik nyuiuz shiz ikhoc, tsuingshiq pumz htenc kuex vganc tishox htenc muex lekuq gay wuez tueq.

Ver Capítulo Copiar

ASII LAKDAP Bible (BSI)

12 Liimanta! tsangshiq raq pepan kiima, shammi bom chong laq, nguta riibom dam tlo! teitlang chang piq kii ma, ‘Chongkuq laq’ nguta bom wai tlo! Tsangshiq raq ngi ka miimbaiqto. Raüta mephe-nyung ikha, tsangshiq sumla puk na nyap wanto.

Ver Capítulo Copiar




Hosea 4:12
25 Referencias Cruzadas  

Israel miqsaz htenc kuex Ejip hokhvmx waz kox wawc palc wvnc tueq nuiyc Ejip mungx wawc tsuingshiq shvlx wvnc jix Yehowa tsuingshiq Tishox muex mvrax yaq gay tueq ningkhvnc nuex Samaria ghaq kuex sumx tueq. Tsuingshiq rueq vganc tishox htenc muex nawk palx wvnc vtueq,


Kvkhoc ruec tvraung, Israel hokhvmx bix lvmx kuex phvnx vtueq, Ahab nuiyc piq yix phvnc jix hez rueq Israel kuex kvmluimx muq lvmx nuex lvmx shvlc tvyaq tueq ikhoc, Yuda mungx nuiyc Yerusalem miqsaz htenc kuex Tishox muex kvmluimx muq juing lvmx shvlc tvyaq kuq vshuiux. Mnoz rueq mhtauk nuex muinz vhvlx mnox hez htenc kuex thvt gay toq.


Tsuingshiq rueq shuimx wvnc tueq yauk shuimc maq tsuingshiq shauk vgvnz kuex tvshuy shac wuez yaq, Tishox muex tvmtuing thuinz vguez shex.


Mnoz tuip gay jix htenc kuex vsuingc suing vhtumx rvwvnc tuex; mnoz muex tvmtuing httax muq jix htenc kuex mnoz rueq tvbac gay shuiux.


Tsuingshiq lotlaz kuex kvnvnc svnc jix nuiyc miqyaq jix dvyx rvtueq. Pulx wawc vtvhungx yac yuimx htenc wawc tsuingshiq rueq yvmx lac tvluing lvp yaq nguinx?


Nuimshiq rueq pulx jungx ngoc m-waz, lung kuiux ngoc mnyuiuz ngoz tueq ngoz vshuinx. Nuimshiq kuex ngaz kox nuex nyez muit, ngaz muex shungnungx shung gay tuit. Yuq muinz nuimshiq kuilc daz rvhumc ruiux yuq, ngaz kaz vtueq palc wvnc tvkoc thoz wuez vshuinx.


Ngaz rueq Samaria mungx wawc shvmmax bix mvrax kuex khiz tauk: tsuingshiq rueq Bala muingc kuex jungx vtueq gvl yaq ngvy miqsaz muex lvmx shvlc tvyaq kuq gay tueq.


Nuimshiq kuex vganc miqphvnx htenc ikhoc yaungc roc vshuinx, vganc mungtan htenc nuex httax yaq miq htenc ikhoc pulx nuiyc lung htenc nawk palx tvkoc nuimshiq thuinz nuex taq vshuinx. Yuq muinz kvkhoc mkaq muinz yaungx wvnc tuex rvmuq.


Babelon hokhvmx waz kuex lvmx heq nuex vshungc shec mvhttarc baung kvyuq jvp yaq. Piq kuex mruex lvmx nuex kay juing lac tuiuz tvkoc piq laqsvnz htenc kuex buil vtueq piq yac yuimx htenc kvmac wiz ruiux, shomc nawk kuy juing nyvmx saz thuinz kuex lawc tueq.


Asiria rueq nuiyshiq kuex mkaq muinz palc wvnc lot muq, ralx lungc mvre htenc rueq muinz nuiyshiq kuex tvwungx lot muq. Yac yuimx htenc kuex nuiyshiq Tishox ngoz tueq mkaq muinz jungx miq shex. O Yehowa lex, tvluimc juing miq vshiz muinz lvp muq jix htenc muex menjenc thuinz tvkhic kuq koq.”


Miq htenc rueq shuimx tueq layx vbac yauk shuimc kuex tsuingshiq Tishox kox nuex yek waungc juing wawc tsuingshiq kuex tuingshaung gay yaq.Yac yuimx nawk palx layx luimc vkawc yunghvlc rueq tsuingshiq kuex puingc wvnc tueq, tsuingshiq kuex Yehowa muex kvjungc wuez muq.


Ngaz rueq miqsuirc vsac phvnx shiz Israel mungx nuex khiz tauk: ngvy miqsaz hez rueq tsuingshiq pumz kuex yac yuimx nawk palx vtueq tvshuy shac wuez yaq.


Israel miqsaz lex, nawk palx htungx vguez miqsaz htenc rueq ikhoc tvhungx vshuinx phuiuz vsvy moalx htenc kuex httvr wuez shuinz. Nuimshiq kuex nuimshiq Tishox kox wawc kvroz kaz vtueq vpiq muex tvmtuing vguez. Nuimshiq rueq nuimshiq shauk pumz kuex wvmungx tuimx vyuq mephex nyuiuz hez ikhoc Bala tishox muex shaung kuq ruiux, tuiz vtsvmz raungc raq vshuinx kuex piq ningkhvnc nuex lvp vshuinx ngoz tueq tvmaung vshuinx!


Israel miqsaz htenc rueq yaruix nuex tsuingshiq nyvmx saz htenc kuex thvt vtueq khelkhix htaungc htenc muex shomc nawk wvnc tueq kvkhoc maq Yehowa nuex tvmtuing vguez yaungx tuinx rvmuq. Vruex tvrac kuex Israel miqsaz htenc rueq pattup phvnc tvy juing rvtueq.


kvruex waz nuiyc piq yuimx wuinz htenc kvmuinz, ngaz muex tvmtuing vguez maq piq rulc raz tueq Molek muex nawk palx jix lotlaz kuex ngaz rueq khawx gay ruiux ngvy miqsaz wawc tvdux gay shaungx.


“Kvruex miq htenc kvraq vrot vkaq kvjaz jungphvnx khuemx yaq shvmmax ikhoc jix kuex raungc raq wuez yaq, ‘Mnoz tvkoc svpiq tix nuiyc joal vtsvmz yvlx dung tuex ngoz tueq ngaz rueq rawshvmx shvmx tauk,’ ngoz tueq jungx shuex.


Nuimshiq kuex vphoc rvhumc vtuinx nyix! Pulx pvnz muex ngoc, “Kvsvmc kuiuz!” ngoz tueq muinz, lung muex ngoc, “Kvtenc kuiuz!” ngoz tueq muinz, nuimshiq rueq jungx vshuinx. Yac yuimx vshiz rueq nuimshiq muex yvmx lvmz lac tvkhic kuq lot kv-phuinx? Kuimphox nuiyc kuimshawx maq vtvhungx yaungx ruiux yaungx tuex, yuq muinz yac yuimx kvyuq thuiuzthuic vguez.


Nuimshiq rueq puic tuz htenc kuex khiz shuinx ruip rawx ngaz rueq jungx phaungx htenc kuex rvwvl tvmaung vtueq phvnx shuinx; kvkaq nuimshiq rueq ngaz kuex tuip gay ruiux miqmac thuinroc lvmx kuex phvnx shuinx rvmuq shex.


Yehowa rueq Moshe muex ngoc, “Mnoz kuex mtanc httax muq nuex dvyx shex thueyc tuiux, mnoz thueyc kay yix miq htenc kuex tvmtuing wawc kv-phelc wvnc ruiux tsuingshiq rulc ngvy bomkhvrc vtaq kuex tvbac gay shuex. Tsuingshiq rueq ngaz kuex tuip gay ruiux tsuingshiq httuiuc kaz tuex mungx wawc vganc tishox htenc kuex nawk palx wuez shuex.


Tsuinghez rueq piq muex, “Nuiyhez kaz vtix lvmz kuex lotlaungc juing httax tuex, httax muq kuex kejux maq Tishox kox wawc wiz kuq koq,” ngoz tueq tvtay jungx tueq.


Síguenos en:

Anuncios


Anuncios


¡Síguenos en WhatsApp! Síguenos