Hosea 11:11 - Hawa Naga Bible 2001

¹¹ Tsuingshiq kuex wushawx ikhoc Ejip mungx maq muinz, hituiuc ikhoc Asiria mungx wawc muinz makmak httuiuc wvnc wuez ruex. Ngaz rueq tsuingshiq kuex tsuingshiq yuimx htenc nuex shvlx wvnc yek shaungx. Ngaz Yehowa rueq jungx vshaungx.”

ASII LAKDAP Bible (BSI)

¹¹ Tsangshiq ka Ejip mung wa, wushikong laü wantlaq ikha miwa, Asiria mung wa haütaükong laü wantlaq ikha, ngi phana miwa,” nguta Tatiwe raq ngutlo.

Hosea 11:11 Referencias Cruzadas

ISAIA 11:11

Kvruex raungnuiyq httuiuc tuex nuex, Taungjix rueq vpiq luimc vkawc kuex shuimx vtueq vpiq miqsaz kuex Asiria nuiyc Ejip wawc, Pathro, Ethiopi, Elam, Babelon nuiyc Hamat mungx htenc, svmuktvrax nuiyc julc lomx htenc nuex httaz jix htenc kuex gvl wvnc shuex.

ISAIA 60:8

Phuemx htenc ikhoc muinz, vdaungc juing nuex woz yaq hituiuc ikhoc muinz, Vruex svngpholix htenc kuex yvmx khoc hez lac rvtvnx?

JEREMIA 31:12

Tsuingshiq kuex Zion Kanx htauk nuex httuiuc waung vtueq vkoz vkez maq shix tuex, tsuingshiq kuex ngvy yauk noalc ngoz yaq, tuiz vtsvmz, svpiq tix nuiyc olip puiz, khelbuenx saz nuiyc suiux vmanx htenc kuex raungc raq shuex. Tsuingshiq kuex yuix shvmhvlx lvp yaq sunc ikhoc yaungx vtueq; tsuingshiq muex rax yaq phvnx htenc kuex lvp shuex.

EJEKIEL 34:27

Pulx htenc vthuey thuey wvnc vtueq, wuik vnax wawc vthuey vngoz dung tuex, ukhaq muinz miqmac ghaq vraungx nuex kvwungx httax wuez lvp tuex. Ngvy miqsaz htenc vkhvrc yanx ruiuz kuex tvbunx gay ruiux tsuingshiq dax muex tvyaungc yaq jix kox wawc tvdung wvnc shaungx kvkaq, ngaz, Yehowa rvtauk kuex tsuingshiq rueq tuiuz wvnc wuez shuex.

EJEKIEL 34:28

Miq phvnx htenc rueq tsuingshiq kuex mkaq muinz yauk laungc yalawx rvshuex rvmuq, svl vwvl ngvmx saz rueq muinz tsuingshiq kuex kauk phauk shuex rvmuq. Tsuingshiq kuex vhvlx waq kvwungx httax vtueq washiz raung rueq muinz tvhiz sungx shuex rvmuq.

EJEKIEL 37:21

Kvruex yimaq ngaz, Johvlc Yehowa rueq miqphvnx htenc nuex rv-nyanc wvnc tueq ngvy miqsaz lotlaz kuex ngaz rueq tvdung vtueq, tsuingshiq rulc vdvmz tvtuimx ruiux tsuingshiq mungtan shauk nuex shvlx wvnc shaungx lvmx jungx shuiuz.

EJEKIEL 37:25

Ngvy nvrc waz Yaku muex ngaz rueq kuq tauk ghaq ngoz yaq tsuingshiq jix vwaz tamx httaz juing mungtan nuex tsuingshiq httax wuez tuex. Tsuingshiq kuex kvruex mungtan kvyuq pattup httax tuex, kvmaq tsuingshiq sahez nuiyc tsuingshiq suiuz hez lotlaz muinz kvruex mungtan kvyuq pattup pat-sac httax tuex. Ngvy nvrc waz Dawid rulc rv-ngvlc yaq hokhvmx waz rueq tsuingshiq kuex pattup pat-sac guimz shuex.

Hosea 3:5

Yuq muinz Israel miqsaz htenc kuex Yehowa tsuingshiq Tishox kox nuex nuiyc tsuingshiq hokhvmx Dawid suiuz vsaz kox nuex yek waungc vkhing httuiuc wvnc tuex. Kvruex yimaq tsuingshiq kuex Yehowa muex hiyaz tvtsanc nganc wvnc vtueq, vpiq kox wawc vhvlx yauk noalc htenc lvp wvnc wuez shuex.

Hosea 7:11

Israel kuex vruc hituiuc kuiux shiz ikhoc baungshiz maq baungshiz nuex kvhttot khuemx yaq; piq miqsaz htenc kuex vphaungc romc kuy rvhumc tvkoc Ejip wawc thoz tueq, kvruex yimaq tsuingshiq rueq Asiria kox nuex yuz wvnc tueq!

Obadia 1:17

“Yuq muinz Zion Kankhux nuex wvyvmc yuz lvp vtueq, kvruex baung kuex vsawc baung muex yaungx tuex. Yaku miqsaz htenc kuex tsuingshiq rueq lvp aungx yaq rulc rv-ngvlc ghaq vraungx kuex lvp wvnc wuez shuex.

JEKERIA 10:10

Ngaz rueq tsuingshiq kuex Ejip nuiyc Asiria wawc shvlx wvnc vtueq tsuingshiq mungtan nuex httaz juing tvhungx kuq shaungx. Ngaz rueq tsuingshiq kuex Gilead nuiyc Lebanon nuex muinz httaz juing tvhungx kuq shaungx; wvmungx tuimx nuex miq mvrc wvnc tuex.

JEKERIA 8:7

Ngvy miqsaz htenc kuex tsuingshiq thuq lvy rvhumc tueq mungtan htenc kvwawc palc wvnc shaungx,

JEKERIA 8:8

tsuingshiq kuex Yerusalem nuex tvhttaz tvkoc shaldungc shalx nyuip nuex httax yaq kvwawc tvyez shvlx wvnc yek shaungx. Tsuingshiq kuex ngvy miqsaz muex yaungx vtueq, ngaz kuex tsuingshiq Tishox muex yaungx ruiux tsuingshiq kuex tvmtuing nuiyc tvrac vlvmz maq guimz shaungx.