Hosea 11:1 - Hawa Naga Bible 2001

¹ Yehowa rueq, “Israel kuex nosaz jauz, ngaz rueq piq kuex lungwawx vtueq isaz muex piq kuex Ejip mungx wawc gvl wvnc tauk.

ASII LAKDAP Bible (BSI)

¹ Tatiwe raq ngutlo, “Man na Israil ka noshiise riito. Ngi raq apaiq pinthum lungwiikang. Lata ise ka Ejip mung wa heawan kang.

Hosea 11:1 Referencias Cruzadas

Tvtsvmc 129:1

Israel lex, mnoz kuex nosaz maq phuex mralx htenc rueq mnoz muex yvmx khoc lac guirguenz wvnc phvnx lvmx nuiyshiq muex jungx kuq koq.

DUNGWVNC 19:4

“Ngaz rueq Ejip miqsaz muex yvmx khoc lac rvkuq wvnc tauk nguinx nuiyc lawx rueq vsaz hez kuex vraungx maq pix wvnc yaq ikhoc, Ngaz rueq nuimshiq pix wvnc phaungx kuex nuimshiq rueq khiz tuit shex.

DUNGWVNC 4:22

Kvruex yimaq mnoz rueq hokhvmx waz muex jungx shuiuz, Ngaz Yehowa rueq ngoc, ‘Israel miqsaz kuex ngvy saz pekhux rvtueq.

DUNGWVNC 4:23

Isaz rueq ngaz muex nawk palx tvkoc ngaz rueq jungx vphaungx, yuq muinz mnoz rueq tvkaz muq. Majuiuc ngaz rueq msaz pekhux waz kuex thvt gay shaungx,’ ngoz tueq ngoz wuex,” ngoz tueq jungx shuiuz.

ISAIA 43:4

Mnoz kuex ngvy tvkoc pinhtumc vhtawz tsanc hvlc rvtoq, ngaz rueq mnoz kuex lungwawx vtueq mnoz kuex tvtsanc nganc ningkhvnc nuex mrullungx palc wvnc tvkoc miqphvnx htenc kuex ngaz rueq lekuq phaungx.

JEREMIA 12:7

Yehowa rueq, “Ngaz rueq Israel kuex gay shec tauk; Ngaz rueq vthvl miqphvnx kuex ngaz rueq tvdux gay tauk. Ngaz rueq lungwawx shaungx miqsaz kuex tsuingshiq muex ralx nuk kvmac lekuq gay tauk.

JEREMIA 2:2

Yerusalem wawc miq lotlaz muex vruex bomjungc kuex tvtay shuiuz. “Mnoz kuex nosaz jauz mkhoc lac tvmtuing httax wvnc tonx kuex ngaz rueq rvwvl lvp tauk, naungshiq vphaungc rvlvmc tiq nuex mnoz rueq ngaz mtanc lac lungwawx phux kvmuinz; kumtsvy tvnx wvlex muinz htuiz rawk yaq ghaq maq muinz mnoz kuex ngvy yix nuex phvnx wvnc phux.

EJEKIEL 16:22

Mephex nyuiuz vshiz ikhoc vshuy vshac shuimx kaz toq rullungx wvlex nuex, mnoz sawkumx raz tueq tvguiy nuex rv-nyvt httax toq jauz wawc mnoz nosaz rullungx kuex lauk shiz muinz rvwvl yek muq nyix,” ngoz tueq jungx tueq.

EJEKIEL 16:6

“Kvruex yimaq ngaz kuex kvmaq lvy wvnc vtueq tvguiy rv-nyvt thuiyc yaq mnoz kuex khiz phaungx. Mnoz kuex tvguiy maq kvyop iruiux, yuq muinz ngaz rueq mnoz tvthueyc gay roc mauk.

Hosea 10:15

Bethel ghaq wuinz lex, nuimshiq rueq shuimx vshuinx vhiz juing layx vbac phvnx kvkhoc nuimshiq nuex yaungx wvnc tuex. Ralx rvkhvt phaungc wvnc ruiux yuq, Israel hokhvmx kuex thueyc kaz tuex,” ngoz tueq jungx tueq.

Hosea 12:13

Yehowa rueq Ejip mungx nuex dax muex tvyaungc rvhumc yaq Israel miqsaz kuex palc wvnc tvkoc muinz, tsuingshiq kuex tvwungx tvkoc muinz, shvmmax vshiz tvkaz kuq tueq.

Hosea 12:9

Yuq muinz ngaz, Yehowa nuimshiq Tishox kuex Ejip mungx wawc nuimshiq tvdungc shvlc wvnc jix waz rvtauk, kumtsvy tvnx nuex nuimshiq kox kvyuq ngaz httuiuc kaz vtueq nuimshiq rueq shuimx wvnc tuit ikhoc ngaz rueq nuimshiq kuex bulax tap htenc nuex tvhttax yek phaungx.

Hosea 13:4

Yehowa rueq, “Ngaz kuex Ejip mungx wawc nuimshiq tvdungc shvlc wvnc jix Yehowa nuimshiq Tishox rvtauk. Ngaz maq lvy vtueq nuimshiq nuex Tishox vguez. Ngaz dvyx nuimshiq palc jix waz rvtauk.

Hosea 2:15

Ngaz rueq piq svpiq sunc htenc kuex yez kuq yek ruiux Kuilc Daz Warc tvnx kvmuinz thuinz tvluimc juing kaluix muex tvyaungc shaungx. Piq yalxtux jauz Ejip mungx maq wawc wvnc tueq nuex piq rueq shuimx tueq ikhoc piq rueq ngaz muex lungwawx yek phuex.

MALAKI 1:2

Yehowa rueq vpiq miqsaz htenc muex, “Ngaz rueq nuimshiq kuex mkaq muinz lungwawx phaungx,” ngoz tueq jungx tueq. Yuq muinz tsuingshiq rueq, “Nuiyshiq muex mlungwawc kuex mkhoc maq lac tvkhic wvnc tonx?” ngoz tueq tvralc tueq. Yehowa rueq, “Esaw nuiyc Yaku kuex saqphuz rvtueq, yuq muinz ngaz rueq Yaku nuiyc piq suiuz vsaz phvnx htenc dvyx lungwawx tauk,

Matthew 2:15

Herod thueyc kay nuex httuiuc laz kvruex mungx nuex dvyx httax tueq. Vruex kuex, “Isaz kuex Ejip mungx wawc ngaz rueq gvl tauk,” ngoz tueq shvmmax nuix maq Taungjix rueq vjungx kvjaz hungx wvnc laung nuex yaungx wvnc tueq lvmz rvtueq.

TRI CHONGKE 33:3

Yehowa rueq vpiq miq kuex lungwawx yaq, vpiq muex seng yaq jix htenc kuex tvkhup wungx kuq yaq. Kvkhoc rvtueq naungshiq kuex vpiq yaz phaungx nuex bumx vtueq vpiq rueq nvr yaq kuex phvnx wuez vshix.

TRI CHONGKE 7:7

“Nuimshiq kuex vganc miqphvnx htauk nuex miq vpaung ningkhvnc nuex Yehowa rueq nuimshiq lungwawx vtueq thvl wvnc kv-phuinx rvmuq; nuimshiq kuex ghaq htauk nuex miq vthvp phvnx rvtuit.