Hosea 1:2 - Hawa Naga Bible 2001

² Yehowa rueq Hosea maq raz tueq Israel muex vphaungc jungx tueq nuex, vpiq rueq Hosea muex, “Mnoz rueq miq kuex lvmz kaz kuiuz; mtaungx nyuiuz kuex tvmtuing vguez yaungx tuex, msahez muinz piq kvkhoc jvnc yaungx wuez tuex. Kvrulc rv-ngvlc ngvy miqsaz htenc muinz ngvy kox wawc dung wvnc vtueq tvmtuing vguez shex,” ngoz tueq jungx tueq.

ASII LAKDAP Bible (BSI)

² Tatiwe raq Israilnok ma Hosea lümaq aphashaq shaq bomphahotaq akhing na, apaiq raq Hosea ma akha nguto, “Kilaq. Laüta ümchak ka lamkikiq. Ümjamti nyung ka mephe-nyung ma mija. Kiimaq ümsetiim kiimin anyung kiikhiisii miraq. Kra niqriri sii hali Israilnok kiimin iwokhong na simak, ipuk wa ahin niishe dongkito,” nguta Hosea ma nguto.

Hosea 1:2 Referencias Cruzadas

2 KAÜWA WERAÜ 21:13

Kvkhoc ruec tvraung, Israel hokhvmx bix lvmx kuex phvnx vtueq, Ahab nuiyc piq yix phvnc jix hez rueq Israel kuex kvmluimx muq lvmx nuex lvmx shvlc tvyaq tueq ikhoc, Yuda mungx nuiyc Yerusalem miqsaz htenc kuex Tishox muex kvmluimx muq juing lvmx shvlc tvyaq kuq vshuiux. Mnoz rueq mhtauk nuex muinz vhvlx mnox hez htenc kuex thvt gay toq.

Tvtsvmc 106:39

Tsuingshiq rueq shuimx wvnc tueq yauk shuimc maq tsuingshiq shauk vgvnz kuex tvshuy shac wuez yaq, Tishox muex tvmtuing thuinz vguez shex.

Tvtsvmc 73:27

Mnoz tuip gay jix htenc kuex vsuingc suing vhtumx rvwvnc tuex; mnoz muex tvmtuing httax muq jix htenc kuex mnoz rueq tvbac gay shuiux.

JEREMIA 2:13

Ngvy miqsaz htenc rueq rullungx yuix ngoz yaq, ngaz kuex tuip gay ruiux, yuix tuing muq vkhoz httax yaq yuix jumx juing htenc kuex htuz wuez yaq ningkhvnc nuex, ngarvyx mvrax phvnx nueyc yaq gay wuez yaq.

JEREMIA 2:20

Johvlc Yehowa rueq jungx tueq, “Israel lex, mnoz rueq mvnnuex phuex ngvy vrangx vpangx kuex tvdux gay ruiux, mnoz rueq ngvy kvjaz phvnx muq ngaz muex nawk palx muq tvlvlc gay toq. Kanx vjoz ruip rawx htauk nuex nuiyc pulx jungx vwuil ruip rawx khung nuex paungyaung yaq tishox htenc muex nawk palx vshuiux.

JEREMIA 2:23

Nuimshiq rueq Bala muex mkaq muinz nawk palx miq doc, miqmac pumz kuex tvshuy shac miq ngoz tueq yvmx khoc lac ngoz lot shuinx? Warc tvnx nuex nuimshiq yvmx khoc lac yaq wvnc tuinx kuex lawc shuinz; nuimshiq rueq shuimx wvnc tuit kuex khiz vshuinx. Mnoz kuex tsiz tsuik thuiyc yaq yaruix kamel kuiux ikhoc, vhungx vhaung yuz yvp vtuiux,

JEREMIA 3:9

vyvlc svy vguez. Piq rueq ghaq vraungx kuex tvshuy shac vtueq, piq rueq lung nuiyc pulx htenc kuex nawk palx ruiux yaq phaq tueq.

EJEKIEL 6:9

tsuingshiq kuex kvruex htenc kvyuq vthuq vruez miqsaz ikhoc httax wuez tuex. Tsuingshiq kvmluimx muq thuinz vmungx htenc maq ngaz kuex gay shec ruiux, ngvy htauk nuex jvnc vtueq yac yuimx htenc kuex raungc raq yaq ningkhvnc nuex, ngaz rueq tsuingshiq muex murx tvgurc tauk nuiyc tvyvlc sac gay tauk kuex tsuingshiq rueq rvwvl lvp wvnc wuez shuex. Tsuingshiq kuex miqmac rueq shuimx wvnc tueq layx bac yauk shuimc htenc ningkhvnc nuex miqmac shauk pumz kuex suirsac wuez shuex.

Hosea 2:7

Piq kuex piq rueq lungwawx yaq hez yix nuex yurc laq shuex yuq muinz tsuinghez kuex lauz shuex rvmuq. Piq rueq tsuinghez kuex thuiyx shuex yuq muinz tsuinghez kuex humc shuex rvmuq. Kvruex yimaq piq rueq, “Ngaz kuex vphaungc wawc itaungx waz kox nuex yek waung taungx, kvruex kuex majuiuc ngaz httax vtaungx htauk nuex muinz kungkhux wawc taungwaz rulc httaz kuex vhvlx rvtuex,” ngoz tueq jungx tueq.

Hosea 3:1

Yehowa rueq ngaz muex, “Washiz rulc rvlungwawc vtueq miqwaz senc lvy jix nyuiuz kox nuex kaz yek vtueq lungwawc thuinz kuex tvkhic shuiuz. Israel miqsaz htenc kuex vganc tishox htenc kox nuex kvroz wvnc vtueq yac yuimx htenc muex pulx thuey shanx shomc kuq wuez yaq, yuq muinz ngaz rueq Israel miqsaz kuex lungwawx hvt dvyx doc ikhoc mnoz rueq muinz piq kuex lungwawx shuiuz,” ngoz tueq jungx phuex.

Hosea 5:3

Israel kuex yvmx rulc lac rv-ngvlc yaq nguinx ngaz rueq tuiuz yaq, piq kuex ngvy kox wawc kvhttuiyq kaz lot tuex rvmuq. Piq kuex tvmtuing vguez, piq miqsaz htenc rueq ngaz muex nawk palx aungx muq.”

Mark 1:1

Vruex kuex Tishox Saz Yesu Christu lvmz Thuix Thaungx Vhvlx bomjungc rvtueq.

TRI CHONGKE 31:16

Yehowa rueq Moshe muex ngoc, “Mnoz kuex mtanc httax muq nuex dvyx shex thueyc tuiux, mnoz thueyc kay yix miq htenc kuex tvmtuing wawc kv-phelc wvnc ruiux tsuingshiq rulc ngvy bomkhvrc vtaq kuex tvbac gay shuex. Tsuingshiq rueq ngaz kuex tuip gay ruiux tsuingshiq httuiuc kaz tuex mungx wawc vganc tishox htenc kuex nawk palx wuez shuex.

2 Peter 2:14

Tsuingshiq rueq vganc yvmx muinz lawc roc muq, yuq muinz honc vlayx vbac jix yalxjuik rulx kvdvyx lawc roc yaq; tsuingshiq rueq mvrax shuimc ningkhvnc nuex lvp yaq vsumc thuinz suing juing lvmx htumx lot muq. Tsuingshiq rueq kvmluimx vkomc jix miqsaz htenc kuex tsuingshiq rueq vtsvnc nuex lvp laz laulawc yaq; tsuingshiq thuinz vmungx htenc kuex kvkax wax thenc laz juing tvluing yaq. Tsuingshiq kuex Tishox mvnhttonc rvhumc wuez yaq.

Revelation 17:5

Piq khaungkuimx nuex, “Mungkawx wawc mephex nyuiuz rulx lotlaz nuiyc layx vbac lvmx tvyaq jix lotlaz muex vnyuiuz, yungc loayc hvlc Babelon ghaqyungx,” ngoz tueq vhttuiyq vpuiuc nuiyc thuiuz sungx hvlc vlvmz httax yaq muingc vshiz wuiyq shec tueq.