Hebrews 13:8 - Hawa Naga Bible 2001

⁸ Yesu Christu kuex m-yac raungnuiyq, majuiuc raungnuiyq, yix wawc pat vjat mkaq muinz rv-ngvlc dvyx httaz yaq.

ASII LAKDAP Bible (BSI)

⁸ Jesuq Khristo ka klaimak. Apaiq ka man niimin klaimak. Ümchaü min klaimak. Kiimaq rawiichii niimin klaimak.

Muklom

⁸ Jesu Khristo sha baja, thaney, etho salwet arum.

Hebrews 13:8 Referencias Cruzadas

RAPHA HIQWA LAK 21:33

Kvruex yimaq Abraham rueq Bersheba nuex dumx wauk jungx kuex khic vtueq, Yehowa Pattup Pat-sac Tishox muex nawk palx kuq tueq.

Tvtsvmc 103:17

Yuq muinz Yehowa muex tvtsanc nganc jix htenc htauk nuex, vpiq lungwawc thuinz kuex pattup httax yaq,

Tvtsvmc 90:2

Kuz vkanx htenc max tvdung sung shauk nuiyc mungkawx max dung jauz nuex phuex mnoz kuex vphaungc vyaungc Tishox rvtoq, vhtumx vguez pattup pat-sac Tishox muinz mnoz rvtoq.

Tvtsvmc 90:4

Mnoz tvkoc wawc hingshiz kuex nuiyqshiz ikhoc yaungx vtueq; kvruex kuex lvy wvnc tueq m-yac raungnuiyq nuiyc tut hvlc raungwvrx hvlwvlc ikhoc yaungx yaq.

DUNGWVNC 3:14

Tishox rueq, “Ngaz kuex Ngaz rvtauk. ‘Ngaz rvtauk ngoz tueq kvmuingc jix waz rueq nuimshiq kox nuex ngaz tvkaz phuex,’ ngoz tueq Israel miqsaz muex jungx kuq shuiuz.

ISAIA 41:4

Vkhoc tvyaungc jix kuex ukhaq lac rvtvnx? Pat shiz maq pat shiz mvnphvnc kuex uraq lac phvnx jvnx yaq nguinx? Ngaz, Yehowa kuex vphaungc vyaungc maq phuex vhttax rvtauk, Ngaz, Yehowa kuex vtvsuip nuex muinz vhttax rvtaungx.

ISAIA 44:6

Israel kuex guimz lawc vtueq tvkhup wungx yaq Yehowa, Tvphaungc Tvsuip Yehowa rueq, vkhoc jungx tueq: “Ngaz kuex vphaungc waz nuiyc vtvsuip waz ngoz yaq Tishox rvtauk; ngaz maq lvy vtueq tishox vganc vguez.

MALAKI 3:6

“Ngaz kuex Yehowa rvtauk, ngaz kuex kvlayc kaz taungx rvmuq. Kvkhoc rvtueq Yaku suiuz vsaz phvnx htenc lex, nuimshiq kuex dup suik momaq wvnc vtuinx rvmuq.

2 Corinthians 1:19

Yvmx khoc lac ngoz ruiux lec ngaz maq phaungc vtueq Sila nuiyc Timothy nuiythuimx rueq nuimshiq muex Yesu Christu kuex Tishox Saz rvtueq lvmx tvluing kuq phix kuex, “Rvtueq” nuiyc “Rvmuq” kuex rvshot rvshauk waz rvmuq. Vsuing ngoz ruiux vpiq kuex Tishox thuinroc lvmx ngoc, “Rvtueq” ngoc jix waz rvtueq;

2 Corinthians 1:20

vpiq kuex Tishox bomkhvmc lotlaz tvkoc, “Rvtueq” ngoz tueq tvkhic kuy jix waz rvtueq. Kvkhoc rvtueq naungshiq rueq Tishox ngauz vngax tvdungc tvkoc Yesu Christu nuex “Amen” ngoz vshix rvtueq.

Hebrews 1:12

Mnoz rueq hungyungx ikhoc kvruex htenc kuex tul gay shuiux, khoz vkhvy ikhoc layc gay tsuingshiq rvhumc tuex. Yuq muinz mnoz kuex mkaq muinz rv-ngvlc dvyx, mrullungx muinz vhtumx ngoz tueq vguez.”

James 1:17

Vhvlx nuiyc hunghtaungx yaq kejux yauk noalc vngoz htenc kuex raungmungx raungwuic shvmx htenc Tvdung sung ruiux raungnyauk kuex ruip rux vtueq tvyek yix muq raungmungx nuex httax yaq Tishox kox wawc svt kaz tueq.

Jude 1:25

vshiz dvyx httax yaq naungshiq Palc daungc jix Tishox kuex naungshiq Taungjix Yesu Christu ningkhvnc nuex ngauz vngax, tvphaungc tvsuip, hungc vlaungc nuiyc vrangx vpangx, lvy wvnc tueq jauz maq majuiuc nuex ngoz ruiux muinz, pattup pat-sac ngoz ruiux muinz httax ruq mhttax wvnc kueq! Amen.

Revelation 1:11

Kvruex thuic tvruingc kuex, “Mnoz rueq khiz vshuiux phvnx htenc kuex luik dvp nuex wuiyq vtueq, Ephesu, Samirna, Pergamum, Thiatira, Sardi, Filadelphia, nuiyc Laodikea nuex httax yaq phungc mvshix nuex tvwvnc shuiuz,” ngoz tueq.

Revelation 1:4

Ngaz Yohan rueq Asia mungx hong nuex httaz jix phungc mvshix muex luik wuiyq tvwvnc vphaungx. Majuiuc pat, mvnnuex pat, yix maq pat nuex muinz httax hvt dvyx httax yaq Tishox kox wawc muinz, vpiq hoc daungraungc khaungkac nuex httax yaq siyac mvshix kox wawc muinz,

Revelation 1:8

Majuiuc pat, mvnnuex pat, yix maq pat nuex muinz httax hvt dvyx httax yaq Tvphaungc Tvsuip Taungjix Tishox rueq, “Ngaz kuex vphaungc nuiyc vtvsuip rvtauk,” ngoz tueq jungx tueq.