Biblia Todo Logo
La Biblia Online
- Anuncios -




EJRA 5:8 - Hawa Naga Bible 2001

8 “Nuiyshiq kuex Yuda mungx hong nuex kaz vtueq yunghvlc Tishox Shomc Yuimx kuex guirx yaq lungpoz yungx htenc nuiyc palx ruk pulx tvnz htenc maq tvhungx guirx tueq kuex khiz lvp vshix. Kvruex yauk shuimc kuex honc lvmz hvt maq shuimx kaz vtueq, phuinz shishiz maq yungx wvnc yaq kuex Taungjix hokhvmx waz muex jungx tvtay vphix.

Ver Capítulo Copiar

ASII LAKDAP Bible (BSI)

8 “Riita, Ajongwe Chaü lei, naishiq raq ümniima tsütsa akhek ashi tiitai wan rotiikai. Naishiq ka Judia wang na kilaita liikikai. Kiimaq ajong pinthum Shiikeawe Shomjam kaü ka longdam jonghea hea kaü hit raüta tiihea hai wantlo chhiki kai. Kiimaq long khetuk niika pepen tipi maq hai wantlo. Riita ara chongtiikai, Shomjam arka thukhea tsomhea maq tiisap tiida raüta hai wan tlo. Krai mren, jaqsham ka pinthum athuk atsom wiq maq shamtlo. Kiimaq jaqsham ka pharang rang maq tlot wan wan shamtlo chhiki kai.

Ver Capítulo Copiar




EJRA 5:8
20 Referencias Cruzadas  

Vthuq wvnc rvhumc jix miq paunghvlc kuex Babelon mungx maq kvtenc waung wvnc ruiux Yerusalem nuiyc Yuda mungx nuex yek vtueq, miqmac ghaq vraungx htenc nuex yek waung wuez tueq. Tsuingshiq yuimx taungx htenc kuex Hokhvmx Nebukhadnezar rueq tsuingshiq kuex khoktep miqsaz ikhoc lvp thuq wvnc ruiux Babelon mungx nuex thuq wvnc rvhumc vtueq vhttax hez rvtueq.


“Nuex, Honoc Dariu lex, mnoz rueq nomic maq guimz lawc shuiuz.


“Shomc Yuimx guirc yek muex nuiyc kvruex tvsvp rvp tvkoc tsuingshiq muex vrangx vpangx uraq lac kuq tvnx kuex nuiyshiq muex jungc tvtay kuy tvkoc mungx miqsaz walaungx bix muex wisoz vshix.


Vkhoc shuimc lvmc juing rvtueq, kvkaq Raungmungx Tishox rueq lvp wvnc shuex shomc nawk kuy juing htenc kuex tsuingshiq rueq shomc kuq lvp shuex, ngvy htauk nuex muinz, isaz hez htauk nuex muinz vpiq ruimrix kejux lvp wvnc tvkoc vjux thoz kuq wuez phuex.


Khoalx tuk kuex lung tvdvnc thuimx raz tueq tvdvnc tek htauk kvyuq pulx tvnz vphuq taq ruiux tuk juing rvtueq. Shuimc rax yaq lotlaz kuex hokhvmx tsak tumz wawc kuy juing rvtueq.


Mnoz kuex Raungmungx Tishox rueq nvr yaq rulc rv-ngvlc vpiq Shomc Yuimx tvkoc rax yaq phvnx ruip saz kuex honc lvmz hvt maq kuq noalx shuiuz, kvkaq vpiq kuex ngaz nuiyc ngvy yix nuex guimz lawc jix htenc muex vsuing mkaq muinz thuinkhaq tuex rvmuq.


Vganc miqghaq htenc nuiyc ghaqyungx htenc nuex Israel miqsaz htenc, shomc waz bix, Lewi miqsaz htenc, shomc yuimx yauk shuimc jix htenc nuiyc Solomon nvrc waz hez suiuz vsaz htenc kuex miqmac ghaq vraungx nuex httax wuez tueq. Yerusalem nuex httaz jix Yuda mungx wawc vyungx vlaungx bix muingc wvlc kuex vkhoc rvtueq: Zecharia suiuz, Uzia saz Athaia, vganc piq jix vwaz htenc nuex Amaria, Shephatia, Mahalalel nuiyc Yuda saz Pereza suiuz vsaz hez kuex lomx tueq.


Babelon Hokhvmx Nebukhadnezar rueq lvp thuq wvnc tueq maq phaungc vtueq, Babelon mungx nuex httax yaq wawc yek waungc jix htenc kuex miqmac httaz juing rvtueq, Yerusalem ghaq nuex nuiyc Yuda mungx wawc miqmac ghaq vraungx htenc nuex yek wuez tueq.


Hokhvmx Ahasuru rueq Persia mungx ghaqnyuiuz jungx Susa nuex httax yaq piq hokhvmx hoc nuex ngaungc vtueq, India mungx maq Ethiopi mungx nuex httuiuc laz mungx 127 kuex guimz tueq.


Yuimx taungx waz rulx ruip rawx kuex miqmac yuimx taungjix muex yaungx vtueq vtvsuip vrangx vpangx maq jungphvnc kuy tvkoc mungx hong vshiz maq vshiz kvjak yaq kvjaz nuiyc mungx hong nuex wuiyq tueq bomjungc kuex hokhvmx mungx hong baung ruip saz nuex phvlx tueq.


Yehowa kuex yungc loayc hvlc ningkhvnc nuex pinhtumc tvtsvmc aungx yaq rvtueq; vpiq yungx luz yaq lvmx kuex vtuiuz tay lot juing rvmuq.


Hokhvmx waz rueq jungx tueq, “M-Tishox kuex tishox lotlaz htauk nuex vyungx pinhtumc, hokhvmx bix htenc kuex guimz jix Taungjix rvtueq, vhttuiyq vpuiuc vruez kuex tvkhic jix waz rvtueq. Vruex vhttuiyq vpuiuc vruez kuex mnoz rueq jalc jungc kuy lot ningkhvnc nuex ngaz rueq tuiuz lvp tauk,” ngoz tueq.


Kvkhoc rvtueq Nebukhadnezar kuex wvrkez kaluix nuex kaz vtueq, “Shadrak! Meshak! Abetnego! Johvlc Tishox nvrc waz hez! Dung kaz luit!” ngoz rueq ramc tueq. Tsuinghez muinz lvmx lvy dung kaz tueq.


Johvlc Tishox rueq ngaz muex tvkhic kuq phuex vtawz juing nuiyc vwangc juing htenc kuex tay shuinz.


Ngvy mungtan nuex httax yaq miq tek rueq Daniel Tishox muex hiyaz vtueq tvtsanc nganc aungx yaq ngoz tueq nvr vphaungx. “Vpiq kuex vtvraungx Tishox, vpiq rueq pattup pat-sac guimz lawc shuex. Vpiq mungtan kuex mkaq muinz bac kaz tuex rvmuq, vpiq luimc vkawc kuex mkaq muinz htumx kaz tuex rvmuq.


Yehowa nuimshiq Tishox kuex tishox htenc lotlaz htauk nuex muinz luimc vkawc httaz hvlc. Vpiq kuex yunghvlc raz tueq hungc vlaungc mvrc yaq ningkhvnc nuex vhiz juing rvtueq. Vpiq rueq miqsaz htvlx phawc kuex thvl muq, khauloayc yauk noalc thoz muq.


Tsuingshiq muex ralx yaungc jix hez rueq miqmac tishox htenc hungc vlaungc yomx yaq kvmuinz, Israel Tishox ikhoc hungc vlaungc vguez kuex tsuingshiq rueq tuiuz yaq.


Síguenos en:

Anuncios


Anuncios


¡Síguenos en WhatsApp! Síguenos