EJEKIEL 7:26 - Hawa Naga Bible 2001

²⁶ Jamjaux kuilc daz kuex vshiz maq vshiz rueq phvnx vtueq jauz susuc saz maq kaz wvnc yaq vbac thuix thaungx htenc kuex dung wvnc tuex. Shvmmax bix tsuingshiq rueq tvluz nuex khiz wvnc tueq lvmx htenc kuex jalc tvkhic tvkoc mnoz rueq thoz shuiux. Shomc waz bix muinz miq htenc muex tvluingc kuy juing yvmx muinz humc shuex rvmuq, walaungx bix rueq muinz tharc jungx thenc muq rvshuex.

ASII LAKDAP Bible (BSI)

²⁶ Phanshi then jai phanshi mithen wan. Bihea mra pin raq tong wan wanli she miraq. Namshiq raq shammibi ma riisham makchhi bom miitu mitiipaiq nea han. Ramwebi raq mung maiqse ma jamlai tsütsa shrinke chang min ahü miraq. Kiimaq shiilangbi riimin namshiq ma hon atsii chongke chang jam min ahü she miraq.

EJEKIEL 7:26 Referencias Cruzadas

Tvtsvmc 74:9

Nuiyshiq kvmluimx nuex seng yaq vsawc mvhttarc htenc kuex khiz miq shex; kvyuq shvmmax washiz muinz httax muq shex, mtanc nuex httuiuc laz vkhoc yaungx wvnc tuex lvmz kuex uraq muinz tuiuz muq.

ISAIA 47:11

Kuilc daz kuex mhtauk nuex httuiuc wvnc tuex, mnoz luinglawc vthenc maq muinz kvruex kuex tvthauk lot shuex rvmuq. Mnoz rueq mkaq muinz maung maq maung muq shauk bac wvnc lvmz kuex mnoz nuex huingc rvhek maq httuiuc wvnc tuex.

JEREMIA 18:18

Kvruex yimaq miq htenc rueq, “Yeremia muex phvnx shishiz ruez thalx ix! Naungshiq muex tvhonc tvtharc tvkoc shomc waz bix, naungshiq muex tharc jungc kuy jix wvtharc miqsaz htenc nuiyc Tishox bomjungc kuy jix shvmmax bix kuex mkaq muinz vhttax rvtuex. Piq rueq jungx yaq kvjaz kuex tay miq maq, piq mvrax dvyx thuiyx wuez ix,” ngoz tueq jungx wuez tueq.

JEREMIA 21:2

“Babelon hokhvmx Nebukhadnezar nuiyc piq nolaungx bix rueq ghaqyungx kuex komc gay tueq ningkhvnc nuex, naungshiq tvkoc Yehowa kox wawc kejux maq jungx kuq koq. Yehowa rueq naungshiq tvkoc vpiq vwangc juing phvnx shishiz tvyaungc vtueq Nebukhadnezar kuex mtvyek gay shueq.”

JEREMIA 37:17

Kvruex yimaq mtanc rvmuq nuex Hokhvmx Zedekia rueq ngvy tvdungc gay miq tvkaz tueq, kvruex hoc mungx kvyuq, “Yehowa kox wawc bomjungc httax yek tueq haz?” ngoz tueq ngaz muex wiz phuex. Kvkhoc rvtueq ngaz rueq, “Vhttax,” kvruex kuex “Mnoz Babelon hokhvmx waz yauk nuex lekuy rvhumc tuiux lvmz rvtueq,” ngoz tueq tvralc jungx yek tauk.

JEREMIA 4:20

Thuimkux kuex phvnshiz maq phvnshiz httuiuc wvnc yaq; wvmungx tuimx bac wvnc tueq. Naungshiq tap htenc kuex huingc rvhek maq bac wvnc tueq; kvruex tuk juing htenc kuex kvjuirc kaz wuez tueq.

AJONJÜ 2:9

Palx kaluix phuinz vphux htenc kuex ghaq nuex kvluip wvnc vtueq, tsuingshiq kaluix taung juing htenc tvhuyx tvhut rop gay tueq. Hokhvmx waz nuiyc muingc jungc vhttax jix htenc kuex majuiuc vthuq lvy rvhumc tueq. Tvrac kuex tvluing wuez muq, shvmmax bix rueq muinz Yehowa kox wawc romzyac lvp wuez muq.

EJEKIEL 11:2

Tishox rueq ngaz muex, “Vthueyc rvyaq miq waz lex, vruex ghaqyungx vyuq vbac kvmungx kuy jix layx bac jix hez kuex vruex hez vruex rvtueq.

EJEKIEL 12:22

Vpiq rueq, “Vthueyc rvyaq miq lex, yvmx ngoz tueq lac Israel miq htenc rueq, ‘Vkhing kuex lvy wvnc vtuex tvluz nuex jungx wvnc tueq kuex yvmx rvtueq lac yaungx muq?’ ngoz tueq bomc tvguip kuex tvyez kakaz jungx yaq nguinx?

EJEKIEL 14:1

Israel miqsaz walaungx bix wvyvmc kuex Yehowa thuinroc lvmx nuex seng vtueq ngaz rulc rvjungc phvnc tvkoc kaz ruex.

EJEKIEL 21:7

Tsuingshiq rueq mnoz yvmx ngoz tueq lac kvbot nyvnx kaz tuiux, ngoz tueq mnoz muex wiz ruiux yuq, kvruex kuex httuiuc wvnc yaq wawc thuix thaungx ningkhvnc nuex rvtueq ngoz tueq tsuingshiq muex jungx shuiuz. Kvruex thaungc kuex httuiuc wvnc ruiux yuq, tsuingshiq thuinz vmungx nuex vhiz yaz thuinz mvrc wvnc vtueq, tsuingshiq yauk htenc nulx wvnc ruiux tsuingshiq nuex httax yaq khvmc thuinz kuex yomx wvnc vtueq tsuingshiq laungkuix htenc kuex kv-khuirc wvnc tuex. Kvruex yaungx wvnc tuex vkhing kuex vyuq httuiuc waung shex.” Johvlc Yehowa rueq jungx tueq.

EJEKIEL 22:26

Shomc waz bix rueq ngvy tvrac kuex tvbac gay ruiux, vsawc taungx vwawx kuex tvtsanc nganc muq. Tsuingshiq rueq vsawc nuiyc sawc muq kuex tvrv-phvlc muq. Tsuingshiq kuex vsawc nuiyc sawc muq phvnx kuex rv-ngvlc muq lvmz tvluing wuez muq, Vguilc Raungnuiyq kuex bvlvmx lawx muq. Kvkhoc ningkhvnc nuex Israel miqsaz kuex ngaz muex tvtsanc nganc wuez muq.

EJEKIEL 33:31

Kvkhoc rvtueq ngvy miqsaz htenc kuex mnoz rueq jungx shuiux kuex tay tvkoc rvtuimx kaz wuez yaq, yuq muinz mnoz rueq jungx shuiux kvkhoc tsuingshiq rueq shuimx kaz muq. Tsuingshiq nuix bar nuex lungwawc bomc poz htenc jungphvnx ruiux muinz, kvkax wax lvmx nuex phvnx ruq dvyx rvtueq.

EJEKIEL 8:1

Naungshiq lvp thuq wvnc phuex wawc tvruk yapix lex tvruk raungx bv-ngac raungnuiyq, Yuda mungx wawc vthuq laq walaungx bix kuex ngaz rulc vdvmz ngvy yuimx nuex ngaungc wuez yaq. Johvlc Yehowa luimc vkawc kuex huingc rvhek laz maq ngvy htauk nuex httuiuc kaz tueq.

LEWI 26:18

“Nuimshiq kuex kvtanc khvnc murx rvhumc ruiux muinz ngvy kvjaz tay muit httax yek ruiux yuq, ngaz rueq nuimshiq muex murx htvp mvshix tvgurc yek phaungx.

LEWI 26:21

“Nuimshiq rueq ngaz muex khawx lvlx vtueq ngvy kvjaz tvlvlc ruiux yuq, ngaz rueq nuimshiq muex murx htvp mvshix tvgurc yek phaungx.

LEWI 26:24

ngaz kuex nuimshiq kox wawc kvwek wvnc vtueq kungkhux wawc htauk nuex muinz jvnc vtueq htvp mvshix murx tvgurc yek phaungx.

LEWI 26:28

ngaz kuex thuinz tvkhaq vtueq nuimshiq kox wawc kvwek wvnc ruiux kungkhux wawc htauk nuex muinz jvnc vtueq htvp mvshix murx tvgurc yek phaungx.

Mikha 3:6

“Shvmmax bix lex, nuimshiq raungnuiyq kuex htumx wvnc vtuex; shalx kuex nuimshiq htauk nuex nyuip wvnc vtuex. Nuimshiq rueq ngvy miqsaz htenc muex lvmx shvlc tvyaq tuit ningkhvnc nuex, nuimshiq nuex shvmmax romzyac tvkhic kuex khiz shuinx rvmuq shex, yvmx lvmx yuq muinz nuimshiq rueq rawshvmx bomc jungx lot shuinx rvmuq,” ngoz tueq jungx tueq.

MALAKI 2:7

Tishox tsuingrux phaqjic tvluingc jungphvnc kuy tvkoc kuex shomc waz bix rueq shuimc juing rvtueq. Tsuingshiq kuex Tvphaungc Tvsuip Yehowa kamx waz hez ningkhvnc nuex miq htenc rueq ngvy thuinroc lvmx tuiuz lot tvkoc tsuingshiq kox nuex kay juing rvtueq.

MALAKI 2:9

Kvkhoc rvtueq ngaz rueq Israel miqsaz muex nuimshiq kuex tvsuirc sac gay phaungx, yvmx khoc lac ngoz ruiux lec nuimshiq rueq ngvy thuinroc lvmx phvnx muit, ngvy miqsaz htenc muex tvluing kuq shuinx nuex htvlx phawc thvl vshuinx ningkhvnc nuex rvtueq.”

TRI CHONGKE 32:23

“‘Ngaz rueq tsuingshiq htauk nuex htumx muq maq muq kuilc daz jamjaux htenc tvkaz vtueq, ngvy laqsvnz lotlaz maq tsuingshiq kuex tvgap gawx shaungx.

1 SAMUEL 3:1

Nox Samuel kuex Eli rueq jungphvnx yaq kvkhoc Yehowa muex shuimx kuq yaq pat nuex, Yehowa kox wawc bomjungc muinz dung muq vkomc lanc, vpiq kox wawc romzyac tvkhic muinz httuiuc muq dvyx vkomc rvtueq.