EJEKIEL 7:24 - Hawa Naga Bible 2001

²⁴ Ngaz rueq layx bac miqphvnx htenc kuex vruex mungx vyuq tv-nyuip ruiux tsuingshiq yuimx vwuik htenc kuex tvlvp luz wvnc shaungx. Mnoz rueq nawk palx vshuiux baung htenc nuex miqphvnx htenc muex tvshuy shac gay tauk nuex, mnoz hunglaungc httax hvlc waz hez kuex kvmluimx thuinz htumx wvnc tuex.

ASII LAKDAP Bible (BSI)

²⁴ Ngi raq maiq mung abi pinthum mung thun ka ajaq mishea wanha. Lata tsangshiq ma namshiq jam thun kra milikuqha. Namshiq raq phra sumla thun shomnoq wan chang hiqba thun kra ngi raq tsangshiq lümaq mitiishebaiq ha. Kra riihala namshiq phongwa srea nola jongbi kiimin ahok ajaq tiikhai rokrok, ningkun ahü she, tsang tsaiji wiita she midoq.

EJEKIEL 7:24 Referencias Cruzadas

RAPHA HIQWA LAK 47:26

Kvkhoc rvtueq Yosep rueq Ejip mungx wawc tuiz vtsvmz dung yaq kuex mvnz bv-ngac wawc mvnshiz kuex hokhvmx waz muex kuy juing ngoz tueq, wuik vnax tvrac phvnx shiz taq wvnc tueq. Tvrac kvruex kuex majuiuc nuex httuiuc laz phaungx ngaungx yaq. Shomc waz bix wuik vnax dvyx hokhvmx waz yauk nuex httuiuc muq.

Tvtsvmc 106:41

Vpiq rueq tsuingshiq kuex vganc miqsaz luimc vkawc nuex lekuq gay ruiux, tsuingshiq ralx htenc rueq tsuingshiq kuex guimz lawc wvnc wuez tueq.

Tvtsvmc 74:7

Tsuingshiq rueq Mshomc Yuimx kuex rop wung gay ruiux wvr maq jauk gay tueq; mnoz muex nawk palx juing baung kuex tsuingshiq rueq tvshuy shac gay yaq.

Tvtsvmc 83:12

“Tishox rueq guimz yaq ghaq vraungx kuex naungshiq rueq naungshiq tvkoc lvmz ix,” ngoz tueq uraq lac jungx lot shvnx.

ISAIA 5:14

Wulumx mungx kuex tsuingshiq tvkoc khvmz svy thuiuz muex vnuix kuex tvkac taq yaq. Kvruex kuex Yerusalem wawc vyungx vlaungx bix rulc vdvmz nuex rvmulc tsvlc thuirx tvruingx yaq miq talaz daungx htenc kuex yuk gay tueq.

JEREMIA 12:12

Kumtsvy tvnx wawc ghaq luimx vjoz lotlaz kuex yanz vtueq khvt nyvlc tvkoc miq htenc kuex kaz yaq. Ngaz rueq wvmungx tuimx tvbac gay tvkoc ralx tvlung tauk; washiz muinz nomic httax lot tuex rvmuq.

JEREMIA 17:4

Mmvrax ningkhvnc nuex nuimshiq muex ngaz rueq kuq phaungx mungtan kuex tuip gay shec shuinx. Ngvy thuinkhvy kuex wvr ikhoc ningkhvnc nuex pattup luic hvt luic vtueq, ngaz rueq nuimshiq kuex miqmac httuiuc muit shauk doc mungx nuex ralx muex shuimx lvmz kuq wuez shuinx,” ngoz tueq jungx tueq.

JEREMIA 4:7

Piq kvhttuiyq juing baung wawc dung kaz yaq hangsic ikhoc, miqphvnx ruip rawx tvbac gay jix waz kuex dung kaz yaq. Piq kuex Yuda mungx tvbac gay muex kaz yaq. Yuda ghaqyungx htenc kuex bac wvnc vtueq, miq vshiz muinz httax tuex rvmuq shex.

JEREMIA 6:12

Tsuingshiq yuimx htenc wuik vnax htenc tsuingc taungnyuiuz htenc kuex vganc jix kox nuex httuiuc wvnc tuex. Ngaz rueq vruex mungtan wawc miq htenc muex murx tvgurc shaungx.

AJONJÜ 5:2

Nuiyshiq tsak vnyvmx kuex juiuc httuingx wuinz waz yauk nuex nyuip woz vtueq; pungnuk miqsaz muinz nuiyshiq yuimx htenc nuex httax yaq.

EJEKIEL 21:2

Vpiq rueq, “Vthueyc rvyaq miq lex, Yerusalem kuex shummarc shuiuz. Miq htenc rueq nawk palx yaq baung kvmuinz shummarc gay shuiuz.

EJEKIEL 21:31

Luic thuiyc yaq wvr ikhoc mhtauk nuex ngaz rueq ruiuc gay ruiux yuq, mnoz kuex ngvy thuinkhvy rulc rvhumc tuiux. Ngaz rueq mnoz kuex guirguenz vtueq tvbac gay jix hez yauk nuex lekuq gay phaungx.

EJEKIEL 24:21

Israel miqsaz muex vruex bomjungc kuex jungx kuq shuiuz: Mnoz kuex Shomc Yuimx hungc vlaungc muex ngamc ngax vtuiux. Mnoz rueq kvruex lawc roc vtueq kvyuq guilc kaz vtuiux, yuq muinz Yehowa rueq kvruex baung kuex tvshuy shac gay shuex. Yerusalem nuex tvjungx taq shec tueq m-yuimx wuinz wawc yalxtux yalxrox bix kuex ralx rvlungc nuex thvy gay rvhumc tuex.

EJEKIEL 28:7

mnoz kuex khvt muex menjenc thuinz vguez ralx hez kuex ngaz rueq shvlx laq raungx. Tsuinghez rueq mnoz vthenc vtuiuz nuiyc taksux tharc maq vlvp taq svp hvlc taungx vwawx lotlaz kuex tvbac gay shuex.

EJEKIEL 33:28

Ngaz rueq kvruex mungtan kuex kuiyqshuik kuiyqkhvmx muex tvyaungc ruiux, tsuingshiq ngamc ngax yaq luimc vkawc kuex tvhtumx gay shaungx. Israel kanx htenc kuex pinhtumc htvy hvlc luingx muex yaungx wvnc vtueq, ukhaq muinz kvmaq khuemx lot muq rvtuex.

JEPHANIA 1:13

Tsuingshiq tsak vnyvmx htenc sumx wvnc ruiux yuimx htenc tvbac gay shuex. Tsuingshiq rueq vguirx yuimx htenc kvyuq mkaq muinz httax lvp tuex rvmuq, svpiq sunc khic yuingc taq ruiux muinz svpiq tix nuingx lvp shuex rvmuq.”